تايلند

[مافيا قطر]

ايش احسن فندق فى بانكوك العاصمه وبوكت حق العوائل من ناحيه قريب للاسواق وامان ونظيف وسعره ومناسب وايش افضل وارخص مكان للحجز منه عليه ابى ترشيحاتكم

[قناص قطر]

السلام عليكم

اخوي بالنسبة لبانكوك ارشحلك

الماريوت او السوفيتيل وافضل السوفيتيل للعوايل

على فكرة الفندقين جنب بعض مسافه 500 متر تقريبا

اما فوكت عندك قريس لاند او امبيانا كبانا قريب فندقين بجوار المطاعم والبحر

بالتوفيق اخوي

[مافيا قطر]

ماقصرت اخوى قناص قطر على رد بس الماريوت قريب من الاسواق والمجعمات التجاريه وشارع العرب

[التيما]

اذا تحب اللمه والعرب بيكون احسن مكان لك جريس و الاند مارك في شارع العرب .. شارع نان .. راقي وحلو .. بس انا ما حبيت الشارع بكبره لاني ماحب اروح واشوف مناظر تعور قلبي .. والاسعار في تايلند كل سنه تزيد ومب رخيصه وايد ولا غاليه وااايد .. احنا قعدنا في شقق فندقيه في حي السفارات واحلى مافي المكان ان الشرطه مليانه لوجود السفارات حولنا .. وعندك جراند حياه حواليه الاسواق والفورسيزون بعد قريب من شارع العرب .. وبوكيت عندك الهوليدي ان اربع نجوم وعندك الهيلتون .. وتقدر تحجز من المكاتب السياحيه في شارع العرب او الفندق الي انت فيه بيوفر لك رحله لبوكيت وبتايا وشانغ ماي ..

[مافيا قطر]

ما قصرتى التيما يعنى الشقق الفندقيه احسن طيب ايش اسمها وعلى كم اسعارها لانى من زمان ما رحت تايلند

[التيما]

ما قصرتى التيما يعنى الشقق الفندقيه احسن طيب ايش اسمها وعلى كم اسعارها لانى من زمان ما رحت تايلند

صراحه ناسيه اسمها اخوي من سنتين تقريبا رايحه .. بس كانت وسيعه وغرفتين ومطبخ وفي الدور 22 وسعرها كان حوالي 500 ريال في اليوم حوالي 5000 بات.. واحنا قعدنا شهر تقريبا .. بس في شقق بعد في شارع سلادينج وهو قريب من الشارع العربي ونايت بازار وباتبونج والمولات قريبه منه ..

ولقيت لك هالشقق بس ما جربتهم ..

Rembrandt Towers
النجوم 4
الموقع في Soi18 Sukhumvit Road
السعر من 3000 بات الى 6000 بات

Royal President
النجوم 4
الموقع في Soi15 Sukhumvit Road
السعر من 1500 بات الى 2500 بات

Somerset Lake Point
النجوم 4
الموقع في Soi16 Sukhumvit Road
السعر من 2000 بات الى 6800 بات

[التيما]

فيه شقق فى السكومفيت شارع 19 فى منطقه هاديه ومناسبه وقريبه من مجمع تجارى إسمه روبنسون لو تعرفه ولو بتمشى لعند حى العرب 10 دقايق أو بالتاكسى أو بالقطار العلوى ولكن لازم تمشى خطوتين لأول الشارع إللى فيه الشقق .

الشقه غرفتين وصاله (سريرين ملكى للغرفتين) وحمام فى الصاله وتليفزيون فى الصاله بمكتبه وطاوله للطعام وأنتريه للجلوس والمطبخ كامل لكنه صغير شوى لكنه مكتمل من كل شئ . أيضا هناك تليفزيون بغرفة النوم الكبيره مع دولاب كبير ومكتبه أيضا عليها التليفزيون .

جميع المفارش جيده ومناسبه لك .

بالنسبه للمسبح وصالة الالعاب بالدور التاسع من البنايه .

سعر الليله بالشقه حجم 60 متر مربع (غرفتين وصاله) = 3100 بات تايلندى .

ولو تبيها بالأسبوع حوالي =18.500 بات تايلندى .

ولو تبيها بالشهر حوالي = 65.000 بات تايلندى .

[lalamar]

انصحك بفندق الماريوت
فندق خمس نجوم وماعليه كلام
وكل اللي يسافر تايلاند (علاج وسياحه ) يسكن فيه
وحذاه مجمع تجاري بينه وبين الفندق جسر مكيف تركب فيه وتلقى نفسك في المجمع

[بـــ ح ـــر]

الماريوت افضل شي

وفي بوكت هوليدي ان

[نورFROM قطر]

احسن فندق في بانكوك اماري..... اول ماتطلع من باب الفندق الا رجلك بشارع العرب ( بعد شنو احلى من هالشي)

بس احجز بالقسم الجديد وااااااااايد حلو احنا ناخذ سويت دايما" نظيف واسعارهم وااااايد رخيصه

حتى لو ماحجزت فيه مر عليه وعطني رايك

[نورFROM قطر]

اماري بوليفارت

[الفهد1]

حاول اتروح الشارع خلف الماريوت بالتحديد بعد محطة البترول هناك شقق فندقية الصراحة روعة من سنتين كنت هناك وخذت جولة على اللشقق وكانت جميعها بجانب بعض والنت متوفر في الشقة والصراحة الي عجبني فية السعر الغرفة مع صالة ومطبخ وتكرم حمام 1500 بات والغرفتين 2500 بات وعلى فكرة كنت في وقتها ساكن في الماريوت بس احبيت استكشف شنهو خلف الفندق مع العلم بانة الماريوت وايد زين مثل ما قالو لك بس عيبة الغرف وايد صغيرتحياتي لك اتروح وترجع بالسلامة

[راعي ال2008 الاسود]

بالتوفيق ان شاء الله

[shagrh]

انا تونى راجعه من بانكوك وبوكت
ويوم كنت ببانكوك سكنت ليله وحده بفندق اسمه ارنوما وحولك كل المجمعات وسعره واااايد زين
وعقب سكنت باقى الاياام بالكونراد بس سعره غالى

[وضحى قطر]

بانكوك (جريس)

بوكيت (هوليدي ان)



:victory:

[لوليتا قطر]

ماا اعرف ولا مرروة رحت

[بو الجوري]

مرحبا ..

بخصوص بانكوك مانصحك تسكن في جريس ..

انصحك تسكن في اماري بوليفارت خلف جريس تقريبا .. ومقابل الفندق في food center

سوبر ماركت كبير .. وقريب من شارع العرب والمحلات ..

ومره سكنت في جراند دايموند في باتونام ..صراحه حلو ..وهادي ..

5دقايق تقريبا بالسياره لين شارع العرب ..

وفي حذا الجراند دايموند وايد مجمعات حلوه .. تروحلها مشي ..

وبخصوص بوكيت صراحه مارحت:)

تحياتي