عطوني رايكم بالسفر للولايات الامريكيه؟؟

[المهاجر]

افكر اقضي اجازتي هالصيف بامريكا ياريت من اهل الخبره انهم يعطوني رايهم من ناحية السكن والمعيشه والاماكن السياحيه والمواصلات

يعني باختصار من جميع النواحي

خصوصا اني باودي العيال معاي

وكل الشكر للجميع

:telephone::telephone:

[بدور]

واشنطن دي سي روعه وفيها حدائق سياحيه وتزور البيت الابيض ومجمعات

ماجربت فنادقها لاني كنت ساكنه في فرجينيا ويفصل بين واشنطن وفرجينيا 5 جسور قصيره

وفيه سكن ابراج سكاي لاين سكوير انا سكنت شققهم روعه وراقيه وسيكورتي 24 ساعه

فيها أجار شهري واعتقد اسبوعي للسواح اسعارها مناسبه

لوس انجلوس سكنت في فندق الماريوت راقي تشوف هوليوود من الشباك

وتطلع فوق وتشوف قصور المشاهير والممثلين على طول الطريق وانت رايح هوليوود

وعندك مجمعات كثيره وحلوه للتمشي اسعارها غاليه

لاس فيغاس ليلها نهار ونهارها ليل فأنت تاخذ راحتك فيها مقاهي ومبانيها روعه

واضاءاتها خلابه تقدر تروح لها يومين تمشي وبس لا يلعب عليك الشيطان:secret: وتقول بجرب:secret:

نيويورك بلد غاليه جدا بس عالم وضجه وانتبه من السرقات والاجرام لاتطلع بالليل متأخر

ولا تحاول تاخذ من الزنوج الساعات والمجوهرات اللي يعرضونهم عليك في الطريق كلها مسروقه وسعرها مايتعدى 50 دولار

تحذر منهم ولا ترد عليهم فيها مجمعات وماركات عالميه وتمشي وشرحه

ديزني لاند .. ووالت ديزني ضروري واكيد بتمر عليهم عندي صور شخصيه جداً والا كنت بنزل لك صور امريكا

هذا اللي اتذكره رحت ولايات كثيره تمشي بس وربي ناسيه اساميهم لانهم مرور واستراحة ليلة وحده ونواصل السفره

امريكا بالنسبه لاوروبا وايد ارخص كل شي فيها ارخص من اوروبا

المهم تأجر فان هو اللي بيريحك للسفر بين الولايات وبتستانس وناسه من قلب

اتمنى لك سفره سعيده برفقة العائله الكريمه:)

[المهاجر]

تسلمين يابدوور على هالتقرير المختصر والمفيد يعني تنصحيني اروووح لها

ودي اعرف سفره لمده شهر تقريبا كم تلكف مع العائله

وبعدين شلون يلعب علي الشيطان وشنهو ما اجربه


:omen2:

[ابوعلي]

واضاءاتها خلابه تقدر تروح لها يومين تمشي وبس لا يلعب عليك الشيطان:secret: وتقول بجرب:secret:


:eek5::eek5::eek5::eek5:

[المهاجر]

:eek5::eek5::eek5::eek5:


بسم الله وانت داش تخرعنا وبس

على الاقل عطني رايك

:rolleyes2:

[وطن]

تسلمين يابدوور على هالتقرير المختصر والمفيد يعني تنصحيني اروووح لها

ودي اعرف سفره لمده شهر تقريبا كم تلكف مع العائله

وبعدين شلون يلعب علي الشيطان وشنهو ما اجربه


:omen2:

لا تجرب العابهم

:tease:

[ابوعلي]

بسم الله وانت داش تخرعنا وبس

على الاقل عطني رايك

:rolleyes2:

http://travel.maktoob.com/vb/travel143551/


http://travel.maktoob.com/vb/travelarab174/

[المهاجر]

لا تجرب العابهم

:tease:

انا الحمد لله ما احب الالعاب

وطن قوليلي رايج
:omen2:

[المهاجر]

http://travel.maktoob.com/vb/travel143551/:victory::victory:

شنهوووو ذي يابوعلي

الرابط ما يفتح

ليكون انت حاذف الوضوع

:rolleyes2:

[وطن]

ما رحت ذاك الصوب للحين

بعيد علي

الرحلة طويلة

:)

[المهاجر]

ما رحت ذاك الصوب للحين

بعيد علي

الرحلة طويلة

:)

عيل ليش تقولين لاتجرب العابهم

بس هي تخريع وخلاص

:anger1:

[وطن]

عيل ليش تقولين لاتجرب العابهم

بس هي تخريع وخلاص

:anger1:

هاهاهاهاهاها
العاب مو العاب ملاهي

الألعاب في لاس فيغاس

قماااااااااااااار



لا تخلي الشيطان يقص عليك

:victory:

[ابوعلي]

شنهوووو ذي يابوعلي

الرابط ما يفتح

ليكون انت حاذف الوضوع

:rolleyes2:

جرب يالغالي:nice:


http://travel.maktoob.com/vb/travel143551/


http://travel.maktoob.com/vb/travelarab174/

[المهاجر]

هاهاهاهاهاها
العاب مو العاب ملاهي

الألعاب في لاس فيغاس

قماااااااااااااار



لا تخلي الشيطان يقص عليك

:victory:

لا ان شاء الله الله يبعدنا عن القمار

الحين عرفت السالفه
:nice:

[المهاجر]

جرب يالغالي:nice:


http://travel.maktoob.com/vb/travel143551/


http://travel.maktoob.com/vb/travelarab174/

اي الحين فتح

تسلم يالغالي

بس انا ودي اعضائنا هم اللي يقولون لي

علشان اذا بغيت اي شي استفسر منهم



:nice:

[وطن]

لا ان شاء الله الله يبعدنا عن القمار

الحين عرفت السالفه
:nice:

:victory:

[المهاجر]

:victory:

اليهال يسئلون العابهم حلوه

:)

[بدور]

تسلمين يابدوور على هالتقرير المختصر والمفيد يعني تنصحيني اروووح لها

ودي اعرف سفره لمده شهر تقريبا كم تلكف مع العائله

وبعدين شلون يلعب علي الشيطان وشنهو ما اجربه


:omen2:

بالنسبه للمبلغ الخاص عاد انت تعرف مصاريفك وتقدر تقرر كم تاخذ معاك

بس المعيشه ارخص من اوروبا وحتى السكن ارخص لانه بالشهر بالنسبه للشقق

انت اهم شي تاخذ لك فان للتنقل

ماراح تكلفك السفره نفس تكلفة اوروبا خذ بطاقاتك الفيزا

وبيدك خذ 20000 دولار وان انقصك عندك البطاقات:nice:

وبالنسبه لايلعب عليك الشيطان لان لاس فيغاس مدينة القمار وبتلاقي عائلات خليجيه

وايد للسياحه لانها مدينه خلابه تلمع :eek5::omg: وتشكيلة العمارات فضيعه

تراها رخيصه مش غاليه انا جلست فيها اسبوعين وناسه عيالك بيستانسون في فنادقها

السيرك والمصارعه :omen2::omen2: تشوفهم قدامك وناسه :victory:

[المهاجر]

بالنسبه للمبلغ الخاص عاد انت تعرف مصاريفك وتقدر تقرر كم تاخذ معاك

بس المعيشه ارخص من اوروبا وحتى السكن ارخص لانه بالشهر بالنسبه للشقق

انت اهم شي تاخذ لك فان للتنقل

ماراح تكلفك السفره نفس تكلفة اوروبا خذ بطاقاتك الفيزا

وبيدك خذ 20000 دولار وان انقصك عندك البطاقات:nice:

وبالنسبه لايلعب عليك الشيطان لان لاس فيغاس مدينة القمار وبتلاقي عائلات خليجيه

وايد للسياحه لانها مدينه خلابه تلمع :eek5::omg: وتشكيلة العمارات فضيعه

تراها رخيصه مش غاليه انا جلست فيها اسبوعين وناسه عيالك بيستانسون في فنادقها

السيرك والمصارعه :omen2::omen2: تشوفهم قدامك وناسه :victory:

تسلمين بدور والله

يعني نقول 200،000 ريال يمشون الحال

[بدور]

ما رحت ذاك الصوب للحين

بعيد علي

الرحلة طويلة

:)

كنت اجلس بلندن اسبوعين ترانزيت خخخخخ:eek5: مقطوع سري فيها

وبعدين اروح واشنطن 7 ساعات يعني المسافه نفس دوحه لندن:nice:

[بدور]

تسلمين بدور والله

يعني نقول 200،000 ريال يمشون الحال

اممممممممم مدري انت جرب بس الفيزا ضروري تكون معاك وعلى حسب الصرف:(

انا اشوف 200000 اوكي مبلغ حلو وبريحك بامريكا شهر واكثر بس لندن وباريس لالالالالا مستحيل

[المهاجر]

اممممممممم مدري انت جرب بس الفيزا ضروري تكون معاك وعلى حسب الصرف:(

انا اشوف 200000 اوكي مبلغ حلو وبريحك بامريكا شهر واكثر بس لندن وباريس لالالالالا مستحيل


زين حلو نخليهم 250.000 احتياط

واكيد الفيزا بتكون موجوده


هي السفره تقريبا شهر بس يمكن تكون اقل يعني 25 يوم

[بدور]

زين حلو نخليهم 250.000 احتياط

واكيد الفيزا بتكون موجوده


هي السفره تقريبا شهر بس يمكن تكون اقل يعني 25 يوم

ان شاء الله بيكفيك المبلغ وماتحتاج للفيزا بس خلها للاحتياط

صدقني بتكون رحله فيها متعه وراحه نفسيه وبتقول كل سنه بروح جوله في امريكا

توكل على الله ولاتنساني بالدعاء :)

رحله سعيده ان شاء الله

[المهاجر]

ان شاء الله بيكفيك المبلغ وماتحتاج للفيزا بس خلها للاحتياط

صدقني بتكون رحله فيها متعه وراحه نفسيه وبتقول كل سنه بروح جوله في امريكا

توكل على الله ولاتنساني بالدعاء :)

رحله سعيده ان شاء الله

يعلج سالمه يابدوور
والله يوفقج ويجزيج الخير

:nice:

وما زلت انتظر راي باقي الاعضاء اللي راحوا امريكا

[الصدى الخالد]

زين حلو نخليهم 250.000 احتياط

واكيد الفيزا بتكون موجوده


هي السفره تقريبا شهر بس يمكن تكون اقل يعني 25 يوم

ايش رايك تعطيني اياهم واطرشهم لك على دفعات :victory:

[المهاجر]

ايش رايك تعطيني اياهم واطرشهم لك على دفعات :victory:

:rolleyes2::rolleyes2:

من حضرتك علشان اعطيك اياهم

توك جديد بالمنتدى وتبي تاخذ الفلوس بعد

:omen2:

[lalamar]

تروح وترجع بالسلامه

[المهاجر]

تروح وترجع بالسلامه

الله يسلمك من كل شر

ياريت لو تفيدني بخبراتك

اكيد لك صولات وجولات بامريكا

:)

[الهاوي28]

يه يه هاذي بركات بوعابد عليكم جاب لكم الشهاده الثانويه

وبتودونه امريكا

يستاهل بوعابد واخوانه السفره

وبالسلامه ان شاء الله

[lalamar]

الله يسلمك من كل شر

ياريت لو تفيدني بخبراتك

اكيد لك صولات وجولات بامريكا

:)

لي ماضي أسود :nice:

[المهاجر]

يه يه هاذي بركات بوعابد عليكم جاب لكم الشهاده الثانويه

وبتودونه امريكا

يستاهل بوعابد واخوانه السفره

وبالسلامه ان شاء الله

تستاهل الخير اخوي

عبدالله ان شاء الله يرووح يكمل دراسته هنااااك


والله يسلمك من كل شر

[المهاجر]

لي ماضي أسود :nice:

:rolleyes2::rolleyes2:


الله يجعل مستقبلك ابيض ياخوي

[حقيقه]

250,000 :eek5:

تروح وترد بالسلامه

[المهاجر]

250,000 :eek5:

تروح وترد بالسلامه

الله يسلمج اختي

ليش المبلغ شوي
:omen2:

[التيما]

اخوي المهاجر المبلغ الي حاطة انت للرحلة واايد مناسب وبيعيشكم ولا احلى عيشه وvip بعد .. بس ما اايد تاخذ معاك مبلغ عود كاش .. ولازم يكون معاك خردة دولارات لزوم المطار وفي المطار خلك كول معاهم ولازم يكون جوابك لو يسألونك على قد السؤال واجابتك محددة وواضحة .. ونصيحة لازم تخلي حد ينطرك في المطار لان التكاسي واايد غاليه .. انا قعدت في ولايه اوهايو في عاصمتها كولمبوس .. وهي معروفه كلها عرب .. ورحت نيويورك وهي مدينه غاليه صراحة بس حلوووه وااايد .. ورحت لاس فيجاس وهي المدينه الي ما تنام .. وعلى البلاوي الي فيها بالليل بس صراحه الي ماراحها كأنه ما شاف الولايات المتحدة الأمريكية .. ورحت ديزني لاند فلوريدا مدينه الشمس والبحر .. صراحه راح تستانس والعيال اكثر من بيستانس .. واعتمد على البطاقات مثل الفيزا والماستر كارد .. ولا تنسى تصور .. تروحون وتردون بالسلامه ان شاء الله ..

[المهاجر]

اخوي المهاجر المبلغ الي حاطة انت للرحلة واايد مناسب وبيعيشكم ولا احلى عيشه وvip بعد .. بس ما اايد تاخذ معاك مبلغ عود كاش .. ولازم يكون معاك خردة دولارات لزوم المطار وفي المطار خلك كول معاهم ولازم يكون جوابك لو يسألونك على قد السؤال واجابتك محددة وواضحة .. ونصيحة لازم تخلي حد ينطرك في المطار لان التكاسي واايد غاليه .. انا قعدت في ولايه اوهايو في عاصمتها كولمبوس .. وهي معروفه كلها عرب .. ورحت نيويورك وهي مدينه غاليه صراحة بس حلوووه وااايد .. ورحت لاس فيجاس وهي المدينه الي ما تنام .. وعلى البلاوي الي فيها بالليل بس صراحه الي ماراحها كأنه ما شاف الولايات المتحدة الأمريكية .. ورحت ديزني لاند فلوريدا مدينه الشمس والبحر .. صراحه راح تستانس والعيال اكثر من بيستانس .. واعتمد على البطاقات مثل الفيزا والماستر كارد .. ولا تنسى تصور .. تروحون وتردون بالسلامه ان شاء الله ..

:nice::victory::nice:

تلسمين التيما على ردج وتوضيحج لامور مهمه

واكيد اذا بغيت استفسر باستعين فيج

:telephone:

[مواش]

لاتاخذ معاك فلوس نقد اكثر من 10آلاف دولار أكثر بتروح فيها سين وجيم ممنوع 5000دولار أفضل

لازم عندك عنوان واضح وين بتسكن وتكتبه في الفورما عند الدخول ، افضل تاخذ الرحلة ومساراتها عن

طريق مكتب سفريات في الدوحة --- وتبدأ من مدينة فيها العاب دزني وحدة في اورلاندو والثانية دزني لاند في

الشرق ---- تسكن في فنادق او مجمع سكني --- المدن في الشمال افضل واهلها طيبين في الجنوب زحمة

وتكثر الجرائم مدن نسبة الفقر فيها مرتفع

[التيما]

