شنطة السفر

[دلة الرسلان]

السلام عليكم ورحمة الله وبركاته

بما اننا في موسم سفر ومعظم الناس مشتطين ها الأيام اللي يشتري شناط واللي مسح الغبار

عن شناطه (انا ) ايش اول شيء تحرصون انكم تحطونه في الشنطة ؟؟


مع تحياتي للجميع :nice:

[ضوى]

السلام عليكم ورحمة الله وبركاته

بما اننا في موسم سفر ومعظم الناس مشتطين ها الأيام اللي يشتري شناط واللي مسح الغبار

عن شناطه (انا ) ايش اول شيء تحرصون انكم تحطونه في الشنطة ؟؟


مع تحياتي للجميع :nice:



سجادة الصلاة وفرشاة اسناني ومخدتي :secret:

[الوعد2016]

اول شي اكشف المخابي السريه واخش الدولارات او اليور
وجواز السفر والسجاده والقران

[دلة الرسلان]

سجادة الصلاة وفرشاة اسناني ومخدتي :secret:

ضوى اشكبر المخده وين بتحطين باقي الاغراض ؟

[PoBox]

ضوى اشكبر المخده وين بتحطين باقي الاغراض ؟

هههههههههههه
نفس السؤال


--------
محول كهربائي ،،
و مبدل رؤوس ماعرف اسمه اللي يصلح لجميع دول العالم مهما كانت انواع الفتحات الكهربائية

http://img.tootoo.com/mytootoo/upload/20/206875/product/206875_b4fd5564cbcf5eb9b5c16a8c5f11c0e7.jpg

[دلة الرسلان]

اول شي اكشف المخابي السريه واخش الدولارات او اليور
وجواز السفر والسجاده والقران

حريص ما شاء الله عليك بس انا مستحيل احط فلوسي في شنطة السفر اوزعها في جيوبي

وشنطة يدي لا احد يسمعني :spider:

[ســـهم]

شنطتي على أهبة الأستعداد دائما حتى ملابسي مغبره فيها

اغسلها هونيك في المكان اللي رايح له

يعني مايحتاج افتح واسكر الشنطه

ماحب اتعب :(

[اعالي الجنان]

سجادة الصلاة وفرشاة اسناني ومخدتي :secret:

هههههههههههههههه

المخده ليش مالها داعي يختج خذي كفر ومشي حالج

ضوى والله ضحكت من المخده

[دلة الرسلان]

هههههههههههه
نفس السؤال


--------
محول كهربائي ،،
و مبدل رؤوس ماعرف اسمه اللي يصلح لجميع دول العالم مهما كانت انواع الفتحات الكهربائية

ايه عندي ابو روس بجميع الألوان وما قط استخدمناه

[دلة الرسلان]

شنطتي على أهبة الأستعداد دائما حتى ملابسي مغبره فيها

اغسلها هونيك في المكان اللي رايح له

يعني مايحتاج افتح واسكر الشنطه

ماحب اتعب :(

هونيك الغسيل افضل ؟؟؟

[ضوى]

ضوى اشكبر المخده وين بتحطين باقي الاغراض ؟


مخدة صغيرة ورقيقة بشكل ما تتخيلينه :shy:معاي من 15 سنة ومب قادرة ابدلها

[دلة الرسلان]

هههههههههههههههه

المخده ليش مالها داعي يختج خذي كفر ومشي حالج

ضوى والله ضحكت من المخده

وانتي ايش تودين وما تستغنين عنه ؟؟

[اعالي الجنان]

السلام عليكم ورحمة الله وبركاته

بما اننا في موسم سفر ومعظم الناس مشتطين ها الأيام اللي يشتري شناط واللي مسح الغبار

عن شناطه (انا ) ايش اول شيء تحرصون انكم تحطونه في الشنطة ؟؟


مع تحياتي للجميع :nice:

وعليكم السلام ورحمةالله وبركاته

المشط والسشوار وقبضات الشعر:shy:

لحد يضحك:eek5:

[ضوى]

هههههههههههههههه

المخده ليش مالها داعي يختج خذي كفر ومشي حالج

ضوى والله ضحكت من المخده


تصدقين يا عزيزتي مرة سافرت وما وديتها وياي والله ثم والله ثلاثاة ايام ما عرفت انام عدل كله اقوم رقبتي تعورني خلاص عودت نفسي ولا بقادرة اغير لاي نوع انهرت من كثر الغسيل :rolleyes2:

[بنت ذياب]

مخدة صغيرة ورقيقة بشكل ما تتخيلينه :shy:معاي من 15 سنة ومب قادرة ابدلها

ههههههههههههههههههههههههههه

واللللله فله يكون عندج شي عزيز تاخذينه معاج كل مكااان

خاطري اشوف المخده هههههههه

[دلة الرسلان]

مخدة صغيرة ورقيقة بشكل ما تتخيلينه :shy:معاي من 15 سنة ومب قادرة ابدلها

اكيد يا عزيزتي بتكون رقيقة 15 سنه خدمة :)

[ضوى]

:nice:
ههههههههههههههههههههههههههه

واللللله فله يكون عندج شي عزيز تاخذينه معاج كل مكااان

خاطري اشوف المخده هههههههه



باصورها لج بوقت ثاني :nice:

[دلة الرسلان]

وعليكم السلام ورحمةالله وبركاته

المشط والسشوار وقبضات الشعر:shy:

لحد يضحك:eek5:

احسن مني اول شيء قواطي الرينبو :D

[الوعد2016]

مخدة صغيرة ورقيقة بشكل ما تتخيلينه :shy:معاي من 15 سنة ومب قادرة ابدلها

اهم شي عمرها15سنه تشمسينها وتغسلينها بستمرار اكيد مخدة الطفوله

[ضوى]

اكيد يا عزيزتي بتكون رقيقة 15 سنه خدمة :)

المشكلة يا دلة ادور مثلها ما احصل ويوم احصل شئ قريب انام عليها ليلة وطول الليل اتقلب احس مب مريحة واقعد باخر الليل اغيرها والله مشكلة هالسالفة

[اعالي الجنان]

احسن مني اول شيء قواطي الرينبو :D

ههههههههههههههههههههههههههههههههههه
اويلي دلوله فطست من الضحك
قواطي الرينبو شلون رضى ريلج تاخذينهم

[ضوى]

اهم شي طول 15 سنه تشمسينها وتغسلينها بستمرار اكيد مخدة الطفوله



طفولة ؟؟؟

لا والله مخدة الشباب :secret:

كل سبوعين اشمسها واغسلها :shy:

[دلة الرسلان]

ههههههههههههههههههههههههههه

واللللله فله يكون عندج شي عزيز تاخذينه معاج كل مكااان

خاطري اشوف المخده هههههههه

وانتي اختي على ماذا تحرصين وتخافين ما تحصلينه في السفر؟

[دلة الرسلان]

المشكلة يا دلة ادور مثلها ما احصل ويوم احصل شئ قريب انام عليها ليلة وطول الليل اتقلب احس مب مريحة واقعد باخر الليل اغيرها والله مشكلة هالسالفة

انا اقترح تحطين مخدة ثانية على السرير على طول وشوي شوي تتقلبين عليها علشان تتعودين

وشوي تطري حتى تتركين المخدة الاولى .

ضوى تعبت مع بنتي كان ما تنام الا وبرنوسها في خشمها وناخذه بالخش علشان نغسله وسويت

الخطة ونفعت معها .

[اعالي الجنان]

تصدقين يا عزيزتي مرة سافرت وما وديتها وياي والله ثم والله ثلاثاة ايام ما عرفت انام عدل كله اقوم رقبتي تعورني خلاص عودت نفسي ولا بقادرة اغير لاي نوع انهرت من كثر الغسيل :rolleyes2:

سبحان الله مشكله والله الله يعينج
انا اي شي امشي حالي فيه الحمدلله

[بواسطة]

ديتول

[ســـهم]

ضوى


انصحج

تسوين للمخده استنساخ

وتسمينها مخدولي :)

[اكسجين]

مخدة صغيرة ورقيقة بشكل ما تتخيلينه :shy:معاي من 15 سنة ومب قادرة ابدلها

fifteen years :omg:

[ضوى]

انا اقترح تحطين مخدة ثانية على السرير على طول وشوي شوي تتقلبين عليها علشان تتعودين

وشوي تطري حتى تتركين المخدة الاولى .

ضوى تعبت مع بنتي كان ما تنام الا وبرنوسها في خشمها وناخذه بالخش علشان نغسله وسويت

الخطة ونفعت معها .

والله جربت خشيت المخدة في الكبت اللي فوق عشان اعود نفسي عالمخدة الثانية ما في فايدة اقعد نص الليل اجيبها احن لها كثر ما يحن الطفل الصغير :shy:

[ضوى]

ضوى


انصحج

تسوين للمخده استنساخ

وتسمينها مخدولي :)



:shy::shy::shy::shy:

[دلة الرسلان]

ههههههههههههههههههههههههههههههههههه
اويلي دلوله فطست من الضحك
قواطي الرينبو شلون رضى ريلج تاخذينهم

:shy: لا ومرة نسيت الفتاحة واحنا واصلين الفجر ومصدعه .

ترى اخذ بس درزن تصبيره ايلين نعرف ايش اصلح شيء لحليب الكرك في البلد المستقبل لنا.

[ضوى]

fifteen years :omg:



والله يمكن اكثر

بس اللي اذكره بالضبط سنة 93 اخذتها من لندن من شوكت :weeping:

[ضوى]

:shy: لا ومرة نسيت الفتاحة واحنا واصلين الفجر ومصدعه .

ترى اخذ بس درزن تصبيره ايلين نعرف ايش اصلح شيء لحليب الكرك في البلد المستقبل لنا.

من مدمنين الكرك يا دلة ؟؟؟:rolleyes2:

[دلة الرسلان]

ديتول

:omg: وين رايح ؟؟؟

[ســـهم]

والله يمكن اكثر

بس اللي اذكره بالضبط سنة 93 اخذتها من لندن من شوكت :weeping:


اهاااااااا








كنت مسجل تمهيدي روضه :shy:

[ضوى]

اهاااااااا








كنت مسجل تمهيدي روضه :shy:



:rolleyes2::rolleyes2::rolleyes2:


يبه الف مرة اقول لكم انا ديناصور المنتدى :)

[بواسطة]

:omg: وين رايح ؟؟؟

بلاد الكفر والجنس :victory:

:)

[اعالي الجنان]

:shy: لا ومرة نسيت الفتاحة واحنا واصلين الفجر ومصدعه .

ترى اخذ بس درزن تصبيره ايلين نعرف ايش اصلح شيء لحليب الكرك في البلد المستقبل لنا.

هههههههههههههههههههههههههههههههه
بس خلاص مت ضحك الله يقطع بليسكم والله
شي انتي وضوى
والاخ اللي ياخذ ديتول
ههههههههههههههههههههههههههههههههههه
دلوله معناته ريلج راضي دام فيها الفتاحه بعد:)

[دلة الرسلان]

من مدمنين الكرك يا دلة ؟؟؟:rolleyes2:

والحين على ريجيم الكرك فقط :victory:

[ســـهم]

بلاد الكفر والجنس :victory:

:)



جاب العيد :secret:

[ضوى]

والحين على ريجيم الكرك فقط :victory:



:rolleyes2::rolleyes2::rolleyes2:

تصدقين ما حبيته هالكرك ؟؟ولا عمري ذقته ابداااااااااااااااااا

[دلة الرسلان]

بلاد الكفر والجنس :victory:

:)


:shy:

[Chambray]

ياشباب محد بيجي فرنسا
غرشة الفلفل الكريستال الي جبتها معاي من الدوحة خلصت هههههههههههههههه

[دلة الرسلان]

هههههههههههههههههههههههههههههههه
بس خلاص مت ضحك الله يقطع بليسكم والله
شي انتي وضوى
والاخ اللي ياخذ ديتول
ههههههههههههههههههههههههههههههههههه
دلوله معناته ريلج راضي دام فيها الفتاحه بعد:)


انتي شتقولين احنا متعودين قهوة هيل كراتين تمر زعفران كل ما تتخيلين حتى المواعين طبعا

السفرات الطويلة جداا فكم غويطي لا تمثل شيء يا عزيزتي:cool:

[دلة الرسلان]

:rolleyes2::rolleyes2::rolleyes2:

تصدقين ما حبيته هالكرك ؟؟ولا عمري ذقته ابداااااااااااااااااا


سبب رئيسي لفقر الدم :(

[الهاوي28]

اهم شيء عندي

شاي ورق ريد ليبل

وسكر

وحليب ابوقوس

وغوري اصغير على كهربا

لاني ما اصبر عن الشاي

[دلة الرسلان]

ياشباب محد بيجي فرنسا
غرشة الفلفل الكريستال الي جبتها معاي من الدوحة خلصت هههههههههههههههه


ابو العيال عندكم لو دريت كان طرشت معاه

[ضوى]

انتي شتقولين احنا متعودين قهوة هيل كراتين تمر زعفران كل ما تتخيلين حتى المواعين طبعا

السفرات الطويلة جداا فكم غويطي لا تمثل شيء يا عزيزتي:cool:



من صجج ؟؟؟
:secret::secret::secret:

[دلة الرسلان]

اهم شيء عندي

شاي ورق ريد ليبل

وسكر

وحليب ابوقوس

وغوري اصغير على كهربا

لاني ما اصبر عن الشاي

:thumbup: شفتي يا اعالي الجنان مش انا بس

[Chambray]

بلاد الكفر والجنس :victory:

:)

:omg::omg: تايلند؟؟

[بو سعود]

بداية شكراً على الموضوع

بصراحة أنا عندي قائمة كاتبها من زمان وفي كل سفرة أستفيد منها ، وفيها على سبيل المثال :
1- مشط .
2 - شنطة صغيرة فيها فرشاة أسنان ومعجون وصابون ومزيل العرق والعطور .
3 - محول كهربائي ،مكينة الحلاقة ، وشاحن الموبايل .
4 - الملابس يعني (بانطلونات ، فانيلات ،قمصان ، دلاقات ، جوتي رياضة ، نعال ، فوطة ، كبوس ،سير ، جلابيات ) .
5 - بعض أنواع الكافي اللي يمكن ما ألاقيها ، وبعض المكسرات .
6 - لوبة من النوع اللي احبه ، وفي بعض المناطق آخذ جبني المفضل !!!!
7 - دفتر صغير وقلم .
8 - صور من (جواز السفر ، البطاقة الشخصية ، الليسن ، الفيزا كارد وبطاقة الصراف) .
9 - سجادة وبوصلة .
10 - في شي غير ديما أسويه وهو تسجيل تسلسل أرقام الدولارات والعملات الأخرى اللي آخذهم معاي في الدفتر وأسجل فيه أرقام الناس اللي أحتاجهم سواء في بلدي أوالبلد اللي مسافر له هذا من باب الإحتياط حتى لو ضاع الموبايل ما أتورط .11 - الهدايا اللي راح آخذهم معاي .
وهذا اللي آتذكره لأن القائمة مش معاي الحين ..... وسلامتكم ورحلة سعيدة إن شاء الله

[دلة الرسلان]

من صجج ؟؟؟
:secret::secret::secret:

ايه حبيبتي نفتح مجلس بو حمدان في السفر طبعا انا اتكلم عن سفرات ام سنوات :)

[اعالي الجنان]

انتي شتقولين احنا متعودين قهوة هيل كراتين تمر زعفران كل ما تتخيلين حتى المواعين طبعا

السفرات الطويلة جداا فكم غويطي لا تمثل شيء يا عزيزتي:cool:

:rolleyes2::rolleyes2::rolleyes2:

:omg::omg:ماشاءالله تبارك الله :eek5::eek5:

[لامار]

؛

كــــــــــل شي ..!!

من الألــــــــــــف ..إلى اليــــــــاء . .



