لخبراء التوايـر واسعارها ... وخاصة مواتر الصالون

[Chambray]

السلام عليكم شلونكم عساكم طيبيين

حبيت استفسر عن الكامري 2008 كاملة الزيادات الي تجي طوس ، كم حجم الرنغ ؟ 15 ولا 16 ؟؟

بعدين حبيت استفسر عن احسن نوع من التواير واسعارها لحجم 16 ،، يعني نوع يكون ثابت في الشارع وقت المطر وهالسوالف .. ويكون من النوعيات المعروفه عالمياً ، ايش الأفضل ؟؟؟ وكم الاسعار تقريباً ؟؟
المشكلة انا خارج الدوحة ولا جان رحت ودورت .. بس ابي اشوف توصياتكم علشان اوصي الشباب في الدوحة وشكراً لكم

[الخفي]

انا مادري كم حجم الرنق 15 او 16

بس انت روح طريق سلوى طبعا فيه محلات كثار مالت التواير

بس الافضل لك تشوف شنو شركه التواير الاصليه اللي جايه مع

السياره وتشتري مثلها افضل وعندك محل بعد دوار قطر للديكور على اليمين

مكتوب عليه باللوحه الكبيره تويو وعندك محل دبي اللي مقابل اللاند مارك هو بعد

عنده تواير وانواع كثيره

[الرايــق]

ميشلن أفضل

او كونتيننتال

والله اعلم

[doha_vip]

عندك كيوتاير في محطة التيسير طريق سلوى
عنده انواع جيده وسعره مناسب

[شهاب]

هوة يجى مع تواير يوكوهاما لكن المقاس اعتقد 15 لكن مش اكيد

[Chambray]

شنو احسن تاير للمطر ؟؟؟؟؟ يعني يكون الموتر ثابت وقت المطر ؟
تعددت الآراء صراحة .. :(

[بوراشد 66]

البرجستون زين ووكيله جتكو في طريق سلوى

بس ينجلون بسرعة

لكن ثابته وحق الكطر اوكي ... واسعارهم معقولة وعليه ضمان

وفي الكومهو كوري وارخص شوي بس تواير جيدة مجربها وماتنحل بسرعة وكيلها التيسير والتاير مايتعدى 300 ريال