المجموعه

[Qa6ar]

السلام عليكم

اخواني واخواتي الاعضاء وضيوف منتديات شبكه الاسهم القطريه

رحت اليوم للمجموعه قبل الزحمه كالعاده كله زحمه... المهم كنت بايع لي اسهم بشيك مستعجل

المهم اني اخذت الشيك بعد وقفه بالطابور اكثر من 25 دقيقه ورحت وقفت مره ثانيه بالطابور يمكن

بعد نصف ساعه يعني اجمالي الوقت تقريبا 55 دقيقه... لكن انصدمت بعد ماوصلت البنك انه

يقول ماتقدر تسحب الشيك.. لازم تودع الشيك ببنكك وعقب ينزلونه بحسابك بعد كم يوم... قلت

له اشلون مايسير قال شوف الشيك جديد ومكتوب عليه مايصرف نقدي يعني لازم تودعه بالبنك

وعقبه ينزلونه بحسابك.. شلون مايسير باجر عيد.. قال هذي اللي عندي في بنك الدوحه

المهم طلعت فوق معصب الف وفيني هوشه المهم رحت فوق قالوا مايسير قلت شلون مايسير

وين مكتب المدير او مكان الرئاسه(مثل مامكتوب في الطابق الثاني بالمجموعه) حشى مكتب

حاكم... المهم رحت للسكرتير كان فيه مكتبين قال مايسير قلت شلون مايسير اذا انا برفع صوتي

قال شوف الاخ الثاني اللي بالمكتب الثاني.. قام سكرها بوجهي خير شر احنا مانقدر انسوي لك

شيء, قلت كيف قال رح للبنك.. قلت انت تلعب علي هذي يقول رح للمجموعه يعدلون الشيك

ونصرف لك على طول وانت اتقول رح للبنك شلون مايسير .. قلت له المدير وين قال المدير عنده

اجتماع.. قلت اجتماع , انا ماوراي شيء انتظره يحل المشكله.. المهم صوتي كان عالي شوي

وجلس معاي كم واحد ينتظرون, اول ماجلسنا طلع علينا رئيس مجلس الاداره وهو المدير بيض

الله وجهه وخربط على الجمله في الشيك ووقع على الشيك بالتعديل... انا واللي معاي وجزاه الله

الف خير... لكن انقهرت يالربع من شيء واحد.. كل واحد منهم يقول من الثاني... اذا هو مو

متفاهمين اتمنى من المجموعه اتغير البنك اللي تتعامل معاه ... او مايحطون عراقيل للعملاء

ياخذون منا عموله الشيك المستعجل وبالاخير يقولون ماتقدر تصرف الشيك.. احنا ولله الحمد

من بدايه عملاء الفي اي بي اذا ماقدروا يحافظون علينا صدقوني اول مانشرد حنا بعد افتتاح

دلاله اذا مالاقينا التجاوب من المجموعه.. اتمنى من الجميع المشاركه والادلاء برأيهم في

الموضوع وبالاخص عملاء المجموعه ....

[mounir7874]

هذا يا أخي الكريم بسبب المركزية في الإدارة والخوف من تحمل المسؤولية بالإضافة إلى أنه هناك أشخاصاً محددين هم المخولين يالتوقيع أو إجراء التعديلات على الشيكات والحمد لله أن رئيس الشركة تفهم الموقف مع قدوم العيد وليس هناك وقت لانتظار البنك

[Qa6ar]

اشكرك على المرور اخوي منير.. وجزاه الله الف خير...

[Qatari 1980]

اخوي أنا بعت واستلمت الشيك قبل العيد بيومين يعني أول أمس
وقالوا لي يوم حطيت أمر البيع أن الشيك لازم أحطه في حسابي .. طبعاً غير عن قبل

المهم أنا قلت لهم أبي شيك مستعجل بحيث أني أستلم الفلوس في نفس اليوم

وفعلاً بعت ورحت في نفس اليوم بالليل استلمت الشيك ( كان مختوم عليه : يودع في حساب المستفيد الأول ) وثاني يوم الصباح رحت بنك الدوحه ( فرع السلام ) وحطيت الشيك في الحساب وفي نفس الوقت وأنا واقف على الكاونتر سحبت الفلوس كامله وما كان فيه اي مشكله


وعندي نفس القصه مع واحد من عيال عمتي باع في نفس الوقت معاي واستلم الشيك المستعجل معاي
بس هو حسابه كان في البنك الدولي الاسلامي ويوم راح البنك قالوا له حط الشيك في الحساب وبعد ساعتين تقدر تسحب الفلوس من البطاقه أو ترجع للبنك وتسحب المبلغ اللي أنت تبيه ...


