استفسار !!بومباي

[طاش]

السلام عليكم ورحمة الله وبركاته ممكن حد يفيدني بخصوص الهند بومباي حد سافر لها وهل تصلح سياحة انا يقول لي واحد من الشباب انها حلوة وانا حبيت اخذ اريكم فيها الي راح لها او يعرف عنها شي ومشكورين

[king fish]

naiiiiiiiiiii aaaayyiiii

[الحـــوت]

الهند حلوه بس فيها اماكن وصخه واذا تبي تعرف عنها ادخل منتدى المسافرون العرب وله منتدى مكشات فى هل السعوديه يروحونها وايد

[shagrh]

انا ميته خاطرى اروح الهند بس كل مااقول لاحد محد ماعطنى ويه
يقولون فيها مناطق تاخذ العقل
بس طبعا مو بومباي

وحتى الفنادق فيها غاليه مو رخيصه يعنى توصل بعض المنجعات الى 500 دولار بالليله

انشالله احصل احد يروح معاى ولا شكلى بقص عليهم بقول لهم مرتبه رحله لباريس وعقب انزلهم بالهند

[Qatarii]

والله ياطاش اذا كانت زيارتك لبمومبي للسياحة, اقول امسك مكانك احسن...السبب اللي يخلينى اتكلم (سكنت فيه مدة 26 يوم بالضبط) واقدر اسرد لك بعض النقاط.
- المواصلات : من المطار (جاهترباتي) تدفع حق التاكسي مقدم يعني مسبقة الدفع- في بمكيف وفي بغير والاسعار بسيطه جدا وماتذكر- وداخل بومبي اذا مسافات قصيره خذ (الرقشه) واسعارهم ترى كلها بالعداد, وحتى التكاسي بالعداد...لاتروح حق ا] واحد يوقف لك..انت وقف التكسي واطلب المكان وبتشوف العداد يتصفر قدامك ويتحرك..في ضريبه بسيطة بيزيدها على الأجره
- الفنادق : غالية ومبالغ فيها, على حالتي دورت 3 نجوم وتحسفت عليها (غالية + خدمة معدومة) اما النجوم 4 و 5 غالية والصراحة ميزانيتي ماكانت مساعدتني..بس انصح في فنادق منطقة كلابة- كل زوارها من الخليج واسعارها زوينه مقارنه مع اللي شفته من فنادق ثانية والأغلبيه مسلمة
- النظافة: حدث ولا حرج عن نفسي مالقيت مكان نظيف (غبار ووصاخه..والهوا اللي تنفسة له ريحة وطعم
-الأكل: اذا انت هاوي اكل هندي وصج تحبة بتستانس, واذا لا اتمنى لك حظ سعيد هناك لأنك بتعيش على البسكوت ....لاتاكل من الشوارع, بتحصل واجد هنود واقفين ويزطون لا تفكر حتى تشرب شاي كرك هناك
- الغلا: انا عن نفسي صج تفاجئة بالغلا هناك, الزقاير 10 ريال للمستورد, واكيد موب مدخن مستورد, وبشكل عام اي شي مصنوع برى الهند غالي, تشجيع لصناعتهم
-شكلك معروف عندهم لو عيونك زرق وشعرك خضر بيعرفونك وبعضهم يتكلم معاك عربي ويحاول يتكلم معاك
الأمان: الصراحة عن نفسي ما شفت شي, لكن نصحوني من بومبي لأنها اخطر مكان على كلامهم بس عن نفسي ما شفت شي
- الأماكن: في بومبي الجديده وبومبي القديمة, القديمة تعتبر المركز لكن كل شي صج قديم ومعفن, الجديده بعد معفنة بس احسن شوي بالمباني وبعض الخدمات, في هناك مجمع اسمه (ون) مجمع زوين, وصغيرون, بتحصل هناك بطاقات تلفون رخيصه يمكن عشر روبيات, يعني ريال...والبطاقات متوفرة واحسن شي فودافون
-تشتري شي؟ كاسر ثم كاسر وكاسر, شعب مسكين على بعضه لكن اذا انت موب هندي في بعض الأماكن في استغلاليه حتى على الأكل..وعلى فكرة في اشيا بتحصلها هناك غالية في الدوحة ورخيصه هناك بعد كاسر لين تكسر رقبته
- كلابه: احسن مكان شفته في بومبي ..بتستانس على شوفت العرب هناك, واللوحات المكتوبة بالعربي وبتحصل اشيا واجد وانصحك تروح هناك....بتحصل امن وشرطة متوزعين في كل مكان بس بعد دير بالك
- الفقاره والمساكين: اكيد بتحصل هناك واجد من يكسر خاطرك بس الصراحة ما ابي اقول لك حرام فيهم اقول جرب وبتشوف الجيش اللي بينغض عليك ..ماتدري من وين يجون
-العود ودهن العود ترى كله غش وموب اصلي لحد يقص عليك
- الأذان: الصراحة الأذان يصدح في كل مكان وهذي ميزه تنحسب لهم
- ما ادري والله شخليت اذا شي نسيته علمني

****عن نفسي تجربة عشتها مره هناك واتمناها ماتنعاد, رحت حق الدراسة (عمرك شفت قطري يروح يدرس هناك؟ هذا انا, ليش لأن الشركة تدور الرخيص, بس الصراحة والشهادة لله تعليم مميز

[حباري]

هلي راحوا يقولون بومبي وصخة وايد
والوالدة ما كانت تنام من الروايح مع انهم ساكنين في فندق 5 نجوم

انصحك اخوي تروح بانجلور يمدحونها وايد ,, يقولون كنها سويسرا في جمال طبيعتها وبراد
وانا لي نية اروح هناك نسوي شيك اب للوالده والوالد

[Qatarii]

هلي راحوا يقولون بومبي وصخة وايد
والوالدة ما كانت تنام من الروايح مع انهم ساكنين في فندق 5 نجوم

انصحك اخوي تروح بانجلور يمدحونها وايد ,, يقولون كنها سويسرا في جمال طبيعتها وبراد
وانا لي نية اروح هناك نسوي شيك اب للوالده والوالد

انا اعتقد بانجلور ماتزيد عن بومبي شي غير العمارات اللي مبنيه واكيد المستشفيات مثل ما ذكرت وفعلا ممدوحة من ناحية الطب....دير بالك ترى في بانجلور ومانجلور
اما بالنسبة عن المكان الممتاز انا ارجح كيرلا..فعلا ممتازة مميزة بالبحيرات ومطر خفيف شواطئ, رخيصة بس ما ارجح تقعد اكثر من اسبوع وعلى فكرة حارة في الصيف ورطوبة ومع هذا كلة مطر

[طاش]

انا ميته خاطرى اروح الهند بس كل مااقول لاحد محد ماعطنى ويه
يقولون فيها مناطق تاخذ العقل
بس طبعا مو بومباي

وحتى الفنادق فيها غاليه مو رخيصه يعنى توصل بعض المنجعات الى 500 دولار بالليله

انشالله احصل احد يروح معاى ولا شكلى بقص عليهم بقول لهم مرتبه رحله لباريس وعقب انزلهم بالهندلا ماعليج من حد روحي اليوم حصلت واحد من الشباب كل سنة يروح مع اهلة يحلف ان المجمعات اكبر من مجمعات قطر ويقول ارخيصة وحلوة وبيعطيني صور بكرة وان شاء الله اني بروح

[طاش]

والله ياطاش اذا كانت زيارتك لبمومبي للسياحة, اقول امسك مكانك احسن...السبب اللي يخلينى اتكلم (سكنت فيه مدة 26 يوم بالضبط) واقدر اسرد لك بعض النقاط.
- المواصلات : من المطار (جاهترباتي) تدفع حق التاكسي مقدم يعني مسبقة الدفع- في بمكيف وفي بغير والاسعار بسيطه جدا وماتذكر- وداخل بومبي اذا مسافات قصيره خذ (الرقشه) واسعارهم ترى كلها بالعداد, وحتى التكاسي بالعداد...لاتروح حق ا] واحد يوقف لك..انت وقف التكسي واطلب المكان وبتشوف العداد يتصفر قدامك ويتحرك..في ضريبه بسيطة بيزيدها على الأجره
- الفنادق : غالية ومبالغ فيها, على حالتي دورت 3 نجوم وتحسفت عليها (غالية + خدمة معدومة) اما النجوم 4 و 5 غالية والصراحة ميزانيتي ماكانت مساعدتني..بس انصح في فنادق منطقة كلابة- كل زوارها من الخليج واسعارها زوينه مقارنه مع اللي شفته من فنادق ثانية والأغلبيه مسلمة
- النظافة: حدث ولا حرج عن نفسي مالقيت مكان نظيف (غبار ووصاخه..والهوا اللي تنفسة له ريحة وطعم
-الأكل: اذا انت هاوي اكل هندي وصج تحبة بتستانس, واذا لا اتمنى لك حظ سعيد هناك لأنك بتعيش على البسكوت ....لاتاكل من الشوارع, بتحصل واجد هنود واقفين ويزطون لا تفكر حتى تشرب شاي كرك هناك
- الغلا: انا عن نفسي صج تفاجئة بالغلا هناك, الزقاير 10 ريال للمستورد, واكيد موب مدخن مستورد, وبشكل عام اي شي مصنوع برى الهند غالي, تشجيع لصناعتهم
-شكلك معروف عندهم لو عيونك زرق وشعرك خضر بيعرفونك وبعضهم يتكلم معاك عربي ويحاول يتكلم معاك
الأمان: الصراحة عن نفسي ما شفت شي, لكن نصحوني من بومبي لأنها اخطر مكان على كلامهم بس عن نفسي ما شفت شي
- الأماكن: في بومبي الجديده وبومبي القديمة, القديمة تعتبر المركز لكن كل شي صج قديم ومعفن, الجديده بعد معفنة بس احسن شوي بالمباني وبعض الخدمات, في هناك مجمع اسمه (ون) مجمع زوين, وصغيرون, بتحصل هناك بطاقات تلفون رخيصه يمكن عشر روبيات, يعني ريال...والبطاقات متوفرة واحسن شي فودافون
-تشتري شي؟ كاسر ثم كاسر وكاسر, شعب مسكين على بعضه لكن اذا انت موب هندي في بعض الأماكن في استغلاليه حتى على الأكل..وعلى فكرة في اشيا بتحصلها هناك غالية في الدوحة ورخيصه هناك بعد كاسر لين تكسر رقبته
- كلابه: احسن مكان شفته في بومبي ..بتستانس على شوفت العرب هناك, واللوحات المكتوبة بالعربي وبتحصل اشيا واجد وانصحك تروح هناك....بتحصل امن وشرطة متوزعين في كل مكان بس بعد دير بالك
- الفقاره والمساكين: اكيد بتحصل هناك واجد من يكسر خاطرك بس الصراحة ما ابي اقول لك حرام فيهم اقول جرب وبتشوف الجيش اللي بينغض عليك ..ماتدري من وين يجون
-العود ودهن العود ترى كله غش وموب اصلي لحد يقص عليك
- الأذان: الصراحة الأذان يصدح في كل مكان وهذي ميزه تنحسب لهم
- ما ادري والله شخليت اذا شي نسيته علمني

****عن نفسي تجربة عشتها مره هناك واتمناها ماتنعاد, رحت حق الدراسة (عمرك شفت قطري يروح يدرس هناك؟ هذا انا, ليش لأن الشركة تدور الرخيص, بس الصراحة والشهادة لله تعليم مميز
مشكور وماقصرت بس فيه تناقض ناس تمد وناس تذم والله حيرتوني

[Qatarii]

اتمنى تعلمنا بالرحلة وبحيل الله تكون سعيدة
يمكن كلامنا غلط ومايندرى يمكن صحيح نتمنى تعلمنا عن رحلتك