القطرية والا الاماراتية

[النجلا]

السلام عليكم ورحمة الله وبركاته

كيف حــــالكم .. ؟

حبيت اآخذ رايكم في شي ..؟

احنا ان شاء الله معزمين السفر على تركيا .. وشفت اسعار القطرية والاماراتية قريبة ..

بس من الاحسن ...؟من ناحية الراحة .. والتعامل وكل شي..؟

امي قايلين لها الاماراتية احسن ..؟ بس انا مادري ..

الله يقدر يفيدني جزاه الله خير .. ؟

بانتظاركم ؟؟:victory:

[الغزال العارضية]

كلن له راي

وانا اشوف القطرية احسن لان الاماراتيه بتنزل ترانزيت عباله وغربال

القطرية حتى لو كانت اغلى شوي بس تشترون فيها راحتكم

[Qa10]

مافي فرق بينهم


بس القطرية أريح لك ...

خصوصا فالرجعة تعب اذا على الاماراتية

[Chambray]

والله صح
القطرية افضل
صحيح اني ماحب تعاملهم لان ماصار هناك تسهيلات للقطريين نفس قبل إلا ان القطرية افضل من ناحية الترانزيت والراحة

[lalamar]

الاماراتيه طبعا احسن
لكن مشكلتها الترانزيت
فاللي بيروح عليها بيتعب وايد وخاصة لو سفره مثل تركيا

[النجلا]

مشكووورين ماقصرتوا

جزاكم الله خير

[lalamar]

مشكووورين ماقصرتوا

جزاكم الله خير

العفووو :victory:

[النعيمي وبس]

الاماراتية

[الهاوي28]

اختي انا اغلب رحلاتي البعيده على الاماراتيه مش علشان الرخص لا والله

ودايما اخذ على البزنس

وصراحه خذمه بكل معنى الكلمه واذا على الترانزيت مش اكثر من ساعتين في مطار دبي

ولا افكر اروح بغير الاماراتيه

[رآعي موآجيب]

اختي انا اغلب رحلاتي البعيده على الاماراتيه مش علشان الرخص لا والله
ولا افكر اروح بغير الاماراتيه


وش فيها لو غيرت شركة الطيران عشان الشركه الثانيه أرخص ,, لا يكون عيب ؟؟!!

بلعكس انا لو بسافر بدور الشركه الارخص والي توفر لي فلوسي الي انا اولى فيها منهم
طبعآ احنا نتكلم على المبالغ الي تستحق ان الواحد يخلي الطيران الدايركت ولكن بشرط انه يكون بمستوى الشركه الي سعرها غالي مب انقص في السعر على حساب المستوى والامان
هذا شي
الشي الثاني انا ما انصح العوائل يسافرون على طياره تنزلهم كل شوي في مكان لأنها صعبه عليهم ,, يتمون نازلين طالعين بشناطهم الي معاهم في المقصوره وبخرايطهم والمشكله الاكبر اذا معاهم أطفال

نصحيتي اذا بتسافرون عائله وأطفال روحوا على القطريه والله يعينكم على ملاغتهم لكن أحسن لكم لأنها دايركت .

[سهم طايش]

طبعا القطريه

الترانزيت عبالة

[lalamar]

طبعا القطريه

الترانزيت عبالة

أنا مااحب القطريه

كل مااروح أتهاوش معاهم

[هام السحاب]

الاماراتيه :)

[مساهم فنان]

السلام عليكم ورحمة الله وبركاته

كيف حــــالكم .. ؟

حبيت اآخذ رايكم في شي ..؟

احنا ان شاء الله معزمين السفر على تركيا .. وشفت اسعار القطرية والاماراتية قريبة ..

بس من الاحسن ...؟من ناحية الراحة .. والتعامل وكل شي..؟

امي قايلين لها الاماراتية احسن ..؟ بس انا مادري ..

الله يقدر يفيدني جزاه الله خير .. ؟

بانتظاركم ؟؟:victory:
إذا رايح على الدرجة الأولى أو رجال الأعمال ،فلا فرق بين الشركتين ، أما إذا على السياحية فأعتقد الإماراتية أفضل.

[الرمز]

اختي انا اغلب رحلاتي البعيده على الاماراتيه مش علشان الرخص لا والله

ودايما اخذ على البزنس

وصراحه خذمه بكل معنى الكلمه واذا على الترانزيت مش اكثر من ساعتين في مطار دبي

ولا افكر اروح بغير الاماراتيه


عقليات غريبه اذ ليش ما تركب درجه اولى اذا الرخص عندك عيب

[nor85]

الاماراتيه احسن في خدمتها بس الترانزيت مشكله

[مزمز]

يعطيك العافيه

[شمس]

على التركيه اذا فيه
ولا الاماراتيه
اهم شي التعامل

[النجلا]

بخصووص الاسعار بالعكس الواحد يدور الرخص في هالايام واذا الشي زين مايعيبه انه رخييص..

مشكووورين كلكم على ردوودكم بس خلااااص تكنسلت السفرة :secret:

بخليها لعطلة الربيع او السنه الجاية الله اعلم ..؟ لين مايشرف ولي العهد ..

وتسلموون كلكم .. :victory:

[العنود55]

الاماراتيه بكل تأكيد

[اكسجين]

الاماراتية.............طبعاً

[أم حمد]

الاماراتيه من خلال تجاااااااارب بين الاثنين

راحه وحسن تعامل ودقه فالمواعيد

وغير السعر الخ

وعيبها فقط الترانزيت ولو انه مش عيب

:)

[Engineer CA]

القطرية

[h2004]

الاماراتية ممتازة بس اذا بتغيرون الطيارة في د بي الله يعينك على وصول الحقائب العام في رحلة لندن ضيعوا لي 6 حقائب لي وللعيال وضلينا يومين بدون حقائب وياهي قصة لين اوصلت بس وصلوها لي الى مدينة هيستينج وتبعد ساعتين عن المطار وتم تعويضي تقريبا 2000 ريال قطري والسنة هذي صارت مع اخوي في رحلة استراليا من شهر تقريبا تاخرت حقيبته يومين واعتقد ان السبب الحركة الرهيبة في مطار دبي ومسالة تغيير الطيارة تتطلب نقل العفش من طائرة الى اخرى وفي وقت ضيق وفي موسم سفر بعد... اقول تبون رايي اذا السعر والوقت للقطرية يناسب توكلوا على الله ثم سافروا على القطرية وسلامة الاسفار ان شاء الله

[راعي ال2008 الاسود]

طيران الاتحاد احسن من القطرية في التعامل وفي الاسعار وافخم من القطرية لكن القطرية عيبها في المواعيد
وكل مالا تزيد اسعار التذاكر لكن خلج على القطرية احسن على شان الرجعة على طول الدوحة مب الامارات وعقب الدوحة