المساعد الشخصي الرقمي

مشاهدة النسخة كاملة : تلفزيون قطر


العنابي
14-06-2008, 04:22 PM
تلفزيون قطر في طريقة للحضيض بلاهوية ولا منهجية ولارؤية واضحة
للأسف حتى برامج الاطفال هابطة :anger1:
عاشق الشهادة
14-06-2008, 04:27 PM
تلفزيون قطر في طريقة للحضيض بلاهوية ولا منهجية ولارؤية واضحة
للأسف حتى برامج الاطفال هابطة :anger1:




صدقت يـ العنابي ؟


أيش الحل ؟

تمنيت منك لو طلبت من الأخوان الحل برئيهم نشوف ردودهم وحلولهم!!!
بوحارب
14-06-2008, 04:33 PM
تلفزيون قطر حدهم برامج بابا لنجا وبس ^ ـــ *
الألماسي
14-06-2008, 04:36 PM
اللـه يا تلفزيون قطــر . . صج ايـــام . .

مالـي علم فيـه صراحـه :secret:

يالجزيــره الرياضيــه او الاخباريه أو MBC او الكــأس أو الرأي او قناه بوظبي . .

يوم اشوف قنـاه Qatar اعتبرهــا مطب
The Blade
14-06-2008, 04:58 PM
مع الآسف انه تلفزيون يتكلم بشكل رسمي بأسم الامير وبأسم اهل قطر
اتمنى الاهتمام أكثر :)
جمال العبدلي
14-06-2008, 05:00 PM
تلفزيون قطر ايام عزه على ايام فوزي الخميس الله يرحمه .. الحين اصبح تلفزيون هجين
الفاخر
14-06-2008, 05:04 PM
راحت ايام تلفزيون قطر
انا مستغرب كل ما يمر الوقت اخبر ان الواحد يتطور ويعدل ويشوف ايش السلبيات ويزيد من الايجابيات
بس تلفزيونا الله يهديهم في السابق برامجه ولا اروع اما اللحين برامجه سخيفه يمكن احسن شي عنده النشرة الرياضية بسسسس
بوخالد2
14-06-2008, 05:06 PM
انا اخر مره شفت تلفزيو نقطر

قبل لانركب دش هذا عدي به

يعني لين الحين موجود !!!:nice:
هام السحاب
14-06-2008, 05:11 PM
والله مادري اذا لي الحين هالقناه موجوده عندي ولا لا
من زمان ماركزت عليها
لجين
14-06-2008, 05:15 PM
احسن شي فيه برنامج الشيخ العريفي

كل سبت الساعه 10 المسا

والا باقي البرامج ماتابعها
ضوى
14-06-2008, 05:18 PM
احسن شي فيه برنامج الشيخ العريفي

كل سبت الساعه 10 المسا

والا باقي البرامج ماتابعها



معاج حق والله

اتابع برنامج العريفي كل يوم سبت ومسلسل باب الحارة كل يوم الساعة 12.30 بالليل
العنابي
14-06-2008, 05:22 PM
شكرا على تجاوبكم
بس شي يقهر الصراحة هالتلفزيون لوكان قناة تجارية مثل غيرة قلنا عادي
بس لونه عنابي , شوف تلفزيون بوظبي وسما دبي ومين صارو
كيت كات قطر
14-06-2008, 06:45 PM
مساكين الموظفين رواتبهم اقل رواتب في الدوله وتبونهم يبدعون عطوهم مثل الجزيره او الكاس كان بتشوفهم روعه بس الله يعينهم
جمال العبدلي
14-06-2008, 07:12 PM
مساكين الموظفين رواتبهم اقل رواتب في الدوله وتبونهم يبدعون عطوهم مثل الجزيره او الكاس كان بتشوفهم روعه بس الله يعينهم