لاتاخذ معاك فلوس نقد اكثر من 10آلاف دولار أكثر بتروح فيها سين وجيم ممنوع 5000دولار أفضل

لازم عندك عنوان واضح وين بتسكن وتكتبه في الفورما عند الدخول ، افضل تاخذ الرحلة ومساراتها عن

طريق مكتب سفريات في الدوحة --- وتبدأ من مدينة فيها العاب دزني وحدة في اورلاندو والثانية دزني لاند في

الشرق ---- تسكن في فنادق او مجمع سكني --- المدن في الشمال افضل واهلها طيبين في الجنوب زحمة

وتكثر الجرائم مدن نسبة الفقر فيها مرتفع

واذا تبي رايي خلهم الف دولار بس .. ترى العربانات هناك في مطارهم بفلوس عشان جذي قلت لك خذ خردة معاك .. بس الف دولار خله سبير للضرورة ونصيحة لا تاخذ أكثر منها .. واكتبهم في الفورمه ولا تقول مب كاتبهم .. الفورمه الي بتكتب فيها اكتب الي تعرفه والي ماتعرفه خله ولا تقول بسأل الأمن لانهم بيرجعونك لآخر السيد مره ثانيه .. واكتب كل شي بوضوح وكل فرد منكم له فورمة والأحسن اكتبهم في الطيارة واسألهم عنها لو ما عطوك الفورمه في الطيارة .. ولمن يسألونك خل ردك واضح ومحدد لاتقولهم يمكن ويمكن .. بس صدقني بتمر سهالات وبتستانس .. وحاضرين لأي استفسار أخوي .. :nice:

[ابوعلي]

واذا تبي رايي خلهم الف دولار بس .. ترى العربانات هناك في مطارهم بفلوس عشان جذي قلت لك خذ خردة معاك .. بس الف دولار خله سبير للضرورة ونصيحة لا تاخذ أكثر منها .. واكتبهم في الفورمه ولا تقول مب كاتبهم .. الفورمه الي بتكتب فيها اكتب الي تعرفه والي ماتعرفه خله ولا تقول بسأل الأمن لانهم بيرجعونك لآخر السيد مره ثانيه .. واكتب كل شي بوضوح وكل فرد منكم له فورمة والأحسن اكتبهم في الطيارة واسألهم عنها لو ما عطوك الفورمه في الطيارة .. ولمن يسألونك خل ردك واضح ومحدد لاتقولهم يمكن ويمكن .. بس صدقني بتمر سهالات وبتستانس .. وحاضرين لأي استفسار أخوي .. :nice:

الله يهديج اختي التيما :anger1::anger1:

خليه ياخذ افلوس وايد معاه لأني مخطط ان اخطفه :victory:

[التيما]

الله يهديج اختي التيما :anger1::anger1:

خليه ياخذ افلوس وايد معاه لأني مخطط ان اخطفه :victory:

الحين مين الشرير فينا :con2:













وبعدين انا كاتبه لسته بعطيه ييبها لي من هناك :tease:

[المهاجر]

لاتاخذ معاك فلوس نقد اكثر من 10آلاف دولار أكثر بتروح فيها سين وجيم ممنوع 5000دولار أفضل

لازم عندك عنوان واضح وين بتسكن وتكتبه في الفورما عند الدخول ، افضل تاخذ الرحلة ومساراتها عن

طريق مكتب سفريات في الدوحة --- وتبدأ من مدينة فيها العاب دزني وحدة في اورلاندو والثانية دزني لاند في

الشرق ---- تسكن في فنادق او مجمع سكني --- المدن في الشمال افضل واهلها طيبين في الجنوب زحمة

وتكثر الجرائم مدن نسبة الفقر فيها مرتفع

تسلم مواش على مرورك وتوضيحك الهام

ما قصرت والله

[المهاجر]