أنا أستغرب ليش صار معاك أنت هالشي :) يمكن علشان الزحمه في بنك الدوحه ( فرع المجموعه )

[Qa6ar]

اخوي كتاب الذكريات

امس قبل لايعلنون العيد اولا اتهقى بيفتح بنك قبل الاثنين الجاي.. ماأظن

واليوم الظاهر مافتحت البنوك.. المهم لو ماقدرت اسحب الفلوس وانا حسابي ببنك ثاني اتهقى باقدر اسحبها

قبل العيد؟؟

المشكله هنا العيد والخطوه من المجموعه بدون سابق انذار؟

[المستثمر القطري]

اخوي لو تقرا في اعلى الشيك في الوسط بتقرا A\C payee

يعني يودع في الرصيد و بالنسبه لقولكتك انه الملبلغ ينزل في الحساب عقب كم يوم انا في الوطني نزلولي اياه اول مره خلا ربع ساعه و ثاني مره عقب نص ساعه

[Qatari 1980]

اخوي كتاب الذكريات

امس قبل لايعلنون العيد اولا اتهقى بيفتح بنك قبل الاثنين الجاي.. ماأظن

واليوم الظاهر مافتحت البنوك.. المهم لو ماقدرت اسحب الفلوس وانا حسابي ببنك ثاني اتهقى باقدر اسحبها

قبل العيد؟؟

المشكله هنا العيد والخطوه من المجموعه بدون سابق انذار؟

صح أخوي

يمكن أنت مشكلتك كانت أنك تبي تصرف الشيك في أخر يوم دوام حق البنوك

لكن لو طلعت حق اي فرع لبنكك وحطيت الشيك وسحبته في نفس الوقت ما كان فيه اي مشكله

لكت فعلاً أنا مريت بنفس مشكلتك وكنت محتاج حق المبلغ وكنت خايف أن البنك تسكر أو تأخر صرف الشيك كم يوم وفي هالحاله كنا راح نخسر عمولة الشيك المستعجل ...

على كل حال زين اللي صرفت الشيك قبل العيد :)

[Qa6ar]

المفروض من المجموعه ابلاغ المستثمرين ولو بالجريده او بموقع سوق الدوحه

علشان محد يتوهق ... والله من ورا القصد

[Qatari 1980]

اخوي لو تقرا في اعلى الشيك في الوسط بتقرا A\C payee

يعني يودع في الرصيد و بالنسبه لقولكتك انه الملبلغ ينزل في الحساب عقب كم يوم انا في الوطني نزلولي اياه اول مره خلا ربع ساعه و ثاني مره عقب نص ساعه

أخوي صحيح المبلغ يودع في حساب المستفيد الأول اللي هو أنت

ولو كان حسابك في بنك الدوحه كان قدرت تسحب المبلغ في نفس اللحظه مثل ما صار معاي

أما لو كان حسابك في بنك ثاني تقدر تسحبها خلال ساعه من ايداع الشيك في الحساب
يعني لو أودعت الشيك الساعه 11.30 كان قدرت تسحب فلوسك من البنك الساعه 12.30 بالكثير

وهذا اللي يسمونه المقاصه الألكترونيه


بس بكل صراحه أنا مب عارف ليش كل فتره المجموعه تغير سياساتها في صرف شيكات عملائها

ما أدري وش السبب اللي يخليهم يحطون هذا الشرط في الشيك يعني لو خلوا الشيك يصرف عادي كان ريحوا الناس وفكوهم من العباله والتعب ...

[Qa6ar]

(لو )ماتبني بيت اخوي

القصد التسهيل لااكثر ولااقل

انت كل ماتسهل للعميل او المستثمر كل ماتكاثروا الناس عليك(المجموعه)

هذا القصد اما التعقيد ماله حاجه او ماله مكان.. بالاحرى يسكرون فرع بنك الدوحه بالمجموعه

اذا هذي قصدهم هذي شيء ثاني

زبده الهرج اقصد الكلام الفروض من المجموعه ابلاغنا حتى لو برساله (مسج) اذا مب قادرين على الجريده

لان التعامل مع المجموعه مو مع بنك الدوحه والخسران بها التعقيد كله المجموعه

واشكرك كثير الشكر اخوي وماقصرت على المرور

[Qa6ar]

