أما آن الأوان لتغيير بعض أسماء الأسواق في قطر ؟؟!!

[مستثمره جديده]

السلام عليكم ورحمة الله ..

الموضوع اللي بتكلم فيه بخصوص مسميات بعض الاسواق عندنا في قطر مثل :

سوق الخميس والجمعه
سوق الحراج

سوق الخميس والجمعه يعني السوق اللي فيه بيع ووتحريج على البضاعه في هاليومين

فقط اللي هم الخميس والجمعه وكذلك يكون مكان لبيع البضايع قليلة الجوده رخيصة

الثمن وهالشي معروف من القدم ،

اما في الوقت الحالي فالوضع تغير صار سوق الخميس والجمعه يضم محلات راقيه وبضاعه

ذات جوده عاليه وصار يضم ارقى المحلات لكن العيب في اسمه ..

يعني الواحد اذا اشترى شي من احد محلاته يستحي يقول انه من سوق الخميس والجمعه

لانه على طول يتبادر في ذهن السامع انه من البضاعه اللي دون المستوى ..

ونفس الشي بالنسبه لسوق الحراج لانه اليوم صار يضم محلات راقيه واكثر المحلات اللي

طلعوا من سوق الاحمد راحوا لهالسوقين ..

فهل انت معاي في فكرة تغيير مسميات هالاسواق ام لا ؟؟

يشرفني اني اشوف ارائكم :)

[حقيقه]

انا مب معاس
بالعكس حلاته الشيء مايتغير ويكون مثل اول صحيح بيكون فيه تطور بالسوق
بس على الاقل خلينا نحتفظ بالاسم القديم

[الغزال العارضية]

سوق واقف شهرته في اسمه

وفيه ارررقى المطاعم وزواره من كبار الشخصيات

مانقدر نغير اسمه ليش لانه الاسم القديم

يعني لو بننظر للاسم بنتعب

الحين انا اقولهم بروح فيلاجيو وفيلاجيو مجمع راقي وعلى مستوى بس استحي اقول اني شريت من كارفور

صار العيب في اسم المحل مهب المجمع

لو انت شاري بضاعه من الخميس والجمعه اذكر اسم المحل لاتقول الخميس والجمعه




انا افضّل الاسماء القديمة

[هام السحاب]

بالعكس الاسامي القديمه احلى :)

[السيف5]

من ترك قديمه تاه

[HAYA]

انا مع تغيير أسماء المجمعات التجارية من مسمياتها الغربية التي تعجز بعض الألسنة عن نطقها بشكل صحيح إلى مسميات عربية أسوة بالمملكة الشقيقة حيث تجد اسم العليا مول والبستان واليمامة والشاطئ وطيبة .. و .. و.. إلخ
فتشعر بأنك في بلدك وبيئتك الصحيحة ..
بينما في قطر فالأسماء الغربية الغريبة هي الطابع المشترك لكافة مطاعمنا ومجمعاتنا التجارية وحتى المجمعات السكنية !!!

[النعيمي وبس]

انا اؤيد مسميات القديمة التي تدل على التراث القطري والخليجي

[غزلان]

حتى لو اسماء قديمه لكن حلوه لأنها عفويه

[سهم بن سهم]

اللي ماله أول ماله تالي

حلاة الأسم بقدمه وبشهرته بين الناس

يعني في ذمتك شوفي اللوحه اللي على فريج الغانم القديم وشمكتوب عليها ؟؟

الغانم العتيق ؟؟ شنو يعني عتيق ؟؟ احنا نقول ياهل قطر الغانم العتيج !

العتيق للشيء الانتيك من الاشياء الجمادات مو على الاسماء !!

حتى اسماء الاماكن صار فيها تاليف في قطر كل من يالف على كيفه !!!

مش حالك

[M!ss D!or]

يعني الواحد اذا اشترى شي من احد محلاته يستحي يقول انه من سوق الخميس والجمعه





يستحي :omg:
من شنو يستحي :omg:
وين العيب :omg:
دنيا مظار في مظاهر .
لماتشترين بضاعتج روحي فلاجيو وحطي بضاعتج في كيس من محلات فلاجيو
وبكذا راح تنفك العقدة :)

[QTR-SOUL]

انا معك في تغيير الاسماء والله ساعات استحي اقول رايحه سوق الخميس والجمعه يقولون لي شعندج رايحه تشترين براقع ونعل نجديه
معن صار يضم محلات حلوه وراقيه

[سهم بن سهم]

انا معك في تغيير الاسماء والله ساعات استحي اقول رايحه سوق الخميس والجمعه يقولون لي شعندج رايحه تشترين براقع ونعل نجديه
معن صار يضم محلات حلوه وراقيه



