أوهام سحرية للباحثين عن «الرشــاقة»

[غزلان]

«استعيدي رشاقتك في زمن قياسي»، « نساعد على التخلص من الدهون نهائيا»، «الصابونة الذكية تخلصك من الدهون المؤذية وتحت طبقة الجلد مختفية»،
«كريم التخسيس يجعلك تأكلين كل ما تشتهين »،
«اللاصقة السحرية، ضعيها بحنية على المكان المراد تخسيسه وستكون النتيجة جهنمية»،
«عقار جديد بالأسواق يفقدك الوزن الزائد من دون اللجوء إلى الحمية الغذائية أو الحرمان من الأطعمة المغرية»، «نحن نوفر لك الرشاقة بأمان ومن دون حرمان»، «شفط الدهون في اقل من ثانية من دون ألم أو تخدير ثم تذهبين إلى بيتك تركضين» ..

هذه الإعلانات الوهمية التي أصبحت تقدم الحلول والوصفات الجاهزة بشكل مغرٍ ، وحسب الطلب لكل من يرغب في الوصول إلى الوزن المثالي أو يراوده حلم الرشاقة،
ومن لا يجد بغيته في وصفة، فأمامه قائمة طويلة ومنوعة من البدائل سيجدها تطارده عبر وسائل الإعلام المختلفة، كتقليعة تحليل البصمة الوراثية،
وملابس التخسيس المصنوعة من الألياف والمواد المطاطية،
وروائح تخفيف الوزن، والحلق الطبي،
وغيرها من المنتجات التي لا يجمع بينها سوى الأسعار المرتفعة،
وزعم كل جهة أن منتجها هو الأمثل الذي يخفض الوزن في زمن قياسي..

ومع تغير نمط الحياة وانتشار الوجبات السريعة والأغذية المشبعة بالدهون وقلة الحركة وعدم ممارسة الرياضة،
أصبح الكثير من العائلات تواجه مشاكل ارتفاع الوزن،
وتؤكد الإحصائيات في الولايات المتحدة أن الأمريكيين ينفقون ما يقارب 33 بليون دولار سنويا على المنتجات الخاصة بتخفيف الوزن،
وأن عمليات شفط الدهون بلغت ثلاثمائة ألف عملية سنويا.

وهل بالفعل الأعشاب الطبيعية تؤدي إلى التخلص من الوزن الزائد ؟
وهل ما تعرضه وسائل الإعلام من وسائل مختلفة لخفض الوزن تؤتي ثمارها ؟
وهل التطور الطبي جعل عمليات شفط الدهون تتمتع بالأمان المرجو منها ؟
وهل تتم فعليا بتخدير موضعي من دون أن تترك آثارا جانبية ؟



كل هذه الأعلانات التي شعارها توهيم الباحثين عن الرشاقه واستنزاف اموالهم تسببت في أمراض ومشاكل صحية خطيره لأصحابها.!!



-
-


كيف كانت تجربتكم مع الرجيم وماهي الوسيلة التي اتبعتوها واثبتت جدارتها في انقاص الوزن؟ شاركونا لنستفيد من خبراتكم:)


،،

[بنت المنتدى]

مشكوره ياقلبي على هالموضوع اللي من جد يقهرني ...! << وانا كل شي يقهرني:shy:




استغرب من ربعي .. ياخذون الصابونه اللي تضعف :eek5::eek5::eek5: << الله ماشفناه لكن عرفناه بالعقل ....!!


واله الكريم اللي مادري شيسوي :omg:




ولا بعد ... امس اسمعهم يتكلمون عن الحبوب اللي تطووووووول الانسان :omg::eek5::omg:







والله لو اموت .. لو اصير مريم الغضبان مااخاطر بروحي لا بالحبوب ولا الكريمات ولاهالخرابيط كلها ......


وعلى فكره ترى العمليات خطييييييييييييييييييييييييييييييره وااااجد .. وياما ماتوا منهاااا لكن مين اللي يفهم .......



الموضوع كله يبغي له (( ارده + يخيطون الحلج :secret: + المشي المشي المشي )) = رشاقه دائمه ... وسوالف البلعه اللي بعد الساعه 7 او 8 بالليل لازم الواحد ينساها ........





اما الشي الوحيد اللي اشوفه عادي هو الاعشاب الطبيه احسها اذا مانفعت ماتضر .........









