نصيحه لوجه الله

[الطبيشي]

ياجماعه احد يشوف اللي اشوفه ,,, الناس ذبحها الطمع ما تأجر الا على شركات ,,, ياجماعه القطري يدور بيت مايحصل أو يحصل ولكن الأولويه للشركات ,,, وين الانسانيه وين القطري اللي ينفع القطري ,,, لابد أن يقف الانسان مع نفسه ؟؟؟ يقول النبي الكريم ص ارحموا من في الارض يرحمكم من في السماء ,,, لابد أن ينظر بعضكم لبعض ويحتسبها عند الله ,,, اذا أنت في بيت تذكر ان غيرك من اعيال بلادك تشتت اسرته والسبب ما حصل بيت !!!! لا بد أن نتآلف ونتكاتف ونقوم بحملة محبه ووفاء للأسره القطريه ومثل ماقلت نحتسبها على الله .
























ا

[بنت الدوحه]

ياخوي الحين الاخ ياكل اخوه بسبب الماده تبي القطري ينظر بحال القطري ؟؟

والله شي يحز بالخاطر لما نكلم احد الملاك يقول لك مابي أأجر لقطري اجانب وعرب بس

لا وفوق هذا الايجار خاص ويراعيهم كثير بس لو قطري يقول لك 20 او 25 الف

ياليت الملاك يرحمون شوي حتى طلبات الناس صار صعب علينا نحصلها

لذلك تلقى اغلب الطلبات هنا ردودها صفر والسبب ما فيه امكانيه انك توفر لهم طلبهم

انا اسمع واشوف حريم والله ان قصصهم تقطع القلوب وهم قطرياات وفي بلدهم

وحده تقول لي انا ابي غرفه وحده بس اعيش فيها انا وامي !!

تخيل قطريه تعيش بغرفه ؟؟ ليش

وين النخوه وين عيال البلد

مافيهم احد يوقف مع حرمه ويساعدها

الله المستعان ياخوي هذا الطمع يعمي البصر الله لا يبلانا بقلوب متحجره

[الطبيشي]

اختي بنت الدوحه لان مشاركاتي اقل من العدد المطلوب ما أقدر أرسل رساله خاصه ,,, اذا فيه امكانيه ارسلي الرقم ع الخاص .

[باتريوت]

المشكلة أن الانطباع السائد لدى كثير من الملاك بجانب قيمة الأجار أن القطري غير ملتزم عندما يستأجر العقار كذلك لا يحافظ على العقار بعكس الأجنبي , لذلك يفضل كثير منهم الأجانب على القطريين .

[حبر سري]

اخوي شوف هالرابط وبتعرف ليش يبون ايأجرون بس على الشركات:
http://www.qatarshares.com/vb/showthread.php?t=147810

سبحان الله , البشر اعداء بعض

[بنت الدوحه]

شيك الخاص اخوي

[vip-30003]

السلام عليكم ,,,,

والله هالموضوع محد يقدر يتكلم فيه .. السوق عرض وطلب ..

وبعدين سؤال محيرني اللي اعرفه القطري عنده بيت شعبي اذا كان جنير وبيت كبار الموظفين اذا كان سنير

المفروض اي قطري عنده بيت ,,, بس قطري متجنس وضع ثاني ,, الارامل والمطلقات يصرفون لهم بدلات وفي اراضي وفلوس لهم ,,,

اللي انا اعرفه ان في فئة ما عندهم بيوت هم الشباب اللي توهم متزوجين وباديين حياتهم ,, بس

اما عايله قطريه وما عندها بيت ما اعتقد واذا صادف ما عندها بيت اكيد في سبب ,,,

بس حاليا الايجارات صارت تنزل وراح تنزل اكثر .. وبروة مو مقصره ..

وبعد ما الوم التجار لان هاذي طفره وبتخلص .. ولازم المستثمر يستفيد

سؤال .. لو الواحد عنده فيلا يأجرها حق شركة بسعر عالي او بسعر رمزي حق قطري ؟؟؟
اذا كل تاجر فكر بقلبه .. عيل الكل بيخسر .. نبيع ببلاش وكل اللي بيدنا صدقات .. هذا مو منطق ولا عقل

المفروض الدوله تدخل اما التجار .. لا ممكن يكون سعره وسط اما رمزي لا ..
فيلا كلفة 3 مليون بكم يأجرها ب 5 ولا 8 الالاف متى يجيب راس المال بعد 32 سنه ..
هاذي نكته ..

واسف اذا كلام بيضايق نااس بس هذا واقع

[لاداعي]

ياخوي الحين الاخ ياكل اخوه بسبب الماده تبي القطري ينظر بحال القطري ؟؟

والله شي يحز بالخاطر لما نكلم احد الملاك يقول لك مابي أأجر لقطري اجانب وعرب بس

لا وفوق هذا الايجار خاص ويراعيهم كثير بس لو قطري يقول لك 20 او 25 الف

ياليت الملاك يرحمون شوي حتى طلبات الناس صار صعب علينا نحصلها

لذلك تلقى اغلب الطلبات هنا ردودها صفر والسبب ما فيه امكانيه انك توفر لهم طلبهم

انا اسمع واشوف حريم والله ان قصصهم تقطع القلوب وهم قطرياات وفي بلدهم

وحده تقول لي انا ابي غرفه وحده بس اعيش فيها انا وامي !!

تخيل قطريه تعيش بغرفه ؟؟ ليش

وين النخوه وين عيال البلد

مافيهم احد يوقف مع حرمه ويساعدها

الله المستعان ياخوي هذا الطمع يعمي البصر الله لا يبلانا بقلوب متحجره


جزاج الله خير أختي وبارك الله فيج

[الطبيشي]

السلام عليكم ,,,,

والله هالموضوع محد يقدر يتكلم فيه .. السوق عرض وطلب ..

وبعدين سؤال محيرني اللي اعرفه القطري عنده بيت شعبي اذا كان جنير وبيت كبار الموظفين اذا كان سنير

المفروض اي قطري عنده بيت ,,, بس قطري متجنس وضع ثاني ,, الارامل والمطلقات يصرفون لهم بدلات وفي اراضي وفلوس لهم ,,,

اللي انا اعرفه ان في فئة ما عندهم بيوت هم الشباب اللي توهم متزوجين وباديين حياتهم ,, بس

اما عايله قطريه وما عندها بيت ما اعتقد واذا صادف ما عندها بيت اكيد في سبب ,,,

بس حاليا الايجارات صارت تنزل وراح تنزل اكثر .. وبروة مو مقصره ..

وبعد ما الوم التجار لان هاذي طفره وبتخلص .. ولازم المستثمر يستفيد

سؤال .. لو الواحد عنده فيلا يأجرها حق شركة بسعر عالي او بسعر رمزي حق قطري ؟؟؟
اذا كل تاجر فكر بقلبه .. عيل الكل بيخسر .. نبيع ببلاش وكل اللي بيدنا صدقات .. هذا مو منطق ولا عقل

المفروض الدوله تدخل اما التجار .. لا ممكن يكون سعره وسط اما رمزي لا ..
فيلا كلفة 3 مليون بكم يأجرها ب 5 ولا 8 الالاف متى يجيب راس المال بعد 32 سنه ..
هاذي نكته ..

واسف اذا كلام بيضايق نااس بس هذا واقع

صباح الخير

[DEMAC]

مبروك الاسعار طاحت ومحد سما عليها

[ام شادن]

ان شاء الله طيح الاسعار ويستقر كل شي وطيح ها الايجارات في جبودهم ما في تكافل اعوذ بالله الناس ذبحها الجشع والطمع محد يشوف حال أخوة شلون مجتمع مسلم بدون تكافل

[بورصة العقار]

مبروك الاسعار طاحت ومحد سما عليها

الشيخ بخصوص الاسعار فترت صيف والسوق مات
الله يستر بشهر 10 اش بيصير
قول امين