اللي أمه على وجه الدنيا

[GULFSUN]

يالربع اللي أمه على وجه الدنيا لا يقصر في برها وطاعتها وإسعادها

ترى اليوم فوق الأرض وبكرة تتمنى ساعة بس علشان تبر في أمك

http://up4mb.com/up/get-6-2008-65rgc3us.JPG (http://up4mb.com/up)

لايوجد كلمات استطيع أن اعبر بها عنه هذا المنظر إلا سؤال واحد فقط

ياترى من يرقد في هذا القبر

الذي اتى بهذه الطفل في ساعة الظهيرة وبعد المدرسة مباشرة؟

اظنه حنان الأم المفقود..

اتا يبحث عنه في هذا الساعة

رحم الله موتانا و موتى المسلمين

[أم نوره]

ياربي منظر يعور القلب :weeping::weeping:

الله يطول بعمر الوالده ويخليها لي

[fahad ..gh]

الصراحه:لا تعليق
و مشكور اخوى على الموضوع..

[غدير البورصه]

قسمن بالله كأنك حطيت يدك ومجعت قلبي ما اقدر اجوف طفل حزين او يصيح .
بر الام في الدنيا طاعتها وارضائها وعقب مماتها الدعاء لها يعني البر ما ينقطع .بقولك قصتي في مطار الدوحه مع طفل اجنبي عقب نص ساعه لان الحين ابي اشوف مطوعنا عايض القرني على قناة اقرأ

[دنيا الاسهم]

صورة تقطع القلب
الله يخلي لي امي فديتها ويخلي لكم امهاتكم كلكم

[ريميه]

صورة مؤثرة تدمع العين وتقطع القلب

أسأل الله ان يرزقنا بر أمهاتنا ورضاءهم عنا

جزاك الله خير الجزاء على الموضوع

وجعله فى ميزان حسناتك

تحيتى

[غدير البورصه]

من خمس سنين كنت في مطار الدوحه في الصاله الخاصه سمعت طفل يصيح ويسكت ويرد يصيح ويسكت قلت لخدامتي اطلعي وشوفي هالياهل شبلاه . ردت الخدامه وقالت امه تقول مافيه شي الحين وبيسكت .وركبنا الطياره ولا نفس الياهل يصيح عاد هذي المره قمت ورحت للياهل يكسر الخاطر هو واخوانه الاثنين دموعهم في عيونهم والي عور قلبي وخلاني اصيح وياهم انهم حافين يعني مب لابسين نعل او جواتي .ويلست عندهم عقب شوي يتني خدامتي وقلت لها قولي للام شو مشكلة اليهال الثلاث مب فرحانين مثل كل المسافرين
قالت زوجي فنشوه من الشغل فجأه وكنسلوا ويزته واحنا راجعين بلادنا والحمدلله احنا بخير .

المهم عرفت ان اليهال واحد عمره 12وواحد عمره 10 يبغون شنط للمدرسه وجواتي رياضه وكورة قدم والوان وكابات و ساعات يد ويبون ككاو وحلاوه هدايا . والياهل الثالث رضيع .
تدري وش سويت نزلت الطياره في دبي انا وجهتي دبي وهم وجهتهم باكستان وينزلون دبي ترانزيت 3ساعات
خذت اليهال وسيده وديتهم السيتي سنتر وبسرعه بسرعه شريتلهم كل الي يبونه وزياده وليتكم شفتوا الفرحه في عيونهم وعلى وجوهم وبسرعه رجعتهم المطار ((حرف الواو موجود )) وفرحة امهم وقامت تحبني وتلمني وما اعرف شو تقول وخذوا مني رقم صندوق البريد الي يخصني .ومن شهرين وصلتني رساله فيها صورهم ما شاء الله عليهم الله يخليهم لامهم .

[The Blade]

الله يطول في عمر الوالده ان شاء الله...
وعسى يومي قبل يومها ....

[قطريه ماركه]

جزاك الله خيير ..

الله سبحانه وصانا على الوالدين وعلى الأم بالذات ..

البنات اعتقد ان قلوبهم على الأم .. وأتمنى من الشباب بعد .. عقب الزواج ما ينسون أمهاتهم..

لو بهديه صغيره من فتره لى فتره ...ترى في ناس يتمنون تكون أمهم موجوده في الدنيا ....

الله يطول أعمارهم ...

[الهاوي28]

امي مهما اسوي لها ما اطلع من جزاها

يكفي ان الجنه تحت قدمها

[بوخالد911]

صورة معبرة

ومؤلمة

ومبكية

وموعظة

وقوووية


اللهم طول في أعمار أمهاتنا

[هام السحاب]

الله يحفظ امهاتنا :)

[شيخ الشباب]

جزاك الله خير على التذكير (فذكر ان الذكرى تنفع المؤمنين) فالجنة تحت اقدام الأمهات

[الزعفراني]

صورة " تدمي " القلب والروح قبل " العين " !!!!!