شاكره لج موضوعج الحلو ياحلوه:nice::nice::nice::nice:

[لاداعي]

المشي وتخفيف البلعه:cry:

[الرايقه]

لاتضرب الخمس وامش

[عاشق الشهادة]

مشكوره على الموضوع الي يخص شريحه كبيره وبالذات النساء وبعض (الرجال؟)

الحل بسيط جداً حطي الأكل الي تشتهيه نفسك


بش بشرط


لايوصل الأكل حد الأشباع لدى المعده هذا اولاً


وثانياً الماء يكون بعد الأكل وليس مع الأكل


وثالثاً تمتنعي عن القهوه والشاي لمده ساعه من بعد الأكل


ورابعاً عدم النوم بعد الأكل وهذا خطير جداً على جسم الأنسان


وخامساً وعدم الأستحمام بعد الأكل الا بعد فتره ساعتين على الأقل


ويفضل الأستحمام قبل الأكل .



ولج أختي جزيل الشكر على هذا الموضوع !!!!!

[M!ss D!or]

أنا كان وزني 100 قريب من سعر الدولي :)
جلست آكل شابورة نخالة - بغصم - لمدة 6 أشهر وطاح مني 30 كيلو + رياضة عشان يشد جسمي ويصير مثل الموزه ..
المهم وزني الحين صار 70 قريب من سعر الاسلامية :) <<<< متولعة بالأسهم :)
لان نزول الوزن بدون رياضة يخلي الجسم مترهل .

عليكم بالشااااااااابورة وبس .

[ناصر العمادي]

أنا كان وزني ستين ولكن مايناسب طولي ...180 ماشاء الله ...

فكنت متعقد من ضعفي وبديت أشرب حليب مع عسل كل يوم الصبح الحين صار وزني 80 والحمدلله مناسب لجسمي ....

الناس تدور الضعف وانا أدور المتن .....خخخخخخخخخخخخخخخخخخخخ

لكن بالنسبه للخرابيط اللي يحطونها في الأعلانات والله مانصح فيها لأن في النهايه لابد أن يكون لها ضرر حتى لو بعد سنين ....

مافي أفضل من الطبيعه

يعطيك الصحه والعافيه

الله يوفقك ويرضى عليك دنيا وأخره أن شاء الله

تقبلي تحياتي وتقديري لك

[لاداعي]

أنا كان وزني ستين ولكن مايناسب طولي ...180 ماشاء الله ...

فكنت متعقد من ضعفي وبديت أشرب حليب مع عسل كل يوم الصبح الحين صار وزني 80 والحمدلله مناسب لجسمي ....

الناس تدور الضعف وانا أدور المتن .....خخخخخخخخخخخخخخخخخخخخ

لكن بالنسبه للخرابيط اللي يحطونها في الأعلانات والله مانصح فيها لأن في النهايه لابد أن يكون لها ضرر حتى لو بعد سنين ....

مافي أفضل من الطبيعه


يعطيك الصحه والعافيه

الله يوفقك ويرضى عليك دنيا وأخره أن شاء الله

تقبلي تحياتي وتقديري لك

مادري ليش طول هالفتره أحس انك متين توني ادري انك معصقل:tease:

[غزلان]

مشكوره ياقلبي على هالموضوع اللي من جد يقهرني ...! << وانا كل شي يقهرني:shy:




استغرب من ربعي .. ياخذون الصابونه اللي تضعف :eek5::eek5::eek5: << الله ماشفناه لكن عرفناه بالعقل ....!!


واله الكريم اللي مادري شيسوي :omg:




ولا بعد ... امس اسمعهم يتكلمون عن الحبوب اللي تطووووووول الانسان :omg::eek5::omg:







والله لو اموت .. لو اصير مريم الغضبان مااخاطر بروحي لا بالحبوب ولا الكريمات ولاهالخرابيط كلها ......


وعلى فكره ترى العمليات خطييييييييييييييييييييييييييييييره وااااجد .. وياما ماتوا منهاااا لكن مين اللي يفهم .......



الموضوع كله يبغي له (( ارده + يخيطون الحلج :secret: + المشي المشي المشي )) = رشاقه دائمه ... وسوالف البلعه اللي بعد الساعه 7 او 8 بالليل لازم الواحد ينساها ........





اما الشي الوحيد اللي اشوفه عادي هو الاعشاب الطبيه احسها اذا مانفعت ماتضر .........









شاكره لج موضوعج الحلو ياحلوه:nice::nice::nice::nice:




-
انا مثلك ما اصدق الأعلانات ولا اضمن مصداقيتها
مافي احسن من الرياضه وتخفيف الحلويات

تسلمين ياعسل على المشاركه

[غزلان]

المشي وتخفيف البلعه:cry:


:nice::nice:

وشرايك بمراكز الدايت هل لها نتيجه مفيده؟

[غزلان]

لاتضرب الخمس وامش


:victory:

احسن شي حتى لو نتايجه بطيئه لكن يستمر الجسم على وزنه طول العمر

[دلة الرسلان]

وفي النهاية كل جسم واستعداده قابل للسمنة اوغير قابل !!

