سؤال للي راحو ابراج مكه بالسياره

[حشيم]

السلام

ناوي على مكه ان شاء الله بالسياره مع الاهل وباسكن في ابراج مكه لكن محتار الشنط الي معاي واجد وابقي اركب العرشه لكن اخاف اذا ركبتها ما يدخل الموتر مواقف الابراج الي تحت واذا خذت العربانه القلص بتكون عله ولازم احاسب لها

الي راح ممكن يفيدني هل مواقف الابراج يدخل فيها الموتر بالعرشه
على فكره الموتر لاند كلوزر

مع الشكر للجميع

[Qa6ar]

عليكم السلام

ماراح يدخل موترك تحت بمواقف الابراج اذا ركبت العرشه لان السقف نازل كثير

خذ لك قلص احسن لك ولاحط بببالك انك ماراح اتوقف تحت

[حشيم]

جزاك الله خير

[Qa6ar]

ونتمنى لك رحله سعيده وتقبل الله طاعتكم مقدما

[fadhel]

أتمني لك رحلة سعيده
انا تعودت ان اسافر الي مكة اول مرة ركبت العرشة وسوت لي مشكلة في الدخول في مواقف الابراج.
ثاني سفرة خذت العربة وكانت اريح شي سويتة,
علي العموم :
أذا بتسافر بالعرشة وقف في مواقف الباصات ونزل اغرضك للسكن,
ولا توقف في مواقف الابراج غالية شوي,
علي بعد نصف كيلو توجد مواقف ارخص لك بوايد بعد الجسر علي طول وقف هناك المده اللي تحب

[oqbah]

غلطان توقف عندهم
ابعد كيلو ولا كيلوين ولبق عند بنك لانه عليه حراسات وتطمن اكثر على حلالك
علما بانه ولله الحمد والمنه مكه امنه بمعنى الكلمه

[طاش]

اخوي شنو سيارتك ترى فيه نف السلة تركب في الهوك الي في السيارة من ورى حلوة واذا نزلت الاغراض تقدر اتصفطها وتنباع في محلات الزينة

[راعي ال2008 الاسود]

اشتر لك قلص وحمل فيه الشناط ابرك من العرشة وبعد العرشة ماتدري اذا شناط واجد يمكن تطيح شنطة
وانت ماتدري عنها خذ لك قلص ومسكر ابرك لك وبالتوفيق واتمنى لك رحلة سعيدة بس ادعي للمسلمين
للاحياء والاموات ان الله يغفر لهم ذنوبهم وبالتوفيق لك ان شاء الله وترووح وترجع بالسلامة

[الحـــوت]

لتاخذ قلص القلص بيلعوزك يمكن يبنجر ويلعب فى الخط اذا نوعه مب زين
ركب عرشه ووقف بمواقف اسمها محبس الجنن قريبه تحت الجسر وامانه