مساعده يأخوان انا في طهران وما تشتغل الفيزا ..

[QAT2020]

السلام عليكم ورحمة الله وبركاتة ،،، وبعد ..

اخوتي الافاضل انا حلياً في طهران وكنت معتمد على الفيزا وتفاجأت ان الفيزا ما تشتغل عندهم هل ,
هل فيه مكان اقدر اسحب نقود من الفيزا ؟

الرجاء الرد علي بأسرع وقت وجزاكم الله خيرا ..

[بدور]

طيب حاول تتصل بالبنك اللي هنا ويفهمونك شتسوي

الله يعينك اخوي وحاول تروح اي بنك في ايران يمكن يساعدونك

[Bin Hood]

الله يسهل لك

كلم الاهل والا احد من الربع يطرش لك مبلغ اذا متوهق

[ALKASER]

try western Union

[سهم طايش]

بعض مكاتب الصرافين ممكن تعطيك كاش على الفيزا

جرب معاهم

الله وياك

[قطري عصامي]

الشيخ عندك ويستن يونيون او احد الصرافات وحد من اهلك يطرش لك عن طريقهم وخلال دقايق يوصلك المبلغ.

موفق

[عاشق الشهادة]

كم المبلغ الي محتاجه علشان أشوف لك حل !!!!

[طاش]

خل حد يحول لك مبلغ اتمشي حالك فيه

[مالك أمل]

وينك يالغالي شو صار معاك ، على أي بنك أنت ؟

[سوق واقف]

انا حاضر يالغالي كم تبغي ارسلي على الخاص العنوان

[القارمن]

ماشاالله على ربعنا راعيين واجب وهل الفزعات

[shagrh]

مســـــاء الخيـــــر

اخوى شووف شيصير معاك اذا تبى بعطيك رقم شخص بالسفاره البحرينيه بطهران وانشالله يقدر يسوى لك شى

[فـــــواز]

اخووي روح لاقرب صراف الي يحولون العملات وعطهم الفيزا ويسحبون لك المبلغ الي تبي وياخذون منك مبلغ ما يتعدى 200 ريال بالكثير انا صارت لي الحركه

وانا حاظر اذا تبي اي شي اطرشلك وشيك على الخاص

[مستثمره جديده]

الله يكون في عونك ويفرجها عليك ..

واذا محتاج اخوي طرش لي على الخاص وقول كم تحتاج ومايصير خاطرك الا طيب

كلنا اخوان ، والله في عون العبد ماكان العبد في عون أخيه

[عاشق الشهادة]

كم المبلغ الي محتاجه علشان أشوف لك حل !!!!






وينك يالغالي طمني عليك والله خوفتني عليك ياأخي اذا دبرت حالك رد علي


مايصير لاجواب ولارد!!!!

[QAT2020]

وعليكم السلام ورحمة الله وبركاتة ... وبعد

اخواني واخواتي الكرام بارك الله فيكم وفي مالكم وفي اهلكم وعيالكم امين يارب العالمين ..

اما بالنسبه لي بروح اليوم لاقرب صراف وبجرب معاهم وان شاء الله تضبط ، ولاتخافوا علي اخواني انا معاي ناس مثلكم وشرواكم بس تعرفون الواحد يستحي يطلب من احد ولكن اذا صكت علي باخذ منهم غصب :) ، واخواني والله يعجز اللسان عن التعبير عن موقفكم للمساعده ومااقدر اقول افضل من جزاكم الله خيراً في الدنيا والاخره .... امين

وتقبلوا مني اجمل باقة ورد بيضاء ...

[عاشق الشهادة]

وعليكم السلام ورحمة الله وبركاتة ... وبعد

اخواني واخواتي الكرام بارك الله فيكم وفي مالكم وفي اهلكم وعيالكم امين يارب العالمين ..

اما بالنسبه لي بروح اليوم لاقرب صراف وبجرب معاهم وان شاء الله تضبط ، ولاتخافوا علي اخواني انا معاي ناس مثلكم وشرواكم بس تعرفون الواحد يستحي يطلب من احد ولكن اذا صكت علي باخذ منهم غصب :) ، واخواني والله يعجز اللسان عن التعبير عن موقفكم للمساعده ومااقدر اقول افضل من جزاكم الله خيراً في الدنيا والاخره .... امين

وتقبلوا مني اجمل باقة ورد بيضاء ...







وأخيراً رديت الحمد لله مادام أنت بخير !!!!

[cartier]

اسمع يالغالي لا تقعد اتجرب في المكاين مالت البنك وايد ترى احتمال تاخذها المكينه

واذا خذتها ماراح يرجعونها بيصادرونها منك وما راح يردونها

واذا تبي تسحب روح بنك صادارات ايران واستعجل قبل العطله

[shagrh]

مسالخير اخوى

انا اتصلت بالسفاره البحرينيه بطهران لان اعرف فيها ناس المهم قالو لى لا ماتقدر تسحب من الفيزا شى عموما فى مجموعه شباب موجودين قطريين موجودين بطهران تبع وزاره الخارجيه ويتكلمون ايرانى وايد زين راح اعطيك ايميلى عشان احاول اوصلك لهم ويشوفون لك حل
وتشوف شنو يقدرون يسون لك

omeed2508@hotmail.com

[shagrh]

توهم مكلمينى تقدر بس تسحب من بنك صادرات لغايه 50 الف تومان

يعنى اخذ معاااك خيشه تحط فيها الفلوووس

[Qatarii]

اشهد انكم رجاجيل واهل واجب وصج ينشد فيكم الظهر
صج استانس واشوف الردود هذي الله لا يغير عليكم

[shagrh]

الناس مواقف ياخوى وانا عن نفسي لان راايحه طهران من قبل وعارفه شنو الوضع هناك
لا خدمات ولا لغه

[cartier]

50 الف تومان 3 الاف ريال اظن اذا في اليوم اتكفيك لا وتزيد بعد

الله يوفقك يالغالي واذا احتجت ابشر يالغالي لا يردك الا اللسانك

[هجرس]

انا حاضر يالغالي كم تبغي ارسلي على الخاص العنوان

[alwahesh]

الله يكون في عونك ويفرجها عليك ..

[سهم بن سهم]

أخوي العزيز

أي مساعدة تبغيها في ايران كلمني على الخاص وعطني رقم تلفونك في ايران او جوالك القطري وفالك طيب

لاتحاتي اخوي .............................................:vict ory:

[سهم بن سهم]

معلومات للي يبي يروح ايران بخصوص التعاملات المالية والفيزا كارت .........الخ

ايران لاتتعامل مع بطاقات الفيزا كارت لانها بطاقات تتعامل بالدولار الامريكي وتعامل ايران باليورو وبعض البطاقات الكريدت كارت تكون صادرة من مؤسسات امريكية مثل الفيزا والامريكان اكسبريس .........الخ وايران لاتتعامل معهم بسبب مقاطعة ايران لامريكا ومقاطعة امريكا لايران

كروت الصراف الالي القطرية او الخليجية لاتشتغل في ايران وايران لم تطبق بعد نظام التعامل مع شبكات الصراف الالي في الخليج

ماعليك الا سوى حمل المبالغ كاش نقدا ( دولارات لغاية 10 الاف دولار لكل فرد ) واكثر من هذا المبلغ راح تتساءل عنه في المطار وماعليك الا ان توزع المبلغ الكاش عليك وعلى المرافقين معك

من الافضل ان تروح الى محلات الصرافه في قطر وتحول المبلغ القطري الا تومان ايران وتاخذ معك بدل الكاش شيكات سياحية بمبالغ كبيره اذا اردت ( ايران شيك ) او شيك مسحوب على اي بنك ايراني متحول عليه فلوسك وهذه الطريقه افضل طريقه من حمل فلوس كاش تكون كثيره وكبيره

في حالة حدوث اي مشكلة لك اتصل في احد اقربائك في الدوحه وقول له انا محتاج فلوس بسرعه وخله يروح لصرافه الخليج او صرافة اللاري او صرافة الدوحه في السوق ويقول لهم ابي تحويل سريع لايران في هذه اللحظه وبيسوي لك اياه بتعطية الفلوس وبيتصل هو في مندوب له هناك وبيجيك وبيعطيك المبلغ اللي تبيه

هذه هي الحلول لتجاوز الازمه هناك

بطبيعة الحال فانك لو تعرف اي ايراني هناك راح يخدمك باخلاص لان طبيعة الناس هناك يحبون الضيف ويخدمونه باي شكل من الاشكال

التحويل من قطر لايران سريع وماياخذ يوم او يومين وفي بعض الاحيان في نفس الوقت


على فكره الويسترن يونيون مايشتغل هناك وماعندها تعامل ايران في هالامر لان النظام البنكي عندهم تعبان ومش متطور


تحياتي لكم

[سهم بن سهم]

اضافة اخرى

بعض التجار الايرانيين في السوق في ايران لديهم مكاين سحب الفيزا كارت اذا كان هذا التاجر لديه تعامل مع التجار الاجانب في عمليات البيع والشراء واذا كان التاجر يحمل الجنسية الامريكية او الالمانية او الفرنسية فانه لديه هذه الماكينات

المحلات الكبيره المعروفه ومحلات الماركات في السوق الايراني والتجار الكبار يتعاملون مع الفيزا كارت وبيقول لك حول فلوسك لدبي او المانيا او امريكا وماعندك اي مشكله وياهم

[miss-qatr]

اشهد انكم رجاجيل واهل واجب وصج ينشد فيكم الظهر
صج استانس واشوف الردود هذي الله لا يغير عليكم

مب غريبه على عيال قطر :)

[QAT2020]

بدور
Bin Hood
ALKASER
سهم طايش
قطري عصامي
الشهاده لي
طاش
السهم المنسي
سوق واقف
القارمن
shagrh
فـــــواز
مستثمره جديده
cartier
Qatarii
هجرس
alwahesh
سهم بن سهم
miss-qatr

اخواني واخواتي الكرام بارك الله فيكم وفي مالكم وفي اهلكم وعيالكم امين يارب العالمين ..

ابشركم اني وصلت ارض الوطن بسلامه ولله الحمد والشكر ،،،
ويعلم الله اني كل يوم اقرأ الردود وافرح واستانس وانسى همي وضيقتي بردودكم الحلوه والجميله وهذا دليل على سمو اخلاقكم ورفعة شانكم واخوتي والله يعجز اللسان عن التعبير عن موقفكم للمساعده ومااقدر اقول افضل من جزاكم الله خيراً في الدنيا والاخره .... امين

وتقبلوا مني اجمل تحية ...

[almaf1a]

حمدالله على سلامتك
وكفووو والله عليكم

[shagrh]

الحمدالله على سلامتك

[بدور]

الحمدلله ع السلامه

[عاشق الشهادة]

تستاهل السلامه برجوعك لأرض الوطن !!!

[ابن الجزيرة]

عند قراءتي للردود...قلت لنفسي مازال في الدنيا خير وخيرين

[برق قطر]

Sorry Sir But

!!!!!You Are In The Middel Of No where

[Luxury]

كفو والله

هالردود الي تبرد الخاطر

والله ان عيني دمعت .. صج ان الدنيا بخيير ..

والحمد الله ع السلامه اخووي

[مزمز]

يعطيك العافيه

[مزمز]

يعطيك العافيه

[QAT2020]

الله يسلمكم ويبارك فيكم ان شاء الله ...