والمسألة كلها شغلة ذهنية اكثر منها جوع فاذا اشغل الأنسان نفسه في عمل خفت عنده حدة

الجوع والبحث عن الطعام .

[غزلان]

مشكوره على الموضوع الي يخص شريحه كبيره وبالذات النساء وبعض (الرجال؟)

الحل بسيط جداً حطي الأكل الي تشتهيه نفسك


بش بشرط


لايوصل الأكل حد الأشباع لدى المعده هذا اولاً


وثانياً الماء يكون بعد الأكل وليس مع الأكل


وثالثاً تمتنعي عن القهوه والشاي لمده ساعه من بعد الأكل


ورابعاً عدم النوم بعد الأكل وهذا خطير جداً على جسم الأنسان


وخامساً وعدم الأستحمام بعد الأكل الا بعد فتره ساعتين على الأقل


ويفضل الأستحمام قبل الأكل .



ولج أختي جزيل الشكر على هذا الموضوع !!!!!



=
العفوا عزيزتي

ولك جزيل الشكر على النصائح المهمه خاصه للمبتديئن او الناوين عمل رجيم

وشكرا بليون:nice:

[غزلان]

أنا كان وزني 100 قريب من سعر الدولي :)
جلست آكل شابورة نخالة - بغصم - لمدة 6 أشهر وطاح مني 30 كيلو + رياضة عشان يشد جسمي ويصير مثل الموزه ..
المهم وزني الحين صار 70 قريب من سعر الاسلامية :) <<<< متولعة بالأسهم :)
لان نزول الوزن بدون رياضة يخلي الجسم مترهل .

عليكم بالشااااااااابورة وبس .



اختي شابوره لوحدها صعبه:rolleyes2:

لازم ندخل معاها مواد غذائيه تعوض المفقود من الوزن من فيتامينات حتى مانتعرض لفقر دم

شكرا

[غزلان]

أنا كان وزني ستين ولكن مايناسب طولي ...180 ماشاء الله ...

فكنت متعقد من ضعفي وبديت أشرب حليب مع عسل كل يوم الصبح الحين صار وزني 80 والحمدلله مناسب لجسمي ....

الناس تدور الضعف وانا أدور المتن .....خخخخخخخخخخخخخخخخخخخخ

لكن بالنسبه للخرابيط اللي يحطونها في الأعلانات والله مانصح فيها لأن في النهايه لابد أن يكون لها ضرر حتى لو بعد سنين ....

مافي أفضل من الطبيعه

يعطيك الصحه والعافيه

الله يوفقك ويرضى عليك دنيا وأخره أن شاء الله

تقبلي تحياتي وتقديري لك



-
وانا مثلك اخوي كان وزني 55 وكنت اتمنى لو امتن < ندمت على الأمنيه:shy:

بعد الجامعه زاد شوي ورجعت سويت رجيم لين وصلت للوزن المناسب

وجزاك الله خير

[ذيبه مزاجيه]

الحمدلله ما احتاج وزني 45 وطولي 156

وانا حزات احس اني ابي اجرب اسوي رجيم ما احس اني اقدر @_@

مادري شلون الحرمان من الاكل صعب وااايد يبي له مجاهده للنفس عند الامتناع عن الاكل اللي نحبه

وانا ما شاء الله من النوع اللي ما يمتن يعني اكثر وزن اوصل له 47 ونص ((وراثه))

بس فعلا اهم شي الطرق الطبيعيه لا عمليات و لا هم يحزنون و كله كلام ينشرى بالفلوس بدون نتيجه يبيعون الكلام على الناس بدون فايده << كله في ذمتهم ان شاء الله

تحياتي على الموضوع

[الامل القديم]

اختي انا خربت

الميراميه مع الزنجبيل صراحه ضعفت عليها انا كنت بدي فقط خمسه كيلو

ونزلت لمده شهر كوب قبل النوم بساعه

وكوب في الصباح

واختي جربت الليمون مع الكمون وهم استفادة منه

كوب على الريق صباحا

الطريقه تنقعي شرائح اليمون مع الكمون المطحون في ماء حار

وتخلي المنقوع لين الصبح والصبح تاخذيه على الريق

اختي نزلت عليه 10كيلو بشهرين

[هام السحاب]

الكورنيش و اسابير مايقصرون ببلاش و نتايجها مضمونه :nice:

[غزلان]

وفي النهاية كل جسم واستعداده قابل للسمنة اوغير قابل !!