‘،
،‘

شكــراً لكِ


لامـــــــار

[دلة الرسلان]

بداية شكراً على الموضوع

بصراحة أنا عندي قائمة كاتبها من زمان وفي كل سفرة أستفيد منها ، وفيها على سبيل المثال :
1- مشط .
2 - شنطة صغيرة فيها فرشاة أسنان ومعجون وصابون ومزيل العرق والعطور .
3 - محول كهربائي ،مكينة الحلاقة ، وشاحن الموبايل .
4 - الملابس يعني (بانطلونات ، فانيلات ،قمصان ، دلاقات ، جوتي رياضة ، نعال ، فوطة ، كبوس ،سير ، جلابيات ) .
5 - بعض أنواع الكافي اللي يمكن ما ألاقيها ، وبعض المكسرات .
6 - لوبة من النوع اللي احبه ، وفي بعض المناطق آخذ جبني المفضل !!!!
7 - دفتر صغير وقلم .
8 - صور من (جواز السفر ، البطاقة الشخصية ، الليسن ، الفيزا كارد وبطاقة الصراف) .
9 - سجادة وبوصلة .
10 - في شي غير ديما أسويه وهو تسجيل تسلسل أرقام الدولارات والعملات الأخرى اللي آخذهم معاي في الدفتر وأسجل فيه أرقام الناس اللي أحتاجهم سواء في بلدي أوالبلد اللي مسافر له هذا من باب الإحتياط حتى لو ضاع الموبايل ما أتورط .11 - الهدايا اللي راح آخذهم معاي .
وهذا اللي آتذكره لأن القائمة مش معاي الحين ..... وسلامتكم ورحلة سعيدة إن شاء الله

ما شاء الله منظم اخوي ابو سعود اعجبتني النقطة العاشرة

[دانـة قطـر]

ضوى تعبت مع بنتي كان ما تنام الا وبرنوسها في خشمها وناخذه بالخش علشان نغسله وسويت

الخطة ونفعت معها .

:eek5::eek5::eek5:

هذي أنا :eek5:


بالنسبة لي حتى لو كانت سفره يومين تشوفيني ماخذه أغراض حق شهر احتياط مع أني متأكده وأعرف ما راح نطول أكثر من يومين :nice:

تسلمين أختي عالموضوع وياااارب نسافر :nice:

[دلة الرسلان]

؛

كــــــــــل شي ..!!

من الألــــــــــــف ..إلى اليــــــــاء . .



‘،
،‘

شكــراً لكِ


لامـــــــار


معليش نبدأ بالالف --------:nice:

[دانـة قطـر]

بداية شكراً على الموضوع

بصراحة أنا عندي قائمة كاتبها من زمان وفي كل سفرة أستفيد منها ، وفيها على سبيل المثال :
1- مشط .
2 - شنطة صغيرة فيها فرشاة أسنان ومعجون وصابون ومزيل العرق والعطور .
3 - محول كهربائي ،مكينة الحلاقة ، وشاحن الموبايل .
4 - الملابس يعني (بانطلونات ، فانيلات ،قمصان ، دلاقات ، جوتي رياضة ، نعال ، فوطة ، كبوس ،سير ، جلابيات ) .
5 - بعض أنواع الكافي اللي يمكن ما ألاقيها ، وبعض المكسرات .
6 - لوبة من النوع اللي احبه ، وفي بعض المناطق آخذ جبني المفضل !!!!
7 - دفتر صغير وقلم .
8 - صور من (جواز السفر ، البطاقة الشخصية ، الليسن ، الفيزا كارد وبطاقة الصراف) .
9 - سجادة وبوصلة .
10 - في شي غير ديما أسويه وهو تسجيل تسلسل أرقام الدولارات والعملات الأخرى اللي آخذهم معاي في الدفتر وأسجل فيه أرقام الناس اللي أحتاجهم سواء في بلدي أوالبلد اللي مسافر له هذا من باب الإحتياط حتى لو ضاع الموبايل ما أتورط .11 - الهدايا اللي راح آخذهم معاي .
وهذا اللي آتذكره لأن القائمة مش معاي الحين ..... وسلامتكم ورحلة سعيدة إن شاء الله

ما شاء الله عليك :nice:

[دلة الرسلان]

:eek5::eek5::eek5:

هذي أنا :eek5:


بالنسبة لي حتى لو كانت سفره يومين تشوفيني ماخذه أغراض حق شهر احتياط مع أني متأكده وأعرف ما راح نطول أكثر من يومين :nice:

تسلمين أختي عالموضوع وياااارب نسافر :nice:


يا هلا دانة انا ابرز الاغراض قبل السفر بمدة خاصة لو العكس بنرجع الدوحة وتشوفيني مرتبة

اغراضي في الشنطة وبعدين انسى ايش حطيت وارد اعفس الشنطة:rolleyes2:

[Chambray]

ابو العيال عندكم لو دريت كان طرشت معاه

افاااااااااااااا

[لامار]

:
معليش نبدأ بالالف --------:nice:




الألــــــــــــف

1) العبـــايــــات ..

2) شـُــــــــنط اليد .

هذيلا هم الألف .. عــــــندي!! :shy:

[ضوى]

:




الألــــــــــــف

1) العبـــايــــات ..

2) شـُــــــــنط اليد .

هذيلا هم الألف .. عــــــندي!! :shy:



ليش كم عباية تاخذين وكم شنطة يد لسفرة مدتها شهر والا شهرين ؟؟:eek5:

[دلة الرسلان]

افاااااااااااااا

جاسم مشي حالك عندهم شطة مشابهه مثل ما مشينا حالنا مع حليب تسكو :rolleyes2:

[بواسطة]

:omg::omg: تايلند؟؟

لا موناكو تايلند ولا غيرها كله سيم سيم :victory:

:)

[دلة الرسلان]

ليش كم عباية تاخذين وكم شنطة يد لسفرة مدتها شهر والا شهرين ؟؟:eek5:

نفس تسأولي !!!

[دلة الرسلان]

لا موناكو تايلند ولا غيرها كله سيم سيم :victory:

:)

معليش اخوي ترى فعلا حماماتهم العامة - اعزكم الله - ينخاف منها لذلك فيه غطاء المرحاض

الورق افضل من الديتول

[لامار]

ليش كم عباية تاخذين وكم شنطة يد لسفرة مدتها شهر والا شهرين ؟؟:eek5:

ها :omg:

ليـــــــــــش انتو كم عبــــــايه تاخذون معاكم .. وحـــــــــــــــــــدهـ :secret:

بصراحـــهـ على حـــــــسب السفرهـ..

مرات أخـــــذ معاي أربع .. عبايات كــــحد أدنى :shy:
وثلاث .. أربع شـــــــــــنط .. بس !

[ضوى]

ها :omg:

ليـــــــــــش انتو كم عبــــــايه تاخذون معاكم .. وحـــــــــــــــــــدهـ :secret:

بصراحـــهـ على حـــــــسب السفرهـ..

مرات أخـــــذ معاي أربع .. عبايات كــــحد أدنى :shy:
وثلاث .. أربع شـــــــــــنط .. بس !



ماشاء الله

انا جلباب واحد واغسله :rolleyes2:غير عباية المطار اللي اروح فيها والرجع فيها
وشنطة يد للمطار تكون كشخة وللسفر واحدة عملية تنلبس بالرقبة بس

[دلة الرسلان]

ها :omg:

ليـــــــــــش انتو كم عبــــــايه تاخذون معاكم .. وحـــــــــــــــــــدهـ :secret:

بصراحـــهـ على حـــــــسب السفرهـ..

مرات أخـــــذ معاي أربع .. عبايات كــــحد أدنى :shy:
وثلاث .. أربع شـــــــــــنط .. بس !

