شرايكم بالتغبيرة؟؟

[gxr o.z]

السلام عليكم
يوم السبت انا ورفيجي مسافرين لأبوظبي وموتره توه جديد كروزر٢٠٠٨ وش افضل نوع للحماية طبعا غير بروتيكشن نبي شي زين وسريع!!
شرايكم بالتغبيرة؟
تحياتي

[لورنس]

الشيخ التغبيره حسب الظاهر بتوصلك لين ابو سمره ماتنفع

[الدنيا تجارب]

ركب تغبير دبل والله يوفقكم

[gxr o.z]

يعني التغبيرة دبل من قدام وع الجوانب راح تأثر ع الموتر والخطوط؟
زين وين المحلات يعني وين المحل الي شغله زين ومحترم وسريع

[راعي ال2008 الاسود]

وعليكم السلام اخوي اخبارك يوم تقول عن التغبيرة مب شي على الموتر لانها التغبيرة والصابون
تطير الصبغة الموتر تدري ول لا ركب الحماية احسن والله لكن الصابون الاستعمال كذا مرة والتغبيرة تطير الصبغة وانا اعرف لي واحد راعي سفرات كل مايروح يحط صابون صابون اذا وقت عج تدري راح ورجع
وكان عج قوي عليه وهو راجع وصل الاحسا وجه الموتر رصاصي والموتر ابيض لكن طارت وصار اللون
الحديد الرصاصي فا احسن ركب الحماية ول بتحسف على الموتر

[راعي ال2008 الاسود]

وروح الحماية ساعة ونص والموتر خالص

[بـــاروود]

وروح الحماية ساعة ونص والموتر خالص

:nice: :nice: :nice:

[طاش]

حط شامبو بيبي جونسون الي لونه اصفر حق الاطفال لادموع بعد اليوم انا مجرب ولايئثر على الصبغ ولاشي بالعكس ترى المغاسل تستعملة في الغسيل وطبعا اذا كان العج قوي لازم اتخفف السرعة لانه راح يطير الصبغ لو اتحط شنو اذا مب صبخ البدي الصبغ الي تحت يطلع شكل الموتر مقرف صبغ المقصات والرودات حاول تجنب السرعة وتمشي بعد المغرب لان العج يركد وباالسلامة اتروح وترجع

[بوراشد 66]

احسن شي تروح فليل وترجع فليل لا تغبيرة ولا تعميرة

وبالعدال عالخط ودلة الشاي وياكم (( سليماني )) عشان محد يرقد

[السني 73]

التغبيرة جربتها مرة وحده والصراحة ماتنفع كلش ..... الصابون المشكلة يمكن يأثر على صبغ موترك والقليتات ... جرب الحماية الي على الوجه ولا تنسى يركبلك حماية على الجامه الي قدام لأنه بعد فترة من الغبار بتشوف ان الجامة مع الشمس تأثرت والسبب الغبار

[سعر الأغلاق]

وروح الحماية ساعة ونص والموتر خالص

اخوي .. تقصد البلاستيك الشفاف اللي يركب على وجه السياره والزجاج الأمامي؟

عندك فكره كم يكلف تركيبه .. وكم يجلس على السياره..

[بو محمد]

حط التغبيرة احسن لك انا مجرب مرة رحت مكة ورجعت والتغبيرة ما طارت واناعلى سرعة 200 تقريبا
والصبغ ما تاثر كلش

[لورنس العرب]

انا الحين في دبي وحاط تغبيرة من يوم الجمعة اللي طافت ولازالت التغبيرة على الموتر كامل كامل وانشاء الله يوم الجمعة القادم راجع الدوحة باذن الله بس بخشش الهندي وخله يدبل التغبيرة مثل ما انا مسوي يعني يغبر الموتر وخذ لك كم لفة لين تنشف وارجع له مرة ثانية ويرش الموتر مرة ثانية وادعيلي
تروح وترجع بالسلامة انشاء الله

[hamoor4ever]

اخوي انا جربت تغبيره الدوحه مامنها فايده تروح على طول بس مره جربت تغبيره حطيتها من البحرين وصراحه تمام سافرت فيها من البحرين لي الامارات على الخط وماصار فيها شي ، يعني انت وحظك جرب اتحط التغبيره واهم شي انطر على الموتر لين اتجف التغبيره عدل عقب حرك ، وبالتوفيق

[moschino8]

واالله ياخوي ركب حمايه احسنلك من التغبيره بس مستغرب سعرها غالي عندكم بالدوحه بالكويت اغلى مكان تركب حمايه تقريبا 2700 ريال بالنسبه للسيارات الكبيره والحمايه افضل لانها مدى الحياه على السياره وماتخرب شكل الموتر

[ALRAYYAN]

اخوي التغبيره والصابون يطيرون لمعة الموتر .. مانصحك تحط شي

كان عندي vxr 2004 سافرت فيه حوالي 12 مره اذا مو اكثر

ولا مره حطيت له تغبيره او صابون وبعته ووجه الموتر جديد حاله حاله الوكاله

بس ماخبر اني سافرت في النهار .... اروح بالليل وارجع يالليل

وتوصلون بالسلامه يالكنج

[راعي ال2008 الاسود]

اخوي .. تقصد البلاستيك الشفاف اللي يركب على وجه السياره والزجاج الأمامي؟

عندك فكره كم يكلف تركيبه .. وكم يجلس على السياره..

اخوي حسب الموتر الي عندك والوقت ساعة ونص
ومكانهم عند الفا للاتصلات الي في السد

[gxr o.z]

السلام عليكم
خلاص رفيجي قرر يغبر السيارة لأن واحد من ربعنا قنص شمال السعودية بفتك ١٢ يوم ويوم رجع شال التغبيرة ماصار شي!!
المهم التغبيرة بكم ياشباب اعتقد العادية ب٤٠ زين لو يحط دبل وعالجوانب بعد كم يكلف+شرايكم يخلي هوى التواير على ال٤٠ لأن حنا مب داخلين بر!!
تحياتي

[راعي ال2008 الاسود]

ياخواني الموجودين ممكن تفهموني انا مب شغال في الحماية على شان اسوي للمحل دعاية انا اقول لكم مجرب الصابون معليه سفرة وثنتين وثلاث والتغبيرة نفس الشي لكن هاذي تأثر على صبغة الموتر تعرفون وشو الصبغة تطير الصبغة كثر استعمال الصابون والتغبيرة حط الحماية مدى الحياة وفك عمرك من الصابون والتغبيرة واحد اعرفة راعي سفرات كثيرة كل مايسافر اذا فيه عج ول شي صابون صابون ياكثر ماحط الصابون لين طار وجه الموتر تقشرت الصبغة حط الحماية أأمن للموتر وانا مب في المحل على شان اسوي دعاية له لا ولله انا اشوف تجارب الناس واتعلم من التجارب وبالتوفيق لكم

[بوخالد353]

انا بالنسبه لي احط صابون (فيري) او(لولو) وما اسرع اذا كان عج احاول امشي تحت الميه واتجنب ممشى النهار بس اذا مظطر لاحول ولا قوه... بس ماخليه يطول واذا وصلت الديره الي مسافر لها اغسل الموتر على طول وبالرده نفس الطريقه,,, وبانسبه لليتات والكشافات احط لهم حمايه( الجلاد)عند المحلات المختصه ب300 ريال لاني ماقدر احط عليهم صابون بالليل وماقدر اخليهم! ينعجون..

[The Blade]

5 ريال لوكس ومش حالك....
جربنا التغبيره صدقني ماتنفعك :)
لوكس قبل ماتسافر عط الادريول وخله يضرب ويه الموتر + الجامات الي على جنب
وأول ماتصول اقرب مغسله

وباااااااااسلامه