أشرايكم في محل الحماية بالسد

[مجرد احساس]

ودي نأخذ رأي الشباب في الحماية من العج المحل الموجود في شارع السد وفي حد جرب أذا حب جرب وشو انطابعه وثاني شي كم السعر

[البيت بيتك]

اهو زين من ناحيه التركيب بس السعر والله غالي حيل الكرستال سعرة معقول
وهذا راى المتواضع

[ابو جمال]

السلام عليكم

بالنسبه لحماية فأنا مجربة على سيارتي Gmc سوبربان وسافرت فيها السعودية وغيرها وكنت احط رجلي يعني ماهمني العج او غيره والنتيجه ولا شمخ واحد في السياره والسعر انا ركبته بـ 1700 ريال بس مو وجه الموتر كامل بس البانه والليتات والرفرف الصدام كان ضاربه العج ولا ركبت له ويكفي ضمان مدى الحياه :)

[سلمان_1]

انا ركبت حماية عند الكرستال .. سعره 2500 ريال
التركيب مش ولا بد ... مع انه ما صار لها شهر بس بدت تظهر بعض الفقاعات في الصدام من تحت

حماية اللي في السد افضل بمراحل من الكرستال مع انه غالي بس يستاهل على الأقل عندهم صيانة على اللمعة و اعادة تركيب اذا طلعت اللزقة.

الكرستال شغل اي كلام ... ما انصح فيه

بالنسبة لسعر حماية اللي في السد اتوقع في حدود 3500 - 4000 ريال

[الخيال قطر]

الحماية مضمون وشغله عدل وتعامل الرجال فوق الخيال

بس السعر يعني لو كان السعر معقول جان الناس حطوا كامل عالمواتر

على جيب مرسيدس 63 كان عج والممشى كان من 240 وفوق

والحمدلله بس كل سنة يبيلك تمر عليهم علشان يضربون بولش للحماية علشان ماتصير صفراء

والكرستال والله ماعندي خبر عنه

[شعشوع]

يعني لو الواحد يحط ع وجهيه الموتر ( سطابات - كشافات - صدام - شبك - بانه )

حروه الكم بيكلفه عند الحمايه ؟

[بوسالم90]

انا موب عارف شسالفة الشباب على الكرستال

اي شي عنده لازم يمشونه حتى لو بأسعار خياله

من فتره لقيته قاص على واحد مسويله بوليش للسياره

ب2200 ريال معقوله

[المنشــــــر]

انا موب عارف شسالفة الشباب على الكرستال

اي شي عنده لازم يمشونه حتى لو بأسعار خياله

من فتره لقيته قاص على واحد مسويله بوليش للسياره

ب2200 ريال معقوله

:eek5::eek5::eek5:

والله اللي صاده صح

وانا اقول شلون بطر اثري من هالعالم !!!



وانا اقول الحماية شغله ممتاز بس سعره غالي

[الـخـور]

سعر مبالغ فيه جدا

واذا تبون الصراحة .. الواحد يقدر يشتري صدام جديد بسعر اقل

وبعدين مب شي لما بعد فترة طويله نلقى الصبغ قدام الموتر جديد وفي الخلف الصبغ شوي متغير

يعني حلاته الموتر صبغه واحد

لذالك انا بصراحة انصح الي يبي يركب من عند حماية يركبه فقط على الاصطابات

[السد]

الشباب للاسف طايحين عنده وبصراحة شغله شغل بتان وشوفوا الدليل سبيلورات المرسيدس amg
وهو محتكر السالفة
يا ريت عندي مبلغ زين وافتح نفس محله
وانزل الى نصف سعره

[HEART_LION]

السلام عليكم

انا جربت الحمايه على سيارتين السياره الاولى كنت حاطه على الليتات والكشافات والشبك والمرايا الجانبيه
طبعا مافيه كلام من السفر تغير اللون وسووله بولش كان اصفر شوي وراح الحمد لله بعد فتره يمكن من الجو والغسيل ظهرت فقاعات رحت لهم وغيروه لي مجانا طبعا لاتنسى انه ضمان مدى الحياه يعني سعره رخيص بالنسبه لشغلهم وضمانهم باي وقت يغيرونه لك لحد يقول غالي لو تروح اي مكان ماتلاقي ضمان مدى الحياه 6 اشهر ولا سنه او 5 سنوات بالكثير وسعر مبالغ فيه وروح وقارن بس الامكانيه تعبانه عشان كذا نقول غالي وانا مجرب وتأثر الموتر في الصدام الامامي وتحسفت اني ماحطيت له لاني كنت اقول غالي بس عقب حسيت بالفرق لاتنسى انك اذا صبغن الموتر بيكون مصبوغ للعلم كان سعره 900 ريال فقط طول عمرك وتقولون غالي؟

خذت سياره ثانيه طبعا تعلمت درس من عقب المره الاولى وحطيته ع الليتات والكشافات والليتات الجانبيه مع المرايا بس بدون الشبك والبانه والصدام الامامي كلفني والله وايد بس بالنسبه لي انا غالي طبعا لاكن يستاهل اكثر حدود 3200 تقريبا ضرب ومضارب قالي تعال شيك عليه بعد يومين بصراحه طقعت لاني مجرب المره الاولى ومقتنع فيهم عشان جي مارحت شفته اخترب شوي من الغسيل والجو هالايام تشوفونه رحت له قالي انت ماجيت وشيكت عليه قلت له والله الشغل والظروف قالي مب مشكله وظبطه لي واللي مب اوكي غيره لي والموتر من احسن مايكون اللي يشوفه ماخذه من الوكاله للعلم سيارتي لونها اسود وكله خطوط اسبوعيا تقريبا هذي واقع تجربه وموفقين انشالله

قصة حياتي سويت دعايه للمحل

[خريج اعلام]

فااااااااااااااااااااشل
والله يشهد على كلامي
لا من شكل
ولا من حماية
ولا من جودة
ولا من سعر
ولا من خدمة
ولا من مصداقية في المواعيد

[حمد57]

انا اقول ما منه فايده ... توني قبل شهر رايح الامارات وجاني عج أكلني حممبص وكسر الجامة وتشمخ الموتر وحاله ما يعلم بها الا الله ....... ردوا على النظام القديم صابون لوكس وانت مسافر وامورك طيبه انشالله والسالفه كلها 20 ريال

[السد]

صابون لوكس يطير لمعة السيارة

[HEART_LION]

وجهة نظري فوق الممتاز وهذا من واقع تجربه يعني لو بدون الحمايه مارات يتأثر الموتر مستغرب الشباب شلون يقولون فاشل؟ اسال مجرب ولا تسال طبيب

وجهة نظر والراي لكم لاني جربته ومقتنع فيه

وموفقين

[الخفي]

ياجماعه فيه محل في طريق سلوى اسمه zebart

وهو فرع للشركه الام في امريكا وكند هذا المحل يركب لك

حمايه على الوجه مثل الشبك والليتات وبعد يضرب لك السياره من تحت

بطبقه مثل القار تحافض على الطبقه الاصليه ومسوي عرض اعتقد ب 3200

تنضيف من داخل مع شبك السياره والوجه ومع الطبقه السفليه ويقولك لاتسوي

غسيل جيك بالايل او الديزل مجرد ماي خلاص يكفي اعتقد ان شغله كويس انا شفت

عنده سيارات خشنه

[السني 73]

انا موب عارف شسالفة الشباب على الكرستال

اي شي عنده لازم يمشونه حتى لو بأسعار خياله

من فتره لقيته قاص على واحد مسويله بوليش للسياره

ب2200 ريال معقوله

جربته من قبل ... وبعدها اكتشفت ان شغله في نصب .... وطريقته من تروحله وتبين ان السعر مب عاجبك يتركك ويروح ... الظاهر هالحركة الي يسويها تخلي الشباب يغترون به