يا راعي العقار .. سؤال وجيه .. ( من أين لك هذا ؟ )

[Somoo]

السلام عليكم ورحمة الله وبركاته
ما أدري إذا كان هذا هو المكان المناسب لطرح السؤال أو لا ..
بصراحة خلونا نتكلم جد شوي .. وبواقعية أكثر ..
أشوف ( كل شعب قطر ) بلا استثناء .. يشترون العقارات بالملايين ..
وما شاء الله .. الله يزيد ويبارك .. فيه طلب على الشراء !! وهذا هو الأمر المستغرب !!

سؤالي بما اني موظفة عادية من الطبقة المسحوقة .. يا اخي من أين لك هذا ؟
من وين لكم هالملايين أبي أعرف أنا ؟!
من يوم عرفت نفسي والموظف موظف قبل الزيادة .. وأغلب الأوادم موظفين حكومة .. راتبه يعني ان كان بطران 15 ألف
والبنوك الاسلامية ما تسلف مبالغ كثيرة ..
ولو الواحد يحفر الأرض .. ما يقدر يجمع مليون على بعضه عشان يشتري أرض ..
فما بالك بالبيوت والفلل ؟

يا عالم .. هالأمر غير معقول .. قضيتوا على الناس المسحوقين مثلي .. ولا عندهم أحد يورثهم غير الضغط والسكر وحيلتهم هالراتب يعتاشون منه .. ولا الظاهر هذي هي سياسة كبار الشخصيات في الدولة .. انه ما ينتفع من خيرات قطر إلا المليادير مو بس المليونير .. ويتم تمييز الغث من السمين .. أما أصحاب المشاريع الصغيرة .. حشرات ممكن يتم سحقها ببساطة !!

أنا بس قبل لا أختم .. أبغي أذكركم بحادثة حصلت في عهد سيدنا عمر رضي الله عنه ..
جاء نفر إلى أمير المؤمنين يقولون له :
نشتكي إليك غلاء اللحم فسعره لنا ، فقال : أرخصوه أنتم ؟ فقالوا : نحن نشتكي غلاء السعر واللحم عند الجزارين ونحن أصحاب الحاجة فتقول : أرخصوه أنتم ؟ وهل نملكه حتى نرخصه ؟ وكيف نرخصه وهو ليس في أيدينا ؟ فقال قولته الرائعة : ( اتركوه لهم ) ..

فليه ما نترك العقارات لهم تطيح بكبودهم ؟
وكذلك باقي الأمور اللي تجاوزت الحد المعقول ؟

والله وبالله وتالله .. لو ما فيه أحد يشتري .. كان نزلت الأسعار ..
بس الناس ( مشفوحين ) نسأل الله السلامة !

هذا وصلى اللهم وسلم على سيدنا محمد وعلى آله وصحبه أجمعين

[QATAR 11]

كله من التجااااااااااااااااااااااااره والبوووووووورصه

والتوووووووووفيق من رب العالمين طبعااااااااااااااااا

[Somoo]

أنا أتكلم عن الانتفاع من الوضع الحالي ..
التجارة فعلا نفعت اللي لحقوا على عصر ما قبل ( النكبة ) ..
لكن الأجيال الحالية .. والاجيال الجاية .. ما تقدر تبتدي تجارة أصلا !! أقصد اللي توظفوا من 5 سنوات .. تقريباً .. كل شي فوق طاقتها .. أيجار المحلات .. والأسهم داقة ولا تسمن ولا تغني من دموع ..
شنسوي ؟

مشكور وما قصرت على الرد أخوي
والله المستعان
كل شي بيد الله سبحانه .. ولكن ( ولا تلقوا بأيديكم إلى التهلكة ) !!

[قلب شاعر]

والله انا اشوف شريحه مش بسيطه رواتبها عاليه ... المهندسيين القطريين في البترول وصلت رواتبهم 40 الف وكهرماء 30 الف وقطر فوندايشن نفس الشي ... ترى احنا نقعد مع كثيرين وبعد مايقولون الراتب الصجي كم؟؟ امطيرين نصه ... خوف من الحسد ... بس والله في كثير من الأماكن رواتبهم خياليه ... عندي واحد من الربع الله يوفقه كابتن لسفن النفط ... راتبه 47 الف وغير السكن ... لما نتكلم على هاذا المستوى من الرواتب ايش تفرق معاهم 15 الف شهريا قسط بيت او ارض .... انا عندي فلبيني كان شغال معاي في ادارتي يستلم 5000 ريال راتب راح راس غاز ...راتبه 16000 الف وتذاكر سنويه وسكن على حساب المؤسسه عيل انا راتبي كم هناك ....؟؟؟ وهو عنده بكاليريوس وانا عندي ..ماجستير من 3 سنوات طافت
ترى فيه رواتب خياليه بس احنا مو حاسيين فيها لن اي وزاره حكوميه حدك 16000 الف راتب لو خدمت 15 سنه ... وهاذي السالفه ...بكل بساطه ...وازيدك السكرتيرات في جامعه قطر رواتبهم 11 الف والخريجه الموظفه العاديه ومش متزوجه طبعا راتبها 17 الف وطالع اشلون عيل رئيسه القسم في 25 الف وطالع والله يبارك لهم ويرزقهم اكثر ويزقنا معاهم ان شاء الله

[Somoo]

هذا هو .. انت تتكلم عن القطاع الخاص أو الهيئات ..
أما الموظف الحكومي مطرود من رحمة المليارديرية ..
وصارت الوظايف في هالأماكن بالواسطة .. ما عاد فيه مجال للتعيين ..
واللي حكومي ويبي ينتقل بعد القرار الجديد .. صار النقل صعب ..
يعني بصراحة .. مثل ما قلت .. الوضع السابق قبل ( النكبة ) مثل ما سميتها قبل .. فعلا استفادوا منه ناس كثيرين .. لكن الوضع الحالي .. كل مالها الأمور تزداد تعقيد وصعوبة ..

ومو كل أهل قطر رواتبهم بهالقيمة .. أنا راتبي 7000 ! موظفة سينير بوزارة ما ..
مع ان عندي شهادات علمية (مبرمجة كمبيوتر) وخبرات وتخرجي بتقدير امتياز ..
يعني وش أسوي بهالـ 7000 ؟ فليبينيكم أحسن مني .. اللهم لا اعتراض والحمد لله على كل حال !! ونفس الشي أغلب الموظفات الحكوميات .. درجة سابعة .. يعني تزيد شوي بالدرجة السادسة ..

لكن الأجنبي لما يجي .. يقال انه خبير بنفس مؤهلاتي .. قاص عليهم بكلمتين راتبه أنا شايفته في قاعدة البيانات .. أكثر من 35000 !! .. وهالمشكلة يعاني منها الكثير .. لا يغرك بعضهم .. والله والله والله ان 80% من شعب قطر معلنين إفلاسهم من زمان وعليهم ديون تجيب الاكتئاب .. بس ساكتين ما حد يتكلم خايف يطيح سوقه قدام الناس .. كل شي " وجاهة " وكشخة في هالمجتمع .. حتى لو هو عالحديدة !!

ولا تتكلم عن القطاع الأكاديمي .. لأن فعلا يبذلون فيه مبالغ طائلة ..
يعني يا أروح قطاع خاص ؟ أو قطاع أكاديمي ؟ ولا علي السلام ؟
سمعنا ان فيه تعديل رواتب .. وتوحيد الرواتب ومش عارف ايش .. بس بتبطي عظم !

الله المستعان ..

مشكور أخوي قلب شاعر على المشاركة

[الوجيه]

الله المستعــــــــــــــــــــــان

[ساري]

هذا هو .. انت تتكلم عن القطاع الخاص أو الهيئات ..
أما الموظف الحكومي مطرود من رحمة المليارديرية ..
وصارت الوظايف في هالأماكن بالواسطة .. ما عاد فيه مجال للتعيين ..
واللي حكومي ويبي ينتقل بعد القرار الجديد .. صار النقل صعب ..
يعني بصراحة .. مثل ما قلت .. الوضع السابق قبل ( النكبة ) مثل ما سميتها قبل .. فعلا استفادوا منه ناس كثيرين .. لكن الوضع الحالي .. كل مالها الأمور تزداد تعقيد وصعوبة ..

ومو كل أهل قطر رواتبهم بهالقيمة .. أنا راتبي 7000 ! موظفة سينير بوزارة ما ..
مع ان عندي شهادات علمية (مبرمجة كمبيوتر) وخبرات وتخرجي بتقدير امتياز ..
يعني وش أسوي بهالـ 7000 ؟ فليبينيكم أحسن مني .. اللهم لا اعتراض والحمد لله على كل حال !! ونفس الشي أغلب الموظفات الحكوميات .. درجة سابعة .. يعني تزيد شوي بالدرجة السادسة ..

لكن الأجنبي لما يجي .. يقال انه خبير بنفس مؤهلاتي .. قاص عليهم بكلمتين راتبه أنا شايفته في قاعدة البيانات .. أكثر من 35000 !! .. وهالمشكلة يعاني منها الكثير .. لا يغرك بعضهم .. والله والله والله ان 80% من شعب قطر معلنين إفلاسهم من زمان وعليهم ديون تجيب الاكتئاب .. بس ساكتين ما حد يتكلم خايف يطيح سوقه قدام الناس .. كل شي " وجاهة " وكشخة في هالمجتمع .. حتى لو هو عالحديدة !!

ولا تتكلم عن القطاع الأكاديمي .. لأن فعلا يبذلون فيه مبالغ طائلة ..
يعني يا أروح قطاع خاص ؟ أو قطاع أكاديمي ؟ ولا علي السلام ؟
سمعنا ان فيه تعديل رواتب .. وتوحيد الرواتب ومش عارف ايش .. بس بتبطي عظم !

الله المستعان ..

مشكور أخوي قلب شاعر على المشاركة


االكلا م اللي قلتيه كله صحيح معظم أهل قطر رواتبهم في الحدود اللي ذكرتيها وفئه قليله هي المستفيده من الرواتب العاليه وطبعا الاجانب هم الطبقه المخمليه اللي كل شيء يجيلهم ببلاش الله يرحم أهلنا ويعينهم ويصلح أهل الشأن ويهديهم لاهل قطر

[عبد الرحمن القحطاني]

كلام كله روعة ويعطيكم العافية جميعا على هذا الطرح الاكثر من رائع
ولا استطيع ان ازيد على ما ذكر الا ان اقول " الله المستعان ولا حول ولا قوة الا بالله "
وللأسف هذا هو الحاصل هذه الايام
لكن " عسى الله ان يأتي بالفتح او امر من عنده "
وسبحان من يغير ولا يتغير

[حمد57]

والله انا معاكم وفي نفس الوقت لا ......
في اجانب ما يعرفون شسالفه ويستلمون 60000 الف ريال معاش غير السكن ... وهذا بنسبة 75% في الدولة اذا كانت حكومية او هيئات او مؤسسات ولكن في القطاع الخاص انا اتعامل مع اجانب ويكون شريكي بعد في المشروع

لان قطريين 95% ما يحبون الشغل الي فيه تعب والي ياخذ 20ساعه من 24 ساعه من يومه

[Somoo]

جزاكم الله جميعاً على التفاعل والمشاركة ..

لان قطريين 95% ما يحبون الشغل الي فيه تعب والي ياخذ 20ساعه من 24 ساعه من يومه
بصراحة هالكلام يحتجون به دايماً .. لكن لكل سبب مسبب ..
لو كانت الرواتب جيدة .. ولو كان القطري ما يشوف ظلمه بعينه .. ولا يشوف تقدير الأجنبي على حسابه .. كان اجتهد وأبدع .. بس ما فيه تشجيع أو استثمار قدرات .. أو وضع كل موظف في مكانه الصحيح !! ..
بعدين هالأمر خلاص انتهى من زمان .. أقصد ان القطري يبي الراحة .. مهوب صحيح ان هالشي لازال مستمر بهالنسبة الكبيرة ! .. صار كل واحد يسعى لأن يثبت وجوده .. ولا بيركنونه على الرف .. لين يتكاثر عليه الغبار .. ويجلس في مكانه لين يتقاعد .. لا راح يرتفع .. ولا يمسك منصب ولا راح يستفيد .. فصاروا القطريين بالعكس .. يهتمون بهالشغلات ويحاولون يثبتون وجودهم .. لان الناس كثروا مو مثل قبل .. ولأن الحياة صارت صعبة مو مثل قبل ..

الأمر الأخير اللي بقوله .. لو كان فيه ثقة في العقول القطرية .. ما كان فيه داعي لوجود أي أجنبي في قطر .. ومن زمان وحنا نسمع ان فيه تقطير .. لكن هالأمر ينصب على رؤوس الموظفين الصغار .. وينهون خدماتهم .. أما الأجنبي اللي راتبه يساوي راتب عشر موظفين صغار .. ما حد يقدر ينهي خدماته ..

الله يعين ..

أحس اني تعمقت واجد في هالمسائل .. بس من القهر والله .. مو كل شي يوصل بصورته الصحيحة .. لازم يكون فيه حبس للظل عشان تطلع الصورة حلوة وإن كانت غير مكتملة ..
لكن ثقتي ان احنا في بلد ديموقراطية .. تخليني أبرز الظل بشكل أوضح .. وتصبح الصورة " حقيقية " .. بنتوءاتها وشوائبها ..

ثم انه مع السلام عليكم ورحمة الله وبركاته

[كيان قطر]

بصراحة حتى الراتب 30 ألف ما يسوي شي بهالزمن ... زمن الغلا والجشع ....

[قلب شاعر]

بصراحة حتى الراتب 30 ألف ما يسوي شي بهالزمن ... زمن الغلا والجشع ....

راضييين بس يوصل 30 الف والله مافينا طمع يسد احسن من غيره .... احنا متعلقيين في النص ... قاعديين نشوف ان مواد البناء راح يتم تثبيتها وبروه ومشروع لوسيل الأراضي على الفوت على 165 وهاذا سعر طبعا يابلاش مقارنه بلي قاعديين نشوفه ... الوسيل وصل فيها الفوت 500 ريال والكل عارف ... وال 104 الف ارض اللي يتم تخطيطها من الحكومه وتوزع للقطريين ولأولويه للي ماعنده ارض .....

اسمع كل شي القلب محروق يد جدام ويد ورى ..... مين فينا يقدر يشتري ارض من اللي ذكرتهم فوق ....البنك مايعيطك اكثر من 8 سنوات ... وبعض البنوك قروض عقاريه بس 10 سنوات ...يعني كم القسط الشهري ...اكبر من راتبك ...يعني محد يقدر يشتري اصلا ...غير اللي راتبه قوي.... وهذا اصلا مايعاني مثل موظف الحكومه ...اللي راحت عليه ودخل محدود وأساسي رايح فيها قاعد يروح على معاش الخدامه والسايق .... ..

والله المستعان ... يتم التعديل اللي قالوا عنه في اخر السنه ... صج احنا نحلم بس الأحلام ببلاش احسن من القهر ......

[PoBox]

اخوي تقول جامعي وسنير وراتبك 7 آلاف ؟ في اي وزارة هذي ؟؟!

شمقعدك بالوزارة ان كان هالرقم صحيح

تلحلح وشوفلك شغلة في اي قطاع خاص او شركة نفطية
والله يوفقك

[كيان قطر]

راضييين بس يوصل 30 الف والله مافينا طمع يسد احسن من غيره .... احنا متعلقيين في النص ... قاعديين نشوف ان مواد البناء راح يتم تثبيتها وبروه ومشروع لوسيل الأراضي على الفوت على 165 وهاذا سعر طبعا يابلاش مقارنه بلي قاعديين نشوفه ... الوسيل وصل فيها الفوت 500 ريال والكل عارف ... وال 104 الف ارض اللي يتم تخطيطها من الحكومه وتوزع للقطريين ولأولويه للي ماعنده ارض .....

اسمع كل شي القلب محروق يد جدام ويد ورى ..... مين فينا يقدر يشتري ارض من اللي ذكرتهم فوق ....البنك مايعيطك اكثر من 8 سنوات ... وبعض البنوك قروض عقاريه بس 10 سنوات ...يعني كم القسط الشهري ...اكبر من راتبك ...يعني محد يقدر يشتري اصلا ...غير اللي راتبه قوي.... وهذا اصلا مايعاني مثل موظف الحكومه ...اللي راحت عليه ودخل محدود وأساسي رايح فيها قاعد يروح على معاش الخدامه والسايق .... ..

والله المستعان ... يتم التعديل اللي قالوا عنه في اخر السنه ... صج احنا نحلم بس الأحلام ببلاش احسن من القهر ......


ما أقول غير الله يعين الحال

سبحان الله خزائن الرحمن ملأى بس ما ينقصنا مع اتخاذ الأسباب غير الدعاء والاستغفار

والله المعين ...

[كيان قطر]

فيه شركات خاصة ... رواتبها حلوة ... مثل شركة ميرسك أويل ... ويستقبلون طلبات القطريين ... مكانهم برج الجازي ... صوب برج المحاكم العدلية ...

والله ييسر الأمور ...

[qatari1]

اخوي تقول جامعي وسنير وراتبك 7 آلاف ؟ في اي وزارة هذي ؟؟!

شمقعدك بالوزارة ان كان هالرقم صحيح

تلحلح وشوفلك شغلة في اي قطاع خاص او شركة نفطية
والله يوفقك


هي أختك وليس أخوك!

ألا تعلم بوكسنغ بحال موظفي الوزارات، وخاصةً النساء!

الأخت موظفة على الدرجة السابعة راتبها الأساسي 5250، وعلاوة اجتماعية أعزب 1500 ريال حتى لوكانت متزوجة من موظف يعمل في الحكومة سواءً في الوزارات او الهيئات أو QP أو غيرها!
أضف عليها بدل تنقل 600 ريال يصبح المجموع 7350 ريال!

اخصم من المبلغ قسط التقاعد(5% من الراتب الأساسي+ الإجتماعية) أي 337,5 ريال يتبقى الصافي 7012,5 ريال( فقط سبعة آلاف وإثنا عشر ريالاً وخمسون درهماً).

مسألة إنها تتلحلح، وتشوف وظيفة أفضل، هذا الشيء صعب الغاية، ويحتاج إما إلى واسطة قوية أو تنازلات من نوع ما!

وهذا الحل غير واقعي وغير عملي فلو غادر جميع الموظفين وزاراتهم فمن سيقوم بالأعمال نيابةً عنهم؟!

[PoBox]

هي أختك وليس أخوك!

ألا تعلم بوكسنغ بحال موظفي الوزارات، وخاصةً النساء!

الأخت موظفة على الدرجة السابعة راتبها الأساسي 5250، وعلاوة اجتماعية أعزب 1500 ريال حتى لوكانت متزوجة من موظف يعمل في الحكومة سواءً في الوزارات او الهيئات أو QP أو غيرها!
أضف عليها بدل تنقل 600 ريال يصبح المجموع 7350 ريال!

اخصم من المبلغ قسط التقاعد(5% من الراتب الأساسي+ الإجتماعية) أي 337,5 ريال يتبقى الصافي 7012,5 ريال( فقط سبعة آلاف وإثنا عشر ريالاً وخمسون درهماً).

مسألة إنها تتلحلح، وتشوف وظيفة أفضل، هذا الشيء صعب الغاية، ويحتاج إما إلى واسطة قوية أو تنازلات من نوع ما!

وهذا الحل غير واقعي وغير عملي فلو غادر جميع الموظفين وزاراتهم فمن سيقوم بالأعمال نيابةً عنهم؟!


اهااا
مالاحظت انها اختي المهم كلنا اخوان

اسحب مشاركتي اذا ..:weeping:


اما ان غادر جميع الموظفين الوزارات من سيقوم بالعمل
،، مب مشكلة كبيرة

مااعتقد في شخص قاعد - لان مافي حد يسد مكانه -
وكانه على ثغر من الثغور :omen2:

رايي اللي يلقى فرصة افضل يتوكل على الله ، محد بينفعه لين توهق بالايجار والمصاريف

[mubarak2000]

في شي اسمة التخطيط المالي , لكن اذا كلا واحد بياخذ راتب 15 الف وبيصرف شخص راتب 50 لازم بيطيح في المشكلة , يعني لو الواحد اشترى بيت باالاقصاد بدل الاجار هاي اول خطوة , اهل قطر السفر حتى ماايفكر وايدور افضل سعر حق سفرتة, بس بعضهم زبوا وفشخرة .

[PoBox]

في شي اسمة التخطيط المالي , لكن اذا كلا واحد بياخذ راتب 15 الف وبيصرف شخص راتب 50 لازم بيطيح في المشكلة , يعني لو الواحد اشترى بيت باالاقصاد بدل الاجار هاي اول خطوة , اهل قطر السفر حتى ماايفكر وايدور افضل سعر حق سفرتة, بس بعضهم زبوا وفشخرة .

شلون تخطيط مالي ؟
خلنا نحسبها بالورقة والقلم ،،

كيف شخص راتبه 15 الف يشتري بيت ؟

لو قلنا شخص راتبه 15 الف
يبي يشتري بيت على قده قيمته مليونين

يدفع دفعة 100 الف

القسط على 8 سنوات راح يكون
31000 ريال شهريا ،،

يدفع 30 وراتبه 15 ؟

هذا على فرض انه ماطير من ال15 نصفهم على ايجار بيته الحالي

[Somoo]

ما شاء الله أحس التفاعل تمام .. والأغلبية رايها مع رايي الحمد لله ما أحس بالوحدة !
كنت أبي أرد على الأخ PoBoxing .. بس أخوي qatari1 كفى ووفى الله لا يهينه حسبها بالضبط .. والله يا أخوان فيه فرق بين رواتب النساء والرجال .. وهذي نقطة أخرى تضاف للنقاط اللي تمت مناقشتها .. لا فيه بدل سكن .. ولا حتى تقدر تاخذ أرض منحة .. ولا شي .. يعني لو مثلا ما تزوجت وتمت عازبة طول عمرها لازم يعني تصير كبيرة في السن عشان تنتفع ؟ وش هالظلم !


في شي اسمة التخطيط المالي , لكن اذا كلا واحد بياخذ راتب 15 الف وبيصرف شخص راتب 50 لازم بيطيح في المشكلة , يعني لو الواحد اشترى بيت باالاقصاد بدل الاجار هاي اول خطوة , اهل قطر السفر حتى ماايفكر وايدور افضل سعر حق سفرتة, بس بعضهم زبوا وفشخرة .
والله يا خوي عز الله انك ما انصفت ..
شلون الواحد ما يصرف وكل شي غالي ؟ كل شي بدون استثناء !! حتى الواحد يبي يشتري أدوية .. لازم يدفع مال قلبه .. عشان يتعالج .. غير كيوتل اللي جالسة بالمرصاد .. وأمور كثيرة .. ايش اللي بيبقى عشان يشتري أرض ولا بيت .. خلها على الله بس ..

أما موضوع السفر .. ما عادهو مثل أول .. ما فيه حد يسافر .. إلا المنتفعين إياهم .. اللي ما عنده مشكلة يقط ملايين في سفرته .. أما اللي أتكلم عنهم .. حده دبي ولا عمرة .. وإذا كان بطران كلش ماليزيا .. وتركيا ..

[فـــــواز]

الله يعينك ويعينا ويعين كل قطري

والله مشكلة هذي المعشات مشكله
والله العظيم الدوله في خير ولله الحمد ونعمه جعلها في زود يعني ما ناقصه شي كلش لو ساعدة سكانها

المشكله يعني لو زادت المعاشات بتزيد المعيشه ويزيد التظخم ويزيد ويزيد كل شي

يعني الحل شنهو ؟؟؟؟؟؟؟؟

[nor85]

انا اختي تشتغل في قطر غاز وتقولي عن رواتب الهنود والاسيوين بصفه عامه وغير شروطهم اللي موفيرنها لهم اقول ليه ماتاخذون قطريين تقولون لما يجون عندنا ويشوفون كل شيء انجليزي يطلعون ومايرجعون والله حرام هذولا يتنعمون في خيرنا واحنا ناكل هواء وتعال شوف مؤسسه حمد اللي الاجنبي صاير مسئولك ولما تشتكي عليه يقولون لك خبره ولازم تسيفدون منه الله المستعان

[Somoo]

لا حول ولا قوة إلا بالله يا نور .. شي يقهر والله .. الله يعين ..

لمشكله يعني لو زادت المعاشات بتزيد المعيشه ويزيد التظخم ويزيد ويزيد كل شي
جزاكم الله خير على التفاعل والمشاركة ..
بس موضوع التضخم موضوع آخر نبي بعد نتكلم فيه ..
لا يقولون لنا ما نقدر نزيد الرواتب .. عشان ما يصير فيه تضخم ..
فيه شي اسمه ( تسعير ) .. على الأقل في العقارات .. ليه ما يتم تحديد أسعار الأراضي ومواد البناء .. والفلل والبيوت .. الخ الخ .. ليه كل شي يرجعونه لموضوع التضخم ..
لو فيه دراسة فعلية لمواجهة التضخم .. كان قدرنا نوجد الحلول المناسبة لمواجهتها ..

وتحديد الأسعار من قبل الجهات المختصة من أحد أفضل هذه الحلول !!

الله يعين ..

[Engineer CA]

اغلب الناس

شروا بفلوس صناعات ووقود اراضي

فارتفعت الاراضي

والله فتحها عليهم

والله يفتحها على الجميع

امين

[Engineer CA]

شلون تخطيط مالي ؟
خلنا نحسبها بالورقة والقلم ،،

كيف شخص راتبه 15 الف يشتري بيت ؟

لو قلنا شخص راتبه 15 الف
يبي يشتري بيت على قده قيمته مليونين

يدفع دفعة 100 الف

القسط على 8 سنوات راح يكون
31000 ريال شهريا ،،

يدفع 30 وراتبه 15 ؟

هذا على فرض انه ماطير من ال15 نصفهم على ايجار بيته الحالي


صح كلامك مستحيل الواحد يشتري بيت وهو على راتبه

بيهلك ولا بينسجن وحده من الثنتين

[رحال]

اهااا
مالاحظت انها اختي المهم كلنا اخوان

اسحب مشاركتي اذا ..:weeping:


اما ان غادر جميع الموظفين الوزارات من سيقوم بالعمل
،، مب مشكلة كبيرة

مااعتقد في شخص قاعد - لان مافي حد يسد مكانه -
وكانه على ثغر من الثغور :omen2:

رايي اللي يلقى فرصة افضل يتوكل على الله ، محد بينفعه لين توهق بالايجار والمصاريف


هذا اللي حاصل يابوكسنج أن موظفين الحكومة راتبهم لاتفي

متطلبات الأسرة القطرية وتلاقيه مدير وراتبه اذا كشخ 13000 ألف

وشيل منهم 5% لصندوق التقاعد ، واذا مستلم بيت كبار الموظفين

راح وطي مايبقى شيء من راتبه !!!

[قلب شاعر]

اخوي تقول جامعي وسنير وراتبك 7 آلاف ؟ في اي وزارة هذي ؟؟!

شمقعدك بالوزارة ان كان هالرقم صحيح

تلحلح وشوفلك شغلة في اي قطاع خاص او شركة نفطية
والله يوفقك


لا تفكر ان الكل قاعد ساكت مايدور شغل ....لكن صدقني اللي يشوف غير اللي يسمع ... شركات البترول لفيناها اداره اداره .... وقطر فونداشين والغاز .... يعني الشركات اللي رواتبها عاليه مستحيل تتوظف لأنك كفائه وعندك شهادات وانت عارف والكل عارفيين ....ثانويه يوظف اسرع منا لأن راتبه قليل ومطلوب اكثر .... مع ان بعض الشركات طالب الثانويه راتبه وصل 25 الف ...هذا راتبي بعد خدمه 180 سنه ان شاء الله ... في النهايه وين الواسطه والحقها ...

ترى فيه ناس لمل تجي تقول لهم راتبك يضحكون ... حسبالهم خايف من الحسد او هذا الراتب الأساسي بس....

ترى معلومه محد يعرفها ..... راتب المدرس لقطري في المدارس المستقله اعلى من راتب الدكتور بكاليروس طب طبيب عادي ....في مؤسسه حمد وقطري بعد ...
طبعا المهندسيين في البترول وكهرماء رواتبهم عاليه طبعا مافي مقارنه

وترى اكثر ربعنا الله وفقهم برواتب زينه وكلها فوق 25 الف مع انهم حمله ثانويه وهذا رزقهم في الأول وعندهم واسطات زينه وتساعد ... كل ماتكبر شهاتك يصعب حصولك على وظيفه تناسبك ...عن تجربه ...في شهاده الجامعه ...يعني تحصل ...في شهاده الماجستير تلاقيها صعبه
واوقات شهاتك اكبر من مدير ادارتك اللي بيشغلك عنده ...تتوقع راح يشغلك وانت خبرتك وشهاداتك اعلى منه ...طبعا مستحيل الا شخص يهمه مصلحه الشغل وفي الواقع دايما ...بحكم
الخبره العمليه ...

يعني اعطيكم مثال حلو وحي ..

رحت مقابله شخصيه في احدى المؤسسات لوظيفه معينه .... انا حاصل على الماجستير من بريطانيا وعندي خبره اكثر من 10 سنوات وقاعد احضر الدكتوراه قريبا ... العرض ايش رايك تشتغل عندنا بشهاده البكاليروس لأن مستواك عالي ... يعرفون انا تم رفضي في كثير من الوظايف والسبب ان شهاداتي اعلى من المستوى ...شي غريب ... يعني مالك مكان الا جامعه قطر بس واذا خذوك ....صدقوني الموضوع كله واسطه ومعرفه ومحسوبيات اكثر من حمله شهادات وتقدير

[keep calm]

القناعه كنز لايفنى

[شمس]

فليه ما نترك العقارات لهم تطيح بكبودهم ؟

الا يوقفونهم عند حدهم الناس مب لعبه لهم

[Somoo]

وين نقدر نوقفهم يا شمس الله يعين بس !
أخوي قلب شاعر .. بصراحة الله يعينك .. اللي يشوف مشاكل الناس تهون عليه مشكلته
بعد أعرف نفس الشي دكتور متوهقين فيه ما يدرون وين يودونه .. يا أما يشتغل كأنه حامل شهادة بكالريوس .. أو يروح لجامعة قطر .. بس تعال شوف الأجانب .. يدورون الدكاترة دوارة .. عشان يقولون ان الإدارة الفلانية فيها الدكتور الخبير الأجنبي الفلاني .. حتى لو ما عنده ما عند جدتي .. يمكن اللي عند جدتي أفضل ..

أنا بصراحة أنصحك لا تكمل دراستك ولا شي .. أنا متحسفة على شهادتي أقسم بالله اني متحسفة عليها .. واختي الحين ثانوية أحاول أقنعها ما تدش الجامعة !! لو كنت أدري بهالوضع .. كان حمدت ربي عالثانوية وخذت دورتين حاسب وإدارة ولغة .. وأصير أحسن من المدراء أنفسهم !!

يمكن أحد يجي ويرد ويقول دوروا تخصصات عدلة .. مو شريعة ولا جغرافيا ولا تاريخ وتدورون وظايف !!
أقول له بالفم المليان ( تباً ) << شرايكم في المسبّة المؤدبة ؟ .. أنا شهادتي في علوم الحاسب الآلي .. وتقديري امتياز .. ومبرمجة ومصممة .. ولو أنا في شركة تقدر العقول .. مثل قووقل ولا مايكروسوفت ولا أي شركة برمجيات.. ما كان صار كذا وضعي .. وغيري الكثير .. بس ما فيه ثقة في العقول القطرية ..

فيه رد بيجي بعد شوي .. أحاول اني أقترح بعض الأمور لأولياء الأمور .. إن كان فيه أحد يسمع !

[Somoo]

كوب " فائض ".. سكـّر " زيادة "



للناس اللي تظن إنها حية ولا ماتت
للناس اللي تحلف ..
إنها للحين تبكي وتحس
صباحكم مؤتمر " أنابولس "
صباحكم سلام وحمام ..
وكلام ..
أوله كلام .. وآخره كلام !

صباحكم ثياب وبشوت
وناسِ تموت ولا تموت

صباحكم " زيادة رواتب "
وزيادة أسعار .. رز ودجاج !
تنحني جبهة .. وتضحك حْجاج

صباحكم فوضى عقار
و" فائض ميزانية "
تقارير واخبار !

صباحكم هَم .. وصباحنا همين
بيبسينا صار بريالين !

يا وطن ..
والله ما علينا .. لو أحمال الدنيا علينا
بنشيل .. حتى الحتوف
بس ..
عطينا كتوف !


خارج النص :
آمنت بالله رباً .. وكفرت بالـ " الزيادة "

[Somoo]

المطلوب الآن عشان ما يكون نقاشنا عقيم :
1- توحيد الرواتب بين الرجال والنساء (الكل يعمل والكل يجتهد والموظفة ما حد يصرف عليها على اعتبار انها موظفة لازم تعطي ما تاخذ)
2- توحيد الرواتب في جميع الجهات الحكومية والقطاعات الخاصة ، وكلن بحسب اختصاصة سواء كان هنا ولا هناك ما يفرق راتبه
3- التقطير الفعلي وتمييز القطري عن غيره .. مثل ما هم يميزون مواظنيهم في بلادهم عن غيرهم
4- زيادة بدل السكن للقطري .. أو توفير سكن له ( مو معقول بدل السكن 5000 والإيجارات 20 ألف وطالع ! )
6- للمرأة العاملة ( العازبة أو المطلقة أو الأرملة ) حق الانتفاع ببدل السكن من غير شروط ومتى ما تزوجت يسحب منها العقار يعني وين المشكلة ؟ بينما الشروط الحالية انه يكون تم 5 سنوات على طلاقها .. أو يكون عمرها تجاوز 35 ! يعني وين المشكلة تنتفع بهالأمر لين توهق واحد من المسلين يصرف عليها .. بعدها يرجع السكن للدولة .. أو يزال بدل السكن !
للمرأة العاملة ( العازبة أو المطلقة أو الأرملة ) حق الانتفاع بقرض الإسكان
7- تحديد أسعار العقارات ومواد البناء .. وكذلك المواد الأولية .. لمنع التضخم

واللي عنده نقاط إضافية يزيدها

[سوق واقف]

السلام عليـــــــــكم ورحمة الله وبركاته
أختي العـــــــــــــــــزيزة أنا راح أجاوبك على سؤالك من أين لك هذا يا مالك العقار؟والملك لله
1- في زمن كان الكل يلهى في سويسرا وباريس طول فترة الصيف مالك العقار كان يبحث في فترة الظهيرة عن أراضي في سيارته الصغيرة .
2- في زمن الكل كان يشتري السيارات الفارهة والحوش مليان سيارات فارهه مالك العقار كان يجتمع مع أخوانه ويشترون سيارة وحده والكل يوصل الثاني في نفس السيارة ويتم جمع أموال السيارات وتحويلها الى أراضي .
3-في زمن كان الشخص يتسوق في المجمعات ويشتري من أغلى الملابس واهو راتبه ضعيف بس عشان يفوشر قدام العالم كان مالك العقار يرضى بما قسمه الله له .
.......
أختي العزيزة أنا لا أتكلم عن كل ملاك العقارات أتكلم عن البعض والله العظيم لا أملك عقارات ولكن أتكلم عن واقع عشته في حياتي ....كثير من الشباب كانوا يقولون لي أشتر قطعة أرض في المكان الفلاني كنت أضحك عليهم واشتري سيارات .
......................أختي من أين لك هذا من الله سبحانه وتعالى ...
نعم الكثير من ملاك العقارات ظلموا الناس وطردوا الناس دعيهم يفعلوا فوق الأرض ما يريدون وسوف يريهم الله تحت الأرض ..
......................
أختي انتي تقولين صعب الإنسان يجمع مليون ريال بالعكس الحين صار سهل جدااا جمع مليون
أختي انتي تقولين البورصة داقة بالعكس البورصه فيها الخير الكثير
....................
ألم يكن معك 40 الف ريال قبل سنة 2001
الأراضي كانت 40 الف و50 الف و60 الف
بس الكل كان لاهي في المجمعات وفي باريس جاليري وفي النقوط في الأعراس وفي شراء السيارات الفارهه...
..................
أنا جمعت مبلغ كبير من لا شيء والله العظيم لم أرث شيء من والدي رحمه الله ولكن كنت أوفر والمبلغ الي كنت أحطه في البورصه أستثمار نزل طلع ولا مهتم...
................
لا تقولين ما أقدر اجمع والله العظيم تقدرين مب لازم كل شهر تروحين السوق ..
مب لازم ألبس ساعات ألماس وذهب .
مب لازم كل يوم البس بدلة في الشغل عشان يقولون والله هذي كشيخه.
مب لازم آكل كل يوم في مطاعم .
مب لازم أجيب خدامه ومربيه وطباخة وسايق.
................
أختي الغالية والله التجميع صار شيء سهل وبالذات هذي الأيام والتجارة الحين حلوووه وايد
كثير من الخوات شغالين في التجارة البسيطة وأرضي بالرزق القليل ولا تقولين الهوامير بياكلونا بالعكس انتي تستفيدين منهم ....
..............
اختي الحين الدولة مب مقصره وياكم كلش وانتي بنت تقدرين تاخذين محل في سوق واقف.
تقدرين تاخذين بيت من الإسكان .وكثير أمور أخرى ...
.............
عشان نقدر نعيش لازم نتازل عن بعض الأشياء في حياتنا ولا تقولين والله أكو فلانه عندها وانا شنو غير عنها لا أختي ...
..........
أحسبي مصاريفك في الشهر كم على سلفة البنك والسيارة والخدم والمطاعم والملابس والمكياج وغيرها من الأشياء الي مالها داعي سترين الكثير وسجليها في ورقة وشوفي المصاريف الي تطلع الي مالها داعي
.........
كل شيء بيدنا ولا تقولين ما يصير أوفر والله يصير ويصير ويصير ...
..........
المشكلة فيكم أنتو بالذات الحريم وبالذات أذا كنتوا تشتغلون ...
..............
1- لازم تطلعين قدام البنات كل يوم بدلة
2- لا زم كل يوم أكسسوار جديد أو خاتم ذهب جديد.
3- الله يكرم السامعين لازم كل يوم جوتي أو نعال شكل
4- لازم أركب سيارة فوق مستواي عشان كلام الناس والمستحى
5-لازم كل خميس أروح مطعم واودي اليهال واصرف مبالغ طائلة .عشان الروتين
.......................
أنا أدري اني غثيتكم بس عشان نعيش مرتاحين في حياتنا لازم يكون عندك مبدأ الصبر ...
..............
يعني لازم تصبرين نفسج مثلا سنتين أو ثلاث من الكشخه والموشر وعدم الذهاب الى الأسواق عشان تقدرين تجمعين مبلغ محترم وتبدين حياة جديدة وحلوه ...
...................
بتقولين أشلون ؟؟؟

الجواب
1- مب لازم خدامه في البيت .
2- مب لازم طباخه في البيت
3- مب لازم سايق في البيت .
4- مب لازم سيارة كروزر أو غيره من السيارات الغالية .
5- مب لازم كل صيف أروح سويسرا أو باريس أو غيره .
6- مب لازم أروح مطاعم آكل .
7-مب لازم آخذ سلفة عشان أمور تافه من البنك .
8- مب لازم آخذ فيزا .
9-مب لازم كل ما صار معرض أرز وجهي هناك واشتري.
10-مب لازم كل يوم أشتري ملابس عشان أكشخ قدام ربعي .
.................................................. ............
وكثير من الأمور لو تحسبينها راح تلاقين مبلغ فايض والله لا تقولين لا أختي أرجوك لأنج تقصين على نفسج..
وسامحيني الصراحة بس والله أنا أنولدت فقير ما عندي ريال ولا ورثت شيء في حياتي والله العظيم بديت حياتي من الصفر ..والحمد الله ... لأني تعلمت من الصبر أشياء كثيرة
لازم أضحي بشيء عشان شيء ...
بارك الله فيج وعلى موضوعك الرائع ..............

[سوق واقف]

أتمنى محد يزعل مني الصراحة لأنه نقاش وأخذ وعطى

[خالـــــد]

سوق واقف صح لسانك

وانا والحمد لله شريت قطعتين ارض ايام الفوت في الدحيل ب 15 ريال ترا مش بعيد هالكلام في ال 98 وشريتهم بغية بناء بيت قريب من بيت الوالد وخذتهم بالاقساط

والحمد لله بغير حول مني ولا قوه ولكن بتوفيق العلي القدير اصبح سعر الفوت كما تعلمونه اليوم

هذي توافيق والرزق من عند الرحمن واللي يتوكل عليه يرزقه من حيث لا يحتسب وهو على كل شيء قدير

المهم ان الواحد يقتنع بنصيبه وما يطالع رزق غيره ترا من راقب الناس مات هما

ومش كل من رزقه الله اصبح حرامي ونصاب ومتسلق؟؟؟؟

تحياتي لكم

[A.L.I]

السلام عليكم ورحمة الله وبركاته
ما أدري إذا كان هذا هو المكان المناسب لطرح السؤال أو لا ..
بصراحة خلونا نتكلم جد شوي .. وبواقعية أكثر ..
أشوف ( كل شعب قطر ) بلا استثناء .. يشترون العقارات بالملايين ..
وما شاء الله .. الله يزيد ويبارك .. فيه طلب على الشراء !! وهذا هو الأمر المستغرب !!

سؤالي بما اني موظفة عادية من الطبقة المسحوقة .. يا اخي من أين لك هذا ؟
من وين لكم هالملايين أبي أعرف أنا ؟!
من يوم عرفت نفسي والموظف موظف قبل الزيادة .. وأغلب الأوادم موظفين حكومة .. راتبه يعني ان كان بطران 15 ألف
والبنوك الاسلامية ما تسلف مبالغ كثيرة ..
ولو الواحد يحفر الأرض .. ما يقدر يجمع مليون على بعضه عشان يشتري أرض ..
فما بالك بالبيوت والفلل ؟

يا عالم .. هالأمر غير معقول .. قضيتوا على الناس المسحوقين مثلي .. ولا عندهم أحد يورثهم غير الضغط والسكر وحيلتهم هالراتب يعتاشون منه .. ولا الظاهر هذي هي سياسة كبار الشخصيات في الدولة .. انه ما ينتفع من خيرات قطر إلا المليادير مو بس المليونير .. ويتم تمييز الغث من السمين .. أما أصحاب المشاريع الصغيرة .. حشرات ممكن يتم سحقها ببساطة !!

أنا بس قبل لا أختم .. أبغي أذكركم بحادثة حصلت في عهد سيدنا عمر رضي الله عنه ..
جاء نفر إلى أمير المؤمنين يقولون له :
نشتكي إليك غلاء اللحم فسعره لنا ، فقال : أرخصوه أنتم ؟ فقالوا : نحن نشتكي غلاء السعر واللحم عند الجزارين ونحن أصحاب الحاجة فتقول : أرخصوه أنتم ؟ وهل نملكه حتى نرخصه ؟ وكيف نرخصه وهو ليس في أيدينا ؟ فقال قولته الرائعة : ( اتركوه لهم ) ..

فليه ما نترك العقارات لهم تطيح بكبودهم ؟
وكذلك باقي الأمور اللي تجاوزت الحد المعقول ؟

والله وبالله وتالله .. لو ما فيه أحد يشتري .. كان نزلت الأسعار ..
بس الناس ( مشفوحين ) نسأل الله السلامة !

هذا وصلى اللهم وسلم على سيدنا محمد وعلى آله وصحبه أجمعين


:secret::secret::secret::secret::secret::secret::s ecret:

[شمس]

......................أختي من أين لك هذا من الله سبحانه وتعالى ...
نعم الكثير من ملاك العقارات ظلموا الناس وطردوا الناس دعيهم يفعلوا فوق الأرض ما يريدون وسوف يريهم الله تحت الأرض

:nice::nice::nice:

[Somoo]

يعني معليه أخوي سوق واقف .. والأخ خالد
ألاحظ انكم تتكلمون عن 2001 .. 1998 .. بينما أنا أتكلم عن الخمس سنوات الماضية
من 2003 أنا متوظفة .. ولا قدرت أجمع شي .. وصعب أجمع لأن كل شي صار غالي ..

