ممكن استفسار ياشباب بخصوص....

[3esa3]

السلام عليكم ورحمت الله وبركاته

ياشباب ممكن اسفسار بخصوص الكروزر 2008 إذا حد يعرف أسعار الشبك + الشعارات الخلفية(GXR + V6 + LAND CRUSER) اللون الذهبي الخاص ب GXR + مكان يركبهم لي بسعر معقول.وانشاء الله تفيدوووني :nice:

[رآعي موآجيب]

الشبك بــ 750
علامه الاندكروزر بــ 250

شعار الجي أكس ار بــ 120
شعار الفي 8 بــ 90

التركيب الكرستال بــ 200
وبــ 500 مع الخطوط
والخطوط بــ 1850

هالاسعار كلها بعد الخصم
وخبر فيه عندهم نقص على شعارات الجي اكس ار والفي 8

وموفق يالغالي

[الهاوي28]

الخطوط سواء الجي اكس او الجي اكس ار

عند محل القطرية لقطع الغيار في الصناعيه

سعرهم 1350 ريال واصليين من الشركة لانهم موزعين لقطع الغيار

[رآعي موآجيب]

الخطوط سواء الجي اكس او الجي اكس ار

عند محل القطرية لقطع الغيار في الصناعيه

سعرهم 1350 ريال واصليين من الشركة لانهم موزعين لقطع الغيار

سعره ممتاز

عجل شيك على باقي الاغراض عندهم

[3esa3]

يعطيكم العافيه ياشباب ماقصرتوا ومشكورين على الرد السريع..

[فلفل حار]

اخوي في شبك جكسار 2008 ياي من اليابان عـ السياره يعني لا قطع غيار ولا غيره ، وراعيه شايله ومركب شبك فكسار

الشبك نظيف مافيه شمخ ويبيعونه بالوكاله فوق الـ600

راعيه يقولك هات 300 وتوكل على الله ويقولك باقي العلامات خذها من محل عجلان أرخص لك من الوكاله بـ وايد وارخص من القطري بـ شوي

وبعد عند الرجال دواسة الحديد العاديه مالت الجكسار ومغيرها ويبي يبيعها بس ناقصها اطرافها البلاستيك ، ومايدري كم سعرها بالوكاله بس يقولك سومها وخذها ومافيها شموخ ونظيفه وايد والتركيب عشر دقايق عند كراج بدليك عليه ومابياخذ منك الا يمكن 30 ريال لانه تركيبها تافه جدا وممكن تسويه بـ نفسك لو لك بارض

وبالنسبه لتركيب الشبك والعلامات مايبيله شي واذا تبي بركبه معاك بس بشرط لازم تجيب جكسار عشان تطابق وين تركب العلامات بالانش ، ولا بدليك عـ كراج زين بالغرافه يضبط لك امورك ونصيحه ابتعد عن محلات الزينه في تركيب هـ الاشياء ، وثرى سعر يده معقول وانت بعد كاسره ههههه خبرك كل شي زاااد وانت شوف الي يريحك

وقبل لانسى ، ابعد عن الكرستال ثرى شغل يده صاير اي كلام من زود الاستهتار بحكم انه محل مشهور وسعر يده نااااااار

والخطوط ركبها في الوكاله ولا مكان الأ الوكاله مع العلم انه في مغاسل يضبطون التركيب ، بس اسعار شغل يدهم من اسعار الوكاله وانت لي ركبتها بالوكاله نفسيتك مرتاحه لانهم يضبطون القياسات بـ الانش ومابتقعد تشيك عليهم وتوسوس

الريال صاحب الشبك والدواسات عنده خلفيات بسيطه عن الموضوع وان شاء الله بسئله لك لو بـ خاطرك أي أسئله ثانيه