:omen2: كله من ضوى خلتنا نكشف اوراقنا زين كذا ياضوى كم عباية تودين ؟؟

انا وحده واغسلها با اناملي واعلقها واكويها ثم ارتديها وانطلق

وشنطة يد وحده بس اشتري كم وحده مسانده للأولى

[دلة الرسلان]

ماشاء الله

انا جلباب واحد واغسله :rolleyes2:غير عباية المطار اللي اروح فيها والرجع فيها
وشنطة يد للمطار تكون كشخة وللسفر واحدة عملية تنلبس بالرقبة بس

خريطة قرنقعوه:rolleyes2:

[ضوى]

خريطة قرنقعوه:rolleyes2:

لا اقصد اللي تتعلق بالرقبة وتنحط عالجتف على جنب مدري شيسمونها تكون عادة جلد طايح احط فيها كل شئ كاميرا ديجيتال بوكي وبسكوت وشوية حلويات

[ضوى]

:omen2: كله من ضوى خلتنا نكشف اوراقنا زين كذا ياضوى كم عباية تودين ؟؟

انا وحده واغسلها با اناملي واعلقها واكويها ثم ارتديها وانطلق

وشنطة يد وحده بس اشتري كم وحده مسانده للأولى



:nice::nice::nice:

مساندة لي يا دلوة :nice:

[فلوه]

ها :omg:

ليـــــــــــش انتو كم عبــــــايه تاخذون معاكم .. وحـــــــــــــــــــدهـ :secret:

بصراحـــهـ على حـــــــسب السفرهـ..

مرات أخـــــذ معاي أربع .. عبايات كــــحد أدنى :shy:
وثلاث .. أربع شـــــــــــنط .. بس !



فعلاً .. انااا مع لاماار

تدرين ضــوى السنه اللي فاااتت انقطعت عبايتي .. وأناااا في السوووق .. عباااره عن فتحه صغيره في طرف العباااه ... فقلت إذا عوودت الفندق .. ابدلهاا والحمد لله كنت عااامله احتياااطي .. ماااوصلت الفندق الا وهي نص مــتر .. :weeping:

فتخيلي أنااا برااا في بلاااد مااابهاا عبي .. (( اوروبيه ))

وش أسوووي ذيك الحزه :con2:

[لامار]

ماشاء الله

انا جلباب واحد واغسله :rolleyes2:غير عباية المطار اللي اروح فيها والرجع فيها
وشنطة يد للمطار تكون كشخة وللسفر واحدة عملية تنلبس بالرقبة بس



صعبهـ إني أخذ معاي عبايهـ وحـدهـ.. :(

طب فرضاً .. رجعت وغسلتها .. على قولتج .. وأنا أبي أطلع مرهـ ثانيهـ .. شاسوي ..أ أجل الطـــلعهـ لـــ ثاني يوم :secret:

[ضوى]

فعلاً .. انااا مع لاماار

تدرين ضــوى السنه اللي فاااتت انقطعت عبايتي .. وأناااا في السوووق .. عباااره عن فتحه صغيره في طرف العباااه ... فقلت إذا عوودت الفندق .. ابدلهاا والحمد لله كنت عااامله احتياااطي .. ماااوصلت الفندق الا وهي نص مــتر .. :weeping:

فتخيلي أنااا برااا في بلاااد مااابهاا عبي .. (( اوروبيه ))

وش أسوووي ذيك الحزه :con2:



اقول فلوة ليش يمه تحاربين في العباية :rolleyes2:


بس تصدقين ما عمري فكرت فيها :secret:

[بوخالد911]

مصحف صغير الحجم

تشارج الجوال

فرشاة الاسنان

مقراظة

!!!!

[دلة الرسلان]

لا اقصد اللي تتعلق بالرقبة وتنحط عالجتف على جنب مدري شيسمونها تكون عادة جلد طايح احط فيها كل شئ كاميرا ديجيتال بوكي وبسكوت وشوية حلويات

ااااااااااااه شنطة رقبية جتافيه حتى تمنحك الانطلاقة واكيد حذا سحاتي ويالله فلت

انا لو عندي ها الشنطة بيكون فيها مراضيع وماي وكاميرا ويمكن مضلة تحسبا للطقس

ويمكن غيار حق الصغير واكيد البسكوت بيكون مدقدق من الاغراض الثانية :(

[ضوى]

صعبهـ إني أخذ معاي عبايهـ وحـدهـ.. :(

طب فرضاً .. رجعت وغسلتها .. على قولتج .. وأنا أبي أطلع مرهـ ثانيهـ .. شاسوي ..أ أجل الطـــلعهـ لـــ ثاني يوم :secret:


شخصيا لامار

اغسلها بالليل واكويها والبسها الصبح :tease:

[دلة الرسلان]

:nice::nice::nice:

مساندة لي يا دلوة :nice:

دايما اااااااا:yes:



فعلاً .. انااا مع لاماار

تدرين ضــوى السنه اللي فاااتت انقطعت عبايتي .. وأناااا في السوووق .. عباااره عن فتحه صغيره في طرف العباااه ... فقلت إذا عوودت الفندق .. ابدلهاا والحمد لله كنت عااامله احتياااطي .. ماااوصلت الفندق الا وهي نص مــتر .. :weeping:

فتخيلي أنااا برااا في بلاااد مااابهاا عبي .. (( اوروبيه ))

وش أسوووي ذيك الحزه :con2:

الفندق فيد ادوات خياطه :)

[دلة الرسلان]

صعبهـ إني أخذ معاي عبايهـ وحـدهـ.. :(

طب فرضاً .. رجعت وغسلتها .. على قولتج .. وأنا أبي أطلع مرهـ ثانيهـ .. شاسوي ..أ أجل الطـــلعهـ لـــ ثاني يوم :secret:


تصير بس نادر ما ارجع واقدر اطلع مرة ثانية العاده ما نرد الا منهدين نبغي الطيحة وشاور

سريع .

[لامار]

فعلاً .. انااا مع لاماار

تدرين ضــوى السنه اللي فاااتت انقطعت عبايتي .. وأناااا في السوووق .. عباااره عن فتحه صغيره في طرف العباااه ... فقلت إذا عوودت الفندق .. ابدلهاا والحمد لله كنت عااامله احتياااطي .. ماااوصلت الفندق الا وهي نص مــتر .. :weeping:

فتخيلي أنااا برااا في بلاااد مااابهاا عبي .. (( اوروبيه ))

وش أسوووي ذيك الحزه :con2:


صـباح الخير .. ياعـــســـل :shy:

الحمد لله في وحــدهـ مأيدتني

[فلوه]

اقول فلوة ليش يمه تحاربين في العباية :rolleyes2:


بس تصدقين ما عمري فكرت فيها :secret:


هاهاهاها

لا فديتج اي حـــــــرب

خبرج شوااارع المشاااة براا .. ومااا ادراااك ماا شوااارع المشاااة

بس أناا أعتقد انه بسبة السلم الكهربااائي ..

عباااايتي طووويله .. :shy:

[جلمود]

فوطه وثيابي وعطر :secret:

[دلة الرسلان]

مصحف صغير الحجم

تشارج الجوال

فرشاة الاسنان

مقراظة

!!!!


اشمعنى مقراضة ؟؟

[ضوى]

هاهاهاها

لا فديتج اي حـــــــرب

خبرج شوااارع المشاااة براا .. ومااا ادراااك ماا شوااارع المشاااة

بس أناا أعتقد انه بسبة السلم الكهربااائي ..

عباااايتي طووويله .. :shy:



اذا جذي معاج حق

انا جلبابي يعني مغطي القدم ما يسحب

بس تدرين لازم عبي السفر تكون اقصر من العبي اللي نلبسها هنا احس شوارعهم الله يعزج شئ مقرف من كلابهم :rolleyes2:

[ضوى]

:omg:
اشمعنى مقراضة ؟؟


مقراض اظافر ليش شتسمينه يا دلة :omg:

[دلة الرسلان]

صـباح الخير .. ياعـــســـل :shy:

الحمد لله في وحــدهـ مأيدتني

لامار شخصيا اودي من الى بس ما شاء الله الام تتنازل عن اشياء كثيرة لصالح العيال ومنها

المساحات في الشنطة يعني ممكن ارص اغراضي مع الصغار بس ابني المراهق يمكن يتمغط

في شنطتين عااااااااااااااااااادي

[دلة الرسلان]

فوطه وثيابي وعطر :secret:

احسها شنطة صعينونه

[دلة الرسلان]

:omg:


مقراض اظافر ليش شتسمينه يا دلة :omg:


:anger1: ادري انها مقراضة اظافر يا ضوى انا قصدي هل تنمو الاظافر بسرعة اكبر في

السفر مثلا ولا عااااااااده معينه مثلك ومخدة الشباب .

[فلوه]

صـباح الخير .. ياعـــســـل :shy:

الحمد لله في وحــدهـ مأيدتني

صباح الفل .. والورد .. والزيفووووووون << مسروووقه مع الاعتذااار

أأيـــدج .. تأيــــــــد أعمى .. :shy:

[بوخالد911]

اشمعنى مقراضة ؟؟

يعني باقرض فيها شعري !!!!

:omg::nice::omg:
أكييد باقرض أظافري


:omg:


مقراض اظافر ليش شتسمينه يا دلة :omg:


يمكن تسال ليش باللذات مقراظة

هكذا أظن

ويحي اذا كنت مخطئا
!!!

:nice::victory::nice:

[ضوى]

:anger1: ادري انها مقراضة اظافر يا ضوى انا قصدي هل تنمو الاظافر بسرعة اكبر في

السفر مثلا ولا عااااااااده معينه مثلك ومخدة الشباب .



اييه والله لازم مقراضة يا دلة خلال اسبوع تكبر الاظافر :omg:

[جلمود]

احسها شنطة صعينونه

وش دراك هند باق , الأحساء يومين وراجع :rolleyes2:

[دلة الرسلان]

يعني باقرض فيها شعري !!!!

:omg::nice::omg:
أكييد باقرض أظافري




يمكن تسال ليش باللذات مقراظة

هكذا أظن

ويحي اذا كنت مخطئا
!!!

:nice::victory::nice:

كلا يا اخ العرب لست مخطئا اشمعنى يعنى لماذا المقراضة بالذات تحرص عليها ؟؟

[دلة الرسلان]

اييه والله لازم مقراضة يا دلة خلال اسبوع تكبر الاظافر :omg:

:discuss: والله احنا نكفخ على اظافرنا الباب ......................وخلاص

[بوخالد911]

كلا يا اخ العرب لست مخطئا اشمعنى يعنى لماذا المقراضة بالذات تحرص عليها ؟؟


هههههه


لأنني لا أحب الأظافر الطويلة

واذا كنت مسافرا لمدة حوالي ثلاثة أسابيع ؛ فلابد من حملها معي

هل اتضحت الرؤية يا أخت العرب
؟؟!!؟؟؟

:nice::victory::nice:

[ضوى]

:discuss: والله احنا نكفخ على اظافرنا الباب ......................وخلاص


اااااااااااي :secret:

[بوخالد911]

اييه والله لازم مقراضة يا دلة خلال اسبوع تكبر الاظافر :omg:

اها
:omg:
عشان ذي السبب لازم آخذ المقراااظة

يسلمووو

:victory:

[دلة الرسلان]

:
وش دراك هند باق , الأحساء يومين وراجع :rolleyes2:

:wizard: بعض قدراتنا من يوم قلت فوطة وشكلها صعينونه

[جلمود]

:

:wizard: بعض قدراتنا من يوم قلت فوطة وشكلها صعينونه

؟:rolleyes2:

[بنت المنتدى]

صباح & مساء الخير ..





الشنطه طبعاً احط فيها بلاوي الدنيا لكن بدون سوالف آكل ..



وفي شنطتي دوم احط (4عبايات) والله يعزكم جوتي سبورت للكرف .. و3 للكشخه ..



(3) شناط يد .. بناطلين وشكثر .. وبديات .. وأهم شي دبدوبي الغالي << ماخذته من آمريكا على سنه 91 :shy:





مشكوره ع الطرح :nice::nice::nice:

واللهـ يرد لج بو العيال بالسلامه ان شاءالله :)

[حقيقه]

اهم شيء الكوايه :thumbup1:
وفوطه وعطري المفضل وعلكة اكسترا لانه ماحصلها في بعض الدول :D
والنظاره الشمسيه :thumbup1:
ونعال مريح الله يعز السامع:thumbup1:
وعباه كشخه للاماكن الكشخه :thumbup1:
وبرقع احتياط تحسباً لمرورنا باماكن صعبه http://www6.0zz0.com/2008/06/16/23/724013574.gif

[هام السحاب]

شنطه فيها ثيابي
وفرشاه ومعجون
والعطورات
نظاره شمسيه

و الشنطه الثانيه فيها اللاب توب

[عـيـون قـطـر]

صباح الخير
انا عن نفسي اول شيء احط في شنطتي سجاده وقرآن وبعدها احط الغتر والنشا واهم شيء كيمره الي اتمشى فيها كأني صحفي وقبل كل شيء نسيت نظارتي الشمسيه اذا السفر اسبوع اخذ لي ثياب يكفيني ابوع ونص تدرون يمكن ثوب احترق او اي شيء تدرون الحذر واجب


تقبلوا مروري وتحياتي

[ANONYMOUS]

toothpick

[دلة الرسلان]

صباح & مساء الخير ..





الشنطه طبعاً احط فيها بلاوي الدنيا لكن بدون سوالف آكل ..



وفي شنطتي دوم احط (4عبايات) والله يعزكم جوتي سبورت للكرف .. و3 للكشخه ..



(3) شناط يد .. بناطلين وشكثر .. وبديات .. وأهم شي دبدوبي الغالي << ماخذته من آمريكا على سنه 91 :shy:





مشكوره ع الطرح :nice::nice::nice:

واللهـ يرد لج بو العيال بالسلامه ان شاءالله :)

ما شاء الله اربع عبايات

خلاص يا ضوى نا خذ ثنتين وحده سبير

مشكوووووورة عزيزتي ع المرور الحلو:nice:

[دلة الرسلان]

اهم شيء الكوايه :thumbup1:
وفوطه وعطري المفضل وعلكة اكسترا لانه ماحصلها في بعض الدول :D
والنظاره الشمسيه :thumbup1:
ونعال مريح الله يعز السامع:thumbup1:
وعباه كشخه للاماكن الكشخه :thumbup1:
وبرقع احتياط تحسباً لمرورنا باماكن صعبه http://www6.0zz0.com/2008/06/16/23/724013574.gif

هذا انا معاك فيه قلبا وغالبا مره ضيعته لقلة الاستخدام في امريكا :shy:

[دلة الرسلان]

شنطه فيها ثيابي
وفرشاه ومعجون
والعطورات
نظاره شمسيه

و الشنطه الثانيه فيها اللاب توب

تمر على المنتدى ولا !!!!!!!


صباح الخير
انا عن نفسي اول شيء احط في شنطتي سجاده وقرآن وبعدها احط الغتر والنشا واهم شيء كيمره الي اتمشى فيها كأني صحفي وقبل كل شيء نسيت نظارتي الشمسيه اذا السفر اسبوع اخذ لي ثياب يكفيني ابوع ونص تدرون يمكن ثوب احترق او اي شيء تدرون الحذر واجب


تقبلوا مروري وتحياتي

شكلك رايح الخليج


toothpick

سبحان الله تكتشفون عاداتكم من تجهيزات السفر :)

[بوحارب]

nothing:looking:

[Bin Hood]

انا احط ثيابي

[دلة الرسلان]

nothing:looking:

انا عارفة ما تحب السفر مشكوووووور على المرور :nice:

انا احط ثيابي

شكرررا على الاضافة يابن هود :)

[حراير قطر]

ضوى ما شاء الله على

مخدتج اطلعت اثريه هههههههه

انا اخذ معاي ملحف وشرشف ومال المخده

ما اعرف انام بدونهم والله حاله ...

[التيما]

اما موضوووع تحفه صراحه ذكرتونا بالسفر .. عن نفسي عبايه وحده تنلبس للمطار وهناك الله يخلي الجينز والقمصان الكويتيه .. وحليب رينبو حق شهر ما أأمن احصل هناك حرمت من عقب تايلند والصين لازم اخذ معاي وشاي ليبتون وغوري كهربائي .. وبسكويت وشيبس وشوكلت .. وشنطتين كتف لونين اسود وابيض.. ومكياج بسيط وكريماتي وساعتي ونظارتي الشمسية .. بس العموم تكون الشنطه خفيفه واايد لاني هناك بعبيها .. العموم ماحب اكشخ واايد لمن اسافر بس احب اكون مرتبه لاني رايحه اتمشى واستانس واتسوق مب رايحه اسوي شووو وعرض للناس .. ومن الأساس ماحب اروح مكان فيه عرب أصلا ..