والمسألة كلها شغلة ذهنية اكثر منها جوع فاذا اشغل الأنسان نفسه في عمل خفت عنده حدة

الجوع والبحث عن الطعام .

-

كلام معقول لكن اختي في وجبات تساعد على السمنه حتى لو الشخص ماعنده قابليه مثل الوجبات السريعه المشبعه بالدهون:)

[غزلان]

الحمدلله ما احتاج وزني 45 وطولي 156

وانا حزات احس اني ابي اجرب اسوي رجيم ما احس اني اقدر @_@

مادري شلون الحرمان من الاكل صعب وااايد يبي له مجاهده للنفس عند الامتناع عن الاكل اللي نحبه

وانا ما شاء الله من النوع اللي ما يمتن يعني اكثر وزن اوصل له 47 ونص ((وراثه))

بس فعلا اهم شي الطرق الطبيعيه لا عمليات و لا هم يحزنون و كله كلام ينشرى بالفلوس بدون نتيجه يبيعون الكلام على الناس بدون فايده << كله في ذمتهم ان شاء الله

تحياتي على الموضوع



-
بما اني جربت الرجيم الخفيف لمده سنه أول الأيام صعبه وتعذيب لأن الحرمان يخليج عصبيه شوي لكن مع الأيام تشعرين براحه وتعود يصير عادي عندج تشوفين الأكل ولا تاكلين

كل الشكر

[غزلان]

اختي انا خربت

الميراميه مع الزنجبيل صراحه ضعفت عليها انا كنت بدي فقط خمسه كيلو

ونزلت لمده شهر كوب قبل النوم بساعه

وكوب في الصباح

واختي جربت الليمون مع الكمون وهم استفادة منه

كوب على الريق صباحا

الطريقه تنقعي شرائح اليمون مع الكمون المطحون في ماء حار

وتخلي المنقوع لين الصبح والصبح تاخذيه على الريق

اختي نزلت عليه 10كيلو بشهرين


-
تجارب حلوه واهو شي طبيعيه لا مواد كيميائيه ولا خرابيط

ماشاء الله عشره كيلو بشهرين ممتاز انا محتاجه بعد انزل 2 كيلو:)

[غزلان]

الكورنيش و اسابير مايقصرون ببلاش و نتايجها مضمونه :nice:


:nice::nice::nice:

[ضوى]

وهل بالفعل الأعشاب الطبيعية تؤدي إلى التخلص من الوزن الزائد ؟

ربما ان كانت فعلا طبيعية

وهل ما تعرضه وسائل الإعلام من وسائل مختلفة لخفض الوزن تؤتي ثمارها ؟

تؤتي ثمارها ولكن بعد اضافة المواد الكيميائية اليها وعادة ما تكون مضرة ولها اثار جانبية

وهل التطور الطبي جعل عمليات شفط الدهون تتمتع بالأمان المرجو منها ؟

حسب الوزن ان كان بزيادة بشكل كبير فيجب هنا المجازفة لان السمنة تؤثر على سائر وظائف الجسم الحيوية

وهل تتم فعليا بتخدير موضعي من دون أن تترك آثارا جانبية ؟

اشك في ذلك

كيف كانت تجربتكم مع الرجيم وماهي الوسيلة التي اتبعتوها واثبتت جدارتها في انقاص الوزن؟

وزني يزيد كيلو والا اثنين واتلاحق نفسي واسكر حلجي لمدة شهر انزلهم وهكذا دوالييك ولكن ولهل الحمد ولا عمره زاد اكثر من كيلوين يعني مسيطرين عالوضع:shy:

[انا احساس]

محد عاجبه حاله
المتين يبي يضعف
والضعيف يبي يمتن
والسمرا تبي تبيٌض
والبيضة تبي تصير برونزيه
.
.
.
هالشركات وهالعيادات قصدهم مادي والربح من ورى المتان المساكين
.
.
.
والمعادله الصحيحه
.
.
.
تخفيف الاكل + حركة
.
.
يعني اللي اندخله من سعرات لازم نطلعه
.
.
والله يحقق مراد كل واحد
.
.
تسلمين اختي على الموضوع الحلو والعصري :)

[غزلان]

