ممكن مساعده

[أم نوره]

توني شريت افلون فول اوبشن
ابي اركب لها دفيدي مادري عدل اسمها والا لا :nice:
فمادري شنو احسن نوع؟
وبكم؟
وين احصل ؟
وكم مدة التركيب ؟

ودمتم بخير
سلملم:nice:

[@بوٍخلــي@]

يعطيج خير الموتر ويكفيج شره

[المنشــــــر]

يعطيج خيرها ويكفيج شرها

في مكان مقابل صندوق الزكاة اللي بين اشارات المجنون ودوار سناء اسمه موسيقى ماذكره بالضبط

الصراحة توني مركب على السنادات للكرسي الامامي والصراحة شغله عجيب واحس سعرة مناسب، وفي محل ثاني في الغرافة اسمه صدى الصوت .... بعد يمدحون شغله بس زحمه عنده

وبالتوفيق ان شاء الله

[أم نوره]

يعطيج خيرها ويكفيج شرها

في مكان مقابل صندوق الزكاة اللي بين اشارات المجنون ودوار سناء اسمه موسيقى ماذكره بالضبط

الصراحة توني مركب على السنادات للكرسي الامامي والصراحة شغله عجيب واحس سعرة مناسب، وفي محل ثاني في الغرافة اسمه صدى الصوت .... بعد يمدحون شغله بس زحمه عنده

وبالتوفيق ان شاء الله

تسلم اخوي

[bu 3li]

اختي انا كانت عندي افالون و وديتها حق " صدى الصوت " اللي فـ الغرافه

قال لي بيركب لي حساسات ( سناسر ) على زوايا الصداديم اللي جدام و ورى بـ 1000

وبلوتوث الشركه بـ 1000

و المسجل بيشيله لي بيركبه داخل التكايه ( بيكون ويه المسجل على فوق ) بس قال انه بيجي fit يعني لا زياده ولا نقصان ويضمن لي الشغل ( هاي كلامه )
عشان الشاشه اتم شغاله والتحكم من السكان يتم شغال بعد وعشان ماتخسرين البوكس اللي فيه 6 دسكات

ومكان المسجل بيشيل الكور ( اللي يغطي المسجل ) وبيحط لج شاشه وتقدرين تركبين عليها
نظام الملاحه ( قارمن ) و دي في دي .. بيكون مفصول عن البوكس مال دسكات الاغاني

وعلى السعر اللي قال لي عنه ( قبل فتره )

الـ pioneer بـ 4000
الـ kenwood بـ 3500
وفيه شركه ثالثه ما يحضرني اسمها بـ 3000

وطبعاً القارمن بروحه لانه قطعه منفصله واظن بـ 1500

والله مب متأكد بالضبط بس هاي سعر تقريبي
وقال لي اخلي السياره عشان يشتغلون فيها يوم كامل ( عشان كل هالشغلات تتركب )

وان شاء الله اكون قدرت افيدج بـ شي :)

[بوغزلان28]

مرحبا اختي ام انوره
انا اعرف بتركبينه حق اليهال صح ؟

اذا عشان اليهال اختي طبيعي اليهال بكونون قاعدين بالكرسي الخلفي فا انصحج اتروحين شارع النجمه اللي فيه محلات الزينه بس لا تروحين بروحج لانه بيقصبونج بالسعر ولج التحيه