[دلة الرسلان]

ضوى ما شاء الله على

مخدتج اطلعت اثريه هههههههه

انا اخذ معاي ملحف وشرشف ومال المخده

ما اعرف انام بدونهم والله حاله ...


خاصة اذا بتروحين ابراج مكة :rolleyes2:

[Mo0o0oM]

ليش كم عباية تاخذين وكم شنطة يد لسفرة مدتها شهر والا شهرين ؟؟:eek5:

انا عن نفسي آخذ وااايد :looking:

[دلة الرسلان]

اما موضوووع تحفه صراحه ذكرتونا بالسفر .. عن نفسي عبايه وحده تنلبس للمطار وهناك الله يخلي الجينز والقمصان الكويتيه .. وحليب رينبو حق شهر ما أأمن احصل هناك حرمت من عقب تايلند والصين لازم اخذ معاي وشاي ليبتون وغوري كهربائي .. وبسكويت وشيبس وشوكلت .. وشنطتين كتف لونين اسود وابيض.. ومكياج بسيط وكريماتي وساعتي ونظارتي الشمسية .. بس العموم تكون الشنطه خفيفه واايد لاني هناك بعبيها .. العموم ماحب اكشخ واايد لمن اسافر بس احب اكون مرتبه لاني رايحه اتمشى واستانس واتسوق مب رايحه اسوي شووو وعرض للناس .. ومن الأساس ماحب اروح مكان فيه عرب أصلا ..

:victory: هاه يا اعالي الجنان صارو اثنين اثنين

يعني ما تاخذين مثل ضوى شنطة تعلق في الرقبة

[مزيون الدوحه]

يعني باقرض فيها شعري !!!!

:omg::nice::omg:
أكييد باقرض أظافري





:nice::victory::nice:

:funny:

اما صج تقرض شعرك
بتروح السفر وبترجع وانت ماخلصت
من شعرك

[Mo0o0oM]

ااااااااااااه شنطة رقبية جتافيه حتى تمنحك الانطلاقة واكيد حذا سحاتي ويالله فلت

انا لو عندي ها الشنطة بيكون فيها مراضيع وماي وكاميرا ويمكن مضلة تحسبا للطقس

ويمكن غيار حق الصغير واكيد البسكوت بيكون مدقدق من الاغراض الثانية :(

هذي شنطة مُعاناة مو شنطة سفر :rolleyes2:

[دلة الرسلان]

:funny:

اما صج تقرض شعرك
بتروح السفر وبترجع وانت ماخلصت
من شعرك



لا تطري عليه الفكره بيجربها

[دلة الرسلان]

هذي شنطة مُعاناة مو شنطة سفر :rolleyes2:

:sneaky: واحط فيها عبودي اذا نام

[Mo0o0oM]

انا احط ثيابي


ماشاءالله

:shy:

[التيما]

هذي شنطة مُعاناة مو شنطة سفر :rolleyes2:

بالعكس وايد مريحه تكون .. مثل هذي الي تقصدها اختي ضوى .. وانا بعد استخدم هالنوعيه ..

http://www.qatarshares.com.qa/data/111/113/storm_77471837_51993201.jpg

http://www.qatarshares.com.qa/data/111/113/storm_88803908_1680998334.jpg

http://www.qatarshares.com.qa/data/111/113/storm_1904175755_667534384.jpg

[Mo0o0oM]

بالعكس وايد مريحه تكون .. مثل هذي الي تقصدها اختي ضوى .. وانا بعد استخدم هالنوعيه ..

http://www.qatarshares.com.qa/data/111/113/storm_77471837_51993201.jpg

http://www.qatarshares.com.qa/data/111/113/storm_88803908_1680998334.jpg

http://www.qatarshares.com.qa/data/111/113/storm_1904175755_667534384.jpg

اختي انا اقصد المُعاناة جايه من اللي محطوط داخل الشنطه مو من الشنطه نفسها . .

:shy:

[بوخالد911]

لا تطري عليه الفكره بيجربها


وليش لا ؟؟

why not
??!!??

:omg::eek5::omg:

[ضوى]

بالعكس وايد مريحه تكون .. مثل هذي الي تقصدها اختي ضوى .. وانا بعد استخدم هالنوعيه ..

http://www.qatarshares.com.qa/data/111/113/storm_77471837_51993201.jpg

http://www.qatarshares.com.qa/data/111/113/storm_88803908_1680998334.jpg

http://www.qatarshares.com.qa/data/111/113/storm_1904175755_667534384.jpg


بالضبط يالتيما الثانية اللي اقصدها وايد مريحة وما تنزع الجتف من كثر الاغراض اللي فيها :rolleyes2:

[دلة الرسلان]

ماشاءالله

:shy:

خطيرررررررررررر بن هود:)

بالعكس وايد مريحه تكون .. مثل هذي الي تقصدها اختي ضوى .. وانا بعد استخدم هالنوعيه ..

http://www.qatarshares.com.qa/data/111/113/storm_77471837_51993201.jpg

http://www.qatarshares.com.qa/data/111/113/storm_88803908_1680998334.jpg

http://www.qatarshares.com.qa/data/111/113/storm_1904175755_667534384.jpg

جهد مشكوووووور يا التيما اول ما قالت ضوى تعلقها في رقبتها طرت على خريطة القرنقعوه:shy:


اختي انا اقصد المُعاناة جايه من اللي محطوط داخل الشنطه مو من الشنطه نفسها . .

:shy:

معاناة من ضوى ولا انا ؟؟

[دلة الرسلان]

بالضبط يالتيما الثانية اللي اقصدها وايد مريحة وما تنزع الجتف من كثر الاغراض اللي فيها :rolleyes2:

وانا اشوف كل مال يدي تطول عقب السفر :omg:

[فلوه]

دله .. نسيت أشكرج ع الموضوووع .. السموووحه فديتج :shy:

[غـيـد]

ثيابيـــ ومشطيــ اهمــ شيــ عشانــ اسرحــ كشتيــ ومزيلــ العرقــ و و و و وكريمــ

ويعطيجــ العافيهــ

[هام السحاب]

[QUOTE=دلة الرسلان;2787931]تمر على المنتدى ولا !!!!!!!


لازم :)
حزات اترخص من الدوام عشان ادش المنتدى :omen2:

[غزلان]

اهم الشي المخده ما احب مخداتهم مهما يكون رقي الفندق والمخده الى اخذها تكون بدون هوا اول ما افتح الكيس تنتفخ بروحها ولكل سفره مخده جديده..:secret:

ملاحفي غوري كهربا للشاي ..6 عبايات 3 شنط هذولا اهم شي

[ضوى]

اهم الشي المخده ما احب مخداتهم مهما يكون رقي الفندق والمخده الى اخذها تكون بدون هوا اول ما افتح الكيس تنتفخ بروحها ولكل سفره مخده جديده..:secret:

ملاحفي غوري كهربا للشاي ..6 عبايات 3 شنط هذولا اهم شي



:omg::omg::omg::omg:

6 عبايات ماشاء الله يا غزلان ؟؟؟ شتسوين في العبي هناك ؟؟:rolleyes2:

[غزلان]

:omg::omg::omg::omg:

6 عبايات ماشاء الله يا غزلان ؟؟؟ شتسوين في العبي هناك ؟؟:rolleyes2:


ضوى تعقدت كنت قبل اخذ 3 عبايات لكن مره صادف بلندن والمانيا يومين مطر توضخوا غير احيانا نروح خارج البلد ترجعين العبايه متوسخه في اخرها عاد اختج من النوع الى تنقرف اخاف وساخه كلب وانتي بكرامه او اي شي..ولا تنسين عبايه وحده اخليها للصلاه وللمطار واحنا راجعين
العبايات الى اكرفهم بقطر اغسلهم واخليهم للسفر حتى اذا توسخوا ما اتحسف عليهم

:rolleyes2:

[بلاهويـــــة]

السجادة والقرأن والبطانية

[دلة الرسلان]

وليش لا ؟؟

why not
??!!??

:omg::eek5::omg:

لا خل التحسونه !! انا تذكرت ذيك السنة يوم نسيت فتاحة القواطي استعنت يالمقراضة على

قولتكم وفتحت العلب بالسكين فالقراضة ضرورية .

[دلة الرسلان]

دله .. نسيت أشكرج ع الموضوووع .. السموووحه فديتج :shy:

قمة الذوق يافلوووووووووووه اجل انا كلش ما اشكر حد على موضوعة :shy:

شكرااااا للجميع على مواضيعكم المستقبلية والله انسى:nice:


ثيابيـــ ومشطيــ اهمــ شيــ عشانــ اسرحــ كشتيــ ومزيلــ العرقــ و و و و وكريمــ

ويعطيجــ العافيهــ

فعلا المشط ضروري واذا فيه بنيات كيسة خرز وشباصات :rolleyes2:


[QUOTE=دلة الرسلان;2787931]تمر على المنتدى ولا !!!!!!!


لازم :)
حزات اترخص من الدوام عشان ادش المنتدى :omen2:

صار ازود من الكرك :)

[بوخالد911]

شاحن الجوال

بندول أحمر + أزرق

مشط

:nice::victory::nice:

[دلة الرسلان]

ضوى تعقدت كنت قبل اخذ 3 عبايات لكن مره صادف بلندن والمانيا يومين مطر توضخوا غير احيانا نروح خارج البلد ترجعين العبايه متوسخه في اخرها عاد اختج من النوع الى تنقرف اخاف وساخه كلب وانتي بكرامه او اي شي..ولا تنسين عبايه وحده اخليها للصلاه وللمطار واحنا راجعين
العبايات الى اكرفهم بقطر اغسلهم واخليهم للسفر حتى اذا توسخوا ما اتحسف عليهم

:rolleyes2:

يعني شنطة وحده حق العبي !!!!

بس زين مستهلكين من الدوحة :)

[بوخالد911]

لا خل التحسونه !! انا تذكرت ذيك السنة يوم نسيت فتاحة القواطي استعنت يالمقراضة على

قولتكم وفتحت العلب بالسكين فالقراضة ضرورية .


اها

شفتوا اشلوووون أهمية المقرااااظة

:omg::secret::omg:

[دلة الرسلان]

السجادة والقرأن والبطانية

ما شاء الله

بس ما تلاحظون ولا حد قال ادوات خياطة للطوارىء مع ان اي موضوع عن الاعداد للسفر

يقول لك ( علبة صغيرة لبعض الخيوط والابر )

[غزلان]

يعني شنطة وحده حق العبي !!!!

بس زين مستهلكين من الدوحة :)


نعم شنطه للعبي والملاحف والفوط وشنطه ثانيه لباقي الملابس:)

[دلة الرسلان]

شاحن الجوال

بندول أحمر + أزرق

مشط

:nice::victory::nice:




اها

شفتوا اشلوووون أهمية المقرااااظة

:omg::secret::omg:


:con2: اخوي خالد شكلك من اللي ينسووووون !!!

[بوخالد911]

ما شاء الله

بس ما تلاحظون ولا حد قال ادوات خياطة للطوارىء مع ان اي موضوع عن الاعداد للسفر

يقول لك ( علبة صغيرة لبعض الخيوط والابر )

لا

هالشي متوفر بحمام الفندق

حتى لو كان الفندق ب 4 و3و 5 و 2 نجمة

يوفروون هالشي

:nice:

[بوخالد911]

:con2: اخوي خالد شكلك من اللي ينسووووون !!!

لا

:nono::nono::nono:

قبل السفر ؛ أكتب بورقة صغيرونة الاشياء اللي باخذها وياي

وكل ما أحط شي ؛ أحط علامة صح ع الورقة

شفتوا اشلوووون ترتيب
:nice:
وفي رواية أخرى ترتوووب

:victory::nice::victory:

[دلة الرسلان]

نعم شنطه للعبي والملاحف والفوط وشنطه ثانيه لباقي الملابس:)



غزلان رايحة مخيم ؟؟؟

شنطتين بس اه ه ه ه يا ايام العزوبية :(

[دلة الرسلان]

لا

هالشي متوفر بحمام الفندق

حتى لو كان الفندق ب 4 و3و 5 و 2 نجمة

يوفروون هالشي

:nice:


يا بني بعض السفرات فيها اطراف عدة ولا يكون الفندق بالخيار المناسب فتكون الشقة :nice:

[LOLOO]

يعطيك العافية دلة....

اكيد الملابس...

[غزلان]

ما شاء الله

بس ما تلاحظون ولا حد قال ادوات خياطة للطوارىء مع ان اي موضوع عن الاعداد للسفر

يقول لك ( علبة صغيرة لبعض الخيوط والابر )


اختي مانقدر نقول كل شي ما بنخلص لازم علبة صغيره ماخذتها من فندق ما .. فيها كل أداوت الخياطه وحلاتها انها صغيره..والسجاده .. والقرآن..

[دلة الرسلان]

اختي مانقدر نقول كل شي ما بنخلص لازم علبة صغيره ماخذتها من فندق ما .. فيها كل أداوت الخياطه وحلاتها انها صغيره..والسجاده .. والقرآن..


:shy: بس حبيت اذكر اللي ما يدري :weeping:

[بو الجوري]

مرحبا ...

انا عن نفسي ..

اول شي شاحن الجوال .. والمشط . .

وعقب طبعاً الملابس ..

تحياتي

[عـيـون قـطـر]

:omg::omg: تايلند؟؟

بدون ذكر اسامي دول

[غزلان]

بدون ذكر اسامي دول


:secret:

[الزعفراني]

مقراض الأظافر :)

[هتـان قطر]

شوقتينا للسفر يادله...انا اهم شي عندي البنادول والاشياء الصغيره ..

فرشاة ومعجون ..مشط وخرز الشعر للبنات..والباقي طبعا الملابس

والاشياء الضروريه وعادة ما نتأخر في السفر..بسرعه أمل واشتاق

لبيتي وديرتي..>>>> وجه فقر ما تحب السفر:shy:

[اعالي الجنان]

شوقتينا للسفر يادله...انا اهم شي عندي البنادول والاشياء الصغيره ..

فرشاة ومعجون ..مشط وخرز الشعر للبنات..والباقي طبعا الملابس

والاشياء الضروريه وعادة ما نتأخر في السفر..بسرعه أمل واشتاق

لبيتي وديرتي..>>>> وجه فقر ما تحب السفر:shy:

والله نفسي ياهتان
لي سافرت استنانس
اول 3ايام يمرو علي عادي
عقبها احن لقطر وقلبي ملهوف عليها
مره قعدنا 10 ايام ومت مت ابي ارد الدوحه ومن يومها ماحب اطول حدي اسبوع:) اذا طال

فديت ترابج ياقطر

[دلة الرسلان]

يعطيك العافية دلة....

اكيد الملابس...

مصيبة لو ناسينها :secret:

مشكورةةةةة اختي لولو


مرحبا ...

انا عن نفسي ..

اول شي شاحن الجوال .. والمشط . .

وعقب طبعاً الملابس ..

تحياتي

كلنا الشاحن اول شيء

شكرا ابو الجوري

[هتـان قطر]

:
والله نفسي ياهتان
لي سافرت استنانس
اول 3ايام يمرو علي عادي
عقبها احن لقطر وقلبي ملهوف عليها
مره قعدنا 10 ايام ومت مت ابي ارد الدوحه ومن يومها ماحب اطول حدي اسبوع:) اذا طال

فديت ترابج ياقطر



زوجي مستانس انه لقاله مره ما تحب السفر...:)


حدي دبي ومكه واللي حوالي...اما اوربا عدي بها قبل الزواج..

ما اقدر اروح بدون عيالي..وصعب اني اوديهم لذيك البلاد اللي كلها فساد

الله يحفظهم..

اعالي الجنان استمتعت معك بالسالفه الحين بتطب علينا دله..شكلها صحصحت


:nice:

[دلة الرسلان]

مقراض الأظافر :)

شكله بطل المواقف الصعبة

شكرا يالزعفراني

شوقتينا للسفر يادله...انا اهم شي عندي البنادول والاشياء الصغيره ..

