التسجيل في المدارس المستقلة ..... أقتراح ...أرجو المشاركة وأبداء الرأي

[قلم جاد]

السلام عليكم ...


ليش مايكون التسجيل في المدارس المستقلة عبر الانترنت يعني عبر موقع المدرسة ويكون فيه مراقبة عن طريق المجلس الاعلى بيكون فيه أهداف كثيرة ... بيوفر الجهد ويكون التسجيل الكتروني يعني مافيه واسطه ... ويكون للمدراء عشر طلاب لهم يسجلون اللي يبونه بصفته مدير مدرسة ... (( أرجو المشاركة وأبداء الرأي ))) ... أتوقع لو يطبقونها بتنجح ..

[قطريه ماركه]

في هالوقت خلاص القرار ما ينفع لأن اللي سجل سجل واللي لا لا...

لكن في المرات الجاية .. كفكرة حلوة وسلسة في التعامل بس في التطبيق !!!! صعبة عند البعض ..
مثال: انا يوم سجلت ولدي جات أم ما تعرف تكتب فعبت لها البيانات الموظفة اللي تسجل ...

و أخاف لو تطبقت هالفكرة أول ماندش نبغي نسجل يكون فل !!!

[ANONYMOUS]

فكره ممتازه

بس الآباء والأمهات مب كلهم يستطيعون التعامل مع الانترنت..

هذا اولا..

ثانيا...

وليش يكون للمدير 10 طلاب.. ليكون شاري المدرسه.. ولاوارثها من ابوه..

في شروط للتسجيل وهي مثلا.. ان يكون لدى الطالب المستجد.. اخ او اخت في المدرسه اوريدي

و يكون من اهل المنطقه..

[Affable Lady]

السلام عليكم ...


ليش مايكون التسجيل في المدارس المستقلة عبر الانترنت يعني عبر موقع المدرسة ويكون فيه مراقبة عن طريق المجلس الاعلى بيكون فيه أهداف كثيرة ... بيوفر الجهد ويكون التسجيل الكتروني يعني مافيه واسطه ... ويكون للمدراء عشر طلاب لهم يسجلون اللي يبونه بصفته مدير مدرسة ... (( أرجو المشاركة وأبداء الرأي ))) ... أتوقع لو يطبقونها بتنجح ..


فكرة حلوة ..

على أن يكون فيه موقع مركزي للتسجيل .. تتواجد فيه روابط جميع المدارس ...

ويكون الموقع تحت مظلة المجلس الأعلى للتعليم...

ويكون فيه كنترول .. يعني أي ولي أمر له فقط يسجل في 3 مدارس فقط .

بالنسبة لأولياء الأمور اللي مايعرفون للأنترنت

يستعينون بأي حد من المعارف في التسجيل..

ويمكن تطلع خدمة جديدة ... عند المراكز التعليمية .. التسجيل برسوم!!!

كل شي جايز!

[شمس]

التقيد الحرفي ضيعهم ولا بنت شهر12 وبنت شهر واحد والقريبه والبعيده يقبلون من غير تردد
ما كان فيه داعي لليستات الانتظار والاجانب يحدد لهم اسبوعين اخرين

[الوعد2016]

مشكور على الموضوع والاقتراح

[ام شادن]

مع كل احترامي للمدراء في المدارس لعابين لعبتهم يسجلون الي يعرفونه على كيفهم لا رقيب
ولا حسيب وكلها واسطات ومحسوبية لا بنسبة للتسجيل والتوظيف كلهم اذ ماتعرف المدير ولا النائب مالك كرت ولا يسكتونك على الاحتياط
ما نقول الا حسبي الله ونعم الوكيل وين يروح المواطن
ولا في حد من المسئولين يدرك عذا الشي

[lule]

الحل الوحيد لمشاكل التسجيل .. ان النظام يكون حسب المنطقة يعني كل مدرسة تسجل الطلاب حسب المنطقة السكنية التابعة لها ... يعني نفس المدارس الحكومية شرط اساسي انك تاخذ معاك ملكية البيت للتاكد .. اللي صاير ان التسجيل عشوائي .. واحد بيته في الوكرة ومسجل عياله في الدفنة .. قبل كم سنة ما كان الا عدد محدود من هالمدارس بس اللحين بعد ما تحولت معظم مدارس قطر الى حكومية صار في كل منطقة مدرسة وبمراحل متعددة.