هل تؤيد تأجيل العام الدراسي القادم؟

[سماري]

الاخوة اعضاء المنتدى
تدرس دول خليجية ومنها الكويت تأجيل بداية العام الدراسي القادم ليبدأ بعد اجازة عيد الفطر
لان البداية تترافق مع بداية شهر رمضان المبارك
والمعروف ان الاسبوع الاول من العام الدراسي يكون للتنظيم والترتيبات
وعندنا كل عام اجازة اواخر رمضان
فاذا حسبناها نجد ان الايام المخصصة للدراسة هي اسبوعين
انا لااطالب بالتاجيل ولكن بالتعديل ومن اجل مصلحة الجميع
خصوصا في مواعيد الاختبارات فقد ظهرت نتائج الثانوية قبل ايام ولازالت المدارس مفتوحة للريح الى مابعد شهر تقريبا فهل تؤيد تأجيل العام الدراسي القادم؟

[الغزال العارضية]

انا معاج اختي اطالب بالتنظيم وليس التأجيل

خصوصا ان الطلاب يغيبون في رمضان يعني مأجلين من نفسهم ماانتظروا القرار

[اعالي الجنان]

اي واالله ياليت احنا بحاجه لاجازه خاصه انه بدايه السنه الدراسيه الجديده بتكون على شهر ارمضان
اقلها نستانس بجو رمضان مع العيال في البيت

[بوبندر]

ابشركم في الكويت والسعوديه تفتح المدارس بعد رمضان...خبر اكيد

[ريال قطري]

[quote][تدرس دول خليجية ومنها الكويت تأجيل بداية العام الدراسي القادم ليبدأ بعد اجازة عيد الفطر /quote]

السعوديه نزلة القرار خلاص الدوام عقب العيد ابتداءً من الاسبوع القادم

الامارات اكلم واحد من الربع هناك قال فيه كلام عليها

احنا الله يسلمكم لازم انكون نغرد خارج السرب مثل العام لا كتب استلمو في المدارس المستقله بالذات
والمدارس الحكوميه مافيه مدرسين الي لين الحين ماوصل والا ماعينو لهم مدرس عربي يعني فعلياً درسو كم حصه وعطوهم امتحانات عقب العيد على طول وهم مااادرسو عدل 0

عندنا التفكير مش طبيعي مااادري كيف نبي نرتقي بالتعليم علماً بان احنا بلد اسلامي اليهال الي في الابتدائي مايستحملون الاصيام واحنا نبي نعلمهم الصيام مسكين يروح لين حصة حصتين ويتعب

الله المستعان

[بلاهويـــــة]

أنا لستُ طالب ولكن اطالب فتح المدارس والدراسة بعد عيد الفطر المبارك

[عبدالله العذبة]

في الحقيقة اقتراح جميل؛ مع ملاحظة أن السنة الهجرية تنقص بمعدل 11 يوم عن السنة الميلادية و عليه أظن أن السنة الدراسية بعد القادمة ستكون بعد عيد الفطر تلقائياً.

أؤيد مثل هذا الاقتراح البناء. :victory:

[عذب الكلام 1]

ما اعتقد يصير تاجيل للدراسه بس السنه القادمه اكيد في العطله الصيفيه وانا مع التاجيل

[ســـهم]

وانا اؤيد أن يكون العام الدراسي بعد عيد الفطر ان شاء الله ..

[الساهرة]

انا بصراحه أيد الغاء التعليم مره وحده
ههههههههههههه

امزح لحد يصدق بصراحه انا مدري شلون جايه الجداول والاجازات لكن انفضل
انه اتكون الاجازات موحده في دول مجلس التعاون لان مرات نسافر في الاجازه للقارب في الكويت
او السعوديه او الامارات او البحرين ونحصل عندهم دراسه واختبارات ونفتشل ونتم ماقلبين الطوف
محد صوبنا :)
لذالك عن الفشله وحدوا الاجازات اترى مايدعون علينا لا يدعون على وزارة التربيه وانتم بكيفكم ماتبون احد يدعي عليكم شوف لكم حل :anger1:





الساهره

[غزلان]

فكره حلوه

ورمضان شهر عباده ومره بالسنه يحتاج الى تفرغ وروحانيه

[حقيقه]

عاد من يسمع

الصراحه المفروض يكون اجازه لانه يصادف مع بداية السنه الدراسيه الجديده ويكونون العرب تو رادين من الاجازه الصيفيه يعني تخيلو الوضع

بس للاسف محد يحس :nice:

[بوعلي-Qtr]

مع التاجيل وبالقووو

[دلة الرسلان]

هم ما راااح يردون علينا بس على الاقل يؤجل اسبوع حتى يتأقلم الناس مع الصيام وخاصة

الاطفال .

[حالي الذوق]

وانا اؤيد أن يكون العام الدراسي بعد عيد الفطر ان شاء الله

[النعيمي وبس]

انا اتوقع انه قطر بالعكس الدوام برمضان كل شي بالدوحه عكس

[Smart]

صراحه فكره وايد حلوه
وانا من المؤيدين
وما راح تفرق غى التحصيل العلمى
وجان زين العمل يعطونا العشر الاواخر او حتى لو الاسبوع الاخير

[m_taha123]

وانا اؤيد أن يكون العام الدراسي بعد عيد الفطر ان شاء الله ..

:nice::nice::nice:

[شيزكيك]

ياريت يأجلون الدوام لين بعد العيد


والله ما يسوى علينا نشرح ثلاث حصص كل يوم والصداع والبنات اصلا مقفلات

واكثرهم يغيبون في رمضان

وما اعتقد بيسوونها لان العام حتى الاجازه الي كانوا يعطونا اياها في العشر الآواخر

وقفوها


ملاحظه : ترى الحين نداوم وما عندنا شغل في المدرسه وبنقعد شذي لين 10 / 7

[الرايقه]

ابشركم في الكويت والسعوديه تفتح المدارس بعد رمضان...خبر اكيد

ان شاء الله قطر بتلحقهم نؤيد تأجيل الدراسة الى مابعد رمضان للتفرغ للعباده كلها والطلاب بياخذونها اجازة من عندهم

[الكاسب]

مستحيل يأجلوووووووووووووووون....يبون ينكدووووون على الطالب وولي الأمر والمدرس والمدرسة والإداري والإدارية....لا وبعد المدرس والمدرسة اللي مساكين مسافرين حق أهلهم في بلدان الدول العربية...ويتمنون يصومون ويفطرون مع أهلهم.

العلم زين

[هام السحاب]

اؤيد أن يكون العام الدراسي بعد عيد الفطر ان شاء الله

[MoHaMmEd114]

لا ليش الكسل

الله المستعان

[lka]

نععععععععععععععععععم أؤيد وبشدة ليكون بعد العيد إن شاء الله
ملاحظة (أنا لست طالب/طالبة)

[lule]

مثل ما قدروا يغيرون ويعدلون حق الاسياد ... يقدرون يعدلون بداية العام الدراسي ويخلونها بعد العيد !!!

[سماري]

ارى ان التأجيل افضل لان الايام الدراسية في الشهر الفضيل لن تزيد عن اسبوعين

[الألماسي]

اللـه يعيـن أوليـــاء الأمـور بصــراحـه . .

مصـاريــف المدارس+ مصاريـف رمضــان + مصـاريـف العيـــد . . كلهـا بشهـر واحـد . .
أحـس شهـر 9 بيكــون شهـــر " عنــاء "

والترتيـب من الأن يعتبـر أفضـل طريقــه لمحاربه هـ العنـاء . .


انـا طبعـا ضـد التأجيـــل . . لأن الطالـــب سواءا دوام أو مب دوام ماراح يروح وماراح يركــز الا عقــب العيـــد . .

[nym]

انا اؤيد التاجيل

[jajassim]

اللـه يعيـن أوليـــاء الأمـور بصــراحـه . .

مصـاريــف المدارس+ مصاريـف رمضــان + مصـاريـف العيـــد . . كلهـا بشهـر واحـد . .
أحـس شهـر 9 بيكــون شهـــر " عنــاء "

والترتيـب من الأن يعتبـر أفضـل طريقــه لمحاربه هـ العنـاء . .


انـا طبعـا ضـد التأجيـــل . . لأن الطالـــب سواءا دوام أو مب دوام ماراح يروح وماراح يركــز الا عقــب العيـــد . .



كلام سليم ،، ومنطقي ، :nice:

[Mo0o0oM]

فيه مجموعه من مديرات المدارس اقترحوا على وزيرة التربية التأجيل . . لكن !!

كان ردهاا كالتالي . . . . . لااا صعبه :secret:

مع ان ايام اسياد كان تأجيل الاختبارات والاجازات في غاية السهوله . .

[Mo0o0oM]

ويااا قلبي لاتحزن . .

[سوق واقف]

ابشركم في الكويت والسعوديه تفتح المدارس بعد رمضان...خبر اكيد

التوقيع روووووعه

[عبدالله العذبة]

اللـه يعيـن أوليـــاء الأمـور بصــراحـه . .

مصـاريــف المدارس+ مصاريـف رمضــان + مصـاريـف العيـــد . . كلهـا بشهـر واحـد . .
أحـس شهـر 9 بيكــون شهـــر " عنــاء "

والترتيـب من الأن يعتبـر أفضـل طريقــه لمحاربه هـ العنـاء . .


انـا طبعـا ضـد التأجيـــل . . لأن الطالـــب سواءا دوام أو مب دوام ماراح يروح وماراح يركــز الا عقــب العيـــد . .

أخي الحبيب الألماسي وفقه الله

بعيداً عن أنني انافقك سياسياً :shy:

لقد استطعت بنظرة أن ثاقبة أن تجمع كل هذه الأمور و تضعها في سلة واحدة و لله درك حجج مقنعة.

[الألماسي]

أخي الحبيب الألماسي وفقه الله

بعيداً عن أنني انافقك سياسياً :shy:

لقد استطعت بنظرة أن ثاقبة أن تجمع كل هذه الأمور و تضعها في سلة واحدة و لله درك حجج مقنعة.


يعنـي أصلـح اكـون وزيـر التربيــه والتعليـم والإسكـان والشـؤون الإجتماعيـه والخدمـه المدنيـه . .؟؟ :nice:

[قطري عصامي]

مؤيد 10000000000000%

[Bohamad]

مع التأجيل 100%

[الروقي]

انا ايضا اؤيد تاجيل الدراسه الى مابعد عيدالفطرالمبارك لان رمضان شهرعباده يتفرغ الناس للعباده من صيام وقيام وايضا الطلبه مايكون لهم بال يروحون المدارس لكثرة السهر وغيره

اتمنى يبنون هذا الاقتراح:discuss:

[m_taha123]

مع التأجيل
انا اليوم رحت اسجل بنتي باحد المدارس وقالت حق هلي الوكيلة : انه يقال انه ممكن يكون دوامنا بعد اجازة العيد طبعا ما في شي اكيد للحين .

[الامانه]

ان شاء الله ياجزون لين بعد العيد شل المانع

[تحت المؤشر]

أنا أتمنى انهم يلغون العام الدراسي بكبره!

[دانـة قطـر]

ووويه جان زين دا يوم المنى :)

بس سمعت والعهده على الراوي أنه مستحيل :secret:

تذكرون يوم الأسياد كان عندنا أمل حتى آخر لحظة يعطونا إجازة :D

[الحوت-141]

وانا اؤيد أن يكون العام الدراسي بعد عيد الفطر

[فزعـــــ قطر ـــــة]

http://kshcool.rjeem.com/Agif/image/027.gif
انا مع التأجيل وبقوة ..
شهر رمضان شهر فضيل محتاج لروحانيه وتفرغ تام
وبصراحة مادامت الكويت والسعوديه اجازة... ليه مانكون مثلهم؟؟
يعني حبكت الدراسه في هالكم يوم ..اصلا حتى لو مايسمعوون كلامنا اعيالنا
طول شهر رمضان نايمين في الحصة
http://kshcool.rjeem.com/Agif/image/027.gif

[دنيا الاسهم]

اتمنى هذا القرار ينفذ
لان بنكون راجعين من الاجازة السنوية وعلى طول بيدخل علينا شهر رمضان الفضيل
وفي هذة الفترة بنكون صايمين وطلابنا وطالباتنا اصلا معطين نفسهم اجازة ولا منتظرين تعميم رسمي خاصة انة في بداية الدوام المدرسي وبصراحة اشوفة صعب شويالدوام وياريت تكون اجازة وتتعوض الايام من باقي ايام السنة وخاصة ان شهر رمضان شهر الرحمة والغفران ونبغي نتعبد فية والله يغفر لنا ولكم اجمعين :nice: