زواج البنت الصغيرة قبل الكبيرة..........

[الرايقه]

لو أتى شاب مع اهله لبيتكم والبيت فيه عدة بنات ليخطب منكم والمفاجأة انه تمت

خطبة البنت الصغيرة ولم يتم خطبة الكبيرة )

**انتي كبنت اكبر ماذا يكون شعورك في هذه اللحظة وما الاحساس الذي سوف يراودك

بكل صراحة؟

**انت كأب او اخ هل ستوافق على زواج الصغيرة قبل الكبيرة او انك ترفض زواج

الصغيرة حتى تذهب الكبيرة في رزقها ؟



يرفض كثير من الاباء هداهم الله تزويج البنت الصغيرة قبل الكبيرة
وعلى الاب عدم الاعتراض لانه مثل ما نقول نصيبها وجاها اما لان الولد مختارها هي بالذات ولا يريد الكبرى او الاهل شافوا الصغيره واعجبتهم اكثر من الكبرى او لان الولد صغير ولايريد البنت الكبرى لانها اكبر منه وبالتالي يريد الصغرى

ومن اسباب رفض الاب الخوف على مشاعر بنته الكبيرة على شان كذا مايزوجون الصغيره قد يكون هناك أثر نفسي على الكبرى لكن هذا الأثر بسيط وسرعان ما سيزول إن شاء الله


بعض الاحيان لما تتزوج الصغيرة قبل الكبيرة سبحان الله تفتح الباب على اختها ويجون ناس ويخطبونها ،،
اما لما يوقفون بناتهم على شان الكبيرة تروح محد يجي وتتقفل الدنيا كلها ،، وكل الناس تعرف ان الابوة مابيزوج بناته لين ماتروح الكبيرة

وانا عندي امثله على ناس زوجوا الصغرى قبل الكبرى وبعدها بفترة تزوجت الكبرى
وناس مازوجوا الصغيرة علشان الكبيرة وبالتالي عنسوا الثنتين

من وجهة نظري النصيب لابد ان ان يصيب

شاركونا الراي انتن ايها النساء مارايكن وانتم اولياء الامور اباء او اخوة؟؟؟

[عاشق الشهادة]

تشكرين يـ الرايقه على الموضوع

وبخصوص زواج الصغيره قبل الكبيره ؟

أقول هذا؟ قسمه ونصيب!!!

[Abu Deeb]

قسمتها ونصيبها
والرفض من الأهل يكون جهل بصراحه وبدون زعل
والأخت الكبيره العاقله هي اللي بتفرح لاختها

تقبلي مروري

[الزاجل]

قسمة ونصيب

ارضى بالنصيب يرتاح الحبيب .

[أم نوره]

اختي الرايقه مافي مشكله
انا تزوجت قبل اختي الكبيره وكان شيء عادي ولا اهتمت بالموضوع
والله أني سألتها قبل لا اوافق
ومثل ما قلتي قسمه ونصيب

[هام السحاب]

قسمه ونصيب :)

[الوعد2016]

كل واحد ياخذ نصبيه ويمكن الاضغر افضل من الكبيره في مقايس معروفه
والكبيره يمكن افضل ولكن ربما الصغيره مطلوبه بمتياز للعريس من اجل شي معين في قلب العريس

[صمت القلوب]

انا بنظري .... كل شي قسمه ونصيب ...والزواج بالذات ...
لان يعض الاهالي الله يهديهم .... على بالهم ان هالشي بيجرح مشاعر البنت الكبيره ...
المفروض كل البنات يؤمنون بان كل واحده بيجيلها نصيبها ...سواء اختها تزوجت قبلها او ماتزوجت ...
موضوع جميل اختي الرايقه ...
لج خالص تحيــــاتي ..

تقبلي مروري

اختك ... صمت القلوب

[المركزي]

الزواج قسمه ونصيب

[فارس الكلمة]

و هناك من الآباء .. من يرفض زواج الأخ الصغير قبل الكبير ..

يعني المسألة بالدور .. الكبير الأول .. ثم الصغير .. و هذا ينطبق على البنات أيضاً عند بعض العوائل ..

[ANONYMOUS]

اتباع اسلوب الكبرى فالصغرى غلط


اي وحده يجيها نصيبها.. صرفها علىسعر السوق.. لا تطيح بجبدك وعقب تبيعها بخساره

رأي واحد متأثر بالاسهم كثيرا

[لاداعي]

نصيب من رب العالمين لكن في ناس متعقدين من هاااي الموضوع

الله يكتب الى فيه الخير وجزاك الله خير على الموضوع:)

[طارق]

تخلف للحين الكبيره وبعدين الصغيره

هالاشياء اضمحلت الحين
بعض الآباء يستخدمها كعذر عشان يرفض الرجال

[shrook]

عادي كل شي نصيب وكل واحد بياخد نصيبه

[ورقــة أمــل]

ماعندي خوات
بس لو اختي الصغيرة اخطبوها بحقد عليها وعادي اتهاوش معاها لان هاي شعور طبيعي حتى لو بنافقها وبسوي عمري ما اهتم لكن من الداخل غير.. وهالشي ينطبق على رفيجتي بعد مب بس اختي
بس مع الوقت خلاص بتأقلم لان مهما كانت هي اختي ودام احبها لازم احب لها الخيرر..

[PoBox]

ماعندي خوات
بس لو اختي الصغيرة اخطبوها بحقد عليها وعادي اتهاوش معاها لان هاي شعور طبيعي حتى لو بنافقها وبسوي عمري ما اهتم لكن من الداخل غير.. وهالشي ينطبق على رفيجتي بعد مب بس اختي
بس مع الوقت خلاص بتأقلم لان مهما كانت هي اختي ودام احبها لازم احب لها الخيرر..

كلام كبير وصريح :discuss:

[الامل القديم]

الزواج قسمه ونصيب

[الرايقه]

تشكرين يـ الرايقه على الموضوع

وبخصوص زواج الصغيره قبل الكبيره ؟

أقول هذا؟ قسمه ونصيب!!!

العفو فعلا قسمةو نصيب


قسمتها ونصيبها
والرفض من الأهل يكون جهل بصراحه وبدون زعل
والأخت الكبيره العاقله هي اللي بتفرح لاختها

تقبلي مروري

اشكر مرورك

[الرايقه]

قسمة ونصيب

ارضى بالنصيب يرتاح الحبيب .

:nice::nice:

[الرايقه]

اختي الرايقه مافي مشكله
انا تزوجت قبل اختي الكبيره وكان شيء عادي ولا اهتمت بالموضوع
والله أني سألتها قبل لا اوافق
ومثل ما قلتي قسمه ونصيب

هذا من طيبك وفقك الله

[الرايقه]

اتباع اسلوب الكبرى فالصغرى غلط


اي وحده يجيها نصيبها.. صرفها علىسعر السوق.. لا تطيح بجبدك وعقب تبيعها بخساره

رأي واحد متأثر بالاسهم كثيرا


نعم نعم واضح التاثر بالاسهم

[الرايقه]

تخلف للحين الكبيره وبعدين الصغيره

هالاشياء اضمحلت الحين
بعض الآباء يستخدمها كعذر عشان يرفض الرجال

:victory::victory:

[الرايقه]

ماعندي خوات
بس لو اختي الصغيرة اخطبوها بحقد عليها وعادي اتهاوش معاها لان هاي شعور طبيعي حتى لو بنافقها وبسوي عمري ما اهتم لكن من الداخل غير.. وهالشي ينطبق على رفيجتي بعد مب بس اختي
بس مع الوقت خلاص بتأقلم لان مهما كانت هي اختي ودام احبها لازم احب لها الخيرر..

الغيرة والتاثر النفسي شي طبيعي لكنه لن يدوم سرعان مايتلاشى
الله يوفق بناتنا الصغيرة منهم والكبيرة

اشكرك على صراحتك بس لاتحقدين مرة ثانية

[ورقــة أمــل]

كلام كبير وصريح :discuss:

شفت شلون،، بس كله يقولون لي كل ردودج عكس الناس :rolleyes2:


الغيرة والتاثر النفسي شي طبيعي لكنه لن يدوم سرعان مايتلاشى
الله يوفق بناتنا الصغيرة منهم والكبيرة

اشكرك على صراحتك بس لاتحقدين مرة ثانية

ان شاء الله

[عـيـون قـطـر]

الزواج قسمه ونصيب

[BoFahed]

للاسف في العديد من الاباء والمهات الله يهديهم (اعرفهم شخصيا ) ضيعوا نصيب بناتهم بسبب هذي الافكار المتخلفة هاي مب سوق لو بتاخذ الكبيرة عطيناك بس الصغيرة يفتح الله .

الواحد عايش في زمن ما يعلم فيه الا الله لو واحد ابن حلال(انقرضوا) يتقدم المفروض اهل العروس يمسكونه بايدهم واسنانهم

[بلاهويـــــة]

تذكرت قصة فيه اختين الصغيرة دوم يخطبونها هي ترفض تقول اختي الكبيرة قبل ومرت السنين وانخطبت الاخت الكبيرة وتزوجت وجابت اعيال والصغيرة سبحان الله انقطع نصيبها محد صار يخطبها

انا في رأيي الزواج قسمة ونصيب وإذا الصغيرة تزوجت قبل الكبيرة ما فيها اشكالية عادي بس الكبيرة بتنجرح اشوي وبتنسى ولازم اتعرف انه هذا نصيب وعسى أن تكرهوا شيء وهو خيرا لهم