استفسار ضرورى

[مافيا قطر]

شباب بغيت اعرف عن شاليهات الغاريه على كم فى اليوم وهل عندهم خيول وبطابط وهل هى مكان مناسب ليوم الجمعه للعوائل وهل احد ممكن يسوى لنا خصم عندهم

[lalamar]

انا سمعت انها مناسبه حق العائلات لكن ان شاء الله الاخوان يفيدونك اكثر

[HADi]

اخوي مافيا انت متى ناوي تروح

لاني سامع عن شليه خاص يتاجر ويمدحونه

بس مافيه طبعا بطابط

على ما اعتقد فيه بركه خاصه ومستوره وطبعا عندك البحر

بسال عنه وبرد لك خبر

واتمنى لك وقت ممتع

[التيما]

شاليهات الغاريه في اليوم حوالي 1200 .. وانا دايما احب اروح هناك بس صراحه قبل الجو هادي اكثر من الحين الحين زحمه وصارت الشركات تأجر منهم فتلاقي شاليه في حوالي 200 هندي وهنديه رايحين وقاعدين فيه وين اداره الشاليه عنهم مادري .. بس الاغلبيه عوائل وفيها بركه سباحه للكبار والأطفال ومن الساعه 9 الصبح لين 8 بالليل للرجال ومن 9 بالليل لين 12 نساء فقط .. وفيه سياكل وممكن تأجر سكوترت لو حاب وفيها العاب للأطفال .. بس خيول لا ما شفت صراحه ..

[فلفل حار]

اخوي مافيا انت متى ناوي تروح

لاني سامع عن شليه خاص يتاجر ويمدحونه

بس مافيه طبعا بطابط

على ما اعتقد فيه بركه خاصه ومستوره وطبعا عندك البحر

بسال عنه وبرد لك خبر

واتمنى لك وقت ممتع

اذا المكان راقي وهادي والله ابرك لك من الغاريه والبلشتيه الي مسندرين العوائل هناك

[مافيا قطر]

هادى ممكن رقم الرجال وانا ناطر ردك

[HADi]

ابشر اخوي ..

بطلع لك رقمه اليوم ان شاء الله

[برق قطر]

اشرد من الغارية وشاليهاتها والله مافيها غير الازعاج وقلة الراحة وبتكتشف انك سويت في نفسك اكبر مقلب انك رحت هناك..

[مافيا قطر]

طيب وين شاليه حلو على البحر وعندهم بطابط وغيره

[اكسجين]

شاليهات الغاريه.

اسمها اكبر منها

[HADi]

طرشت لك على الخاص التفاصيل

[رامي]

السعر اخر مره من شهر تقريبا
كان 800 ريال

[مزيون الدوحه]

السعر 800 ريال لليله
واعتقد السعر فوق الممتاز بالمقارنه
مع اسعار الشاليهات الثانيه

[راعي ال2008 الاسود]

اي والله حلوة وابرك من منتجعات السيلين الي الليلة الوحده ب 3500

[لوليتا قطر]

لا اخووي بصرااحة اذاا وديت هلك بتتحسف قمة في المسخرة وعن تجربة قعدنا يووم والشبااب ماخلونا بحلنا نسووق بطاابط ورانا ورنا نطلع نتمشى وراانا والشاالية مووو كبير ولا صغير كلن يشووف الثااني
نصيحة لا ترووح في امااكن ثاانية احلى مثل البيوت اللي تجي مثل الشاالية ويذكروون وااحد في الخور واسترااحة الوسيل
مكاان لك ولهلك مح يشووفكم بركة سبااحة وزرع وممكن انت اتأجر بطابط وتوديهم

[فلفل حار]

اخوي هادي ، هل المكان بعيد عن الناس وهادي ؟
بخاطري اودي الاهل اغير جوو

انتظر ردك مع السعر الطيب :)

[فلفل حار]

شكرا علي الرقم اخوي مافيا قطر :)