صحيح في هالنقطه اتفق معاك فعلا لا توجد رواتب ولا حوافز ولا اي شي يشجع على العمل المبدع فكل شي في تلفزيون قطر محبط .. كفايه عليهم اول وزارة تم تخصيصها وزارتهم والا الان لم يتم اعتماد هيكلها الاداري والمالي ..المصور القطري في التلفزيون يستلم حوالي 7000 ريال بينما الاجنبي في الجزيرة وبنفس الوظيفه اكثر من 15 الف ريال هذا غير التامين الصحي والسكن والتذاكر :)
بو عبدالرحمن
14-06-2008, 09:13 PM
اسباب تخلف التلفزيون:
اكثر من 40% من موظفين التلفزيون وجودهم كعدمه.عدد موظفي التلفزيون اكثر من 600 والمفروض انهم مايتجاوزون 400.
المسؤلين في التلفزيون لازالوا يحملون عقلية السبعينات.
pink girl
14-06-2008, 09:28 PM
لي صديقات وايد فى التلفزيون ورأيهم فى سبب تخلف التلفزيون . أول شئ الاداره متخلفه وايد

والمدير ما عنده افكار او خطط لرقي وتقدم التلفزيون .

ابد لا يملك اي ابداع ولا نظره مستقبليه للاعلام .مهمة بس توقيع على الاوارق والامور

المكتبيه الي ممكن اي موظف صغير يقوم بها . مشكلة التلفزيون مشكلة اداره للاسف ومحتاج

التلفزيون اداره واعيه وملمه بالامور بالشكل الصحيح . يعني بذمتكم هذا تلفزيون يمثل

اسم دولة قطر الحبيبه . والله شئ يفشل ويقهر .

اما بالنسبه للميزانيه فهي موجوده لكن للاسف تصرف فى غير محلها على المكاتب الكشخه

الي يبدلونها كل سنه وعلى تجديدات هندسيه غير مهمه فى الوقت الحالي .

الحل يكمن فى تبدليل الاداره بأداره واعيه وتفهم يعني ايش اعلام وتلفزيزن .

ورفع مستوى وكفاءه المسؤولين فى التلفزيون الي بعضهم ما يعرف حتى صياغة وكتابة

كتاب رسمي . وبعدين رفع الرواتب للموظفين العاملين فى الهيئه .


التلفزيون من سئ الى اسؤ . الحقوا عليه يامسؤلين .
عبد الرحمن77
15-06-2008, 12:34 AM
السلام عليكم ورحمة الله وبركاته


:victory: في اعتقادي في الوقت الحالي أن البديل الممتاز للقنوات الهابطة هو قنوات المجد الفضائية، فهي مناسبة للأطفال والكبار والشباب، من تجربة تعتبر أفضل قناة إسلامية تقدم الرسوم المتحركة الهادفة والعلم الشرعي والأفلام الوثائقية والأخبار والمعلومات وغيرها من الأشياء الطريفة.
إذا أردتم الاشتراك هناك وكيل لهم في شارع السد(MMS) ،بالقرب من تسجيلات الأمة الإسلامية.
الساهرة
15-06-2008, 12:44 AM
انا فقط اتابع برنامج الليوان <<<< يعني في رمضان بس
وبالنسبه لبرامج الاطفال امحق برامج في كل التلفزيونات مب فقط القطريه
رسوم بسم الله اشكال اتخرع ولا فيها شبه من البشر يتعطي معلومه غلط لطفل ولا فيها هدف القصه
الله على رسومنا يام الثمانينات بومبو وبوليانا وبيل سبستيان وسالي قصص فيها عضه ومعرفه تحترم العقليه
الان مانقول الا الله يستر على عيالنا من هالرسوم اللي زود على شكلها اللي يخرع اتعلم الاطفال اشياء غلط
في العقيده وفي الثقافه وفي العادات .




