المساعد الشخصي الرقمي

مشاهدة النسخة كاملة : ليــــش يا بنات قطر؟


بنت الحرمي
17-06-2008, 10:22 AM
دام إنج ماتبين تستقبلين بلوتوث ليش مخليته شغال فالأماكن العامه؟ وبعدين تتحلطمون إن الشباب مسندرينكم!



****************************



بخصوص المكياج و العبايات و الشناط الملونه اللي تلمع فالعزا؟ ليش تكشخين و انتي رايحه عزا؟ و ليش الصبح عبايه و العصر عبايه غير و باجر الصبح غير و العصر غير...مانخلص! فوق هاي..كريم الأساس و حبة الخال اللي لاطعتها على ويهج!!



****************************



بخصوص أسنمة البخت المائله (الراس المنفوخ تحت الشيله( و الله عجبني كاريكتير جريدةالراية يوم يقول جنهم بايقين قبعات حرس قصر بكنغهام و حاطينها تحت الشيله!



****************************



ليش الإسراف و المبالغه في الأعراس؟ الوحده مستعده تحط كل مهرها و فوقه سلف في ليلة وحده بس؟ لازم يكون العرس كبير و فخم؟ ليش ماترضون بالبسيط الصغير اللي على قد فلوسكم؟



****************************



البنات اللي صارو يكشخون برقص المعلايه 'دقني' في الحفلات و الأعراس! ايش هالرقص الهابط اللي فيه قلة احترام للموجودين؟ و السؤال اللي يطرح نفسه..لين لعبت أم أحمد عالساحه...وين كل أم عن بنتها؟ إذا البنات ماعرفو السنع..وين الأهل عنهم؟






****************************



بخصوص منتجات PlayBoy ..من قال ان لبس أي شي يحمل هالإشاره يدل على إنج كول و صيّه؟؟ إذا ماتعرفين الانطباع اللي يعطيه لبس PlayBoy ..أنا اقول تروحين تتثقفين شوي أحسن..



****************************



ليش الخدامه تشيل شنطة يدج..و لين رن التليفون هي اطلعه و تعطيج؟ و لين عطشتي..تعطيج غرشة الماي تشربين منها و ترجعينها لها تمسكها؟ و أهم شي كوب ستار بكس..الخدامه شالته و تمشي و راج...تشربين شوي و تردينه لها.. شنو الخدامه تمثال الحريه؟



****************************



فالأعراس..تسوين لج فستان ذيله 10 أمتار يسحب وراج..و طبعا لأنه ثقيل و يعيق حركتج..قررتي تحطين خدامه تمسك لج ذيل الفستان طول العرس..تمشين..تمشي وراج..توقفين تسولفين..توقف معاج..اتقي الله في هالمسكينه! 'ترى جد في ناس في قطر سووها'



****************************



في أمهات و آباء معاطين بناتهم الحرية يروحون أي مكان و في أي وقت..شرط معاهم الخدامه..ليش الخدامه حامي الديار؟ و الا يعني الخدامه دليل على شرف البنت؟ و بعدين ايش لزمة الخدامه في السينما؟ وعليه قاعده و فاتحه عينها و حلجها ماتدري شسالفه!



****************************


الكلام اعلاه ما يخص البنات كلهم طبعاً وانما بعض الفئات في المجتمع ،،
BoFahed
17-06-2008, 10:31 AM
[COLOR="Black"]
الكلام اعلاه ما يخص البنات كلهم طبعاً وانما بعض الفئات في المجتمع ،،



فعلا كلامج اختي هذيلا البعض وخصوصا بنات الفقر (محدثي نعمة ) يحبون الظهور باي طريقة تخلي الخدامة تشيل الشنطة وبالخير تركب عراوي مكسر وتنافخ على العالم وبالخير لا صارت مناسبة عندهم تعزم رفيجاتها ومعارفها عند بيت اختها ولا اي بيت ثاني علشان ما يشوفون بيتهم المكسربلفيت علشان ما يعرفون ما يدرون ان الدوحه شكبرها
وما تصدق على الله يجيلها واحد غبي تقص عليه وتنافخ قدام الناس وهي ما تسوى بيزه


بنات قطر فيهم الخير والبركة وصدقيني اختي هذيلا اقلية حتى لو شفناهم وايد لان الثوب الابيض ما ينشاف منه الا البقعة السوداء
كاروهات
17-06-2008, 10:31 AM
اسعدني اني اكون اول وحده لرد عليج
ماقول الله الله يهديهم

ويرحم الله والديج
وفيج الخير انج تخافين على بنات بلادج....
مشكوره عالموضوع الحلو
وان شالله البنات ياخذون الموضوع وينفذونه
والاهل يكونون حريصين اكثر على بناتهم...
اعالي الجنان
17-06-2008, 10:33 AM
جزاك الله خير اختي
موضوع يثير الشجن
بو الجوري
17-06-2008, 10:33 AM
وشهد شاهد من أهلها :nice:

والله صدقتي أختي .. وانا اشوف بعض الاسباب هي المزابي والفرجه ..

وكل وحده تقول ليش هذيك سوت وانا لا ..

وحتى تلاقينهم فغير العزا كاشخين .. حتى العيد ميلاد حق اليهال تلاقينهم اهمه لابسين فساتين ومكياج . جنه ملجه مب عيد ميلاد ..

وارجع واقول السبب هو المفوشر .. وهذي سوت وهذيك لبست ..

الله يستر على بناتنا ..

تقبلي مروري
الامل القديم
17-06-2008, 10:35 AM
لاننا عرب ونحب التقليد الاعمى

نحب الموضه ودام اليد مليانه ليش ما اساوي الي ابيه

ليش عرس غيري يطلع احسن من عرسي

ليش الناس ما تجلس تتكلم عن عرسي اسبوع وينضرب فيه المثل

تريد مني البس عبايه واحده طول الاسبوع اشلون يعني

الله الله الله يرحم زمن اول زمن الخير الي على اصوله

واتمنى لا احد ينسب هذه الموضه لاحد من الدول انو بسبب الاجانب صار شذي

كل واحد عقله براسه ويعرف خلاصه
*بوحمد
17-06-2008, 10:36 AM
:secret:

اخاف اقول شي يزعل كل البنات مش البعض

بس ماقصرتي فالموضوع

وبعد لاتقصرين فالشباب
بلاهويـــــة
17-06-2008, 10:39 AM
قلة الثقافة وقلة الوازع الديني
anything99
17-06-2008, 10:40 AM
جزاك الله خير ..
اللهم رد المسلمين اليك ردا جميلا ..
بنت المنتدى
17-06-2008, 10:42 AM
مشكوره ع الموضوع :(
بوخالد2
17-06-2008, 10:42 AM
بخصوص المكياج و العبايات و الشناط الملونه اللي تلمع فالعزا؟ ليش تكشخين و انتي رايحه عزا؟ و ليش الصبح عبايه و العصر عبايه غير و باجر الصبح غير و العصر غير...مانخلص! فوق هاي..كريم الأساس و حبة الخال اللي لاطعتها على ويهج!!



في هذا صدقتي والله
الغزال العارضية
17-06-2008, 10:43 AM
الحمدلله اني مهب منهم ولا اللي حولي منهم وهذا يعود على التربيه

صدقيني لو في رادع كان ماشفتيهم بهالحال

في ناس يتصرفون من ورا اهلهم ويسون هالحركات انه بس شــــــــوفــــــــــــوني < ما قول الا امحق

مادري شبيشوفون الا الغرور كله يمشي

الله يهديهم ان شاء الله واتمنى الوازع الديني ماينحدر اكثر من كذا




على طاري العزا من فتره كانت عمتي متوفيه وانا فالعزا كنت لابسه ساعه ذهبيه وفيها فصوص تبرق من بعيد
حشروووووني الحريم هناك
ماتسوى علي لبستها

هاي كله عشان الساعه شلون لو كانت عبايه ولا شنطه ولا مكياج
سهم المراقيب
17-06-2008, 10:47 AM
ليش الخدامه تشيل شنطة يدج..و لين رن التليفون هي اطلعه و تعطيج؟ و لين عطشتي..تعطيج غرشة الماي تشربين منها و ترجعينها لها تمسكها؟ و أهم شي كوب ستار بكس..الخدامه شالته و تمشي و راج...تشربين شوي و تردينه لها.. شنو الخدامه تمثال الحريه؟


****************************


خخخخخخخخخخخخخخخخخخخخخخخخخخخخخخخخ ,,
الله يهدي الجميع ويعطيكم العافية عالموضوع ,,
بدور
17-06-2008, 10:51 AM
هلا بالغاليه :nice:



دام إنج ماتبين تستقبلين بلوتوث ليش مخليته شغال فالأماكن العامه؟ وبعدين تتحلطمون إن الشباب مسندرينكم!

ما قط فتحته ولا اعرف استخدامه


****************************



بخصوص المكياج و العبايات و الشناط الملونه اللي تلمع فالعزا؟ ليش تكشخين و انتي رايحه عزا؟ و ليش الصبح عبايه و العصر عبايه غير و باجر الصبح غير و العصر غير...مانخلص! فوق هاي..كريم الأساس و حبة الخال اللي لاطعتها على ويهج!!


يبون البروز بأي طريقه والاساس اكيد لاخفاء عيوب البشره

والله ماله داعي هالتصرف البايخ الله يهديهم


****************************

بخصوص أسنمة البخت المائله (الراس المنفوخ تحت الشيله( و الله عجبني كاريكتير جريدةالراية يوم يقول جنهم بايقين قبعات حرس قصر بكنغهام و حاطينها تحت الشيله!

ههههههههههههههههههههههههه هذا التقليد الاعمى

****************************

ليش الإسراف و المبالغه في الأعراس؟ الوحده مستعده تحط كل مهرها و فوقه سلف في ليلة وحده بس؟ لازم يكون العرس كبير و فخم؟ ليش ماترضون بالبسيط الصغير اللي على قد فلوسكم؟

:secret::secret::secret:

اسراف من قلب يوصل فوق المليون بس مو كلهم يتسلفون :)


وهالامر حرااااااام وربي يوجع القلب هالاسراف والنعمه زواله بس يكون ردهم مره في العمر


ليش مانسوي هالفرح والحمدلله الخير واجد الله يهديهم :(
****************************

البنات اللي صارو يكشخون برقص المعلايه 'دقني' في الحفلات و الأعراس! ايش هالرقص الهابط اللي فيه قلة احترام للموجودين؟ و السؤال اللي يطرح نفسه..لين لعبت أم أحمد عالساحه...وين كل أم عن بنتها؟ إذا البنات ماعرفو السنع..وين الأهل عنهم؟


اسمع بالرقصه بس ماشفتها خاطري اشوفها يا بنت الحرمي

****************************
بخصوص منتجات PlayBoy ..من قال ان لبس أي شي يحمل هالإشاره يدل على إنج كول و صيّه؟؟ إذا ماتعرفين الانطباع اللي يعطيه لبس PlayBoy ..أنا اقول تروحين تتثقفين شوي أحسن..


:nice::nice::nice:

****************************

ليش الخدامه تشيل شنطة يدج..و لين رن التليفون هي اطلعه و تعطيج؟ و لين عطشتي..تعطيج غرشة الماي تشربين منها و ترجعينها لها تمسكها؟ و أهم شي كوب ستار بكس..الخدامه شالته و تمشي و راج...تشربين شوي و تردينه لها.. شنو الخدامه تمثال الحريه؟

حديثي النعمه ونقص في الشخصيه لاثبات الحضور ولفت انتباه الجنس الخشن

****************************
فالأعراس..تسوين لج فستان ذيله 10 أمتار يسحب وراج..و طبعا لأنه ثقيل و يعيق حركتج..قررتي تحطين خدامه تمسك لج ذيل الفستان طول العرس..تمشين..تمشي وراج..توقفين تسولفين..توقف معاج..اتقي الله في هالمسكينه! 'ترى جد في ناس في قطر سووها'

نمشي وندوس فساتينهم خخخخخ وغير اللي ينشق ذيلها يستاهلون عاد انا اتعمد بالدوس

لين ينشق الفستان لانهم يقهروني:eek5:

****************************

في أمهات و آباء معاطين بناتهم الحرية يروحون أي مكان و في أي وقت..شرط معاهم الخدامه..ليش الخدامه حامي الديار؟ و الا يعني الخدامه دليل على شرف البنت؟ و بعدين ايش لزمة الخدامه في السينما؟ وعليه قاعده و فاتحه عينها و حلجها ماتدري شسالفه!

ظاهره منتشره عندنا بكثره الله يهديهم ولين فات الفوت ماينفع الصوت بعدين

وكل هذا الخدامه فاتحه حلجها ماتدري شالسالفه

****************************[/COLOR]

الكلام اعلاه ما يخص البنات كلهم طبعاً وانما بعض الفئات في المجتمع

اشكرج على هالطرح عزيزتي وتحياتي لج
الوجبه
17-06-2008, 10:53 AM
انا اللي اشوفه انهم عايشين حياتهم (طول) و (عرض) مستغلين كل (فتحه) في الحريه لو (الفتحه) كبر

الابره دخلوها .. الود ودهم (الغياب) عن المجتمع و(الانسلاخ) عن عاداته و(التمرد) على قيمه و(الهروب)

من الرقابه و(نسيان) محكم كتابه و(الانصراف) عن سنن الصحابه ..

لكن في ظل (اسره) فيها الرقابه واب (صارم) في العباده ننتج اسره (للوطن) محافظه و(اجيال)

للخير متعاقبه .
Abdulla Ahmed
17-06-2008, 11:04 AM
السؤال
روى الشيخان عن أبي سعيد الخدري رضى الله عنه قال: قال رسول الله صلى الله عليه وسلم: "لتتبعن سنن من كان قبلكم حذو القذة بالقذة حتى لو دخلوا جحر ضب خرب لدخلتموه" من هؤلاء القوم، وما يجب أن يكون موقف المسلم تجاههم؟ وما معنى حذو القذة بالقذة؟
الفتوى

الحمد لله والصلاة والسلام على رسول الله وعلى آله وصحبه وسلم أما بعد:
الحديث المذكور عن أبي سعيد الخدري رضي الله عنه علم من أعلام نبوة الرسول صلى الله عليه وسلم، يبين فيه صلى الله عليه وسلم حال كثير من هذه الأمة في اتباعهم سبيل غير المؤمنين، ومشابهتهم لأهل الكتاب من اليهود والنصارى حيث جاء في روايات الحديث: (قلنا يا رسول الله اليهود والنصارى؟ قال: فمن؟ ) وهذا التشبيه في المتابعة (شبرا بشبر وذراعاً بذراع) وفي رواية: حذو القذة بالقذة كناية عن شدة الموافقة لهم في المخالفات والمعاصي لا الكفر، والقذة بالضم هي ريش السهم وهو دال على كمال المتابعة. ثم إن هذا اللفظ خبر معناه النهي عن اتباعهم وعن الالتفات إلى غير الإسلام لأن نوره قد بهر الأنوار وشرعته نسخت الشرائع، وقوله: "حتى لو دخلوا جحر ضب لدخلتموه" مبالغة في الاتباع لهم، فإذا اقتصروا في الذي ابتدعوه فستقتصرون، وإن بسطوا فستبسطون حتى لو بلغوا إلى غاية لبلغتموها.
والواجب على المسلم أن يلتزم شرع الله تعالى، وأن يتبع سبيل المؤمنين، ويترك مشابهة الكافرين، وأن يعلن الولاء للإسلام وأهله، وأن يتبرأ من الكفر وأهله.
المفتـــي
ضوى
17-06-2008, 11:05 AM
الحمد لله والشكر


ربي لا تبلانا

ربي اهدينا واياهم لصراطك المستقيم

اللهم امين

شكرا لج بنت الرحمي على المواقف اللي تعور القلب
HADi
17-06-2008, 11:08 AM
من كم يوم كنت في السنما الي في الستي

الفلم يبتدي 10 وينتهي 12 في اليل

الغريبه ان فيه بنات حاظرين وبروحهم .. كل ثلاث او ثنتين مع بعض واعمارهم يبين عليهم صغار


وين اهلم عنهم ؟؟

موقف ثاني قبل لا يبتدي الفلم رحت مطعم قلت اكل لين ماجي حزة الفلم


قعدت اشوي الا واحد داخل عمره تقريبا 16 او 17 وجلس في الكراسي الي ورى صاده اشوي

وبعدها دخلت بنت عمرها قريب من عمره وقعدوا مع بعض .. يسالفون

وصديقاتها ينطرونها خارج المطعم



وين الاهل عن بناتهم ؟؟؟؟
Affable Lady
17-06-2008, 11:08 AM
دام إنج ماتبين تستقبلين بلوتوث ليش مخليته شغال فالأماكن العامه؟ وبعدين تتحلطمون إن الشباب مسندرينكم!

والمصيبة .. أسماء إغراء ودلع !!!

****************************



بخصوص المكياج و العبايات و الشناط الملونه اللي تلمع فالعزا؟ ليش تكشخين و انتي رايحه عزا؟ و ليش الصبح عبايه و العصر عبايه غير و باجر الصبح غير و العصر غير...مانخلص! فوق هاي..كريم الأساس و حبة الخال اللي لاطعتها على ويهج!!

العزاء صار كنه عرس .. مكياج .. واستعراض شنط وخواتم .... وعبي ... تبرق من (الشوارزوفسكي) !!!


****************************



بخصوص أسنمة البخت المائله (الراس المنفوخ تحت الشيله( و الله عجبني كاريكتير جريدةالراية يوم يقول جنهم بايقين قبعات حرس قصر بكنغهام و حاطينها تحت الشيله!

لزوم لفت الانتباه والتميز والموضة !!!



****************************



ليش الإسراف و المبالغه في الأعراس؟ الوحده مستعده تحط كل مهرها و فوقه سلف في ليلة وحده بس؟ لازم يكون العرس كبير و فخم؟ ليش ماترضون بالبسيط الصغير اللي على قد فلوسكم؟



****************************



البنات اللي صارو يكشخون برقص المعلايه 'دقني' في الحفلات و الأعراس! ايش هالرقص الهابط اللي فيه قلة احترام للموجودين؟ و السؤال اللي يطرح نفسه..لين لعبت أم أحمد عالساحه...وين كل أم عن بنتها؟ إذا البنات ماعرفو السنع..وين الأهل عنهم؟

قمة القذارة والانحطاط الله يعزكم. شفت الرقصة مرة وحدة وعساني ماشوفها مرة ثانية .. وكانت الأم (يحليلها) مستانسة على بناتها واقفة جنبهم وتنقط عليهم !!!!!!!!!!!




****************************



بخصوص منتجات PlayBoy ..من قال ان لبس أي شي يحمل هالإشاره يدل على إنج كول و صيّه؟؟ إذا ماتعرفين الانطباع اللي يعطيه لبس PlayBoy ..أنا اقول تروحين تتثقفين شوي أحسن..



****************************



ليش الخدامه تشيل شنطة يدج..و لين رن التليفون هي اطلعه و تعطيج؟ و لين عطشتي..تعطيج غرشة الماي تشربين منها و ترجعينها لها تمسكها؟ و أهم شي كوب ستار بكس..الخدامه شالته و تمشي و راج...تشربين شوي و تردينه لها.. شنو الخدامه تمثال الحريه؟



****************************



فالأعراس..تسوين لج فستان ذيله 10 أمتار يسحب وراج..و طبعا لأنه ثقيل و يعيق حركتج..قررتي تحطين خدامه تمسك لج ذيل الفستان طول العرس..تمشين..تمشي وراج..توقفين تسولفين..توقف معاج..اتقي الله في هالمسكينه! 'ترى جد في ناس في قطر سووها'

وتتقي الله في نفسها قبل !!!!!!!!!!!!!


****************************



في أمهات و آباء معاطين بناتهم الحرية يروحون أي مكان و في أي وقت..شرط معاهم الخدامه..ليش الخدامه حامي الديار؟ و الا يعني الخدامه دليل على شرف البنت؟ و بعدين ايش لزمة الخدامه في السينما؟ وعليه قاعده و فاتحه عينها و حلجها ماتدري شسالفه!



****************************


الكلام اعلاه ما يخص البنات كلهم طبعاً وانما بعض الفئات في المجتمع ،،



شكراً على الموضوع وعلى الحقائق المرة اللي استعرضتيها ..

وأعزي كل المظاهر الكذابة ... إلى الخواااااء و الفراااااااااااااغ ...

فيصبح التعلق بالقشور!!!
البيت القديم
17-06-2008, 11:12 AM
ليش الخدامه تشيل شنطة يدج..و لين رن التليفون هي اطلعه و تعطيج؟ و لين عطشتي..تعطيج غرشة الماي تشربين منها و ترجعينها لها تمسكها؟ و أهم شي كوب ستار بكس..الخدامه شالته و تمشي و راج...تشربين شوي و تردينه لها.. شنو الخدامه تمثال الحريه؟
:nice::nice::nice::nice:

لا تعليق :secret:
ضوى
17-06-2008, 11:14 AM
شنو يعني رقص معلاية ؟؟؟؟

هذا اللي مرة طرشوه ايميل اللي ترقص على الارض وتسوي حركات سخيفة ؟؟؟؟؟واثارة وقلة ادب ؟؟؟


اذا هذا هو الرقص ، معقولة يصير بعروسنا ؟؟؟؟؟ هذي وقاحة وسالفة لو صج صايرة وما نقول الا لا حول ولا قوة الا بالله اللهم احفظ بناتنا من شر الفتن ما ظهر منها وما بطن اللهم امين
ANONYMOUS
17-06-2008, 11:18 AM
كل هاي في هنا..

صدقت بنت المنتدى

ماعاد به خشيمه



:secret:
سهم بن سهم
17-06-2008, 11:20 AM
ياخي انا اللي قاهرني برنامج الطبخ اللي في تلفزيون قطر اللي تقدمه عائشة التميمي

بذمتكم في وحده تدخل المطبخ تطبخ وهي كاشخه ؟؟؟؟؟؟؟!!!!!!!

عباية شك وتطريز كانها عبايات أعراس !!!!!!!!!

شيله على الموضه !!!!

مكياج صارخ !!

كل اسبوع عباية شكل ولون !!!

لا ولابسه ساعه الماس ....................................... في حد يطبخ وفي يده ساعة الماس ؟؟؟؟!!!!!

واللي يضحكك بعد

القفاز الابيض اللي في اليد للطبخ ......................ساعة الالماس تبرق فوقه !!!!!!!!!!!!



ياجماعة الخير يالتلفزيون .....................يالتنسيق !!!

لكن تعال حق لب الموضوع ................................................. الطباخ الله بالخير !!

شوف شلون تحط الكريمه على الكيكه ؟؟؟؟

ذكرتني بالبنغالي راعي البلاستر في البنيان ........................................!!!
ANONYMOUS
17-06-2008, 11:21 AM
شنو يعني رقص معلاية ؟؟؟؟

هذا اللي مرة طرشوه ايميل اللي ترقص على الارض وتسوي حركات سخيفة ؟؟؟؟؟واثارة وقلة ادب ؟؟؟


اذا هذا هو الرقص ، معقولة يصير بعروسنا ؟؟؟؟؟ هذي وقاحة وسالفة لو صج صايرة وما نقول الا لا حول ولا قوة الا بالله اللهم احفظ بناتنا من شر الفتن ما ظهر منها وما بطن اللهم امين



عليج فيهم ماما ضوى

ودي معاج خيازرين لعروس خليهم يتوبون

جليلين الحيا

:nice:
المنسى
17-06-2008, 11:21 AM
المفروض العنوان يكون بعض بنات قطر وليس بنات قطر كلهم حتى مانظلم البقيه ونخص ولا نعم البقيه والحمدلله قطر فيها الكثير من الصالحات وللعلم فيه بنات من قطر ماعندهم حتى موبايل والله يهدى الجميع ويعطيك العافيه اختى هاذا اذا دل يدل على غيرتك على خواتك وبنات بلدك ومشكوره
بنت المنتدى
17-06-2008, 11:22 AM
كل هاي في هنا..

صدقت بنت المنتدى

ماعاد به خشيمه



:secret:



والله فيه أكثر


لو تشوف مناكر العرس والله عينك تطلع :eek5::omg::eek5: احنا بنات نستحي نشوف رقيصهم وحركاتهم !!!!!!!!!
صمت القلوب
17-06-2008, 11:23 AM
دام إنج ماتبين تستقبلين بلوتوث ليش مخليته شغال فالأماكن العامه؟ وبعدين تتحلطمون إن الشباب مسندرينكم!

هالكلام صحيح ... واعرف وايد بنات يستخدمون نكات مغريه في البلوتوث .... وبعدين يقولون فلان وعلان ....!!!!

****************************



بخصوص المكياج و العبايات و الشناط الملونه اللي تلمع فالعزا؟ ليش تكشخين و انتي رايحه عزا؟ و ليش الصبح عبايه و العصر عبايه غير و باجر الصبح غير و العصر غير...مانخلص! فوق هاي..كريم الأساس و حبة الخال اللي لاطعتها على ويهج!!

وايد زادت هالظاهره مؤخرا .... مافي مشكله شنطه كبيره ... لكن راعي الالوان ...
وبالذات الاحمر والبرتقالي والالوان الفسفوريه ...وخصوصا اذا مكان دراسه ... والله حرام مخليين مكان لطلب العلم .... سيرك ...


****************************



بخصوص أسنمة البخت المائله (الراس المنفوخ تحت الشيله( و الله عجبني كاريكتير جريدةالراية يوم يقول جنهم بايقين قبعات حرس قصر بكنغهام و حاطينها تحت الشيله!


لاتعليق ...سواء للكاشفات او المنقبات ...
مااعرف لمتى هالتزايد !!!!!

****************************



ليش الإسراف و المبالغه في الأعراس؟ الوحده مستعده تحط كل مهرها و فوقه سلف في ليلة وحده بس؟ لازم يكون العرس كبير و فخم؟ ليش ماترضون بالبسيط الصغير اللي على قد فلوسكم؟

وايد مبالغات صارت في الاعراس .....
هم بعد لاتعليق ..

****************************



البنات اللي صارو يكشخون برقص المعلايه 'دقني' في الحفلات و الأعراس! ايش هالرقص الهابط اللي فيه قلة احترام للموجودين؟ و السؤال اللي يطرح نفسه..لين لعبت أم أحمد عالساحه...وين كل أم عن بنتها؟ إذا البنات ماعرفو السنع..وين الأهل عنهم؟


لاحول ولاقوه الا بالله ....
والله والله رقص استحي منه في الاعراس
الله يهديهم ...




****************************



بخصوص منتجات PlayBoy ..من قال ان لبس أي شي يحمل هالإشاره يدل على إنج كول و صيّه؟؟ إذا ماتعرفين الانطباع اللي يعطيه لبس PlayBoy ..أنا اقول تروحين تتثقفين شوي أحسن..

انا عن نفسي ماشفت واحده لابستهم .... بس مسكينه اللي تقتنع بهالخرابيط...
وعلى بالها انها مماشيه الموضه ...


****************************



ليش الخدامه تشيل شنطة يدج..و لين رن التليفون هي اطلعه و تعطيج؟ و لين عطشتي..تعطيج غرشة الماي تشربين منها و ترجعينها لها تمسكها؟ و أهم شي كوب ستار بكس..الخدامه شالته و تمشي و راج...تشربين شوي و تردينه لها.. شنو الخدامه تمثال الحريه؟

انا اللي شفته ... تقريبا مشابه للي ذكرتيه ....
بس شنطه دراسيه ...بدال كوب ستار بوكس <<< على عينها انشالله ...
اشوي اشوي وتفتح لها الصفحاات ...


****************************



فالأعراس..تسوين لج فستان ذيله 10 أمتار يسحب وراج..و طبعا لأنه ثقيل و يعيق حركتج..قررتي تحطين خدامه تمسك لج ذيل الفستان طول العرس..تمشين..تمشي وراج..توقفين تسولفين..توقف معاج..اتقي الله في هالمسكينه! 'ترى جد في ناس في قطر سووها'

حرام عليها ... والله مسكينه هالخدامه ...
وعلى شنو ... على فستان ... خلت الخدامه جاريه ...
الله يهديها ...


****************************



في أمهات و آباء معاطين بناتهم الحرية يروحون أي مكان و في أي وقت..شرط معاهم الخدامه..ليش الخدامه حامي الديار؟ و الا يعني الخدامه دليل على شرف البنت؟ و بعدين ايش لزمة الخدامه في السينما؟ وعليه قاعده و فاتحه عينها و حلجها ماتدري شسالفه!

حدث ولا حرج ...
واظن الحين من غير خدامات ... والله اختي بنت الحرمي ...
اعرف بنات بسن الورد .... ١٤ و١٦ سنه .... يتصلون براعي الكروة ... ويطلعون بزينتهم ...
لييين السيتي سنتر او اللاند .... ويتمون لين ١٢ ونص تقريبا برا البيت ....
والمصيبه الام على علم باللي يصير .....


****************************


الكلام اعلاه ما يخص البنات كلهم طبعاً وانما بعض الفئات في المجتمع ،،



اختي بنت الحرمي .... موضوع قيم ورائع جدا ...
اشكرج عالتذكير والتنبيه ...
سلمت يمنااااج على ماكتبتي
والسمووحه عالاطاله والكلام اذا خرج عن حده ...
لج ارق التحايا ...

اختج
صمت القلوب
ANONYMOUS
17-06-2008, 11:26 AM
والله فيه أكثر


لو تشوف مناكر العرس والله عينك تطلع :eek5::omg::eek5: احنا بنات نستحي نشوف رقيصهم وحركاتهم !!!!!!!!!



انا اصلا مستحي من الموضوع بكبره

:shy:

بس اسوي نفسي عادي وارد

:weeping:
عـيـون قـطـر
17-06-2008, 11:30 AM
اختي بنت الحرمي
كلامج على العين والراس ماعندي شيء اقوله غير عسى ربي يهدي بناتنا وبنات المسلمين
بنت المنتدى
17-06-2008, 11:33 AM
انا اصلا مستحي من الموضوع بكبره

:shy:

بس اسوي نفسي عادي وارد

:weeping:







هذا واقع مُر .....

وياليت بعض البنات يستحون على اوجيههم




وعلى فكره ليه بعض البنات يفصخون الحيا في الاعراس .. الفتحه لين فوق الفخذ :eek5: والدلعه لين السر :omg: ترى المرأه كلها عوره حتى لو مع النسوان اتقوا الله .. صحيح الكل يكشخ لكن بحدود الدين والعقل !!
ANONYMOUS
17-06-2008, 11:39 AM
وعلى فكره ليه بعض البنات يفصخون الحيا في الاعراس .. الفتحه لين فوق الفخذ :eek5: والدلعه لين السر :omg: ترى المرأه كلها عوره حتى لو مع النسوان اتقوا الله .. صحيح الكل يكشخ لكن بحدود الدين والعقل !!


هالاأيام هوا وعج

في احد عاقل يفتح الفتحه

ولا في حد كفو ينسّم ع الدرايش اصلا


لحظه وش الدلعه.. لاتقولين الدريشه المثلثه اللي في العراويات قدام






مساكين.. يمكن الخلق مايكفي فستان كامل.. ف ينتفونه شوي منيه وشوي مناك


:secret::eek5::secret::eek5:
سارونه
17-06-2008, 11:43 AM
جزاااااااااااااااااااااج الله خير

ايقضتي النائم :) جعله الله في ميزان حسناتك :)
بنت المنتدى
17-06-2008, 11:45 AM
هالاأيام هوا وعج

في احد عاقل يفتح الفتحه

ولا في حد كفو ينسّم ع الدرايش اصلا


لحظه وش الدلعه.. لاتقولين الدريشه المثلثه اللي في العراويات قدام






مساكين.. يمكن الخلق مايكفي فستان كامل.. ف ينتفونه شوي منيه وشوي مناك


:secret::eek5::secret::eek5:





بالضبط :nice:
عـيـون قـطـر
17-06-2008, 11:51 AM
هذا واقع مُر .....

وياليت بعض البنات يستحون على اوجيههم




وعلى فكره ليه بعض البنات يفصخون الحيا في الاعراس .. الفتحه لين فوق الفخذ :eek5: والدلعه لين السر :omg: ترى المرأه كلها عوره حتى لو مع النسوان اتقوا الله .. صحيح الكل يكشخ لكن بحدود الدين والعقل !!

اختي بنت المنتدي تكلمين من وتفهمين من البنات عقوله صغيره طبعاً مو الكل في منهم ماشاء الله عليهم عاقلات فاهمات وعاقلات عسى ربي يصلح بناتنا ومجتمعنا
حلاة البنت وهي مستوره
الصقر القطرى
17-06-2008, 11:54 AM
ما اقولج اختى غير انا الي ساير هذا اول سبب هو ولي الامر الام والاب كلا البنت لليلحين صغيره مايدرون انها كبرت وهي ماعليها الا وناستها بس انا اقصد البعض(( وجزاج الله خير ))
بنت المنتدى
17-06-2008, 12:00 PM
اختي بنت المنتدي تكلمين من وتفهمين من البنات عقوله صغيره طبعاً مو الكل في منهم ماشاء الله عليهم عاقلات فاهمات وعاقلات عسى ربي يصلح بناتنا ومجتمعنا
حلاة البنت وهي مستوره



جزاك ربي كل خير
والله يهدينا واياهم
روح الاطلس
17-06-2008, 12:03 PM
وأزيد عليها وشحقه بنت الدوحه تروح تتغرب وتدرس برا في بلاد الكفر والمجون والاختلاط وبدون محرم بالرغم ان التخصصات الحين كلها صارت متوفره عندنا والحمدلله !!!
مرحوم قطر
17-06-2008, 12:06 PM
[COLOR="Red"]البنات اللي صارو يكشخون برقص المعلايه 'دقني' في الحفلات و الأعراس! ايش هالرقص الهابط اللي فيه قلة احترام للموجودين؟ و السؤال اللي يطرح نفسه..لين لعبت أم أحمد عالساحه...وين كل أم عن بنتها؟ إذا البنات ماعرفو السنع..وين الأهل عنهم؟

ايش فيك صارت موضه هلايام عشان تعرض نفسها و ايون يتزوجونها


فالأعراس..تسوين لج فستان ذيله 10 أمتار يسحب وراج..و طبعا لأنه ثقيل و يعيق حركتج..قررتي تحطين خدامه تمسك لج ذيل الفستان طول العرس..تمشين..تمشي وراج..توقفين تسولفين..توقف معاج..اتقي الله في هالمسكينه! 'ترى جد في ناس في قطر سووها'


ابشرك يقولك لان الفستان ثقيل و 20 طبقه فوق بعض فا البنت اتعرق و تسبب لها حراره

يقولك الحين بيحطون لهم مكسيمه وراديتر مع الفستان



في أمهات و آباء معاطين بناتهم الحرية يروحون أي مكان و في أي وقت..شرط معاهم الخدامه..ليش الخدامه حامي الديار؟ و الا يعني الخدامه دليل على شرف البنت؟ و بعدين ايش لزمة الخدامه في السينما؟ وعليه قاعده و فاتحه عينها و حلجها ماتدري شسالفه!

ياريال في ناس صاروا مب كفو ينقال عنهم اباء او امهات

قبل اشوي كنت في السد وحده طالعه من صوب السمك المفضل الظاهر في صالون اهنك

حاطه روج وردي و تارسه المكياج و نظاره تقول صحون على ويها ولا اتطاله و اتظحك

ولا لابسه عبايه و الله ماسكتها من قدام يعني عشان ماتتوصخ رافعتها من قدام مفتوحه

ومطلعه الجنز و من ورى راصتها حددددددددها يعني اغراء للماره

الله ستر علي و راسي كان يعورني و لا الله يستر :secret:

وان حد كلمني بقول انا رجال و عزوبي و اغرتني شاسوي يعني

و الادها و الامر ان البنت امها ماشيه وراها على الاقل خليها قدامج عشان ماتشوفج

ولا هي جذي ولا جذي ساكته

و ذاك اليوم ريال والله ابكل جرأه و وقاحه و سفاله

مخلي بناته على الشات و يقول ابيهم يتعلمون في عصر السرعه

كنه قاعدين في الشيشه حكيت عاره و قلت له ممكن تعرفني على بنتك قام يفتن بغيت اذبحه

و عطيته محاضره اطول من خط الشمال و قلت له انت الحين بالي سويته صرت كا الله يعز الشباب

و كان يبي يشتكي علي قلت له اعلى مافي خيلك اركبه

من حزتها ماطب الشيشه ولا شفنا وجها



الكلام اعلاه ما يخص البنات كلهم طبعاً وانما بعض الفئات في المجتمع ،،



و تحياتي للجميع
HAYA
17-06-2008, 12:19 PM
نصائح غالية موجهة لبعض البنات ، والسبب في هذه الظاهرة :
- ضعف الوازع الديني
- غياب الرقابة الأسرية والمجتمعية
- حب المظاهر
- الانفتاح المفاجئ على الثقافات الأخرى المغايرة لنا .

مع شكري أختي الفاضلة لغيرتك المحمودة .... بارك الله فيك .
طارق
17-06-2008, 12:35 PM
دام إنج ماتبين تستقبلين بلوتوث ليش مخليته شغال فالأماكن العامه؟ وبعدين تتحلطمون إن الشباب مسندرينكم!


حسب اذا الشاب مزيون مافي تحلطم , اما شله غايه التعكيس واضرب حب الشباب بلاستر
هذا الي يتحلطمون منه
****************************



بخصوص المكياج و العبايات و الشناط الملونه اللي تلمع فالعزا؟ ليش تكشخين و انتي رايحه عزا؟ و ليش الصبح عبايه و العصر عبايه غير و باجر الصبح غير و العصر غير...مانخلص! فوق هاي..كريم الأساس و حبة الخال اللي لاطعتها على ويهج!!

يابنت الحلال وحده نتفه اتشيل شنطه اتقول خيشه , والعبايات غريب عجيب , عبايه الوطواط وعبايه عليها رسوم اترويك خارطه الطريق , وش فيها العبايه المصكره استاندر


****************************



بخصوص أسنمة البخت المائله (الراس المنفوخ تحت الشيله( و الله عجبني كاريكتير جريدةالراية يوم يقول جنهم بايقين قبعات حرس قصر بكنغهام و حاطينها تحت الشيله!


اي والله , يا حبهم حق تقليد بعض الناس , لو دخل بريعصي وراء المكيف لدخلو وراءه
حتى الفلافل طلعله سنام :secret:


****************************



ليش الإسراف و المبالغه في الأعراس؟ الوحده مستعده تحط كل مهرها و فوقه سلف في ليلة وحده بس؟ لازم يكون العرس كبير و فخم؟ ليش ماترضون بالبسيط الصغير اللي على قد فلوسكم؟


يابنت الحلال , شسون بنات الفقر لازم يعوضون حرمان الطفوله
والوجه بريعصي داعم ليت


****************************



البنات اللي صارو يكشخون برقص المعلايه 'دقني' في الحفلات و الأعراس! ايش هالرقص الهابط اللي فيه قلة احترام للموجودين؟ و السؤال اللي يطرح نفسه..لين لعبت أم أحمد عالساحه...وين كل أم عن بنتها؟ إذا البنات ماعرفو السنع..وين الأهل عنهم؟


صادقه , انا ذاك اليوم امودي جماعتي خطوبه , بلفيت خطوبه ناس متدينين
واشويه والا اسمع دقني تنعاد زبليار مره
والمشكله البنات فيهم سمنه مفرطه ويرقصون دقني , مابي اقولج ان في الفريج فاحت ريحه فار ميت






****************************



بخصوص منتجات PlayBoy ..من قال ان لبس أي شي يحمل هالإشاره يدل على إنج كول و صيّه؟؟ إذا ماتعرفين الانطباع اللي يعطيه لبس PlayBoy ..أنا اقول تروحين تتثقفين شوي أحسن..

امحق كوول , يالله عطوها شعر عالصفر عشان اذاني ميكي اتبين


****************************



ليش الخدامه تشيل شنطة يدج..و لين رن التليفون هي اطلعه و تعطيج؟ و لين عطشتي..تعطيج غرشة الماي تشربين منها و ترجعينها لها تمسكها؟ و أهم شي كوب ستار بكس..الخدامه شالته و تمشي و راج...تشربين شوي و تردينه لها.. شنو الخدامه تمثال الحريه؟


مابي اعلق واقول , بنات الفقر مشكله , لو اتسويلها تقوويم عشان اضروسها احسن من الفستان الخساير , زين اذا بطرانه جيبي خدامه فرنسيه , مب كاشخه بالسيرالانكيه ام القمل


****************************



فالأعراس..تسوين لج فستان ذيله 10 أمتار يسحب وراج..و طبعا لأنه ثقيل و يعيق حركتج..قررتي تحطين خدامه تمسك لج ذيل الفستان طول العرس..تمشين..تمشي وراج..توقفين تسولفين..توقف معاج..اتقي الله في هالمسكينه! 'ترى جد في ناس في قطر سووها'



بعد رجعنا حق بنات الفقر , تعبت منكم يابنات الفقر

****************************



في أمهات و آباء معاطين بناتهم الحرية يروحون أي مكان و في أي وقت..شرط معاهم الخدامه..ليش الخدامه حامي الديار؟ و الا يعني الخدامه دليل على شرف البنت؟ و بعدين ايش لزمة الخدامه في السينما؟ وعليه قاعده و فاتحه عينها و حلجها ماتدري شسالفه!


شسوون , الوالدين يوؤدون البنات احسن عن المشاكل ووجع الراس

****************************


الكلام اعلاه ما يخص البنات كلهم طبعاً وانما بعض الفئات في المجتمع ،،

:
secret::omg::eek5::nice::weeping:
دلة الرسلان
17-06-2008, 12:36 PM
اختي فيه تجاوزات خطيررررررررررة من بعض البنات وانا شخصيا احملها المسئولية لانه

ليس من المعقول انها تطالب بحقوقها السياسية والمدنية ومدري ايش وعند تخليها عن اوامر

دينها احمل ولي امرها مسئوليتها يعني تشيل مسئولية انتخابات وعمل ودراسة وما تقدر تتحمل

مسئولية دينها !!!!!!!!!!!
غزوله
17-06-2008, 01:11 PM
مع احترامي مجتمع تعبان وافكار تعبانه المجتمع العربي متاثر باشياء ماهي من عادتنا ولا تقاليدنا مدري من وين جايبينها وهذا التقليد هو اللي وداهم في ستين داهية والله يستر من اللي جاي مانقول الا الله يستر على امتنا وامه المسلمين والله يستر على اعيالنا وبناتنا لانهم في طريق غلط ومدري وين الاهل عنهم
بوحارب
17-06-2008, 01:13 PM
مع احترامي مجتمع تعبان وافكار تعبانه المجتمع العربي متاثر باشياء ماهي من عادتنا ولا تقاليدنا مدري من وين جايبينها وهذا التقليد هو اللي وداهم في ستين داهية والله يستر من اللي جاي مانقول الا الله يستر على امتنا وامه المسلمين والله يستر على اعيالنا وبناتنا لانهم في طريق غلط ومدري وين الاهل عنهم

:looking:
ANONYMOUS
17-06-2008, 01:15 PM
:looking:



معذور يابوحارب

ماتقدر تكتب شي..

المدرس مايبي يسمع اصابعكم ونتوا إتشيّتون:nice:
بوحارب
17-06-2008, 01:17 PM
معذور يابوحارب

ماتقدر تكتب شي..

المدرس مايبي يسمع اصابعكم ونتوا إتشيّتون:nice:

:shy::shy::shy:

you are correct:victory:
بدور
17-06-2008, 01:24 PM
:looking:


:(:(:(
امل الحب
17-06-2008, 02:01 PM
:secret::secret::secret:

الله يهديهم
هتـان قطر
17-06-2008, 02:18 PM
البنات اللي صارو يكشخون برقص المعلايه 'دقني' في الحفلات و الأعراس! ايش هالرقص الهابط اللي فيه قلة احترام للموجودين؟ و السؤال اللي يطرح نفسه..لين لعبت أم أحمد عالساحه...وين كل أم عن بنتها؟ إذا البنات ماعرفو السنع..وين الأهل عنهم؟




استغفر الله العظيم من كل ذنب عظيم...

اتصدقين عاد ان اللي شفتها ترقص هالرقصه مب بنت ولكن مرة أم عيال

والله العظيم اني اشمأزيت وتفشلت من اللي يشوفونها...

الله يهديهم بس ..يعني مرة كبيرة ليش تنزلين مستواك لحركات سخيفه حتى البنات

ما يسوونها..:omg:

بنت الحرمي جزاك الله خير كل اللي كتبتيه واقع ملموس نشوفه في مجتمع كان في يوم

من الايام مجتمع برئ متدين يحافظ على عاداته وتقاليده كما يحافظ على روحه..

:weeping:
نمر بن عدوان
17-06-2008, 02:21 PM
شنهي رقصة ( دقني) ؟
مستثمره جديده
17-06-2008, 02:41 PM
دام إنج ماتبين تستقبلين بلوتوث ليش مخليته شغال فالأماكن العامه؟ وبعدين تتحلطمون إن الشباب مسندرينكم!
يمكن مشتركه في مسابقة اللي يحط اكثر نكات بلوتوث :)

بخصوص المكياج و العبايات و الشناط الملونه اللي تلمع فالعزا؟ ليش تكشخين و انتي رايحه عزا؟ و ليش الصبح عبايه و العصر عبايه غير و باجر الصبح غير و العصر غير...مانخلص! فوق هاي..كريم الأساس و حبة الخال اللي لاطعتها على ويهج!!

اي والله صادقه انا شفت اشكال في العزا اعوذ بالله منها تقولين فار طايح بطحين :eek5:
وازيدج من الشعر بيت كنت مره اشتري أرواج والبياعه تقول لي بدك الوان صارخه
ولا هاديه ولا الوان للعزا :omg:

بخصوص أسنمة البخت المائله (الراس المنفوخ تحت الشيله( و الله عجبني كاريكتير جريدةالراية يوم يقول جنهم بايقين قبعات حرس قصر بكنغهام و حاطينها تحت الشيله!

الصراحه انا لي شفتهم اموت من الضحك اتخيلهم ابراج متحركه ، لا وتمشي بكل فخر
ورافعه خشمها ماتدري انها جنها الكيك اللي يبيعونه السنتر اللي راسه وارم :tease:

ليش الإسراف و المبالغه في الأعراس؟ الوحده مستعده تحط كل مهرها و فوقه سلف في ليلة وحده بس؟ لازم يكون العرس كبير و فخم؟ ليش ماترضون بالبسيط الصغير اللي على قد فلوسكم؟

وفي الاخير يطلعون الناس ويقولون وعععع عرسها كئيب ويلوع الجبد ومحد يرقص فيه:weeping:

البنات اللي صارو يكشخون برقص المعلايه 'دقني' في الحفلات و الأعراس! ايش هالرقص الهابط اللي فيه قلة احترام للموجودين؟ و السؤال اللي يطرح نفسه..لين لعبت أم أحمد عالساحه...وين كل أم عن بنتها؟ إذا البنات ماعرفو السنع..وين الأهل عنهم؟

ام علااايه :)
ياريت على البنات وبس الا صاروا بعض الحريم اللي تعدوا الاربعين تنسدح على
المسرح والناس تحسبها استنزلت ولا جاتها جلطه مفاجئه وفي الاخير تطلع
المسعده تبي تتفرفر على انغام اغنية دقني وهي منسدحه :taunt:

بخصوص منتجات PlayBoy ..من قال ان لبس أي شي يحمل هالإشاره يدل على إنج كول و صيّه؟؟ إذا ماتعرفين الانطباع اللي يعطيه لبس PlayBoy ..أنا اقول تروحين تتثقفين شوي أحسن..
:nice:

ليش الخدامه تشيل شنطة يدج..و لين رن التليفون هي اطلعه و تعطيج؟ و لين عطشتي..تعطيج غرشة الماي تشربين منها و ترجعينها لها تمسكها؟ و أهم شي كوب ستار بكس..الخدامه شالته و تمشي و راج...تشربين شوي و تردينه لها.. شنو الخدامه تمثال الحريه؟

على فكره ترى مايسوون هالحركات الا بنات الفقر اللي توهم شايفين النعمه
( الله يسلم فلوس الأسهم ) ولا اللي فيهم نقص :pilot:

فالأعراس..تسوين لج فستان ذيله 10 أمتار يسحب وراج..و طبعا لأنه ثقيل و يعيق حركتج..قررتي تحطين خدامه تمسك لج ذيل الفستان طول العرس..تمشين..تمشي وراج..توقفين تسولفين..توقف معاج..اتقي الله في هالمسكينه! 'ترى جد في ناس في قطر سووها'
حكمه اليوم :)
( كل ماطال الذيل نقص العقل )

في أمهات و آباء معاطين بناتهم الحرية يروحون أي مكان و في أي وقت..شرط معاهم الخدامه..ليش الخدامه حامي الديار؟ و الا يعني الخدامه دليل على شرف البنت؟ و بعدين ايش لزمة الخدامه في السينما؟ وعليه قاعده و فاتحه عينها و حلجها ماتدري شسالفه!

يابلفيت انهم بيأمنون عليهم بهالخدامه مايدرون ان اساس خرااب البنات الخدامات اللي يسكتونهم بعض البنات بالفلوس علشان ماتعلم على فضايحها وتوفر لها الظروف
علشان تلعب بذيلها .. يوم انج يالأم هالكثر حريصه على بناتج وديهم الأماكن اللي يبونها
ما اعتقد عندج اشغال اهم من بناتج ترى لي فات الفوت ماينفع الصوت :cry2:

****************************


الكلام اعلاه ما يخص البنات كلهم طبعاً وانما بعض الفئات في المجتمع ،،

لله درج اختي بنت الحرمي انشهد انج جبتيها :victory:
ANONYMOUS
17-06-2008, 03:15 PM
شنهي رقصة ( دقني) ؟



ماسمع

:secret:
حقيقه
17-06-2008, 03:34 PM
البنات اللي صارو يكشخون برقص المعلايه 'دقني' في الحفلات و الأعراس! ايش هالرقص الهابط اللي فيه قلة احترام للموجودين؟ و السؤال اللي يطرح نفسه..لين لعبت أم أحمد عالساحه...وين كل أم عن بنتها؟ إذا البنات ماعرفو السنع..وين الأهل عنهم؟



قلة تربيه وللاسف الامهات اللي يشوفون بناتهم يسوون كذا واقفين ومستانسين على بناتهم
اعوذ بالله من هالاشكال




بخصوص منتجات PlayBoy ..من قال ان لبس أي شي يحمل هالإشاره يدل على إنج كول و صيّه؟؟ إذا ماتعرفين الانطباع اللي يعطيه لبس PlayBoy ..أنا اقول تروحين تتثقفين شوي أحسن..



وإللي مايعرف هالمنتجات واول مره اسمع عنها في المنتدى :tease:




في أمهات و آباء معاطين بناتهم الحرية يروحون أي مكان و في أي وقت..شرط معاهم الخدامه..ليش الخدامه حامي الديار؟ و الا يعني الخدامه دليل على شرف البنت؟ و بعدين ايش لزمة الخدامه في السينما؟ وعليه قاعده و فاتحه عينها و حلجها ماتدري شسالفه!



وللاسف فيه بنات يعطون الخدامه والدريول فلوس عشان يسكتون عنهم ومايوصلون علومهم للاب والام
البنت تعطي الدريول خمسين والخدامه خمسين عشان يسترون عليها
وفوق هذا كله بعد موب عاجبها وتقول فلسوني الخدامه والدريول :tease:
والاهل الله يهديهم ويهدي بناتهم
qatar lady
17-06-2008, 04:41 PM
دام إنج ماتبين تستقبلين بلوتوث ليش مخليته شغال فالأماكن العامه؟ وبعدين تتحلطمون إن الشباب مسندرينكم!


انا معاج في هالشي ..بس اوقات البلوتوث يكون شغال عشان الهدفون او بلوتوث السيارة ..
****************************



بخصوص المكياج و العبايات و الشناط الملونه اللي تلمع فالعزا؟ ليش تكشخين و انتي رايحه عزا؟ و ليش الصبح عبايه و العصر عبايه غير و باجر الصبح غير و العصر غير...مانخلص! فوق هاي..كريم الأساس و حبة الخال اللي لاطعتها على ويهج!!

يااااااااااشين اللي ماتحترم المكان اللي تروحه وماتقدر احاسيس الناس اللي حولها؟شلون لج قلب تكشخين وتروحين بكامل زينتج لناس توهم فاقدين عزيز عندهم..!!

****************************



بخصوص أسنمة البخت المائله (الراس المنفوخ تحت الشيله( و الله عجبني كاريكتير جريدةالراية يوم يقول جنهم بايقين قبعات حرس قصر بكنغهام و حاطينها تحت الشيله!

عاد قولي مومشكله نفخي راسج بس لاتسوين عمرج مسخرة!!.. والله فيه لفات شيله تجنن وحلوة على بعضهم..بس الله يهدي البعض..ماتحلا لهم الشيله الا لاصارت كذا طابق كنه صاروخ

****************************



ليش الإسراف و المبالغه في الأعراس؟ الوحده مستعده تحط كل مهرها و فوقه سلف في ليلة وحده بس؟ لازم يكون العرس كبير و فخم؟ ليش ماترضون بالبسيط الصغير اللي على قد فلوسكم؟

بالله تبين رفيجتها تاكل ويهها؟اذا هم الحين على الماركات كل وحده تتفاخر شنطتها او جوتيها وانتو بكرامه بكم شاريته..تقولين كل وحده تفوشر كم دفعت اكثر؟والله العظيم حرام..كلها الا دقايق وساعات وانتي خسرتي فيها فلوسج وحسناتج وياها..لو صرفتي جزء منه ومابقولج كله .. في عمل خير .. والله بتكسبين الاثنين..الهنى والأجر ..!! بس شنقول.. غير الله يهدينا ويهديهم ..

****************************



البنات اللي صارو يكشخون برقص المعلايه 'دقني' في الحفلات و الأعراس! ايش هالرقص الهابط اللي فيه قلة احترام للموجودين؟ و السؤال اللي يطرح نفسه..لين لعبت أم أحمد عالساحه...وين كل أم عن بنتها؟ إذا البنات ماعرفو السنع..وين الأهل عنهم؟


انا معاج في هالشي والله.. احس كرامة البنت بثقلها خاااااصة في حفلات البنات موشرط بس بالاماكن العامة؟حتى الملابس؟تشوفين البعض اللي يلبس العاري والشفاف ويتحجج انه وسط شلة بنات؟طيب البسي محد قالج لا..بس راعي الاحتشام حتى لو اللبس عاري..يعني لاتبالغين باللبس .. وتكشخين باسلوب رخيص ..وفوق هذا لاتستعرضين عمرج بالحفلات هذي سواء بالرقص المايع او الحركات اللي مالها لزمه..والا بس تبون تلفتون انتباه الي حولكم من البويات او امهات الشباب حق الريل والخطيب@@لا والقهر انه لاصار فيها شي جات تولول انها انصكت بعين@@؟؟بالله اذا خايفه من العين شكو تعرضين عمرج جذي ؟؟؟



****************************



بخصوص منتجات PlayBoy ..من قال ان لبس أي شي يحمل هالإشاره يدل على إنج كول و صيّه؟؟ إذا ماتعرفين الانطباع اللي يعطيه لبس PlayBoy ..أنا اقول تروحين تتثقفين شوي أحسن..

خخخخ ..مايحتاي اعلق .. كفيتي ووفيتي

****************************



ليش الخدامه تشيل شنطة يدج..و لين رن التليفون هي اطلعه و تعطيج؟ و لين عطشتي..تعطيج غرشة الماي تشربين منها و ترجعينها لها تمسكها؟ و أهم شي كوب ستار بكس..الخدامه شالته و تمشي و راج...تشربين شوي و تردينه لها.. شنو الخدامه تمثال الحريه؟

لا .. عبالها ظلها تلازمها وين ماتروح ..حشا شاريه دمها حضرتج !!
والا لهالدرجة خايفه على اضافر ايدينج الناعمين لاينكسرون..
والقهر والله اللي اشوفه في بعض البنات لاطلعوا.. يروحون ويحوووسووون بالمجمع والمسكينه تمشي وراهم محملة بالاغراض مهدوده الحيل..ولامن بغوا يشربون شي .. اقعدوا وبسطوا وطلبوا البارد والحار..والمسكينه واقفه مثل ال..... تنتظر حضراتهم متى يخلصون؟
بالله عيزانين تقعدونها وياكم وتطلبون لها شي تشربه وياكم؟والا صح..برستيجكم مايسمح..نسيت!!

****************************



فالأعراس..تسوين لج فستان ذيله 10 أمتار يسحب وراج..و طبعا لأنه ثقيل و يعيق حركتج..قررتي تحطين خدامه تمسك لج ذيل الفستان طول العرس..تمشين..تمشي وراج..توقفين تسولفين..توقف معاج..اتقي الله في هالمسكينه! 'ترى جد في ناس في قطر سووها'

... تعليقي بالنقطة الي فوق كافي ..

****************************



في أمهات و آباء معاطين بناتهم الحرية يروحون أي مكان و في أي وقت..شرط معاهم الخدامه..ليش الخدامه حامي الديار؟ و الا يعني الخدامه دليل على شرف البنت؟ و بعدين ايش لزمة الخدامه في السينما؟ وعليه قاعده و فاتحه عينها و حلجها ماتدري شسالفه!

لاحياتي..هاي تشوفين بعض الاهالي يعرفون بلاوي بناتهم وخاصة لاراحوا السينمات..بلوتوث ومواعد وحركات مسخرة..وعشان مايعورون قلوبهم .. يطرشون الشغاله وياهم لانها ماتفهم السالفة .. فيفتكون من عوار الراس ويظلون مقتنعين ان بناتهم درر..مايسوون شي خخخخخ..
طبعا انا قلت بعععضهم... يعني لحد يشب فيني ويقول شي.. البعض ياناس..مو كل اصابعكم سوا:tease:

****************************


الكلام اعلاه ما يخص البنات كلهم طبعاً وانما بعض الفئات في المجتمع ،،


يعطيج العافية فديتج وماقصرتي .. واسمحولي اذا قلت شي غلط @@ ومثل ماقالت اختي.. الكلام مايخص البنات كلهم .. وانما البععععععععععععععععععععععض ...:victory:
العـوا
17-06-2008, 04:49 PM
مشكورة اختي على الوصف الدقيق جدااااااااااااااا
The Blade
17-06-2008, 05:05 PM
السلام عليكم...
طرح مميز اختى بنت الحرمي....
اليوم شفت منظر اقسم بالله حسيت اني مب في وزاره الداخلية
وتحديدا في المرور " مدينة خليفه "
احترامي وتقدير " لبعض " البنات المحتشمات الموجودين اهناك... ولكن مع الاسف بعضهم يشوهون الصوره بقله آدب الرجال بطول وعرض ينتظر المعامله والاخت حاذفه السماعة وتسولف بكل برود " وخفه صوت " يعني ماكأن رجال قدامها....
لاحول ولاقوه إلا بالله
ذيبه مزاجيه
17-06-2008, 05:15 PM
هذي ضعف الدين .. عبالهم بيعمرون في الدنيا ما يدرون ان العمر مثل اللحظات وبينتهي ..

ومب هم بس بعد بعض الشباب الله يهديهم مفوشر و سيارات و زبايين على الاخر و في الاخير حتى 20 حق بترول ما عنده بس علشان الناس (( او البنات يشوفونه )) و الله يستر على الجميع

ودام في ناس الله يعينهم من شباب و بنات

الحمدلله في ناس الله ساتر عليهم و ما شاء الله عليهم رياييل و حريم و النعم فيهم و الله يخليهم ان شاء الله

بالاضافه الى ان الانتقادات لا بتقدم و لا بتأخر كل اللي بتسويه انهم بيتمادون

النصيحه تجي بالهدوء و التفاهم و زرع مفاهيم و تعاليم الدين .. لعل وعسى عقول الناس المتمدنه تقتنع لا بالانتقاد بهالصوره لانهم راح يتمادون ..

تحياتي للجميع
قطري شايب
17-06-2008, 05:39 PM
كلو بصووووب وسالفه الرقصه الجديده مالت الجنس الثالث الي اشتهرت في الامارات بصوت

ماظنتي اي ام محترمه نفسها بترضى على هالشي والله ما اصدق الا لو شفت بعيني

مبالغه اعتبرها
بنت الدوحه
18-06-2008, 11:08 AM
ما اتوقع انها مبالغه اخوي قطري شايب وخصوصا في هذا العصر اللي حنا فيه

انا ما شفت والسبب قلة حضوري لحفلات الزواج

واللي يصير داخل بالقاعات ينقلونه لكم الاخوات هنا

وخصوصا ما ينافي ديننا وعاداتنا وتقاليدنا

الرجال برا ما يدرون شيصير بالقاعه

ومثل ما قال احد الاخوان في رده حلاة البنت في حياءها وحشمتها

تجبر الناس كلهم على احترامها وابن امه فيه خير يقرب منها

بنت الحرمي

جزاج الله الجنه اختي وياما بنشوف من عجايب

اللهم استرنا فوق الارض وتحت الارض ويوم العرض
هام السحاب
18-06-2008, 11:18 AM
يعطيج العافيه
وبارك الله فيج على هالموضوع
سهم سهم
18-06-2008, 12:58 PM
مشكوره اختي على الموضوع الناري
قسم بالله مت من الضحك بس كلامج صج اميه في الاميه
ويالله يستر على كل بنات هل قطر والخليج والوطن العربي والمسلمين اجمعين
ولكم الشكر
k__
18-06-2008, 01:19 PM
جزاج الله خير على الموضوع إختي

ومانقدر إنقول إلا . . .

اللهم لاتؤخاذنا بما فعله السفهاء منا
غلاي سميتك
18-06-2008, 04:24 PM
كلو بصووووب وسالفه الرقصه الجديده مالت الجنس الثالث الي اشتهرت في الامارات بصوت

ماظنتي اي ام محترمه نفسها بترضى على هالشي والله ما اصدق الا لو شفت بعيني

مبالغه اعتبرها

انا بعد اشوفها مبالغه على كل الاعراس اللي رحتها ماعمري شفت حد يرقص مثل هالرقص كلهم رقصهم محترم 00
بس في ناس يحبون المبالغه انه فلانه ارقصت جيه وسوت جيه:rolleyes2:

-----


وبارك الله فيج اختي ع هالموضوع
ويعطيج العافيه