فعلاً كانت فيه فرص .. لكن للي كانوا موظفين ذاك الوقت .. وأنا سميته عصر ما قبل النكبة !
لكن الحين اللي يبي يحاول ما يقدر !!

أنا والله لا ألبس خواتم ولا ساعات .. ما عندي ساعة .. وجوالي قديم صار أثري .. يموت ويحيا بروحه .. ولا ألبس واجد لأني ما أطلع واجد .. ولا أسافر .. ولا .. ولا ..
والله ان الكلام صحيح .. ولا أزيد ولا أنقص .. كان الموضوع تمام .. لكن الحين ما في مجال !
صعبة

موضوع الأسهم .. ممكن الواحد يربح لو يدش براس مال كبير ..
لكن اللي ما عنده راس مال .. اما ياخذ سلفة من البنك ويجازف !!
أو يدش براس مال صغير ويطقطق .. والناس يوصلون للقمر وانا أطقطق .. على 2000 و 3000 !! وفي النهاية ما أقدر أجمع ملايين أشتري به بيت !!

على كل .. أنا كنت أطالب بحقوقي فقط .. مابي شي زايد .. ولاني أبحث عن المادة ..
أشوف ان فيه مواضيع تقهر .. وأبيها تنتهي ..


جزاكم الله خير

[سوق واقف]

سوق واقف صح لسانك

وانا والحمد لله شريت قطعتين ارض ايام الفوت في الدحيل ب 15 ريال ترا مش بعيد هالكلام في ال 98 وشريتهم بغية بناء بيت قريب من بيت الوالد وخذتهم بالاقساط

والحمد لله بغير حول مني ولا قوه ولكن بتوفيق العلي القدير اصبح سعر الفوت كما تعلمونه اليوم

هذي توافيق والرزق من عند الرحمن واللي يتوكل عليه يرزقه من حيث لا يحتسب وهو على كل شيء قدير

المهم ان الواحد يقتنع بنصيبه وما يطالع رزق غيره ترا من راقب الناس مات هما

ومش كل من رزقه الله اصبح حرامي ونصاب ومتسلق؟؟؟؟

تحياتي لكم
صح بدنك
الله يوفقك أخوي ويرزقك من نعيمه

[سوق واقف]

يعني معليه أخوي سوق واقف .. والأخ خالد
ألاحظ انكم تتكلمون عن 2001 .. 1998 .. بينما أنا أتكلم عن الخمس سنوات الماضية
من 2003 أنا متوظفة .. ولا قدرت أجمع شي .. وصعب أجمع لأن كل شي صار غالي ..

فعلاً كانت فيه فرص .. لكن للي كانوا موظفين ذاك الوقت .. وأنا سميته عصر ما قبل النكبة !
لكن الحين اللي يبي يحاول ما يقدر !!

أنا والله لا ألبس خواتم ولا ساعات .. ما عندي ساعة .. وجوالي قديم صار أثري .. يموت ويحيا بروحه .. ولا ألبس واجد لأني ما أطلع واجد .. ولا أسافر .. ولا .. ولا ..
والله ان الكلام صحيح .. ولا أزيد ولا أنقص .. كان الموضوع تمام .. لكن الحين ما في مجال !
صعبة

موضوع الأسهم .. ممكن الواحد يربح لو يدش براس مال كبير ..
لكن اللي ما عنده راس مال .. اما ياخذ سلفة من البنك ويجازف !!
أو يدش براس مال صغير ويطقطق .. والناس يوصلون للقمر وانا أطقطق .. على 2000 و 3000 !! وفي النهاية ما أقدر أجمع ملايين أشتري به بيت !!

على كل .. أنا كنت أطالب بحقوقي فقط .. مابي شي زايد .. ولاني أبحث عن المادة ..
أشوف ان فيه مواضيع تقهر .. وأبيها تنتهي ..


جزاكم الله خير

اختي العزيزة والله سهل سهل سهل التجميع هذي الأيام أختي تراني ممكن أساعدك بس لازم التنازل عن بعض الأمور . من حياتك
بعدين حاولي تكفلين يتيم مئة ريال كل شهر وشوفي ربي أشلون يزيدك
قيام الليل
صلاة الفجر في وقتها
وربي يوفقك

[سوق واقف]

أختي العزيزة كلمة بقولها لج

من راقب الناس مات هما عيشي حياتك ولا تشوفين حواليك عشان ترتاحين في حياتك

[Somoo]

ما شاء الله حولتوها لمحاضرة في الوعظ ..
مثل ما قلت الموضوع مو موضوع مادة .. والله يبارك للي رزقه .. ويرزق اللي يرجو رحمته ..
أحمد الله على أفضاله التي لا تحصى ، ( وإن تعدوا نعمة الله لا تحصوها ) .. ما جت على الفلوس يعني !!
والحمد لله ما أحتاج وصاه في صلاة الفجر وقيام الليل والاستغفار ..
الموضوع ان فيه أموال مهدورة على من لا يستحق .. وفيه ظلم وتفرقة وعنصرية وأكل أموال الناس بالباطل .. وربا وتجارة فاسدة .. إلخ إلخ !!
ولا اتهمت ان الغني كان حرامي ومتسلق .. إنما أدري جاته فرصة .. والحياة فرص .. ولا ألومه .. لو كنت في مكانه بسوي مثله .. ولا التفت للي ربي رزقهم وكأني حاسدتهم .. والله سبحانه مثل ما هو قادر يعطي .. قادر ياخذ ( وتلك الأيام نداولها بين الناس )

أتكلم عن قطريين ( وأنا ماني منهم لأن الحمد لله الخير واجد الله يخلي لي أبوي ويطول بعمره على طاعته ) .. أنا أتكلم عن ناس عايشين وقطريين أصل مو مجنسين .. في " بارت كابن " .. يخر عليهم المطر ويدش عليهم الغبار .. لأن ما عندهم "أبو" مثلي يصرف عليهم ما عندهم بعد الله " إلا رواتبهم الزهيدة " اللي يالله تغطي مصاريفهم ومصاريف عيالهم .. بينما الأجانب في فلل وعمارات .. وسيارات فارهة ..

أتكلم عن ناس يبون يبتدون مشاريعهم البسيطة في المولات والمجمعات لما يجي القطري يقولون له ما عندنا مكان تستأجر محل .. ولما يجي لبناني يعطونه عشر محلات مو محل واحد ..

أتكلم عن الغلاء في الأسعار .. والتدني في مستوى المعيشة .. واللافتات العريضة لما يتكلمون عن متوسط دخل المواطن القطري على انه 50 ألف .. وهالنسبة ما تعكس الحقيقة وتظلم الواقع !!

أتكلم عن ان سمو الأمير الله يحفظه ويخليه لشعبه اللي يحبه واجد .. واجد .. لدرجة اني والله العظيم أحلم فيه دايم على انه يسئلني يقول كيف أحوالكم ؟ عساكم مرتاحين ؟.. قد تصله نصف الحقيقة من المتدلسين وبياعين الكلام .. لأنه ما يرضى بالظلم لا هو ولا الشيخة موزة الله يخليها لنا فديتها .. حتى الشيخة موزة أحلم فيها دايم على انها ( صديقتي ) << شرايكم في الحلم الكشخة ؟ ..

ما أعتقد انهم فاضين يدققون في راتب فلان وراتب علان !

ما عيّن وزراء الا انه يبيهم يكونون عيونه الحريصة بين شعبه !!

أتكلم عن أشياء ما يفهمها اللي يده في الماي .. والله لا يجوجنا لأحد ..

يله خلاص كل واحد يروح بيتهم

سبحانك اللهم وبحمدك أشهد أن لا إله أنت أستغفرك وأتوب إليك

[سوق واقف]

ما شاء الله حولتوها لمحاضرة في الوعظ ..
مثل ما قلت الموضوع مو موضوع مادة .. والله يبارك للي رزقه .. ويرزق اللي يرجو رحمته ..
أحمد الله على أفضاله التي لا تحصى ، ( وإن تعدوا نعمة الله لا تحصوها ) .. ما جت على الفلوس يعني !!
والحمد لله ما أحتاج وصاه في صلاة الفجر وقيام الليل والاستغفار ..
الموضوع ان فيه أموال مهدورة على من لا يستحق .. وفيه ظلم وتفرقة وعنصرية وأكل أموال الناس بالباطل .. وربا وتجارة فاسدة .. إلخ إلخ !!
ولا اتهمت ان الغني كان حرامي ومتسلق .. إنما أدري جاته فرصة .. والحياة فرص .. ولا ألومه .. لو كنت في مكانه بسوي مثله .. ولا التفت للي ربي رزقهم وكأني حاسدتهم .. والله سبحانه مثل ما هو قادر يعطي .. قادر ياخذ ( وتلك الأيام نداولها بين الناس )

أتكلم عن قطريين ( وأنا ماني منهم لأن الحمد لله الخير واجد الله يخلي لي أبوي ويطول بعمره على طاعته ) .. أنا أتكلم عن ناس عايشين وقطريين أصل مو مجنسين .. في " بارت كابن " .. يخر عليهم المطر ويدش عليهم الغبار .. لأن ما عندهم "أبو" مثلي يصرف عليهم ما عندهم بعد الله " إلا رواتبهم الزهيدة " اللي يالله تغطي مصاريفهم ومصاريف عيالهم .. بينما الأجانب في فلل وعمارات .. وسيارات فارهة ..