فرشاة ومعجون ..مشط وخرز الشعر للبنات..والباقي طبعا الملابس

والاشياء الضروريه وعادة ما نتأخر في السفر..بسرعه أمل واشتاق

لبيتي وديرتي..>>>> وجه فقر ما تحب السفر:shy:

خاصة لو معاكم اهل تصير المنافسة في شعور البنيات ولبسهم :)


والله نفسي ياهتان
لي سافرت استنانس
اول 3ايام يمرو علي عادي
عقبها احن لقطر وقلبي ملهوف عليها
مره قعدنا 10 ايام ومت مت ابي ارد الدوحه ومن يومها ماحب اطول حدي اسبوع:) اذا طال

فديت ترابج ياقطر

فديت الدوحة بس احب السفر واتعرف على أهل البلدان واشوف عاداتهم وطريقة حياتهم

وخاصة اذا فيه طبيعة جميلة ولا بأس بمجمعات قريبة :shy:

[دلة الرسلان]

:



زوجي مستانس انه لقاله مره ما تحب السفر...:)


حدي دبي ومكه واللي حوالي...اما اوربا عدي بها قبل الزواج..

ما اقدر اروح بدون عيالي..وصعب اني اوديهم لذيك البلاد اللي كلها فساد

الله يحفظهم..

اعالي الجنان استمتعت معك بالسالفه الحين بتطب علينا دله..شكلها صحصحت:nice:

:telephone: اي صحصحت ما قيلت مكتئبة المصمم يبلفيت زهير مراد خرب فستاني

واعيش حالة من الالم والكأبة :(

[هتـان قطر]

:telephone: اي صحصحت ما قيلت مكتئبة المصمم يبلفيت زهير مراد خرب فستاني

واعيش حالة من الالم والكأبة :(

اسم الله عليك من الكأبه..:secret: ولا يهمك خياطين الريان ما يقصرون

زهير مراد مايسوى شي عندهم...:nice:

[كاروهات]

بسم الله نبدأ

لي انا :
اغراض النظافه الشخصيه: ( معجون الاسان والفرشاه و شامبو+بلسم , مبرد اضافر+ مقراض , مشط+استشوار,
مزيل عرق, عطر المفارش, كريم للجسم وللوجه)
الاغراض المهمه بالنسبه لي: (عضاضااااات للشعر( البعض يسميه كلب) , عبايه وحده فقط للروحه وللرده اهي نفسها ,3 شيل ,سجاده, مكــــــــــــياج )
الملابس : كم بنطلون وكم بلوزه وكم بدي من الطوال وانا بطبعي ما اكثر لاني اشتري من الدوله اللي اروح لها, نظاره شمسيه, شنطتين , وكم جوتي الله يعزكم من نوع بالورينا)

ريلي :
المخده : نفس ضوى بالضبط...
نفس اغراضي مالت النظافه الشخصيه بالاضافه الى اغراض الحلاقه
وابره عاد تدرون ليش الابره (( ريلي فديته من النوع اللي يطلع شعر لحيته تحت الجلد ويقعد عند المنظره فتره لين يطلع الشعر ونتأخر عالطلعه لين مايطلها وحزات انا اساعده)) , جل للشعر.. ونسيت الفازلين حق التزلق ههههههههههههههه , بندول . ومضاد حيوي..
الملابس :كم بنطلون وكم قميص , ودلاقات , وجوتي واحد للكشخه , وبدلة كشخه, وجوتي للكرف, وحزامين , وملابس داخليه وااايد, والنظاره طبعا..

واذا وديت اليهال:
كـــــــــــــــــــــــــــــــــــــــــــــــــ ــــــــــــــل شي
بالاضافه الى الادويه(( تحاميل , مضاد حيوي , ادول))

[اعالي الجنان]

:



زوجي مستانس انه لقاله مره ما تحب السفر...:)


حدي دبي ومكه واللي حوالي...اما اوربا عدي بها قبل الزواج..

ما اقدر اروح بدون عيالي..وصعب اني اوديهم لذيك البلاد اللي كلها فساد

الله يحفظهم..

اعالي الجنان استمتعت معك بالسالفه الحين بتطب علينا دله..شكلها صحصحت
:nice:



فديتج صفاتج قريبه مني هتون

سم ظروسي اسافر دول اوروبيه ولااتيي فبالي ولاحن لها

الله يخلي لج عيالج ويحفظهم يارب

نفس الشعور ياغاليه اخت عزيزه:shy:

يله شرده لاتشوفنا دله:rolleyes2:

[اعالي الجنان]

فديت الدوحة بس احب السفر واتعرف على أهل البلدان واشوف عاداتهم وطريقة حياتهم

وخاصة اذا فيه طبيعة جميلة ولا بأس بمجمعات قريبة :shy:[/QUOTE]

ترى ناس عندهم عادي يسافرون ويطولون والشي هذا مب معناه انه مايحب قطر لا

بس حلاتي انا وهتون مانقدر نصبر فتره طويله احسي اني مخنوقه وابي ارد بسرعه

وبسسسسسسس :):):)

[بوحارب]

http://www.qatarshares.com.qa/data/208/211/storm_365621908_523124.gif

[دلة الرسلان]

اسم الله عليك من الكأبه..:secret: ولا يهمك خياطين الريان ما يقصرون

زهير مراد مايسوى شي عندهم...:nice:


مرحبا هتون الحمدالله اليوم افضل تعايشت مع الوضع :rolleyes2:

[دلة الرسلان]

بسم الله نبدأ

لي انا :
اغراض النظافه الشخصيه: ( معجون الاسان والفرشاه و شامبو+بلسم , مبرد اضافر+ مقراض , مشط+استشوار,
مزيل عرق, عطر المفارش, كريم للجسم وللوجه)
الاغراض المهمه بالنسبه لي: (عضاضااااات للشعر( البعض يسميه كلب) , عبايه وحده فقط للروحه وللرده اهي نفسها ,3 شيل ,سجاده, مكــــــــــــياج )
الملابس : كم بنطلون وكم بلوزه وكم بدي من الطوال وانا بطبعي ما اكثر لاني اشتري من الدوله اللي اروح لها, نظاره شمسيه, شنطتين , وكم جوتي الله يعزكم من نوع بالورينا)

ريلي :
المخده : نفس ضوى بالضبط...
نفس اغراضي مالت النظافه الشخصيه بالاضافه الى اغراض الحلاقه
وابره عاد تدرون ليش الابره (( ريلي فديته من النوع اللي يطلع شعر لحيته تحت الجلد ويقعد عند المنظره فتره لين يطلع الشعر ونتأخر عالطلعه لين مايطلها وحزات انا اساعده)) , جل للشعر.. ونسيت الفازلين حق التزلق ههههههههههههههه , بندول . ومضاد حيوي..
الملابس :كم بنطلون وكم قميص , ودلاقات , وجوتي واحد للكشخه , وبدلة كشخه, وجوتي للكرف, وحزامين , وملابس داخليه وااايد, والنظاره طبعا..

واذا وديت اليهال:
كـــــــــــــــــــــــــــــــــــــــــــــــــ ــــــــــــــل شي
بالاضافه الى الادويه(( تحاميل , مضاد حيوي , ادول))

ما شاء الله كاروهات منظمة ولا عطر الفراش والفازلين والابرة :)


فديتج صفاتج قريبه مني هتون

سم ظروسي اسافر دول اوروبيه ولااتيي فبالي ولاحن لها

الله يخلي لج عيالج ويحفظهم يارب

نفس الشعور ياغاليه اخت عزيزه:shy:

يله شرده لاتشوفنا دله:rolleyes2:

سبحان الله اوربا البراااااااااااد ما تحبونها :omg:

احنا ها المرة بنروح صلالة بس بعد فيه طاري لاوربا اما دبي في الصيف ما ادانيها

نفس محلاتنا وزحمة !!!

[دلة الرسلان]

http://www.qatarshares.com.qa/data/208/211/storm_365621908_523124.gif

حيا الله ابو حارب هاه غيرت رايك ؟؟

[Fatima 1979]

البدل والاطقم الي بلبسها يعني ..
والتاكيد انه لكل توب سكارف و بنطلون يناسبه :)

وبعدين تجي الاشياء الثانيه