ابي اسافر الى الكويت.............ابي معلومات عنها

[الحـــوت]

ا:victory:ابي عناوين واسعار الشقق المفروشة في الكويت والاماكن الزينة........اللي يعرف لا يبخل علينا............

[shagrh]

فى شقق اسمها هلا واسعارها بين 35 الى 40 دينار كويتى
وبعد بسال ولك لان بصراحه ماعمرى سكنت بشقق بس اعرف واايد ناس يسكنون بالشقق

[التيما]

في اخوي شقق فنيسيا واسعارها حوالي 500 ريال وما عجبتني صغيره شوي .. وفي شقق المارينا احذا المارينا مول واسعارها 350 ريال بس ما انصح فيها .. ماشاء الله هناك تحصل بدال العماره عماير شقق للإيجار ماراح تغلب واحذا بعض وحول بعض وقريب القصر .. واماكن الزيارة طبعا المجمعات ندك مجمع المهلب ومجمع شرق وهو تقليدي في التصميم وحلو وهادي ومجمع البستان وسمعت عن مجمع الافنيوز وهو جديد وانا للاسف ما رحته وطبعا المارينا مول ومجمع الفنار ومجمع الكوت .. وسوق المباركيه الشعبي وهو من احلى الأسواق صراحه .. وطبعا ابراج الكويت الي فيها مطعم بوفيه ولازم تستفسر عن المواعيد قبل ما تروح وفيه الطابق الأخير الي فيه صور للي صار في الكويت من الغزو العراقي .. ومناظير تشوف فيها الجزر والمناطق حول الأبراج وممكن تاخذ صوره لو حاب ..

[lalamar]

اخوي اذا هاذي اول مره تروح فيها الكويت فأنا اقولك ان مافيها شي والجو حار وغبار ومجمعاتهم صغيره مب مثل اللي عندنا في الدوحه . . يعني مب شايف شي يديد وخاصه ان الحين مب وقت مهرجانهم . . يعني ماانصحك تروح

[mubarak2000]

انا العام الماضي رحت في الصيف مع اليهال واللة انهم استانسوا احسن من ادبي , اسكن في فندق النخيل عندهم شقق فندقية على البحر في السالمية وروعه وسعرهم معقول , وخذ معاك جبي اس لانة شوارعهم عجيبة ولا فية زحمة , وتقدر تاخذ برنامج الزيارة من منتدى المسافرون العرب .

[امـ عبدالله]

اصبر خل يستعدل الجوووو


ترى اهنااك ازيد من الي عندناااا

http://www.pic4ever.com/images/choked.gif


وسمعت انهاا غاليــه تأأكد من هالمعلوووووووووومه http://www.pic4ever.com/images/169.gif

[Media]

الكويت حلوه وباذن الله بتستانس فيها لكن عيبها ان في هالفتره الجو حار اكثر من عندنا مثل ماقالو الاخوان ، مجمعاتهم التجاريه كثيره وعندهم القريه المائيه وعدة اماكن ترفيهيه ثانيه

ان شاءالله تستانس

[lalamar]

حبيت اضيف ان تعاملهم مع الناس مب زين

البعض وليس الكل

[فواز العجمي]

حبيت اضيف ان تعاملهم مع الناس مب زين

البعض وليس الكل

هذا بكل الدول مو بالكويت بس ولا انت ماشفتة الا بالكويت

[الراقية]

السلام عليكم ورحمة الله وبركاته

انصحك بشقق اجنحة بودل بالسالمية

راقية ونظيفة وقريبة من كل شي وامان والتعامل فيها راقي وكل شي تحت يدك

الاسعار

شقة أم غرفتين ب 55 د.ك
شقة أم غرفة وصالة ومطبخ صغير 30-35 د.ك
غرفة أول ماتفتح الباب تلقى السرير 25 د.ك

بس تستاهل وروح على ضمانتي توني راجعه من كم يوم يعني الاسعار من كم يوم



بالنسبة للجو مايختلف عن قطر واعتقد انت رايح لاماكن مغلقة ومكيفة ومااعتقد رايح تقعد قعدات خارجية لان حتى بقطر بتنشوي

بالنسبة لاهل الكويت مثل اي بلد فيهم الشين والزين


ولو خليت خربت

تمنياتي لك برحلة موفقة
احتك الراقية

[راعي ال2008 الاسود]

اخووي الحوت تبي مكان حلو وترتاح فيه ابرك من الكويت بألف مرة
رووح بيت ربك البيت الحرام مكة المكرمة شرايك مب احسن من الكويت رووح على الاقل في بيت ربك تستفيد
من شي هي الحسنات مب الكويت حارة وغبار ول فيهاا مجمعات نفسنا وانا رحت لها يومين لوعت جبدي
اقول لوني في الدوحة كان ابرك لي منها مافيها شي مميز عن بلاد الخير حبيبتنا قطر وبالتوفيق لك ان شاء الله
والراي لك وانت كيفك