أتكلم عن ناس يبون يبتدون مشاريعهم البسيطة في المولات والمجمعات لما يجي القطري يقولون له ما عندنا مكان تستأجر محل .. ولما يجي لبناني يعطونه عشر محلات مو محل واحد ..

أتكلم عن الغلاء في الأسعار .. والتدني في مستوى المعيشة .. واللافتات العريضة لما يتكلمون عن متوسط دخل المواطن القطري على انه 50 ألف .. وهالنسبة ما تعكس الحقيقة وتظلم الواقع !!

أتكلم عن ان سمو الأمير الله يحفظه ويخليه لشعبه اللي يحبه واجد .. واجد .. لدرجة اني والله العظيم أحلم فيه دايم على انه يسئلني يقول كيف أحوالكم ؟ عساكم مرتاحين ؟.. قد تصله نصف الحقيقة من المتدلسين وبياعين الكلام .. لأنه ما يرضى بالظلم لا هو ولا الشيخة موزة الله يخليها لنا فديتها .. حتى الشيخة موزة أحلم فيها دايم على انها ( صديقتي ) << شرايكم في الحلم الكشخة ؟ ..

ما أعتقد انهم فاضين يدققون في راتب فلان وراتب علان !

ما عيّن وزراء الا انه يبيهم يكونون عيونه الحريصة بين شعبه !!

أتكلم عن أشياء ما يفهمها اللي يده في الماي .. والله لا يجوجنا لأحد ..

يله خلاص كل واحد يروح بيتهم

سبحانك اللهم وبحمدك أشهد أن لا إله أنت أستغفرك وأتوب إليك

أـختي العزيزة رجعتي لنفس الموال أقولج ما عليج من الغير خلج في حالك عشان ترتاحين في عيشتك والله
والله أختي أعتبريني أخ لج أنا والله ما أشوف حوالي لو واحد عنده أبتدائي ياخذ أكثر عادي لأنه هذي أرزاق
أنا جامعي وفي واحد معاي عنده ثانوية راتبه مثل راتبي عادي أشفيها ...

[Somoo]

بقول لك كلمة أخيرة عشان ما يكون فيه نقاش ومشادة في الكلام
معليه اخوي سوق واقف اسمح لي .. اللي خلى الناس تتجرأ على القطري .. الهاب والداب ..
والأجنبي وبياع الكلام و و و .. ان القطريين أغلبهم كذا .. " سذّج "
لا تزعل مني .. الطيبة شي والسذاجة شي ..
ترى الاجانب يشوفون القطريين " أغبياء " .. ما يقولون هذيلا طيبين .. يقولون أغبياء
ويسحبون اللي في جيبه وهو يضحك !!
لا تزعل مني أرجوك .. أنا أتكلم بشكل عام .. ما أقصد أحد بعينه ..
أنا ماني مغفلة ولا غبية .. أنا أبي اللي لي .. وأبي أسوي اللي علي ..
ما أحب أحد يستغفلني .. ويحسسني اني " حمار " !! الله يعزك ويعز القرائ
أبغى اللي يحترم عقلي في بلادي .. وبس .. صلى الله وبارك .. ما ألتفت لغيري ولا همني غيري
يهمني نفسي اني احصل على اللي أستحقه .. واللي يتناسب مع الوضع الحالي .. والحق أحق أن يُتّبع .. والظلم ما يرضى به رب العالمين .. ذي حقوق ناس ..

نصيحتك على العين والراس .. بس مهوب ذا القصد
ولا القصد الالتفات لرزق فلان ولا علان .. القصد " إحقاق الحق " .. بس
والرسول عليه أفضل الصلاة والسلام قال : (من ولى ذا قرابة له محاباة وهو يجد خيرا منه لم يرح رائحة الجنة).. هذا وهو قريب له .. فما بالك بأجنبي ؟!

اسمح لنا مرة ثانية .. ومشكور على ردك ومشاركتك


طيب ..
على طاري سوق واقف .. عندك محل هناك ؟ :rolleyes2:


.

[بعيد الدار]

سوق واقف والله ماخليت لي شي أقوله كفيت ووفيت وأنا معك في كل ماقلته

[bohilal191]

يعني معليه أخوي سوق واقف .. والأخ خالد
ألاحظ انكم تتكلمون عن 2001 .. 1998 .. بينما أنا أتكلم عن الخمس سنوات الماضية
من 2003 أنا متوظفة .. ولا قدرت أجمع شي .. وصعب أجمع لأن كل شي صار غالي ..

فعلاً كانت فيه فرص .. لكن للي كانوا موظفين ذاك الوقت .. وأنا سميته عصر ما قبل النكبة !
لكن الحين اللي يبي يحاول ما يقدر !!

أنا والله لا ألبس خواتم ولا ساعات .. ما عندي ساعة .. وجوالي قديم صار أثري .. يموت ويحيا بروحه .. ولا ألبس واجد لأني ما أطلع واجد .. ولا أسافر .. ولا .. ولا ..
والله ان الكلام صحيح .. ولا أزيد ولا أنقص .. كان الموضوع تمام .. لكن الحين ما في مجال !
صعبة

موضوع الأسهم .. ممكن الواحد يربح لو يدش براس مال كبير ..
لكن اللي ما عنده راس مال .. اما ياخذ سلفة من البنك ويجازف !!
أو يدش براس مال صغير ويطقطق .. والناس يوصلون للقمر وانا أطقطق .. على 2000 و 3000 !! وفي النهاية ما أقدر أجمع ملايين أشتري به بيت !!

على كل .. أنا كنت أطالب بحقوقي فقط .. مابي شي زايد .. ولاني أبحث عن المادة ..
أشوف ان فيه مواضيع تقهر .. وأبيها تنتهي ..


جزاكم الله خير

لا كنتي تقدرين لأن كل شي كان رخيص في سنة 2003 و2004 و2005 والغلا مابدا الا في 2006 انا واعةذ بالله من كلمة انا في سنة 2003 شريت لي ارض في ابوظلوف وكان سعر الفوت22 والحين شوفوا كم واصل،،،وبخصوص انج تجمعين شي باقول لج شغله اذا نزل الراتب طبعا عقب مايخصمون السلفيات اسحبي المبلغ كامل ووزعيه من ناحية صرف البيت وحطي ميزانية مبلغ معين لصرف البيت ومب كل شي تاخذينه في نفس الشهر انا مسوي جذيه والحمدلله اوفر كل شهر مابين 500 الى 600 واذا جمعتيهم لمدة سنتين مثلا شوفي كم يطلع والله يعينج

[vip-30003]

السلام عليكم ....

ضحكت لما شفت سؤال .. من اين لك هذا ..؟؟

اختي العزيزة مادري كم عمرج بس اتمنى تسمعين كلام اخوج الاكبير...

انا كان راتبي من 8 سنوات 7 الالاف والحين 18 تقريبا بحكم الزواج ..

مثلي مثل باقي الشباب عندي ديون وحالتي حاله .. بس الدنيا فرص..

فكري معاي بس ثواني ..

لو كانت عندي عندي 4 الاف سهم صناعات وبعتها على 200 ريال
وعندي ناقلات 8الاف سهم وبعتها على 40 ريال

كم بيكون عندي بالرصيد ؟؟
فوق المليون ...
هاذي مايبيلها فهلوه ولا شطاره وكل اهل قطر يسونوها ..يشترون بطاقات وياخذون اسهم

المرحله الثاني ... وهي الاهم ..

صار عندك رصيد .. اتسكر ديونك وتاخذ سياره واتسافر ..مثلك مثل 90% من القطررين
ولا تستفيد من الرصيد في ارض وعقار ...

انا قستها على شركتيين بس كم شركة انزلت من بعد صناعات ..

وفي نقطة مهم الخوف فينا خلانا متخلفين .. الهنود يلعبون فينا والاجانب..
قطري يفتح سجل تجاري والهندي يلعب عليه يعطيه الف ريال والقطري مسكين مستانس
او عربي يفتح له مقاولات او ديكورات ويحذف على القطري كم الف والقطري السلبي مستانس
هذا اكبر غلط ...

واللي يبي يكون مليونين يدخل علي بالخاص وطبعا عنده كم الف مب مفلس

ونصيحه (( ربعاً تعاونو ما ذلو )) يا شباب لو 5 اشخاص على قلب واحد يحطون مبلغ ويدخلون في ارض في عقار .. وبجيهم الخير...

