الخطوط القطريه ورفع الاسعار

[الجنوبي 11]

كان لدي حجز لي وللعائله على درجة رجال الاعمال على الخطوط القطريه لاحد المدن الاوروبيه منذ شهر مايو ،راجعت المكتب لاستلام التذاكر قالوا لي على كل تذكرة تدفع تقريبا 3000 ريال زيادة ،سالتهم لكن الاسعار اللى تم الحجز عليها تختلف ،قالوا هذي الاسعار الجديده للقطريه .......يا جماعة هل هذا معقول ......حسبي الله ونعم الوكيل

[إنجاز]

أخوي هذا الشي موجود في كل الشركات .. الحجز هو لضمان المكان لكن السعر يعتمد على وقت إصدار التذاكر

صارت معي أكثر من مرة مع أكثر من شركة

[hamoor4ever]

مسلسل النصب يشتغل بالقطريه بالصيف

[الجنوبي 11]

مشكورين على الرد ،بس بدون اعلان ولا تنبيه،هل هذا معناه فرض سياسه الواقع :omg:

[الغزال العارضية]

الله يعيينكم

الحل

لو عندك احد خارج قطر يحجز لك عادي تلاقي سعر التذكرة نص قيمة الدوحه


الله على الظالم

[مافيا قطر]

صدقنى لو عندك احد كان عطاك على السعر اللى انت حاجز فيه المشكله اخوى انه محد يحاسب القطريه

وارتفاع والتلاعب فيها لازم الدوله تتدخل وهيئه الطيران المدنى الصراحه ايش دعوه تذكره مصر 3400 ريال

والايام العاديه 2300 او اقل يعنى عندهم عاى ارفع متى مابغوا ما اقول الله لا يوفقهم بس ويخسرون اشان اشان

يعرفون انه الله حق

[خالي مشاعر]

هيئة الطيران المدني = القطريه

[مافيا قطر]

يئة الطيران المدني = القطريه عيل اللعبت فينا القطريه

[محمد]

نصيحه آخويه ،،
روح عالآتحاد آصرف لك وخدماتهم آفضل من القطريه
وبتوفر في كل تذكره الفين وزياده

[Alpinestars]

الحل الوحيد لردع هذا التلاعب هو المقاطعه !!

بتقولون ياخي دايركت واحسن من الترانزيت عيل كيفكم تحملوا اللي بيجكم منهم

عن نفسي انا مستعد اني اركب السرلنكيه ولا اركب القطريه ... اشدعوه كنا حنا اعداء لهم

اعلى واغلا الاسعار للقطرين .. وللاجانب اقل من نص السعر

وفي شركات بدائل حلوه .. الخليج الاماراتيه وغيرها كثيير

حسبي الله ونعم الوكيل
لاحول ولا قوة الا بالله

[Ms.ART]

لا تعليق

[أروى]

اخوي الاسعار كلها ارتفعت من 1\6

وعرض على الاماراتية اذا اكثر من شخص يعني 3اشخاص واحد يدفع 17600 يمكن والباقي يدفع اقل 25% يعني 13500 والدرجة السياحية 3650 وانا خذتها قبل اسبوع بهذاا السعر وللاسف خذتها لشخص واحد الدرجة الاولى لان القطرية عطتني سعر 14500 يوم 30\5 وقالي موظف المتحدة مافي مشكلة ويوم رحت بجيب التذاكر قال لا 18000 واكثر يمكن كل هذاا حتى يمر تاريخ 30 و31 وترتفع الاسعار

[dark angel]

يا جماعه مشكلتنا ان الله بلانا بهالشركه , عيل تذكره 14700 اشدعوه من زود الخدمه اللي بيقدمونها يعني
انا دوم متعود اسافر على الاماراتيه بس هالمره صج وهقه يالقطريه والا البريطانيه وكل واحد منهم سعره غير شكل

[dark angel]

يا جماعه مشكلتنا ان الله بلانا بهالشركه , عيل تذكره 14700 اشدعوه من زود الخدمه اللي بيقدمونها يعني :rolleyes2::anger1:
انا دوم متعود اسافر على الاماراتيه بس هالمره صج وهقه يالقطريه والا البريطانيه وكل واحد منهم سعره غير شكل
وصعبه ان الواحد ياخذ طياره من الدوحه لين الامارات ومره ثانيه للندن والرحله الطويله وفي الرده نفس العذاب :eek5:
بس شنسوي :anger1:

[yusf]

كان لدي حجز لي وللعائله على درجة رجال الاعمال على الخطوط القطريه لاحد المدن الاوروبيه منذ شهر مايو ،راجعت المكتب لاستلام التذاكر قالوا لي على كل تذكرة تدفع تقريبا 3000 ريال زيادة ،سالتهم لكن الاسعار اللى تم الحجز عليها تختلف ،قالوا هذي الاسعار الجديده للقطريه .......يا جماعة هل هذا معقول ......حسبي الله ونعم الوكيل

تدري من اللي شجعهم على هالمعامله وهالاسعار انتم - طيران الامارات وطيران الاتحاد تناديكم والمعاملة افضل :victory:

[حمد]

كل شي ولا الطيران المدني ... اعرف واحد يشتغل هناك

[lalamar]

حسبي الله عليهم القطريه

[رآعي موآجيب]

تدري من اللي شجعهم على هالمعامله وهالاسعار انتم - طيران الامارات وطيران الاتحاد تناديكم والمعاملة افضل :victory:



:secret:


قااااااااااااااااااااااطعوهم

ياجماعه ليش ما نحاول نقاطعهم وندور غيرهم

الشركااااااااات واااااااااااجد بس احنا ما نعرف الا القطريه لييييييييييييييش !!!

يعني هذا كله ولاء ودعم لشركه ماسحه فينا البلااااااط !!!!!

هذا الي نستحقه من القطريه ؟؟؟

قبل القطريه كنا ما نروح الا على الخليج ,, خلونا نرد على الخليج شــ المشكله ؟

صدقوني ياجماعه القطريه زودتها وتذلنا بفلوسنا هذا والله القهر بعينه وعلمه !

ولا على الاقل خلونا نطالب بتغير الاداره ولا هالاداره وارثين الشركه أبن عن جد !!!


لاااااااااااااااابد بحل مع القطريه لاااااااااااااااابد

[airbus]

هدا كله بسبب ارتفاع سعر البترول

[عذب الكلام 1]

هدا كله بسبب ارتفاع سعر البترول

من السنه الجايه القطريه بشغلونها بالغاز المسال ليش الارتفاع في الاسعار والغاز موجود في البلاد المفروض اتكون ارخص خطوط طيران في العالم

[ولد شرق]

احس في بعض الردود غير المنطقيه من بعض الاشخاص اللي يدافعون عن القطريه
لا مجال للمرتزقه بينا يالاخوان

[بلاهويـــــة]

بكل صراحة أفضل خطوط هي الخطوط الجوية القطرية

كل سفراتي فيها والله العظيم أحس براحة وخدمة مميزة للدرجة الاولى

[بزنس مان 11]

لا حول ولا قوة الا بالله

[mubarak2000]

كل شي ولا الطيران المدني ... اعرف واحد يشتغل هناك

اهي البلوة في الطيران المدني مانع الشركات من تخفيض اسعارها وسامح حق القطرية ترفع اسعارها

[mubarak2000]

:secret:


قااااااااااااااااااااااطعوهم

ياجماعه ليش ما نحاول نقاطعهم وندور غيرهم

الشركااااااااات واااااااااااجد بس احنا ما نعرف الا القطريه لييييييييييييييش !!!

يعني هذا كله ولاء ودعم لشركه ماسحه فينا البلااااااط !!!!!

هذا الي نستحقه من القطريه ؟؟؟

قبل القطريه كنا ما نروح الا على الخليج ,, خلونا نرد على الخليج شــ المشكله ؟

صدقوني ياجماعه القطريه زودتها وتذلنا بفلوسنا هذا والله القهر بعينه وعلمه !

ولا على الاقل خلونا نطالب بتغير الاداره ولا هالاداره وارثين الشركه أبن عن جد !!!


لاااااااااااااااابد بحل مع القطريه لاااااااااااااااابد

اية واللة اشلون سمحنا لهم انهم ايذلونا في افلوسنا يبة لللللللل للقطرية وخلونا نوقف هذا الصيف مع الحملة لمقاطعة القطرية

[mubarak2000]

هدا كله بسبب ارتفاع سعر البترول

ليش البحرين والكويت والامارات يستخدمون ماي مو بترول

[qatar700]

الحقيقه استوقفني هذا الموضوع الهام بشأن الغلاء الذي نلاحظه في كل شي اما الخطوط القطريه فتحدث بلاحرج اظن يا اخوان لدينا البدائل بهذا الشأن نستطيع ان نستخدم الخطوط البديله في المنطقه كي نضع حد بالامبلاه من ادارة الخطوط القطريه والحد من هذا الارتفاع و ناخذ بقصة الخليفة والصحابي عمر بن الخطاب رضي الله عنه حينما جاءه الناس يشكون ارتفاع سعر اللحم فقال لهم "دعوها لهم (التجار) تخيس"، يعني المقاطعه ولابد ان تعلمون يا اخون انه الخطوط القطريه لم تشتهر ولم ترتقي الا بفضل القطريين الذين يسافرون على متنها ( المقاطعه ثم المقاطعه حتى يعلموا بان سياسى الاحتكار ولوي الذراع لا تنفع مع القطريين الشرفاء ) ودعهم يعملون ونحن نعمل

وتقبلوا تحياتي
لا تجري جري الوحوش غير رزقك ما تحوش

[البدر 8]

سعر تذكرة ( الرياض - القاهرة ) 1800 ريال ذهاب + اياب

[كاتم الاسرار]

حسبي الله ونعم الوكيل
لاحول ولا قوة الا بالله

[كيان]

الله يخلي البحرينيه ارخص طيران موجود حاليا ,,

[الراقية]

كان لدي حجز لي وللعائله على درجة رجال الاعمال على الخطوط القطريه لاحد المدن الاوروبيه منذ شهر مايو ،راجعت المكتب لاستلام التذاكر قالوا لي على كل تذكرة تدفع تقريبا 3000 ريال زيادة ،سالتهم لكن الاسعار اللى تم الحجز عليها تختلف ،قالوا هذي الاسعار الجديده للقطريه .......يا جماعة هل هذا معقول ......حسبي الله ونعم الوكيل

اخي الفاضل من المعروف انه بعد شهر 5 مايو اي بعد المعرض الدولي للسفر والسياحة الذي يقام في دبي عادة كل سنة في هذا الشهر تكون بعدة زيادة غير معقولة بالاسعار

وصادوا اختي العام حيث انها حجزت على سويسرا درجة رجال اعمال تقريبا 11.000 وكم مية وكم ريال

طبعا اخذت صورة من الحجز ولما جات تستلم التذاكر اصبحت التذكرة 15.000 نوط ينطح نوط

لذلك اصبحنا انا واهلي نقوم بالحجز من شهر ابريل او مارس اذا كنا خلاص متاكدين من

الحجوزات ولا نسكت وناكل هواء ونرضى بالشركة الديكتاتورية

عموما انا مازلت احجز على الاماراتية مع ان الاسعار متقاربة ولكن نكاية بالقطرية ومنها اسلم على الاهل بالطريق


تقبل تحياتي

واذا لك خاطر في السفر ومالك بديل ولا حل


روح با 3000 وحطها وانت تضحك :victory:

تحياتي لك

[طاش]

حسبي الله ونعم الوكيل

[بوحمد1]

نفس المشكلة بس السعر تغير للضعف من 760 ريال الى 1400 وكسور .

عني بغير سفراتي كلها على الإماراتية ترى سهمها مرتفع وكل اللي سافروا فيها يمدحونها .