واذا تبي رايي خلهم الف دولار بس .. ترى العربانات هناك في مطارهم بفلوس عشان جذي قلت لك خذ خردة معاك .. بس الف دولار خله سبير للضرورة ونصيحة لا تاخذ أكثر منها .. واكتبهم في الفورمه ولا تقول مب كاتبهم .. الفورمه الي بتكتب فيها اكتب الي تعرفه والي ماتعرفه خله ولا تقول بسأل الأمن لانهم بيرجعونك لآخر السيد مره ثانيه .. واكتب كل شي بوضوح وكل فرد منكم له فورمة والأحسن اكتبهم في الطيارة واسألهم عنها لو ما عطوك الفورمه في الطيارة .. ولمن يسألونك خل ردك واضح ومحدد لاتقولهم يمكن ويمكن .. بس صدقني بتمر سهالات وبتستانس .. وحاضرين لأي استفسار أخوي .. :nice:

يعلج سالمه التيما

:nice:

ما قصرتي والله

[المهاجر]

الله يهديج اختي التيما :anger1::anger1:

خليه ياخذ افلوس وايد معاه لأني مخطط ان اخطفه :victory:

:omg::eek5:

:telephone:

زين قولي متى بتخطفني

الله ونااااسه

مشرف بيخطفني

[المهاجر]

الحين مين الشرير فينا :con2:













وبعدين انا كاتبه لسته بعطيه ييبها لي من هناك :tease:

شفتي شلون التيما

:weeping:

الحين انا في خطر

:(



افا عليج برزي اللسته ومن عيوني والله

:)

بس اهم شي تحميني من هالشرير

[فريق أول]

افكر اقضي اجازتي هالصيف بامريكا ياريت من اهل الخبره انهم يعطوني رايهم من ناحية السكن والمعيشه والاماكن السياحيه والمواصلات

يعني باختصار من جميع النواحي

خصوصا اني باودي العيال معاي

وكل الشكر للجميع

:telephone::telephone:


اخوي المهاجر اهلا فيك

السياحة في امريكا ممتعة جداا جداا جداا

بس مشكلتها المسافة وطول الرحلة على العائلة

امريكا بلد كبير جدا ... وبحجم يقارب حجم دول اوروبا مجتمعة

اسعارها اقل من اوروبا وايد ... وفيها الحياة شغالة 24 ساعة




اذا كانت اجازتك اكثر من اسبوعين ... انصحك تاخذهم الى اورلاندو في ولاية فلوريدا ... مثلا

فيها حدائق دزني لاند المشهورة ( 8 حدائق ) ... كل حديقة يبيلك يومين حتى تخلصها كلها

http://disneyworld.disney.go.com/wdw/index


درجة الحرارة في هذه الايام ما بين 23-33 مئوية

http://www.weather.com/outlook/travel/businesstraveler/local/USFL0372?from=search_city


رحلة الطيران اللي انصحك فيها ... من لندن مباشرة الى اوراندو ( مدة الرحلة 9 ساعات وربع )

اول ما تنزل تؤجر لك سيارة من المطار ... وتستخدم GPS وعلى طول للفندق

السواقة سهله جدا في امريكا ... ويجب ان يكون عندك الليسن الدولي

السيارة ضرورية جدا في معظم مناطق امريكا بسبب بعد المسافات ( عكس نظام اوروبا كل شي قريب منك )

من الضروري يكون عندك GPS ... حتى تعرف وين تروح ... واشلون ترجع ... والاهم ان في GPS ... كل المعلومات اللي تبيها

مثلا ... تقدر تبحث عن اقرب مول او مجمع تجاري لك وانت في اي مكان ... او اقرب مطعم او غيره


واذا تبي معلومات عن مدينة اخرى .. لا تتردد بالسؤال

[عذب الكلام 1]

الموضوع شيق وجزاك الله خير يا المهاجر علي الموضوع انا استفدت من الموضوع وايد والشكر موصول لكل مشارك

[VIPLady]