اخوي لو تقرا في اعلى الشيك في الوسط بتقرا A\C payee

يعني يودع في الرصيد و بالنسبه لقولكتك انه الملبلغ ينزل في الحساب عقب كم يوم انا في الوطني نزلولي اياه اول مره خلا ربع ساعه و ثاني مره عقب نص ساعه


انا ماقلت شيء ياجماعه بس انا جيت بأخر لحظه وليله عيد ومحد خبرنا بشيء

الا عقب ماوقفت بطابور البنك نصف ساعه عقب طابور المجموعه لاستلام الشيك

يعني مثلا طلعت من المجموعه وحصلت البنك اللي انا فيه مسكر

من المتوهق؟؟؟؟

مع العلم دفعنا عموله الشيك المستعجل

[سهم طايش]

و الله و النعم في الاستاذ حمد المعضادي رئيس مجلس اداراة المجموعه

كل ما تسكر في وجهي يحلها اكثر من مره

بيض الله وجهه

حقيقي انسان رائع

[Qa6ar]

يستاهل

والله قدها وقدود

[roadrunner]

السلام عليكم.


هذي المشكلة حصلت مع واحد من الشباب بآخر يوم تداول... عاد المسكين بايع له اسهم وطالب الشيك مستعجل عشان يبي يكتتب ببنيان ... قبل اجازة العيد .. لأنه بيسافر بإجازة العيد ومب معود الدوحة الا بتاريخ 24 .. يعني عقب انتهاء المدة المحددة لإكتتاب بنيان ... المهم .. المسكين يقول انه طالب الشيك مستعجل .. يعني خذوا عليه عمولة الشيك المستعجل وتفاجأ بقرار البنك ...

المفروض ان المجموعة الحين تتخذ اجراء بحق البنك .... يعني .. لو ان المجموعة توقف تعاملها مع بنك الدوحة وتحول هالمليارات الي هي اموال المستثمرين الى بنك ثاني يكون يسهل على المستثمرين امورهم بدل ما يعقدها مثل ما حصل ببنك الدوحة بضنكم ايش راح يصير ؟؟؟

[دنيا الاسهم]

كل عام وانتم بخير
اخوي مغرور قطر انت حظك زين اللي قدرت تتفاهم معاهم وتحل الاشكال لكن اللي حصل معاي اني بعد ما طلبت شيك مستعجل تفاجئت ان المجموعة تقول لي صرف الشيك في بنك اللي يتعامل معاة العميل :anger2: :anger2: :anger2: :anger2:
يعني غيروا نظامهم طيب انتوا تبون تغيرون ليش ما بلغتونا ولا الناس عندكم مش مهم تعرف عادي يعني العميل يطق راسة بالجدار :anger2: :anger2: :anger2:
المهم اني قلت لا حول ولا قوة الا باللة ورحت بنكي وهو مصرف قطر الاسلامي :eek3:
وهناك تفاجئت انهم بعد ايداع المبلغ يتم صرف الشيك ثاني يوم الظهر
ياربي احنا ناقصين مو كفاية اللوية اللي احنا فيها والزحمة وبعد المكان بعد نرجع ثاني يوم
ليش ما يسهلون على الناس ليش ما يراعون الظروف ترى مو الكل يقدر يروح :anger2: :anger2:
كل يوم ويراجعهم الدنيا مشاغل :court:
لكن ان شاللة يحطون بنوك منافسة لهم ويتمنون العميل يجيهم ولا يلقونة لين يعلنون افلاسهم :anger2:

[Qatari 1980]

السلام عليكم.


هذي المشكلة حصلت مع واحد من الشباب بآخر يوم تداول... عاد المسكين بايع له اسهم وطالب الشيك مستعجل عشان يبي يكتتب ببنيان ... قبل اجازة العيد .. لأنه بيسافر بإجازة العيد ومب معود الدوحة الا بتاريخ 24 .. يعني عقب انتهاء المدة المحددة لإكتتاب بنيان ... المهم .. المسكين يقول انه طالب الشيك مستعجل .. يعني خذوا عليه عمولة الشيك المستعجل وتفاجأ بقرار البنك ...

المفروض ان المجموعة الحين تتخذ اجراء بحق البنك .... يعني .. لو ان المجموعة توقف تعاملها مع بنك الدوحة وتحول هالمليارات الي هي اموال المستثمرين الى بنك ثاني يكون يسهل على المستثمرين امورهم بدل ما يعقدها مثل ما حصل ببنك الدوحة بضنكم ايش راح يصير ؟؟؟

السلام عليكم

كل عام وأنت بخير أخوي ...

