سؤال للي استخدم النيسان ستيشن فتك

[الخفي]

السلام عليكم ورحمه الله وبركاته

انا ناوي اشتري نيسان فتك 2006 او 2007

وودي اسئل اللي استخدم هالسياره

1- هل هي تصرف بترول زياده ولا عادي

2- هل اعطالها كثيره ولا لا

3- هل قطع الغيار غالي ولا رخيص

4- كيف معامله الشركه ( الصيانه ) وهل فيه زحمه مثل التويوتا

5- هل سعره ينزل بسرعه ولا لا

6- للي استخدم النيسان والجي اكس ار ايهما افضل بالمقارنه

وشكرا مقدما للأراء وياليت يفيدونا اهل الخبره

[خالد الخوري]

1 الصرفية حسب الدعسة بس تعتبر صرفية طبيعية
2 الاعطال قليلة والحمدلله
3 قطع الغيار غالية لكن لو تحسبها القطع تعمر فترة اطول عن التيوتا يعني نفس الشي اذا تبدل القطعه في التيوتا مرتين تبدلها في النيسان مرة بس النيسان عموما قطعها غالية
4 الشركة مافيها زحمة ومعاملتهم جيدة حتى كل بين فترة وفترة يتصلون عليك الشركة يسالونك عن الموتر - فيه اهتمام
5 السعر ينزل بس لو تهتم في الموتر يحافظ على السعر
6 جربت الجكسار والجى اكس والستاندر الصراحة الفتك شي غيييييييييييييير
7 انصحك تاخذ قير عادي بالتوفيق

[الخفي]

1 الصرفية حسب الدعسة بس تعتبر صرفية طبيعية
2 الاعطال قليلة والحمدلله
3 قطع الغيار غالية لكن لو تحسبها القطع تعمر فترة اطول عن التيوتا يعني نفس الشي اذا تبدل القطعه في التيوتا مرتين تبدلها في النيسان مرة بس النيسان عموما قطعها غالية
4 الشركة مافيها زحمة ومعاملتهم جيدة حتى كل بين فترة وفترة يتصلون عليك الشركة يسالونك عن الموتر - فيه اهتمام
5 السعر ينزل بس لو تهتم في الموتر يحافظ على السعر
6 جربت الجكسار والجى اكس والستاندر الصراحة الفتك شي غيييييييييييييير
7 انصحك تاخذ قير عادي بالتوفيق



شكرا على المعلومات القيمه ياخالد بس هل السياره تعمر معاي

اربع او خمس سنوات بدون ما تتلخلخ ولو كنت جدام خيارين نيسان فتك

او Gxr شنو الافضل فيهم وهل الجير العادي هو نفسه اللي اقدر احوله تماتيك

ولا جير عادي لاني سمعت ان فيه فيه نوع جير عادي وجير تماتيك في نفس الوقت

[المجروح81]

1 الصرفية حسب الدعسة بس تعتبر صرفية طبيعية
2 الاعطال قليلة والحمدلله
3 قطع الغيار غالية لكن لو تحسبها القطع تعمر فترة اطول عن التيوتا يعني نفس الشي اذا تبدل القطعه في التيوتا مرتين تبدلها في النيسان مرة بس النيسان عموما قطعها غالية
4 الشركة مافيها زحمة ومعاملتهم جيدة حتى كل بين فترة وفترة يتصلون عليك الشركة يسالونك عن الموتر - فيه اهتمام
5 السعر ينزل بس لو تهتم في الموتر يحافظ على السعر
6 جربت الجكسار والجى اكس والستاندر الصراحة الفتك شي غيييييييييييييير
7 انصحك تاخذ قير عادي بالتوفيق


نفس الكلام والله

الخرابات والحمدالله قليله

بس انا استعملت التماتيك واشوفه الصراحه قوي

[الوفي]

1 الصرفية حسب الدعسة بس تعتبر صرفية طبيعية
2 الاعطال قليلة والحمدلله
3 قطع الغيار غالية لكن لو تحسبها القطع تعمر فترة اطول عن التيوتا يعني نفس الشي اذا تبدل القطعه في التيوتا مرتين تبدلها في النيسان مرة بس النيسان عموما قطعها غالية
4 الشركة مافيها زحمة ومعاملتهم جيدة حتى كل بين فترة وفترة يتصلون عليك الشركة يسالونك عن الموتر - فيه اهتمام
5 السعر ينزل بس لو تهتم في الموتر يحافظ على السعر
6 جربت الجكسار والجى اكس والستاندر الصراحة الفتك شي غيييييييييييييير
7 انصحك تاخذ قير عادي بالتوفيق
وشدعوه أخوي خالد يعني أذا التويوتا انا أبدل سفايفه بعد 30000 كيلو قبل ماأسمع صوتهم يعني النيسان 60000 أتبدل سفايفه أسمحلي انا جربت النيسان والتويوتا...
أختلف معاك الرأي وفي نفس اللحظه احترم رايك....
صاحب الموضوع عندي مقارنه يمكن تفيدك....
السلامـ عليكمـ
شخبارك اخوي






الفتك : 280 (حصان)

الستاندر: 215 (حصان)




الفتك: 4800 لتر (حجم المحرك)

الستاندر : 4500 لتر (حجم المحرك)




الفتك : الإنطلاق من الصفر إلى 100 (خلال 8 ثواني)

الستاندر : الإنطلاق من الصفر إلى 100 (خلال 11 و نص ثانيه)




الفتك : السبب في التفوق هو ان نظام المحرك رياضي
اللي هو (vtc ) اللي يعطي اداء رياضي
لذالك الفتك يصرف اكثر من الستاندر بترول




الستاندر: نظام المحرك نظام عادي وليس رياضي
لذالك صرف البترول اقل و بتالي اداء اضعف




الفتك (توكام) : تصل سرعته إلى 210 او 205 (صافي)

الستاندر : تصل سرعته إلى 190 او 185 (صافي)







المـعـلوماات منقوله من ( وكالة التويوتا و النيسان )

[راعي المواجيب]

الشباب كفوا ووفوا

أخوي الوفي .. أشهد إن سفايف النيسان عمرها طويل بشكل ماتتصور .. عندي التويوتا بعد استخدام حول 5 سنوات مكدة كنت دوريا أبدل السفايف وهذا أمر طبيعي وأحيانا درام ويل .. والحلو مايمكلش

أما أخوه النيسان والله بدون مبالغة تاخذ فترة طويلة تنسى السفايف إلى مرحلة الشك



أما عن سؤالك عن الفتك ممكن أفيدك من خلال تجربتي

الصرفية :

الباترول في دليل المالك مخصص له بانزين 91 اوكتين ( ممتاز )

الفل تقريبا حول 80 - 85 ريال .. تمشي فيه من 450 إلى 520 كيلو .. حسب الدعس .. وفي السفر بعض الشباب وصلوها 700 كيلو

مقارب للجي اكس ار



العزم والقوة :

طرب في البر لاتسأل .. مايعوقه شئ


لكن لو كنت مالك لكروزر ورحت للفتك يمكن بداية تتضايق من فزة الموتر وخفته .. عقبها تعطيك الانتعاش وبتكره الثقل


قطع غيارها أغلى من تويوتا .. لكن تعمر

عيب النيسان بعد فترة قيادة انك تتحول متعصب نيساني .. انتبه على نفسك :nice:


في الأخير يمكن تنزل مكينة جديدة 2009 .. أما الشكل الجديد 2010


في الأخير .. أنا مااستخدم الكروزر والباترول للمشاوير اليومية لأني مومقتنع بصرفهم اليوكون أفضل منهم .. عندي صالون للدوام والباقي للوناسة والرحلات


أنصحك تاخذ لك فتك مستعمل نظيف ماشي شوي .. لأنه يفرق معاك بالسعر
خصوصا إن 2005 إلى 2008 نفس الشكل والمحرك .. والشكل الجديد نازل

وبالتوفيق

[محيّر الانظار]

انا عندي فتك 2006 طلعته من الوكالة شهر 5- 2006 وللحين الموتر عندي وماشي حول 55000 وهو على سفايف الشركة بس بديت احس ان يبيلها تبديل هالايام

محيّر الانظار

[نيساني]

عيب النيسان بعد فترة قيادة انك تتحول متعصب نيساني .. انتبه على نفسك:funny::funny::funny:


انا ولله الحمد استخدم 2007 ومستحيل اغيره بكروزر لو نزلوه بتون تيربو مالي الا اني انتظر
الجديد من النيسان 2010 ان شاءالله

ومن ناحية الصرفيه تفوله سوبر ب95 ريال ويمشيك 550 كيلو وزياده على سرعة 120

وبالنسبه للخرابات انت واستخدامك وقطع غياره لك عليها بس احسن مافيها انها تعمر
وان شاء الله تحصل فتك نظيف ونصيحه خذ رقم الموتر وشيك على الضمان في الوكاله اذا للحين ول لا:nice:

[الدنيا تجارب]

تبغي الصدق الفتك افضل من التويوتا بمليووون مره
وبالتوفيق
والشباب ما قصرووا

[الـخـور]

الفتك زين بس انصحك تصبر لان بيطيح سعره عقب مايتغير شكله السنة الجاية

[على العهد]

يصرف بترول
بالوووووووووعه كرمك الله



خلك على التيوتا ابرك

[بـــاروود]

فتك فتك فتك والقلب داعيلك

[الخفي]

شكرا لكل الشباب اللي ماقصرو في المعلومات بدون ذكر اسماء

وفعلا كفيتوا ووفيتوا واليوم رحت المعارض اللي في طريق سلوى

وماحصلت ولا فتك حصلت سوبر سفاري اصفار لونه رصاصي ب 127000

وحصلت فتك لكن مستعمل وماشي واجد وشكلي باحول على اليوكن لاني حصلت

يوكن وارد السعوديه وسعره مناسب لكن مافيه الا اني استخير واخذ لي ركتعين اقتداء

بالسنه وربي بيعيني ان شاء الله وبالقى الموتر الزين ومشكورين ياشباب والله يعطيكم العافيه

[فلفل حار]

شكرا لكل الشباب اللي ماقصرو في المعلومات بدون ذكر اسماء

وفعلا كفيتوا ووفيتوا واليوم رحت المعارض اللي في طريق سلوى

وماحصلت ولا فتك حصلت سوبر سفاري اصفار لونه رصاصي ب 127000
وحصلت فتك لكن مستعمل وماشي واجد وشكلي باحول على اليوكن لاني حصلت

يوكن وارد السعوديه وسعره مناسب لكن مافيه الا اني استخير واخذ لي ركتعين اقتداء

بالسنه وربي بيعيني ان شاء الله وبالقى الموتر الزين ومشكورين ياشباب والله يعطيكم العافيه

اخوي متأكد من السعر الي بالاحمر ؟

:rolleyes2:

[المجروح81]

اخوووي دور المعارض ماتلاقي فتك اصلا

انا مدور قبلك

هذا يدل ع ان السياره مرغوبه وماتقعد في المعرض

وانا كنت ادور فتك قبل شهر تقريبا وعجزت ادور ولقيت مصري يشتغل هناك سئلته عن الفتك قالي
(اصل الفتك مابيوئفش بيروح ع طول اذا نظيف )

واذا لقيت فتك شكل جديد نظيف عطني خبر

[خالد النعيمي]

السلام عليكم اخواني

مداخله بسيطه

الفتك موتر قوي من ناحية المكينه والدفريشنات والقير بس البدي لا
ومن ناحية المقارنة مافيه اي وجه مقارنه بين النيسان والجي اكس

الجي اكس يفوق النيسان بشياء كثيره
القطع الغيار ارخص
التحمل اقوى
مكيفه ابرد
صرفية البترول اقل

سعر البيع اثمن من النيسان
وكذالك الوكاله تعامل التويوتا افضل بكثير من تعامل شركة النيسان.

النيسان مرغوب بحكم سعره اقل من الجي اكس

[نيساني]

السلام عليكم اخواني

مداخله بسيطه

الفتك موتر قوي من ناحية المكينه والدفريشنات والقير بس البدي لا :اشخليت حق التيوتا؟؟؟
ومن ناحية المقارنة مافيه اي وجه مقارنه بين النيسان والجي اكس

الجي اكس يفوق النيسان بشياء كثيره
القطع الغيار ارخص:الشي اللي تبدله ثلاث مرات في التوتا تبدله مره وحده في النيسان
التحمل اقوى:ولا واحد من اللي جرب الفتك راح يصدقك (وقراج دكار يشهد له)
مكيفه ابرد:عني شخصيا مكيف الفتك عاجبني
صرفية البترول اقل:النيسان الفول ماله 95 والتيوتا 110 ويمكن اكثر وعلى فكره جربت
الفكسار 99 والفتك وكان الفرق ريال او ريالين بين الاثنين ولعلمك الفكسار صرفيته احى من الجي اكس

سعر البيع اثمن من النيسان:في هذي معاك حق ولاتنسى ان سعره في الوكاله اغلى من الفتك
وفي الاخير (السعاده تنشرى باثماني)وكذالك الوكاله تعامل التويوتا افضل بكثير من تعامل شركة النيسان:لا واضح ولو انك متابع
المنتدى باستمرار كان ماقلت هالكلام!
النيسان مرغوب بحكم سعره اقل من الجي اكس

والله يعطيك العافيه على المداخله البسيطه:nice:

[الخفي]

اخوي متأكد من السعر الي بالاحمر ؟

:rolleyes2:


نعم اتصل على رقم المعرض على : 4581444

المعرض على ما اضن انه معرض المشترك

بتحصل النيسان واقف جدام باب المعرض لونه رصاصي

بقراطيسه يقولي الموضف انه ماشي 380 كيلو فقط وخذيت

المفتاح ويوم شفته من داخل بصراحه انصدمت لانه اسود من داخل

البيبان وتعتقد الطابلون وعقب خلاص شليت الفكره من راسي

[الخفي]

اخوووي دور المعارض ماتلاقي فتك اصلا

انا مدور قبلك

هذا يدل ع ان السياره مرغوبه وماتقعد في المعرض

وانا كنت ادور فتك قبل شهر تقريبا وعجزت ادور ولقيت مصري يشتغل هناك سئلته عن الفتك قالي
(اصل الفتك مابيوئفش بيروح ع طول اذا نظيف )

واذا لقيت فتك شكل جديد نظيف عطني خبر


فعلا انا اليوم وامس لاف شارع سلوى كامل ماحصلت الا واحد اعتقد 2002

وتعبان شكله تعبان وفيه واحد ذهبي تعبان جدا وماشي واجد

الزبده ان الفتك الحين في المعارض معدومه الا سيارات تعد على الاصابع

وتعبانه

[الخفي]

ياجماعه اخووي عنده جي اكس ار خزانيين

يعبيه فول ب 90 ريال على كلامه

واذا الفتك نفس الصرفيه معناته ان الفرق بسيط في الاستهلاك

[Engineer CA]

استخدمت النيسان والجكسار

النيسان اخف وصيانته اقل ويصرف اقل اللي عندي 2007 الفتك

الجكسار ثقيل وصرف وسفيايف تملل

بس ترا النيسان بيغيرونه السنه

[السني 73]

النيسان سواقته امتع واحلى من الجي ااكس السته سلندر والصراحة انا خذتلي فتك قبل شهر ونص تقريبا الصراحة انا استغربت من الصرفيه ماشاء الله عليه صرفيته حلوة ومعقولة يعني مايصرف واجد .... بس هو شبابي بزيادة يعني احس ان الموتر مايصلح للعائلة لأنه شكله وسواقته تعطيك انه موتر رياضي

[الخفي]

كم سعر الفتك 2008 في الشركه

اللي يعرف السعر يفيدنا

[مساهم نت]

بتحصل النيسان واقف جدام باب المعرض لونه رصاصي

بقراطيسه يقولي الموضف انه ماشي 380 كيلو فقط وخذيت

المفتاح ويوم شفته من داخل بصراحه انصدمت لانه اسود من داخل

البيبان وتعتقد الطابلون وعقب خلاص شليت الفكره من راسي


من داخل أسود ياخي هذا مستحيل سوبر سفاري يجوز حاط ستيكرات .. السوبر سفاري يكون فيه دفلوك - زنون كشافات لحية فتحة ومن داخل فخم وفاتح .. وسعره أغلى من كذا لو موديل السنة


شف إذا بتاخذ في اكس ار يحق لك تحتار .. أم الجي اكس ار ثقيل ويعلك في العزم مااقصد الموديل الجديد




كم سعر الفتك 2008 في الشركه

اللي يعرف السعر يفيدنا


أظن في واحد هنا كان عارض بالمنتدى موديل 2005 ممشاه بسيط سوبر سفاري .. أفضل من الوكالة ، لأن بالوكالة يوصل مع الجي بي اس أكثر من 165 ألف لسوبر سفاري

---

بداية كنت مثلك شاك بالنيسان ومبالغة الناس .. أعتقد موديلات 98 إلى 2001 كان صرفهم عالي و عليهم ملاحظات .. من 2005 وطالع تحسن الفتك من ناحية الصرف والجودة .. يكفي تشوف النياسين القديمة لازالت مرغوبة وتعطي وطعوس السيلين تشهد
صرف الكروزر والنيسان متقارب ( الفتك ) أما النيسان الكربرتير القديم يصرف

من باب الأمانة أعطيك رأيي :

أداء عالي وقوة وممكن ترجع لردود الشباب
السيارة دفرنشات قدام وورى .. سيارة مصنوعة للبر .. لكن تؤثر على راحة الركاب باللفات

السلبيات من باب الأمانة :

بعد فترة تطلع دقة بعمود الشفت وهي عادية .. بس تحط التشحيم وتضبط أمورك ..
مكاين نيسان به الكترونيات وانظمة .. لاتخلي أحد مايفهم يتعبث بالسيارة


شفت بين ردودك إنك تفكر باليوكن

اليوكن متطور من ناحية الاقتصاد والقوة .. لكنه موتر عائلي ونازل مو حق بر باستمرار

أنصحك تفكر

أو بالفتك أو في اكس ار .. لا تاخذ جي اكس البطة

اذا تبي موتر فورويل على خفيف الكيان - الانفنيتي

[الخفي]

من داخل أسود ياخي هذا مستحيل سوبر سفاري يجوز حاط ستيكرات .. السوبر سفاري يكون فيه دفلوك - زنون كشافات لحية فتحة ومن داخل فخم وفاتح .. وسعره أغلى من كذا لو موديل السنة


شف إذا بتاخذ في اكس ار يحق لك تحتار .. أم الجي اكس ار ثقيل ويعلك في العزم مااقصد الموديل الجديد






أظن في واحد هنا كان عارض بالمنتدى موديل 2005 ممشاه بسيط سوبر سفاري .. أفضل من الوكالة ، لأن بالوكالة يوصل مع الجي بي اس أكثر من 165 ألف لسوبر سفاري

---

بداية كنت مثلك شاك بالنيسان ومبالغة الناس .. أعتقد موديلات 98 إلى 2001 كان صرفهم عالي و عليهم ملاحظات .. من 2005 وطالع تحسن الفتك من ناحية الصرف والجودة .. يكفي تشوف النياسين القديمة لازالت مرغوبة وتعطي وطعوس السيلين تشهد
صرف الكروزر والنيسان متقارب ( الفتك ) أما النيسان الكربرتير القديم يصرف

من باب الأمانة أعطيك رأيي :

أداء عالي وقوة وممكن ترجع لردود الشباب
السيارة دفرنشات قدام وورى .. سيارة مصنوعة للبر .. لكن تؤثر على راحة الركاب باللفات

السلبيات من باب الأمانة :

بعد فترة تطلع دقة بعمود الشفت وهي عادية .. بس تحط التشحيم وتضبط أمورك ..
مكاين نيسان به الكترونيات وانظمة .. لاتخلي أحد مايفهم يتعبث بالسيارة


شفت بين ردودك إنك تفكر باليوكن

اليوكن متطور من ناحية الاقتصاد والقوة .. لكنه موتر عائلي ونازل مو حق بر باستمرار

أنصحك تفكر

أو بالفتك أو في اكس ار .. لا تاخذ جي اكس البطة

اذا تبي موتر فورويل على خفيف الكيان - الانفنيتي


مساهم نت شلونك طال عمرك

بالنسبه للنيسان سوبر سفاري انا اول ماشفته اتصلت للمعرض

وقالي الموضف اللي في المعرض هذا سوبر سفاري ماشي 380 كيلو فقط

ويوم رديت له وطلبت مفتاح السياره وبطلته اكتشفت انه من داخل اسود

ولحد الحين وهو واقف الطابلون اسود والبيبان من داخل سود واول ماشفت

اللون الاسود على طول غيرت رأيي ومشيت عنه

اتصلت حق الشركه ولقيت السعر غالي واجد سوبر سفاري مخمل 178000

سوبر سفاري جلد 184000 الف

سفاري فتحه 154000 وبدون فتحه 141000

والسفاري العادي 125000 بو رفارف سود

عالعموم ماقصرت عالمعلومات الوافيه وشكلك خبير في الفتك بس فيه سؤال محيرني

بالنسبه للفتك والجي اكس ار شاللي منهم او سع من داخل وبالنسبه لعرض السياره

بالعرض الجي اكس ار ولا الفتك

عالعموم الله يعطيك العافيه معلومات وافيه شكلي باخذ فتك