الساهره
غـيـد
15-06-2008, 01:11 AM
اهتمامهمــ بســ فيــ تغيير ستايلــ التلفزيونــ والجرافكــ

اما المضمونــ فهو فيـ قائمة التجاهلــ ..!!
بنت المنتدى
15-06-2008, 01:17 AM
انا اشوف توم وجيري الصبح :)


واذا تبي تنقهر عدل شوف البنوته اللي (يمكيج ) ويتشبه فينا:anger1::anger1:
الخفي
15-06-2008, 04:31 AM
تلفزيون 80 % من برامجه اغاني او برامج غير مفيده

رجل جنس ثالث يقدم برنامج للمكياج اعتقد ان من قبل بوجود هذا الشخص

في تلفزيون يحمل اسم دوله مثل قطر رجل لادين ولا حياء ولا وطنيه وهذا اولا

دليل على استخفافه بأسم البلد والمشاهدين واعتقد ان تلفزيون قطر من 7 سنوات وهو في الحضيض

طبعا استثني برنامج الشيخ العريفي والشيخ عايض القحطاني فقط والبرامج المتبقيه هابطه
الوجبه
15-06-2008, 06:55 AM
http://2rath.jeeran.com/Q-TV.jpg

الله يرحم الحال كان يسكر الساعه 11 ويفتح 8 الصباح على القران ..

والحين يصبح على ذهبيه ويمسى على نورا .. شاهت الوجوه
ضوى
15-06-2008, 06:58 AM
االصراحة يوم الجمعة قبل المغرب كنت حاطة عالدوحة ابي اسمع الاذان والا هذيك الاعلانات الحلوة اللي فعلا مؤثرة والصراحة اول مرة اشوفها ، اعلانات عن الزكاة والصلاة والسرعة في القيادة يعني الصراحة استمتعت جدا وانا اشوفها
جمال العبدلي
15-06-2008, 08:40 AM
االصراحة يوم الجمعة قبل المغرب كنت حاطة عالدوحة ابي اسمع الاذان والا هذيك الاعلانات الحلوة اللي فعلا مؤثرة والصراحة اول مرة اشوفها ، اعلانات عن الزكاة والصلاة والسرعة في القيادة يعني الصراحة استمتعت جدا وانا اشوفها

الوقفات الدينييه والتوعويه عباره عن وقفات مدفوعة الاجر من صندوق الزكاة وجمعية قطر الخيرية يعني لو على التلفزيون ماحطها ولا افتكر فيها حتى
الزعفراني
16-06-2008, 07:28 PM
والله أنا مستغرب إنه في ناس ليما ألحين يتابعون " تلفزيون قطر " :) يعني من قل الفضائيات او تنوعها عشان نتابعه ؟!
lka
18-06-2008, 07:05 AM
ما أعرفه خير شر
للأسف
اّل ثاني 77
18-06-2008, 07:17 AM
:con2: سامع بها الاسم من قبل بس ما ادري وين
كم تردد هالقناة وعلى اي قمر ؟؟:rolleyes2:
اعالي الجنان
18-06-2008, 08:08 AM
:con2: سامع بها الاسم من قبل بس ما ادري وين
كم تردد هالقناة وعلى اي قمر ؟؟:rolleyes2:

صاج بكلامك وله تتغشمر!!!
سهم طايش
18-06-2008, 08:29 AM
آخر مرة شفت تلفزيون قطر مع هذا الشعار يوم كنا نفر الاريل بسبانه

http://farm1.static.flickr.com/86/223456879_88ca7e36a2_m.jpg
العنابي
18-06-2008, 03:30 PM
والله لو ما كان يحمل أسم الدولة كان ما همنا
بس اسمة تلفزيون قطر "مصيبة"
تؤكد الدراسات الحديثة بأن 80% من الفشل يرجع لسوء الادارة أو الفساد الاداري
lalamar
18-06-2008, 06:49 PM
انا مااشوف قناة قطر الا في رمضان
البيت القديم
18-06-2008, 07:30 PM
آخر مرة شفت تلفزيون قطر مع هذا الشعار يوم كنا نفر الاريل بسبانه

http://farm1.static.flickr.com/86/223456879_88ca7e36a2_m.jpg

لا وبعد حزات يضربك شوط ونت اتفر لريل :nice::nice: