سمعت انة حملة مقاطعه هذا الصيف للقطرية ؟ [الأرشيف]

مشاهدة النسخة كاملة : سمعت انة حملة مقاطعه هذا الصيف للقطرية ؟

mubarak2000

20-06-2008, 12:24 AM

سمعت انة حملة مقاطعه هذا الصيف للقطرية ؟
وانة فية مسجات بين الناس , واللة ودنا انشارك في الحملة , ولو بالي نقدر علية من مقاطعه لهذي الشركة , على الاقل الواحد ايبرد حرتة فيهم

the engneer

20-06-2008, 12:51 AM

للامانة ....انا حجزت على الميدل ايست كره بالقطرية وليس حبا بالاخرين
واتمنا الكل يتعامل بالمثل .....المواطن القطري مستقصد بهذة الشركة بالذات

PoBox

20-06-2008, 12:58 AM

انا غالبا مقاطع جميع خطوط الطيران هالصيف ، وين احسن من هالمقاطعة :nice:

Media

20-06-2008, 01:02 AM

والله لو فعلا بيكون لها تأثير فليش لا.. كافي الزياده بالاسعار علينا والخدمه المترديه

mubarak2000

20-06-2008, 01:04 AM

:victory::victory::victory::victory::victory:
للامانة ....انا حجزت على الميدل ايست كره بالقطرية وليس حبا بالاخرين
واتمنا الكل يتعامل بالمثل .....المواطن القطري مستقصد بهذة الشركة بالذات

mubarak2000

20-06-2008, 01:05 AM

:victory::victory::victory:
انا غالبا مقاطع جميع خطوط الطيران هالصيف ، وين احسن من هالمقاطعة :nice:

mubarak2000

20-06-2008, 01:06 AM

والله لو فعلا بيكون لها تأثير فليش لا.. كافي الزياده بالاسعار علينا والخدمه المترديه

بتشوف انشاء اللة التأثير قريب جدا ,بس كل مواطن ايسوي ال علية من المقاطعه وجووووووف .

هام السحاب

20-06-2008, 01:09 AM

عادي أهم شي عندهم الهنود مستانسين :)

امـ عبدالله

20-06-2008, 01:13 AM

انا امقااطعه السفررررررر :victory:

مافي احسن من قطر وغبرتهاااااااا :rolleyes2:

<<000000000 يالعياره لو ايحصل لج ماقعدتي http://www.addemoticons.com/emoticon/crazy/AddEmoticons00516.gif

HORK

20-06-2008, 01:29 AM

كلش مفتكرين فيكم

عاد اهم شيء عندهم الهنود وراحتهم

واعيال اللبد ناطرتهم زياده في سعر التذاكر

شمس

20-06-2008, 01:34 AM

لاهم يفكرون المواطن غبي ينثر فلوس ولو بيدهم سوو له احتكار مثل العقار

فـــــواز

20-06-2008, 01:41 AM

والله شوف انا عن نفسي مستعد بالمقاطعه بس خل احد يصمل معاي على الاقل هالصيف هذا بس وشف شلون التغير

وخلها كل السفرات على الاماراتيه والله تمام الاماراتيه

Smart

20-06-2008, 11:40 AM

مع الاسف المشكله الوحيده فى السفر على غير القطريه السفر غير المباشر وخاصه للعائلات الكبيره وكبار السن

مافيا قطر

20-06-2008, 03:00 PM

راعي ال2008 الاسود

21-06-2008, 04:13 PM

امين لو تنقطع الناس عن القطرية على شان يعدلون اسلوبهم والزياده الي يزيدونها على الفاضي من دون اي شي هو بس لو العالم يقطعون الطيران ويستعملون طريق البر لمدة 6 شهور ول حد يسافر في طيارة والي يبي
طيارة يررووح الامارات وياخذ طيارة على البلاد الي هو يبيها احسن والله تعين الباكر داق بحطبة عند باب المطار هههههههه

جاسم القطري

23-06-2008, 10:43 AM

وضحى قطر

26-06-2008, 09:58 PM

انا غالبا مقاطع جميع خطوط الطيران هالصيف ، وين احسن من هالمقاطعة

:nice::nice::nice:

QTR-SOUL

27-06-2008, 07:38 AM

صدق والله اخوي جاسم بلادنا او مانعادي نعادي بعضنا لوتحصل مشكله بين قطري واجنبي يدوسون على راس القطري كل الاجانب فقارا ومساكين وهم اعوذ بالله والله الله يمون في عونا وانا سمعت عن القانون القطري مع الاجنبي وقانون مع الخدم وانا منجلطه مادري شبيصير فينا وماشاء الله كبار الشخصيات عندنا من اصول الله عالم فيها من ايران والهند واليمن وو وو وو ومحد قلبه على اهله وربعه الله يكون في عون اهل قطر

mubarak2000

27-06-2008, 08:56 AM

والله قاطعتوا ما قاطعتوا القطريه ما يهمها كافيه نسبه الهنود والجهات اللى فاتحتها اهناك ومن غير الاوربين

والاجانب اللى عندنا ومن مكاتبها فى الخارج والترانزيت اللى تعتمد عليه بشكل كبير

على فكرة التذاكر الي من قطر بس اهي الي ايسوي منها افلوس اما الترانزيت القطرييييية خسرانة فيهم

mubarak2000

27-06-2008, 08:58 AM

والله وايد ناس الحين يسافروون الامارات والبحرين وياخذوون بكج من هناك

الصراحه فرق السعر شي خيالي خاصه في حاله السفرات العائليه

ومحد مستانس عندنا في بلادنا الا الاجانب مب بس السفر في كل شي

الشكوى لله

نعم عندك ياالامارات ولا البحرين وخذ البكج وسافر مع العائلة لانة الاحتكار في قطر شكلة مالة نهاية

mubarak2000

27-06-2008, 09:02 AM

والله قاطعتوا ما قاطعتوا القطريه ما يهمها كافيه نسبه الهنود والجهات اللى فاتحتها اهناك ومن غير الاوربين

والاجانب اللى عندنا ومن مكاتبها فى الخارج والترانزيت اللى تعتمد عليه بشكل كبير

ايشرك السنة انخفاض 20% في حركة الركاب على القطري (هاذي الي باين الحجوزات )لهذا العام .اليوم اهل قطر صارت عندهم خبرة باالسفر وصاروا ايدورون الاسعار وايجكون عليها وايخطط بدري حق الاجازة .

mubarak2000

27-06-2008, 09:55 AM

بسبب الارتفاع المطرد لأسعار التذاكر ...20% تراجع مبيعات"عطلات" شركات الطيران

--------------------------------------------------------------------------------

بسبب الارتفاع المطرد لأسعار التذاكر ...20% تراجع مبيعات"عطلات" شركات الطيران بسوق الدوحة| تاريخ النشر:يوم السبت ,7 يُونْيُو 2008 1:06 أ.م.

بدرالدين مالك :

انعكس الارتفاع المطرد في اسعار الوقود على حركة السفر الجوي ابتداء بسعر التذاكر مرورا بالخدمات الارضية انتهاء بعطلات شركات الطيران التي تجني عبرها فوائد مالية تغطي خسائرها خلال فترة الركود الصيفية، وتشير احصاءات بعض المهتمين بشؤون النقل الجوي إلى ان عطلات شركات الطيران العاملة بسوق الدوحة تراجعت بنسبة تتراوح بين 15% إلى 20% بسبب ارتفاع سعر تذاكر الطيران الامر الذي ادى إلى الغاء الكثير من الحجوزات فضلا عن تغيير جملة من الوجهات السياحية إلى مقاصد قريبة ورخيصة، بما يتناسب مع امكانيات المسافرين الامر الذي الحق الضرر المادي والتشغيلي لسائر شركات الطيران، وتعليقا على تقلص حجم حركة العطلات بشركات الطيران يقول السيد صالح الطويل مدير عام العالمية للسفر والسياحة: "ان الارتفاع الملحوظ في اسعار الوقود ساهم بشكل مباشر في تعطيل مسيرة تطور قطاع النقل الجوي على الصعيدين الاقليمي والعالمي مبينا ان الارتفاع في اسعار تذاكر السفر الذي يرجع مرده إلى ارتفاع اسعار الوقود القى بظلاله السلبية على قطاع العطلات بشركات الطيران عبر تقلص الطلب عليها او تغيير الوجهات او الغائها اضافة إلى التأثير على اختيارات المسافرين وحصرها في اماكن معينة تكون رخيصة، علاوة على تغيير انواع الحجوزات موضحا في هذا السياق ان المسافرين على درجة رجال الاعمال او الاولى سوف يغيرون حجزهم إلى الدرجة السياحية نتيجة ارتفاع تكلفة العطلات.

كاتم الاسرار

27-06-2008, 12:56 PM

والله يستاهلون القطريه ولا في فايده تعبنا وياهم

الراقية

27-06-2008, 01:13 PM

نعم أنا مقاطعة القطرية منذ زمن ليس بقريب

ولا اسافر عليها الا اذا في مهمة رسمية من قبل الدولة

او اذا كانت لاتوجد لدي خيارات اخرى

قد لانؤثر في القطرية

ولكني لا انسى ان قطرة الماء ...تثقب الحجر ...لا بالعنف ولكن بتواصل السقوط !

فانا مواصلة مقاطعتي لهذة الشركة التي تسقي البعيد وتخلي القريب

تقبلوا تحياتي

كيان

27-06-2008, 01:14 PM

والله حاطين واحد مايعرف يتكلم عربي ولابس غتره وعقال وين بيعدل الاوضاع ؟؟؟

QTR-SOUL

28-06-2008, 01:18 AM

ههههههههههههههههههههههههههه

محمد

04-07-2008, 07:43 AM

الحمد لله 9 تذكر خذتها من طيران الأتحاد ,,
وفرق كل تذكره 3000 وشوي ولكم الحسبه ,,
طيران فاشل ,, معامله زفت وغاليه عالفاضي ,,
ماعندي مشكله أنزل بوظبي ساعه ولا أروح في القطريه ,,

كاتم الاسرار

04-07-2008, 08:43 AM

مرحباااااااااا الغاليييييييييييييييييين يعني وشو احسن طيارة عشان نحجز عليها ونكنسل القطرية الصراحه تعبنا وياهم ومشكورين

اّل ثاني 77

04-07-2008, 09:14 AM

مرحباااااااااا الغاليييييييييييييييييين يعني وشو احسن طيارة عشان نحجز عليها ونكنسل القطرية الصراحه تعبنا وياهم ومشكورين

عندك طيران الاتحاد روعة
و
الميدل إيست (اللبنانية)
طيران الإمارات
برتش اير ويز

VIPLady

04-07-2008, 10:41 AM

ممكن احد يدخل منتديات الهنود و يطرح الموضوع و يخلونهم يقاطعون السفر على الخطوط القطريه
يمكن في امل تتغير

اما اذا جات على القطرين ماعتقد مفتكرين او همهم تسافر او ما تسافر على الخطوط القطريه

بس بصراحه خدماتهم حلوه وكفايه ان السفر دايركت يعني نستحمل شنسوي شي احسن من شي

انا اشوفها نحاسه كل ما صارت شوشره واشاعات عن اسعار التذاكر بعد كم يوم تشوفهم صج يا زايدين السعار التذاكر يا مغيرين لك شي في قوانينهم و خرابيطهم

وكل الي بيسافر يروح ويرجع بالسلامه

Rashid554

05-07-2008, 05:05 AM

صارلي فتره احب اسافر عكس الناس بفصل الشتاء
لأن فرق الصراحه اسعار الصيف بأسعار الشتاء :)

شمس

08-07-2008, 01:22 AM

الحمد لله 9 تذكر خذتها من طيران الأتحاد ,,
وفرق كل تذكره 3000 وشوي ولكم الحسبه ,,
طيران فاشل ,, معامله زفت وغاليه عالفاضي ,,
ماعندي مشكله أنزل بوظبي ساعه ولا أروح في القطريه ,,

:nice::nice::nice:

لوليتا قطر

08-07-2008, 08:37 AM

اي والله ماايهمهم الا الهنوود والقطررين في الطقاااق

mubarak2000

08-07-2008, 09:06 AM

الحمد لله 9 تذكر خذتها من طيران الأتحاد ,,
وفرق كل تذكره 3000 وشوي ولكم الحسبه ,,
طيران فاشل ,, معامله زفت وغاليه عالفاضي ,,
ماعندي مشكله أنزل بوظبي ساعه ولا أروح في القطريه ,,

لا وشوف كراسي البزنس في الاتحاد وقارنها مع كراسي المزلاج للقطرية ,ولا شوف المعاملة مو شركة الهندي

Chambray

08-07-2008, 02:05 PM

والله قد كرهي لهالشركة وللتعامل السئ الي شفناه منهم ، مع العلم ان في السابق كانت الافضل لكن في السنوات القليله الماضية تدهورت إلى الاسوء .. إلا أني ما استغني عن السفر عليها ، والسبب انها دايركت وليس ترانزيت ، وهذا افضل بالنسبه لي

فزعـــــ قطر ـــــة

08-07-2008, 03:44 PM

http://www.uaekeys.com/fwasel/www.uaekeys.com27.gif
والله في ذمتي يستاااهلووون المقاااطعة
طفشووووو الناس من نار أسعاارهم ماسلفتهم الأماراتيه
http://www.uaekeys.com/fwasel/www.uaekeys.com27.gif

ذوق

08-07-2008, 04:18 PM

احنا بدينا نحجز عند طيران الخليج

السهم الثابت

09-07-2008, 05:00 AM

واللة يرفعون الضغط انا ابي ارد للدوحة شهر 7 و8 كل الرحلات فول من امريكا لقطر فية بس عن طريق لندن اوو الاتحاد ابوظبي ووووووياليت من زينها نرد للدوحة اقعد ثلاث ايام انا مزكم وماشم الا ريحة الهنود والبتان الي تارسينا اللة يخسهم واذا بتاخذ بزنس حرام ونفس السياحية اللة يعين وووويفكنا من الباكر مع خوالة

Al-sa7er

09-07-2008, 09:19 AM

ما اعتقد المقاطعة راح تاثر بشكل كبير لان القطرية تعتمد اعتماد كبير على الترانزيت وهذا الي بيجيب لهم الركاب والشغل :omen2:
بس ممكن تتوسع المقاطعة بحيث تكون من داخل وخارج قطر :nice:

سهيمان

09-07-2008, 12:49 PM

تصدقون قبل شهرين بغيت أروح للهند أنا وزوجتي على القطرية طلعت التذاكر بـ 5200

حجزت على الإماراتية بـ 3000 وشوي ورحت عليها

الله يخلي الاماراتية والاتحاد لنا كلها دقة سلف لبوظبي وإلا دبي وانتهت المشكلة

طائرات وخدمة إن ما كانت احسن من القطرية فهي مثلها والسعر أرخص

ما عاد إلا القطرية خلها حق الهنود والأجانب ( أقولها وقلبي معورني لكن هذا هو الواقع)

× الجــوري ×

09-07-2008, 01:16 PM

لا انا حالفه ماسافر على القطريه :omen2:

ما اسافر الا على الطيران الهندي :tease:

_QTR_

09-07-2008, 02:47 PM

والله يالربع انا مسافر بالسيارة لين ابوظبي مع الاهل وبحذف الموتر في المطار وبيجي واحد من اهل ابوظبي بياخذ الموتر وبيوقفه في بيتهم وبروح ماليزيا على الاتحاد

ولا مذلة القطرية والله

الله يكرهم سافرت على الدرجة الاولى في شهر 11 اللي فات ويم جيت ارجع وحجزي اوكي ذلوني ذل والله

كل ما اروح المطار يقولون لي الطيارة ( فل ) اقول لهم حجزي اوكي وانا على الدرجة الاولى يقولون لي ما في لك حجز

ظليت على هذي الحالة لمدة 3 ايام والله اللي يشوف حالتي يقول غوار الطوشة ضايع بين الحدود

المتألم

10-07-2008, 08:53 AM

إنه نوع من الإستخفاف

تمارسه " القطريه - الهنديه " تجاه المواطنين القطريين

إنه كذلك نوع من إستغباء القطري ..

ولكنهم لا يعلمون بأن القطري لا يمكن أن يستخف به أو يستغبى عليه

ولهذا كثيرون ممن يحترمون أنفسهم لم يحجزوا على القطرية
فحجزوا على خطوط أخرى

أكثرها الإتحاد والإماراتيه

ولديهم خدمات جميله أقل ما فيها وأجمله أن طاقم المضيفات والمضيفين
ألطف وأكثر أحتراما مهب مثل مضيفات القطريه اللي شايفات نفسهن ..
حتى على القطري

والذي زاد الطين بله هي معرفتهن بسيطرة الهنود عليها سيطرة تامه ..

قبل كم سنه رحت أنا وصاحبي نقدم على وظيفه في القطرية أيام كانت في المانع

وكان كل من بشؤؤن التوظيف هنود حتى اللي يسلم الطلب جق التوظيف ..

طلبنا طلبين فرفض وقال أنه لا توجد أي طلبات توظيف ..

مددت رأسي لأنظر إلى المكتب فوجدت الكثير من الموظفات والموظفين الهنود

بل ليس الكثير .. جميع من كان هناك من الجنسية الهندية ..

نزلنا أنا وصاحبي فقابلنا هندي عند باب برج المانع وطلبنا منه أن يأتي لنا بطلبين
ذهب وعاد بالطلبين بكل سهولة ويسر ..

طبعا ما قدمنا ولا ما يحزنون لإدراكنا أن الأمر لا طائل منه ..

إنها حتما

" الخطوط الجوية الهندوقطريه "

أمر آخر
كثيرون تضرروا من القانون الجديد عدم إعادة التذاكر
فهناك من خسر عشرات الآلاف لأن ظروفه أضطرته لأن يلغي السفر
بينما دفع أحدهما ما يوازي نصف التذكره لكل شخص من العائله
لمجرد أنه أجل السفر يومين لظروفه القاهره ..

بينما قام صاحبي بالحجز على الإتحاد وقام بتأجيل الرحلة ولا أذكر أدفع شيئا رمزيا
أم أنه لم يدفع .. لم ننتبه للموضوع لأنه رمزي ..

أحدهم كان يردي أن يحجز له ولزوجته بالدرجة الأولى فكان السعر خيالي جدا
لدرجة أنه ذهب فحجز بالأتحاد فكان سعر التذكرتين أقل من سعر التذكره الواحده
وعلى الدرجة الأولى أيضا ..

إنه استخفاف وأستغباء ..

المقاطعه والسفر ولو عن طريقة ترازيت أفضل من هذا السرقه العلنية ..

شمس

10-07-2008, 10:33 AM

لا انا حالفه ماسافر على القطريه :omen2:

ما اسافر الا على الطيران الهندي :tease:

ابرك على الاقل يحترمون القطري وعندهم وطنيه لبلدهم :nice:

خالد32

10-07-2008, 07:19 PM

قطر للبترول قالت للقطريه بتغير الناقل لها لو ما غيروا غرامة ال500 ريال اقل من 3 ايام و جا الرد بان الشركة وافقت على شروط قطر للبترول

عيبنا احنا في قطر انا مب على يد وحده ولا بنسوي العجب

ولد الشمال

10-07-2008, 07:22 PM

والله حاطين واحد مايعرف يتكلم عربي ولابس غتره وعقال وين بيعدل الاوضاع ؟؟؟

ههههههههههههههههههههههههههههههههههه

mubarak2000

16-07-2008, 04:10 AM

قطر للبترول قالت للقطريه بتغير الناقل لها لو ما غيروا غرامة ال500 ريال اقل من 3 ايام و جا الرد بان الشركة وافقت على شروط قطر للبترول