تروح وترجع بالسلامه انشالله

وامريكا على بعدها لكن اول ما توصل من كثر ماهي تجنن و اكيد بتكون لك ذكريات وايد حلوه فيها .. تنسى تعب الرحله كلها
وانصحك اذا تحب الطبيعه تروح صوب كلفورنيا لانها تجنن
تاجر لك سياره و تنتنقل من مدينه لمدينه فيها .. مر على سان فرانسيسكو تجنن و يوسيمتي بارك وحاول انك تحجز كل فنادقك من هني و تنظم تواريخ وصولك المدينه نفسها

والحين اسهل من قبل نروح لندن ترانزيت طبعا لازم كم يوم ...
بس الحين تقدر تروح واشنطن دي سي دايركت و تقعد فيها كم يوم لانها حلوه ولها جوها و اماكنها . بس عيبها وايد عرب كانها لندن :) في كلفورنيا لهم اماكنهم بس واشنطن لان المنطقه الي بتسكت فيها اكيد بتكوون تايسن كورنر قريبه و منطقه حيويه و منها تنتقل من مكان لمكان
ونظام امريكا غير عن اوربا كلش ولو عندك احد تعرفه يكون افضل انه اول شي يستقبلك بالمطار .. لا تستخدم التكاسي عمرنا ما عرفنا شكلها الا من برى يقولون خطره مادري بعد و بعدين اصلا امريكا الاعتماد الكلي على تاجير السيارات والتكاسي نادر محد يستخدمها من السياح ...

وعلى التكلفه اكيد بتكلفك اقل من اوروبا
لكن في الشوبنق بتكون شوي اغلى لان التاكس اكثر(اقصد الاغلى في الماركات الي مو امريكيه بس) .. على حسب الولايه واشنطن تاكسهم اقل من لوس انجلوس .. يعني لو راح تشتري من بوتيكات وماركات اوروبية او ايطاليه راح تكون في فرنسا و لندن ارخص ( انا مجربه ومقارنه) .. لكن الماركات الامريكيه تلقاها اوكي وارخص وحتى العطورات خذ العطورات الامريكيه مو الاوروبيه

وسلم لي على كل شارع وكل مول هناك :) وخاصه تايسن وااو ذكريات :)

والله يوفقك

[المشط]

تروح وترجع بالسلامه اخوي

اخوي في مطار امريكا بينشدونك كم معاك كاش اذا اكثر من 10 الف دولار مشكله الافضل تاخذ مبلغ صغير والباقي في البطاقه

وبالنسبه حق مدينه لاس فيغاس نصيحه لاتروح لها لانها كلها اقمار وفساد

واشنطن دي سي مدينه عائليه بس ممله شويه بس تعجب ناس وايد يعني مب غلط تروح لها

نيويورك حلوه وتجاريه بس غاليه وايد

معاك اطفال عليك با ديزني لاند الحب الاول والاخير لهم وهي غنيه عن التعريف تقدر تحجز داخل ديزني فله او فندق لمده 5 ايام او اسبوع

وعندك سفينه كروز ( مدينه متحركه ) فيها كل شي وسعر السكن شامل جميع وجبات الطعام 12 طابق ومتوفر فيها كل شي من مطاعم الى سينما الى اسواق
كل يوم في بلد جديد .. ترقد اخر الليل وعند الصبح تشوف السفينه في ميناء بلد جديد .. وتقدر تنزل البلد وتتسوق لين الساعه 5 لازم ترجع السفينه .. وعلى نفس هذا الحال لمده 10 ايام كل صبح في بلد جديد
http://www.weblo.com/asset_images/large/463b85dee26d8.jpg

اتمني لك رحله سعيده اخوي

[المهاجر]

كل الشكر لكل من شارك ورد على الموضوع ووضح امور مهمه وعطاني خلفيه عن السفره والاماكن السياحيه والتكلفه

لكن للاسف السفره انلغت لاسباب خارجه عن الاراده
:(:(

والظاهر بنغير الوجهه لمكان ثاني

:omen2:

يعطيكم الف عافيه وما قصرتوا

[jajassim]

كل الشكر لكل من شارك ورد على الموضوع ووضح امور مهمه وعطاني خلفيه عن السفره والاماكن السياحيه والتكلفه

لكن للاسف السفره انلغت لاسباب خارجه عن الاراده
:(:(

والظاهر بنغير الوجهه لمكان ثاني

:omen2:

يعطيكم الف عافيه وما قصرتوا

ممكن نعرف السبب ،، هل من اجراءات الفيزا ؟ :pic:

[امل الحب]

:omg:

خيرها بغيرها .. كنت داخلة بقول الي عندي عن الوطن الام..

ووين ماكانت تروحون وترجعون بالسلامة :)

[brent]

ارشح لك تكساس و فلوريدا
اما نيويورك وشيكاغو ما انصحك
فيهم كلش الشي الوحيد المميز في

المدينتين الابراج وناطحات السحاب فقط

وامريكا ارخص من اوروبا وايد

انا متواجد في شيكاغو الان عندي شغل :omen2:
تروح وترجع بالف سلامة

[لاداعي]

الله يوفقك وين مارحت يا المهاجر

[جوووري]

الله يوفقك انشالله >انصحك تروح كلورادو يعني اهي للجبال وروعه ومصايف صراحه قمه بالجمال واهي اسعارها مناسبه اشوفها يعني كلورادو يجونها بس اتصيف بين الجبال والطبيعه فيها وفيها اماكن للسكن بين الجبال وامان بأذن الله

[مزيون الدوحه]

بصراحه الاخت بدور ريحتني من الرد
سبحان الله كل الي شفته قالته الظاهر متقمصه شخصيتي :nice:
وبخصوص المبلغ فوق الممتاز واعتقد واجد بعد
وبستانس انت واليهال وشوف الفرق بين امريكا و اوروبا
سواء من الاسعار او معاملة الشعب لك
من وجهة نظري شعبهم محترم جداً جداً وخدوم ويحب المساعده
غير عن الاوروبيين وخاصه الانجليز .
وتحياتي لك وان شاء الله تستانس بالرحله وترجع بالسلامه :victory:

[&الناوي&]

الله يوديكم و يردكم بالسلامه

[بيسان]

ميامي حلوة بعد
سنسناتي كمان حلوة ، فيها جبال وانهار وملاهي ضخمة

بس اذكرك
لا تشد الرحال الا الى ثلاث
والله يسهل طريقك

انا كنت قبل فترة بديتن ، برده حلوة

[100$]

شرايك تعطيني 250 الف

وانا امشيك مدة شهر في جميع دول الخليج وسوريا وردن ومصر

9 دول اخذ فيك لفه لاحسن المناطق فيها شرااايك ؟

[book 1]

انصحك روح سياتل حق الطبيعه الحلوه و المطر و بعدين روح ديزني لاند في افلوريدا التذكره 60 دولار حق يوم كامل بعدين روح شيكاغو حق التسوق روح فيرست مايل يذا ماخنتني الذاكره بتحصل مول فيه كل الماركات لا و ابينادونك شيخ تعال شيخ روح يذا تبي مساعده امر انا عشت في امريكا 8 سنوات لين رجعت قطر

[book 1]

صباح الخير غلوم السموحه طال عمرك ماقدر ارسل على الخاص للحين ماعندي مشاركات فوق الخمسين.بنسبه حق انديانا تراها حلوه و جنبك شيكاغو بس السموحه ماعندي خلفيه عليها طبيتها مره وحده بس و من اسنين انا انصحك اتروح سياتل او فلوريدا جوهم عائلي بعدين عن الاامان الازم اتحاسب على نفسج و تنقي ربعك عدل و بخصوص المبلغ الي حطيته ترااه و ايد و ايد و لا تنسى الدولاار طاح و انت المستفيد يمكن كم يوم تحتاج مبالغ و ايد عشان تشتري اثاث و ادور شقه لانهم بيدفعونك الاجار حق اخر شهر من العقد و التامين بعدين في جمعيات ارخيصه و ايد مثل والل مارت حلو و ارخيص بتحصله في كل مكان اي شي ثاني طال عمرك امر و تدالل