مطلوب معلومات بخصوص فيزا الشنجن

[RJ83]

السلام عليكم ..


بغيت اسوي فيزا الشنجن.. سفرتي بتكون في اول شهر 8 فرنسا وعندي استفسارات ..
1- وين أسوي الفيزا؟؟؟
2- متى أحسن وقت أسوي الفيزا؟؟؟
3- ما المستندات والمرفقات المطلوبة بالكامل ( صور،وثائق، مستندات سوءا من البنك أو العمل، تأمين..الخ؟؟؟
4- هل لازم أروح بنفسي لعمل الفيزا أو ممكن أبعث من يسويها لي؟؟؟
5- وين أقدر أحصل الفورمه الرسمية عالانترنت عشان أمليها ؟؟؟
6- في أي شي ثاني لازم أعرفه ؟؟؟


مشكورين، ويعطيكم العافية

[أم حمد]

السلام عليكم ..


بغيت اسوي فيزا الشنجن.. سفرتي بتكون في اول شهر 8 فرنسا وعندي استفسارات ..
1- وين أسوي الفيزا؟؟؟
2- متى أحسن وقت أسوي الفيزا؟؟؟
3- ما المستندات والمرفقات المطلوبة بالكامل ( صور،وثائق، مستندات سوءا من البنك أو العمل، تأمين..الخ؟؟؟
4- هل لازم أروح بنفسي لعمل الفيزا أو ممكن أبعث من يسويها لي؟؟؟
5- وين أقدر أحصل الفورمه الرسمية عالانترنت عشان أمليها ؟؟؟
6- في أي شي ثاني لازم أعرفه ؟؟؟


مشكورين، ويعطيكم العافية

وعليكم السلام والرحمه

اخوي

وكيل سفرنا تحمل كل شي

حجز التذاكر وعمل الفيز

وهم يرسلون مندوب للسفاره يخصل اجراءات الفيز

طلب منا فقط صور خلفيتها بيضاا

و700ريال رسوم وتامين صحي

وتاخذ اسبوع فالسفاره يعني قبل السفر باسبوعين او ثلاثه يكون افضل عشان مايصير اي تاخير ويجي وقت السفر وانت ماخلصت فيزتك !

هذا بالنسبه لنا احنا العوائل

انتوا الشباب ماادري اذا فيه شي لازم تعرفونه اكثر

:)

والسموحه منك

[RJ83]

مشكوره اختي ..
700 حق كم شخص؟؟

وانتظر ردود ثانية عالمعلومات اللي طلبتها

[ضوى]

فيه فورمة تسحبها من موقع السفارة الفرنسية عالنت

تعبيها كاملة

ترفق معها التأمين الصحي وعادة يكلف 110 لمدة شهر

وحجز الفندق حلى لو عن طريق النت وصور عن التذاكر طبعا

وصور عادية خلفيتها بيضا

والرسوم 350 للفرد

وتطلع خلال يومين إلى اسبوع بالكثير

[أم حمد]

مشكوره اختي ..
700 حق كم شخص؟؟

وانتظر ردود ثانية عالمعلومات اللي طلبتها

العفووو

و700 حق شخص

تشمل رسوم الفيزا

والتامين الصحي

والمكتب والمندوب

/

بس على فكره اذا سويتها بنفسك بيطلبون

صور،وثائق، مستندات سوءا من البنك أو العمل، تأمين..الخ؟؟؟

يعني فك راسك من هالصدعه وعطها مندوب هو يوفر كل شي لهم !!

[hamoor4ever]

ليش 700 ريال
وايد صراحه

اخوي سوها بنفسك بتطلع لك ارخص بواجد يعني بحدود ال 450 يمكن اذا مب اقل سو حجز طياره من غير ماتاخذ التذاكر
وخذ حجز فندق حتى لو ليله واي فندق يمشي حتى لو نجمه وحده
والتأمين اخذه من السفريات وعب الطلب من عند السفاره
وادفع الرسوم اعتقد ب 300 ريال وبس
مافيه اي شي ثاني لا شهاده راتب ولا خرابيط انت قطري اخوي مايحتاج طلبات الراتب او الرصيد

انا سويت حقي وحق ولدي وزوجتي طلع علي كامل من غير حجز الفندق مع الرسوم والتأمين الصحي بحدود اقل من 1000 ريال لثلاث اشخاص مع التأمين وخذت الشنغن حق ثلاث سنوات بعد

[الراقية]

السلام عليكم


يفضل من السفارة الفرنسية لان الدخول يكون من اراضيها


وهذا موقع السفارة يمكنك سحب نموذج الفيزا

http://www.ambafrance-qa.org/spip.php?rubrique=7

ويفضل تعطيها مندوب اذا ماتحب تتبهدل لان السفارة الفرنسية بالدور ويمكن تروح بالاوراق يعطونك موعد للدخول عقب يوم او يومين حسب الزحمة


تحياتي لك

[سهم طويل الأجل]

لوتسويها بنفسك أو تطرش دريولكم حتى أوفر لك ، أنا اتصلت على السفارة وخذت موعد باسم السواق لليوم الثاني ، وراح اليوم الثاني وخذ رقم وسلمهم الأوراق المطلوبة وواعدوه بعد 10 أيام
أنا جهزت الأوراق كلها ورتبت كل جواز بأوراقه
1- تعبئة نموذج الطلب كاملا
2- جواز السفر الأصلي + صورة منه
3- صورتين خلفية بيضاء ( وحدة تلزقها على الطلب والثانية يطلبونها عشان يسوون لها scan)
4- صورة من التأمين الصحي
5- صورة من حجز الفندق وحجز التذاكر
رسوم الفيزا : خذوا على الفيزا الوحدة 343 ريال والمدة على حسب صلاحية الجواز ( مثلا جوازك بينتهي في 2013 يعطونك لين 2012 )
وعندي طفل أقل من سنة ماخذوا عليه ولا ريال ( مجانا )
وفي اليوم العاشر طرشت السواق واستلمها في فترة الاستلام ( اعتقد من 3 - 4 العصر )

ان شاء الله تكون المعلومات مفيدة .

[RJ83]

مشكورين عالردود وجزاكم الله خير ..
بس اكيد ما يحتاج شهادة راتب وكشف حساب لاني سمعت هالكلام من واحد من الربع؟؟؟

[ضوى]

مشكورين عالردود وجزاكم الله خير ..
بس اكيد ما يحتاج شهادة راتب وكشف حساب لاني سمعت هالكلام من واحد من الربع؟؟؟

لا يا خوي ما يحتاج لا كشف راتب ولا كشف حساب

[RJ83]

شكرا أختي ضوى.. زين بالنسبة حق الغير قطريين لازم والا مب لازم ؟؟لان معاي مب قطريين..

[ضوى]

شكرا أختي ضوى.. زين بالنسبة حق الغير قطريين لازم والا مب لازم ؟؟لان معاي مب قطريين..

غير قطريين والله ما عندي فكرة الصراحة السموحة