عيبنا احنا في قطر انا مب على يد وحده ولا بنسوي العجب

وانشاء اللة احنا بعد بنجبرهم مع المقاطعه انهم ايغرون اسعارهم واسلوبهم التعبان ،

الخارجية

16-07-2008, 09:12 AM

كلش مفتكرين فيكم

شمس

16-07-2008, 09:26 AM

لا للاحتكار ونعم للتنوع الوطني

mubarak2000

16-07-2008, 03:57 PM

وقعت مذكرة لشراء 6 طائرات ايرباص ايه 321 .."القطرية" تدرس تأسيس شركة طيران منخفض الكلفة| تاريخ النشر:يوم الأربعاء ,16 يُولْيُو 2008 1:13 أ.م.

لندن – الشرق – رويترز :
قالت الخطوط الجوية القطرية امس الثلاثاء انها وقعت مذكرة تفاهم لشراء ست طائرات ايرباص من طراز ايه 321 من بينها أربع طائرات مؤكدة وخيار لشراء طائرتين أخريين.
وقالت الشركة انها مازالت مهتمة بطائرات سي من انتاج شركة بومبارديير وانها تأمل أيضا اعلان طلبية أخرى لشراء طائرات ايرباص قريبا.
وأضافت أنها قد تؤسس شركة للطيران منخفض الكلفة في غضون 90 يوما اذا دخل منافس سوقها.

هذا دليل انة المقاطعه اثرت بالغ الاثر في الشركة وايفكر ايسوي شركة منخفظة التكالبف لانة الشركات الخليجة بدأو ياخذون الركاب من الدوحة

جوال 11

17-07-2008, 05:10 AM

المقاطعة ستؤثر اذا تم الكل التزم بها حتى المكفولين يتم الحجز لهم عن طريق شركات الطيران الأخرى
أنا أضع مثال الى الذين يعارضون المقاطعة
من الدوحة الى لندن 19/7/2008 والعوده بتاريخ 23/8/2008 سعر التذكرة 17220 بدرجة رجال الأعمال
أما على القطرية من دبي نفس التاريخ 12670 وعليك الحساب ودرجة أولى من دبي الى الدوحة ممكن الكل يجرب من موقع القطرية.
مثال أخر اذا أستخرجت تأشيرة من الجوازات لمكفولك ولظروف ما لم يحضر تنتظر ستة أشهر أو تدفع للقطرية مبلغ التذكرة في مبنى المطار وتلغي التاشيرة القديمة وبعد استخراج التأشيرة الجديدة تذهب للمطار لأسترجاع قيمة التذكرة ويخصم منك مبلغ 350 ريال لأنك الغيت التذكرة ومع الأسف في الجوازات تناقشت معهم ولكن ذكروا أن المدير يعلم بذلك حتى في الجوازات وهذه أوامر أما الصبر ستة أشهر أو القطرية . أتكلم عن تجربة

gxr o.z

17-07-2008, 05:25 AM

Fine Touch

17-07-2008, 08:29 AM

صراحة... يستاهلون القطريه ....كل سنه يزيدون الاسعار على القطرييين و يرخصون للأجانب...:anger1:

mubarak2000

17-07-2008, 02:47 PM

ابشركم هذا الصيف الشركات الخليجية طيارتهم معبية ركاب والقطرية في عز الصيف اي بلد تحجز تلقى حجز طيارتهم مو مثل كل سنة . السحر بدأ ينقلب على الساحر , وعلى القوة ياالربع خلوكم معانا في المقاطعة

سلمان

17-07-2008, 03:27 PM

غناتي1

17-07-2008, 08:30 PM

اي والله قاطعوها امحق ناقل وطني

لو تشوفون معاملتهم للقطريين خارج قطر اشلون

تتحسفون على فلوس التذاكر اللي مب رخيصه

والعربية استوت خدمتهم احسن من القطريه

انا عن نفسي قعدت اروح ع الاماراتيه