اللي يشوف الناس ويحط يده على خده انسان سلبي ... الانسان القوي هو اللي يحفر بالصخر ويبني مستقبله

[شقران2]

اذا كان هذا المقياس

عجل اختي قيسيه على الجميع واسألي

يا راعي الاسهم من اين لك هذا
ويا راعي الشركات من اين لك هذا
ويا راعي المحلات التجاريه من اين لك هذا

الى غيره

اختي المشكله تدرين وين المشكله مش احنا ما نعرف انطلع افلوس

احنا نبغي حتى الحكومه اتجي وتحط في مخبانا فلوس بالعربي ما نبي نشتغل

وكله انتذمر

كل من جانا فتحنا له سجل تجاري

اخوانا الباكستانيين سلمناهم النجاجيل والوره
الهنود سلمناهم التموين والمواد الغذائيه والدكاكين

والجاليات العربيه سلمناهم الاثاث والديكور والمقاولات وغيرهم وغيرهم الكل فتحنا له محل باسمنا وتركنا له الخيط والمخيط والجيد فينا بياخذ 1000 ريال على المحل

والحين شركات وهميه ومتاجره في الفيز لا رقيب ولا حسيب

روحي شوفي الدول الخليجيه وخصوصا السعوديه الكل ماسك حلاله وهو الي يديره وشوفي وضع الاجانب هناك الكل جاي حسب شغلته

الا عندنا

اختي سمو رئيس مجلس الوزراء قالها الي ما يشتغل ماله مكان عندنا

صدقيني اختي اشتغلي وشوية شطاره منيه مناك وتلاقين خير وعلى فكره الي ما راح يدخل خير هالايام ماراح يعرف بعدها يشتغل الفرص واجد

ولا احد يصعبها على نفسه صدقيني كل شي كل شي فيه شغل وخير من ارقام كيوتل الى العقار وغيره

اختي تجاربنا مليانه من الخير والبركه اشتغلنا في البورصه واشتغلنا في السيارات والعقار

وغيرهم كثير بس انتي انوي وتوكلي على ربج واهم شي الشغله الحلال

[دروب]

السلام عليكم ....

ضحكت لما شفت سؤال .. من اين لك هذا ..؟؟

اختي العزيزة مادري كم عمرج بس اتمنى تسمعين كلام اخوج الاكبير...

انا كان راتبي من 8 سنوات 7 الالاف والحين 18 تقريبا بحكم الزواج ..

مثلي مثل باقي الشباب عندي ديون وحالتي حاله .. بس الدنيا فرص..

فكري معاي بس ثواني ..

لو كانت عندي عندي 4 الاف سهم صناعات وبعتها على 200 ريال
وعندي ناقلات 8الاف سهم وبعتها على 40 ريال

كم بيكون عندي بالرصيد ؟؟
فوق المليون ...
هاذي مايبيلها فهلوه ولا شطاره وكل اهل قطر يسونوها ..يشترون بطاقات وياخذون اسهم

المرحله الثاني ... وهي الاهم ..

صار عندك رصيد .. اتسكر ديونك وتاخذ سياره واتسافر ..مثلك مثل 90% من القطررين
ولا تستفيد من الرصيد في ارض وعقار ...

انا قستها على شركتيين بس كم شركة انزلت من بعد صناعات ..

وفي نقطة مهم الخوف فينا خلانا متخلفين .. الهنود يلعبون فينا والاجانب..
قطري يفتح سجل تجاري والهندي يلعب عليه يعطيه الف ريال والقطري مسكين مستانس
او عربي يفتح له مقاولات او ديكورات ويحذف على القطري كم الف والقطري السلبي مستانس
هذا اكبر غلط ...

واللي يبي يكون مليونين يدخل علي بالخاص وطبعا عنده كم الف مب مفلس

ونصيحه (( ربعاً تعاونو ما ذلو )) يا شباب لو 5 اشخاص على قلب واحد يحطون مبلغ ويدخلون في ارض في عقار .. وبجيهم الخير...

اللي يشوف الناس ويحط يده على خده انسان سلبي ... الانسان القوي هو اللي يحفر بالصخر ويبني مستقبله

ما عندي صلاحية للإرسال على الخاص ...

ممكن الإيميل ؟

[دروب]

اذا كان هذا المقياس

عجل اختي قيسيه على الجميع واسألي

يا راعي الاسهم من اين لك هذا
ويا راعي الشركات من اين لك هذا
ويا راعي المحلات التجاريه من اين لك هذا

الى غيره

اختي المشكله تدرين وين المشكله مش احنا ما نعرف انطلع افلوس

احنا نبغي حتى الحكومه اتجي وتحط في مخبانا فلوس بالعربي ما نبي نشتغل

وكله انتذمر

كل من جانا فتحنا له سجل تجاري

اخوانا الباكستانيين سلمناهم النجاجيل والوره
الهنود سلمناهم التموين والمواد الغذائيه والدكاكين

والجاليات العربيه سلمناهم الاثاث والديكور والمقاولات وغيرهم وغيرهم الكل فتحنا له محل باسمنا وتركنا له الخيط والمخيط والجيد فينا بياخذ 1000 ريال على المحل

والحين شركات وهميه ومتاجره في الفيز لا رقيب ولا حسيب

روحي شوفي الدول الخليجيه وخصوصا السعوديه الكل ماسك حلاله وهو الي يديره وشوفي وضع الاجانب هناك الكل جاي حسب شغلته

الا عندنا

اختي سمو رئيس مجلس الوزراء قالها الي ما يشتغل ماله مكان عندنا

صدقيني اختي اشتغلي وشوية شطاره منيه مناك وتلاقين خير وعلى فكره الي ما راح يدخل خير هالايام ماراح يعرف بعدها يشتغل الفرص واجد

ولا احد يصعبها على نفسه صدقيني كل شي كل شي فيه شغل وخير من ارقام كيوتل الى العقار وغيره

اختي تجاربنا مليانه من الخير والبركه اشتغلنا في البورصه واشتغلنا في السيارات والعقار

وغيرهم كثير بس انتي انوي وتوكلي على ربج واهم شي الشغله الحلال

أؤيد كلامك ... وصحيح مية المية ...

ليتنا نكون مثل إخوانا السعوديين ...

[vip-30003]

السلام عليكم ...

العقارية ... ايميلي vip-30003@hotmail.com

---
رد على الموضوع لثاني مره :
بختصار مفيد..
الحياه فرص مشكلتنا مع الخيل يا شقرى شفنا الناس في البورصه ركضنا على البورصه وسمونا القطيع ..
نبيع مع البايع ونشتري مع اللي يشتري لا فهم ولا علم في البورصه ..
ليش ما انشوف شىء سهل وبسيط ونتجه له ..
الناس تولعت في اراضي الشمال الخور وذخيره وام صلال لين ولعتها فوق والمشكله حاليا المعروض اكثر من الطلب .. والسبب مافي تفكير انشوف بعض ونحسد ويلا فلان شراء ارض بشتري ...


يعني التجارة بس بورصه واراضي ؟؟

[دروب]

السلام عليكم ...

العقارية ... ايميلي vip-30003@hotmail.com

---
رد على الموضوع لثاني مره :
بختصار مفيد..
الحياه فرص مشكلتنا مع الخيل يا شقرى شفنا الناس في البورصه ركضنا على البورصه وسمونا القطيع ..
نبيع مع البايع ونشتري مع اللي يشتري لا فهم ولا علم في البورصه ..
ليش ما انشوف شىء سهل وبسيط ونتجه له ..
الناس تولعت في اراضي الشمال الخور وذخيره وام صلال لين ولعتها فوق والمشكله حاليا المعروض اكثر من الطلب .. والسبب مافي تفكير انشوف بعض ونحسد ويلا فلان شراء ارض بشتري ...


يعني التجارة بس بورصه واراضي ؟؟

وعليكم السلام ورحمة الله وبركاته ،،،

تسلم اخوي ...

والمشكلة إذا س من الناس فتح حلاق لقيت عشرة افتحوا احذاه ...

حسد في الرزق وتقليد أعمى ...

(وفي السماء رزقكم وما توعدون)

السعي مطلوب والحسد ممنوع ...

[vip-30003]

نصيحه للكل اللي يبي ملالالاين ويغتني بسرعه

يشتري ارض في الصناعية ويبني سكن عمال واستور

ايجار بالميت 80 الى 120 الف وممكن اكثر

راس المال يرجع في اقل من 4 سنوات

اسئل مجرب ولا تسئل طبيب

مثال بسيط ...

اذا ارض في الصناعية ب 5 مليون وبنينا استور وسكن عمال ب 2 مليون

توتل 7 مليون .. اذا ايجار ب 150 الف بعد اربع سنوات 7 مليون و200 الف

بترجع راس المال وتبداء ارباح ...

5 اشخاص يتفقون وكل واحد يدفع 1مليون و400 ..

والله الفرص جدامكم ...