أخوي حبيت استفسر وش علاقة بنك الدوحه اذا كانت المجموعه هي اللي تكتب على الشيكات اللي تصرفها هذي العباره ( يودع في حساب المستفيد الاول )

معناها لا تسلمون الفلوس كاش ... لازم تدخلونها في الحساب

الصراحه أنا ما أعرف وش السبب وراء هذي العباره على الشيك وتغييرها في الوقت الحالي

على أي حال أنا ما أشوف بنك الدوحه مقصر في شي

أنا أخذت شيك مستعجل و رحت البنك وحطيت الشيك في حسابي وفي نفس اللحظه وأنا على الكاونتر طلبت أسحب المبلغ .. عادي سحبته وبدون اي مشاكل


مع التحيه :)

[ابو الاسهم]

المفروض من المجموعه ابلاغ المستثمرين

[hamoor4ever]

اخواني القصد من هالحركه هو تقليل الضغط على بنك الدوحه من العملاء .. على اساس ان كل شخص يروح يسحب الشيك من بنكه .. بدل ماتكون الدوحه كلها قاعدين في بنك الدوحه يسحبون شيكات المجموعه ..

يعني في البدايه والنهايه هو حق مصلحه الكل ..
ولذلك انا انصح اي حد يتعامل مع المجموعه انه يفتح حساب في بنك الدوحه حتى لو حساب توفير ومااعتقد انه في مشكله ان كل شخص عنده حساب في المجموعه يفتح حساب توفير خاص حق تعاملاته من بيع وشراء اسهم وبالطريقه هاذي يسهل على روحه في الحسابات ويعرف اللي له وعليه ..

ومثل ماقالوا الاخوان اذا كان عندك حساب في المجموعه .. بتقدر انك تودع الشيك بنفس الوقت ببنك الدوحه وتسحبه بدقيقه ..

وهالشي بيحمي ناس من عملبات التلاعب في الشيكات الكاش او اللي ماعليها مايسمى ب
( كروس شيك )

وشكرا

[co0o0ol]

الله يكون فى عونك بس اقولك صج ان اعصابك بارده كنت بتنتظر لين مايطلع الدير من الأجتماع والله لو انا رحت البنك ودعتة وثاني يوم بتنزل الفلوس بدون مشاكل

[Qa6ar]

يعطيكم العافيه على المرور والشكر للجميع

[الموج]

اخواني القصد من هالحركه هو تقليل الضغط على بنك الدوحه من العملاء .. على اساس ان كل شخص يروح يسحب الشيك من بنكه .. بدل ماتكون الدوحه كلها قاعدين في بنك الدوحه يسحبون شيكات المجموعه ..
يعني في البدايه والنهايه هو حق مصلحه الكل ..
ولذلك انا انصح اي حد يتعامل مع المجموعه انه يفتح حساب في بنك الدوحه حتى لو حساب توفير ومااعتقد انه في مشكله ان كل شخص عنده حساب في المجموعه يفتح حساب توفير خاص حق تعاملاته من بيع وشراء اسهم وبالطريقه هاذي يسهل على روحه في الحسابات ويعرف اللي له وعليه ..
ومثل ماقالوا الاخوان اذا كان عندك حساب في المجموعه .. بتقدر انك تودع الشيك بنفس الوقت ببنك الدوحه وتسحبه بدقيقه ..
وهالشي بيحمي ناس من عملبات التلاعب في الشيكات الكاش او اللي ماعليها مايسمى ب
( كروس شيك )

وشكرا
السلام عليكم
المشكلة ان بنك الدوحة يشترط وجود ألف ريال عند فتح الحساب وتكون موجودة على طول ولو سحبت المبلغ يتقفل الحساب حسب مافهمت منهم

[Qa6ar]

السلام عليكم
المشكلة ان بنك الدوحة يشترط وجود ألف ريال عند فتح الحساب وتكون موجودة على طول ولو سحبت المبلغ يتقفل الحساب حسب مافهمت منهم

يعني السالفه شيلني واشيلك :eek3:

[الموج]

يعني السالفه شيلني واشيلك :eek3:
امرنا لله وهو يفرجها

[Qa6ar]

امرنا لله وهو يفرجها

اللهم امين