وهل بالفعل الأعشاب الطبيعية تؤدي إلى التخلص من الوزن الزائد ؟

ربما ان كانت فعلا طبيعية

وهل ما تعرضه وسائل الإعلام من وسائل مختلفة لخفض الوزن تؤتي ثمارها ؟

تؤتي ثمارها ولكن بعد اضافة المواد الكيميائية اليها وعادة ما تكون مضرة ولها اثار جانبية

وهل التطور الطبي جعل عمليات شفط الدهون تتمتع بالأمان المرجو منها ؟

حسب الوزن ان كان بزيادة بشكل كبير فيجب هنا المجازفة لان السمنة تؤثر على سائر وظائف الجسم الحيوية

وهل تتم فعليا بتخدير موضعي من دون أن تترك آثارا جانبية ؟

اشك في ذلك

كيف كانت تجربتكم مع الرجيم وماهي الوسيلة التي اتبعتوها واثبتت جدارتها في انقاص الوزن؟

وزني يزيد كيلو والا اثنين واتلاحق نفسي واسكر حلجي لمدة شهر انزلهم وهكذا دوالييك ولكن ولهل الحمد ولا عمره زاد اكثر من كيلوين يعني مسيطرين عالوضع:shy:



-
هذي المشكله اكثر الأعلانات لاتتوفر فيها الشروط الصحيه او الأمان من الأثار الجانبيه بما تحتويه من غش في المكونات..

اهم شي نسيطر على الوضع:shy: كل مازدنا نرجع نخفف او نمارس الرياضه

مساكين احنا متعذبين بكل شي:nice:

[غزلان]

محد عاجبه حاله
المتين يبي يضعف
والضعيف يبي يمتن
والسمرا تبي تبيٌض
والبيضة تبي تصير برونزيه
.
.
.
هالشركات وهالعيادات قصدهم مادي والربح من ورى المتان المساكين
.
.
.
والمعادله الصحيحه
.
.
.
تخفيف الاكل + حركة
.
.
يعني اللي اندخله من سعرات لازم نطلعه
.
.
والله يحقق مراد كل واحد
.
.
تسلمين اختي على الموضوع الحلو والعصري :)




هذا الكلام السليم

التخفيف والحركه بركه

احيانا اذا مافيه مجال امارس رياضه اتحرك في البيت ارتب خزانة الملابس او اغير ديكور الغرفه المهم ابذل مجهود

الله يسلمك ياعسل

[هنادي]

انا ما أيد الاعشاب وادويه تخفيف الوزن ولا عمليات شفط الدهون الا لو كان الوزن جدا زايد باختصار المطلوب نظام غذائي صحي وتمارين رياضيه .

[المرعب]

بنسبه لي انا جربت حبوب من الاعشاب جيبها معي من الصين تخلي ماتحس بالجوع يعني توقف الذبذبات من المعده الين المخ وهم شي انك تشرب ماي فوق ثنين لتر وتمشي يوماً ساعه على الاقل وانا جربته الحين فوق الشهر ونزلت تغريبا12كيلو والحين وقفت منها عشان كتفيت خلاص ولازم تكل حبوب الفتيمينات عشان جسمك يفقد ويكون اكلك بسيط واجد مثل الصباح كاس حليب بودن دسم والغدا شوربا والعشا شوربا معنك مراح تحتاج تاكل بس ظروري تاكل خظروات لان الجسم يحتاجها

[غزلان]

انا ما أيد الاعشاب وادويه تخفيف الوزن ولا عمليات شفط الدهون الا لو كان الوزن جدا زايد باختصار المطلوب نظام غذائي صحي وتمارين رياضيه .


--
وانا مثلك احس انها تضر اكثر من انها تنفع وقد تسبب مشاكل صحيه اخطر من زيادة الوزن

افضل حل الرياضه وتنظيم الأكل


شكرا

[غزلان]

بنسبه لي انا جربت حبوب من الاعشاب جيبها معي من الصين تخلي ماتحس بالجوع يعني توقف الذبذبات من المعده الين المخ وهم شي انك تشرب ماي فوق ثنين لتر وتمشي يوماً ساعه على الاقل وانا جربته الحين فوق الشهر ونزلت تغريبا12كيلو والحين وقفت منها عشان كتفيت خلاص ولازم تكل حبوب الفتيمينات عشان جسمك يفقد ويكون اكلك بسيط واجد مثل الصباح كاس حليب بودن دسم والغدا شوربا والعشا شوربا معنك مراح تحتاج تاكل بس ظروري تاكل خظروات لان الجسم يحتاجها


--
فعلا الجسم يحتاج الى اهتمام اكثر اثناء الرجيم لنه ينفقد عناصر غذائيه مهمه

شكرا