زين شالفرق بين شبربوش وسوق الخميس والجمعه ؟؟؟؟؟؟

ليش ما تستحون من الاول وتستحون من الثاني ؟؟؟


:shy:

[QTR-SOUL]

شوفو دبي كان سوقهم اسمه سوق صنادق وغيروه وسموه سوق نايف واحنا لافي اهتمام لا في الشوارع ولا اساميها
والله انا لما اطلب توصيل منازل اقوله شارع ام لخبا لايفهمني لاالمصري ولاالسوري ولا الهندي اتعذب طول الوقت عشان افهمه الكلمه اخر شي اتهجأ الاحرف له عشان يفهم

[مستثمره جديده]

ياجماااعه اشفيكم شكلكم ماعرفتوا انا ايش اقصد ..

اللي اقصده ان هالسوقييييين وقلت هالسووووقيييييين ماقلت جميع الاسواااق

اسمائهم تسبب بعض الاحراج للي يشتري منها لو حد سأله انت وين رايح ولا من ويين خذت هالحاجه .. خلونا نكون واقعيين الحين لو خذت مفرش سرير من احد محلات سوق الحراج اللي افتحوا حديثا واللي كانوا في سوق الاحمد وحد سألك من وين هالمفرش بتقول له من سوق الحراج ؟؟؟؟
اللي اقصده انه كلمة الحراج معناها للي مايعرف معناها بيع البضاعه المستعمله يعني
كل البضايع اللي فيه مستعمله ويجيبونها ملاكها ويحطونها ويحرجون عليها ( يكلفون واحد
من الدلالين يحرَج عليها يعني يعرضها على الجمهور بصوت عالي والناس يزايدون في السعر ) لين اخر سعر توصل له ويبيعونها ..

الحين الوضع اختلف صار سوق الحراج كله محلات راقيه وحديثه وجديده مب مستعمله
فليش يظلمون اصحاب المحلات اللي فيها بهالتسميه لازم يغيرون الاسم تواكبا مع التطور اللي يشهده السوق ..

ونفس الشي بالنسبه لسوق الخميس والجمعه يعني كان البيع فيه بس الخميس والجمعه ونفس الشي كان يحتوي على البضايع المستعمله واللي تنباع في السوق السودا وماشابه ذلك من بضايع ..

انا ماقول خلوا الاسماء القديمه واستبدلوها باسماء حديثه بالعكس مافيه احلى من الاسماء التراثيه والقديمه ولكن اللي اقصده اعادة النظر من قبل المسؤولين في اسماء هالسوقين بالذات ( الحرااااااج وسوق الخميس والجمعه )
ان شاءالله هالمره قدرت اوصل لكم انا وش اقصد باقتراحي .. وكل الشكر لكل من مر على هالصفحه وسجل فيها رايه في الموضوع :)

[إنسان]

يعني الواحد اذا اشترى شي من احد محلاته يستحي يقول انه من سوق الخميس والجمعه
لانه على طول يتبادر في ذهن السامع انه من البضاعه اللي دون المستوى ..

ونفس الشي بالنسبه لسوق الحراج لانه اليوم صار يضم محلات راقيه واكثر المحلات اللي
طلعوا من سوق الاحمد راحوا لهالسوقين ..
:)

شخصيا متعاطف مع أصحاب المحلات وبما أن الناس عندها حرج من ذكر إسم سوق الخميس والجمعه أو الحراج وبما أن التسمية ما عادت صحيحه وما تتماشى مع الوضع الحالي لذا أنا أختلف مع من قال أن هذه التسميات قديمه وشبهها بسوق واقف .. تسمية سوق واقف تختلف حسب رأيي .. وأنا مع التغيير مراعاة لأصحاب المحلات وللناس التي تتحرج من إرتياده وذكر إسمه في حالة شراء بضاعة والإضطرار للكذب بالقول أنها من السوق الفلاني أو المجمع العلاني

[المخفي]

سوق الحراج او الخميس و الجمعة أحسن من سوق الصواريخ في جدة ولا شارع المعكرونة

ما أتفق معاش لأنه كل الناس تدري الحين أنه هذي الأسواق تغيرت و ما عادت مثل أول

[BURBERRY]

حتى لو تم تغير مسميات السوقين ( سوق الحراج و سوق الخميس و الجمعه ) إلى اسماء جديده ..
الناس مب مستخدمين الاسم الجديد .. بيستخدمون الاسم القديم و المشهور بين عامة الناس ..

[ورقــة أمــل]

ماعندج سالفه
تتفشلين وتنحرجين من وشو ان شاء الله
سوق واسمه جذي يعني لازم يكون اسم اجنبي واسم دلع

[مستثمره جديده]

ماعندج سالفه
تتفشلين وتنحرجين من وشو ان شاء الله
سوق واسمه جذي يعني لازم يكون اسم اجنبي واسم دلع

اعتقد فيه اسلوب ارقى من جذيه للنقاش اتمنى تستخدمه اخوي لاهنت :)

[رحال]

سوق واقف شهرته في اسمه

وفيه ارررقى المطاعم وزواره من كبار الشخصيات

مانقدر نغير اسمه ليش لانه الاسم القديم

يعني لو بننظر للاسم بنتعب

الحين انا اقولهم بروح فيلاجيو وفيلاجيو مجمع راقي وعلى مستوى بس استحي اقول اني شريت من كارفور

صار العيب في اسم المحل مهب المجمع

لو انت شاري بضاعه من الخميس والجمعه اذكر اسم المحل لاتقول الخميس والجمعه




انا افضّل الاسماء القديمة

:nice::nice::nice::nice::nice::nice:

أأيد الأخت الفاضلة ولا أزيد على كلامها شيء !!!

[Fatima Y]

محلات راقيه و سوق الخميس والجمعة والحراج؟؟؟؟؟؟

تناقض

لا تشترين من هالاسواق وخلاص.
واتوقع اصحابهم مافتحوهم بالاماكن هذي الا لان اجاراتهم ارخص يعني بضايعهم رخيصه .. ماتوقع فيها رقي مع احترامي لكل من يشتري منه

يعني الي حالته على قده ما يستحي يشتري من هالاماكن ويقول انا خذته من الاماكن هذي لان الي حوله والبيئه وربعه كلهم من نفس المكان اكييد يشترون
والعكس الي بتستحي تشتري من هالاماكن لا تشتري اصلا شيوديج هالاماكن اصلا

والتغير ماله داعي لان الدوله فيها اسواق راقيه وفيها اسواق للناس الي مستوياتهم شوي اقل فالاسم ما بيغير شي ولا بيغير البضايع الي تنباع ولا جودتها

[الألماسي]

لنفرض /

ان فرساتـشي وديــور أخــذوا محلات احذا بعــض في ســوق واقــف . .!!

وجـورج ارمـاني وقوتـشي فتــحوا أكبـر فروع لــهم بالشــرق الأوسط في سوق الخميــس والجمعـه . .!!

تهقيــن النـاس بتنحــرج من الشــراء من هـ السوقيــن . .!!

طبعا لأ . .

تقبلـي مروري يـا مستثمــره New :nice:

[بشاميل]

بصرحه الاخت ما قالت شي غلط سوق الخميس والجمعه ماهواسم اسلامي اوحتى قديم ذومعنى اوحتى حضاري ولا عاد سوق الحراج اوسوق الخرده لو اغيرون الاسمين ويختارون اسامي قديمه لها معنى اواسامي يديده وبعد لها معنى وايد احسن من هالاسمين اللي..............؟ومش لازم الاسماء اتكون اجنبيه علشان يمشي سوق المحل واسفه على الاطاله

[Fatima Y]

لنفرض /

ان فرساتـشي وديــور أخــذوا محلات احذا بعــض في ســوق واقــف . .!!

وجـورج ارمـاني وقوتـشي فتــحوا أكبـر فروع لــهم بالشــرق الأوسط في سوق الخميــس والجمعـه . .!!

تهقيــن النـاس بتنحــرج من الشــراء من هـ السوقيــن . .!!

طبعا لأ . .

تقبلـي مروري يـا مستثمــره New :nice:



اذا هالبوتيكات افتحوها اهناك بيصير المكان كله راقي والناس الي هناك ناس كشخه .. و شويه مطاعم كشخه بعد ... يصير سلوون ستريت مو سوق الخميس والجمعه هههههههههههه

[غـيـد]

انا اشوفــ انهــ عاديــ .. وحتى لو غيروا اسمهــ الناســ مبــ ناسيينــ الاسمــ القديمــ

ويعطيجــ العافيهــ

[lalamar]

الاسامي القديمه أحلى

عيل الحين تقارنون سوق واقف بفيلاجيو

[دلة الرسلان]

مساء الخير اختي مستثمرة لا ارى ان يتغير اسمي السوق لان العيب ليس فيهما ولكن في

الناس التي تستحي من ان تشتري من اسواق حتى لا يقال انهم فقراء او بسطاء !!!!!

العلاج ليس بتغيير المسمى ولكن ان يثق الانسان بنفسه وان لا يحمل نفسه ديون بسبب

مجاراته للاخرين !!!

واعتقد انه ذكاء من شخص يشتري البضاعة ب50 بينما غيره ينكذب عليه ويشتريها ب500

ريال .

وبعدين شلون بتصير الاسعار لو تغيرت المسميات اضمن لك انها بتقفز فقط لتغير المسمى

فخلي المسمى مثل ما هو واللي يستحي منها الله يغنيه بغيرها :nice:

[Affable Lady]

مساء الخير اختي مستثمرة لا ارى ان يتغير اسمي السوق لان العيب ليس فيهما ولكن في

الناس التي تستحي من ان تشتري من اسواق حتى لا يقال انهم فقراء او بسطاء !!!!!

العلاج ليس بتغيير المسمى ولكن ان يثق الانسان بنفسه وان لا يحمل نفسه ديون بسبب

مجاراته للاخرين !!!

واعتقد انه ذكاء من شخص يشتري البضاعة ب50 بينما غيره ينكذب عليه ويشتريها ب500

ريال .

وبعدين شلون بتصير الاسعار لو تغيرت المسميات اضمن لك انها بتقفز فقط لتغير المسمى

فخلي المسمى مثل ما هو واللي يستحي منها الله يغنيه بغيرها :nice:

صح لسانج أختي دلة الرسلان :)


وأعرف سيدات يعدون أنفسهن راقيات .. وكشخة ...

وكل قطعهم وملابسهم ذات الأسعار الرخيصة ...

بس يزابون .. يقولون من باريس!!!!!

[PoBox]

اللي يستحي لايروح :omen2:
بس لايطلب دعم الحكومة مع غلاء الاسعار ويبكي لاحقا :omen2:

المفيد والجيد المفروض الواحد ياخذه
سواء من ارقى الاسواق
او الباعة المتجولين على سياكل

ماشوف فيها اي احراج
المفروض تتغير عقليات هالناس وليس اسم السوق :discuss:
- وجهة نظر -

[lka]

ياليت تبقى الأسماء عربية
البيت الحديث؟؟؟؟:weeping::weeping::weeping::weeping:

[qatar lady]

لو نرجع لسوق واقف..اسم قديم..
كان عباره عن مجموعه اسواق بسيطه ومازالت بعضها على حالها ..
لكن المنطقه صارت بشكل عام معلم من معالم الدوحة اللي صاروا يتكلمون عنه بره الدوحه...
مجرد انج تروحين الكوفي شوبات او المطاعم الي هناك وتقولين انج رحتي سوق واقف..الكل يقول يحيج..يعني تحسين كنه صار ماركه خخخخخخ
الخميس والجمعه والحراج نفس الشي..المنطقه سموها مع مرور الزمن مع ان المحلات تغيرت فيها ..لكن مايندرى مع الوقت يمكن يستوي مثل سوق واقف @@ وتطلع لنا ماركة يديده خخخخ

[ورقــة أمــل]

اعتقد فيه اسلوب ارقى من جذيه للنقاش اتمنى تستخدمه اخوي لاهنت :)


اسفه
اسلوبي الراقي المحترم والفنان
ماستخدمه مع ناس تحب الزبو والمفوشر
تيكهي
لا تعليق اخر

[special]

للاسف صارت عندنا عقدة الخواجة

لازم يكون اسم السوق بالاجنبي عشان ما ننحرج نقول شرينا منه

بالعكس انا اشوف لازم نحتفظ بالاسماء الموجودة عشان بعد 15 سنة نقول حق عيالنا قصة هالاسواق وليش سموها بالاسامي هذي (على الاقل يظل شي بدون تغيير عشان يكون لنا تاريخ )

وبالنسبة ان الواحد ينحرج يقول انه شرى من هالاماكن ... اختي اذا انتي اعجبج شي لا تنحرجين المهم انه يكون على ذوقج وصدقيني الشي مب سعره( القالب هو المهم)

[فلان]

اعتقد الفكره اللي الاخت تبي توصله للجميع بخصوص هالسوقين فقط يعني لو كان في محل قديم يختص بتصليح و بيع التواير و اسمه على سبيل المثال النوخذه للإطارات ... ودارت الأيام و هالمحل انباع و تحول لبوتيك لبيع الملابس الجاهزه ......... الاخت تتسائل هل من المناسب نخلي الاسم مثل ما كان؟؟؟؟

ان شاء الله الفكره اوضحت يا اخوان واتمنى الحوار يكون راقي و هادف :nice: