M!ss D!or
23-06-2008, 12:08 AM
كان رقمه بالمقعد الذي بجواري في الطائره وبعد السلام عليكم سالني الاخ سعودي ؟؟؟ قلت ايه والله سعودي وفي قلبي طاير من الفرحه واقول معقوله يكون شكلي للدرجه هذي لبناني ... عاد ليته سكت وخلى فرحتي تكمل الا قال والله ياخي اسمح لي عيونك تقول ....... واذانك اذان ......
و شعرك تقل كشة ....... (( لا ظريف الاخ )) ... الخ الخ الخ ... المهم انه باين عليه حبيب وطيب وهذا الشيء جعل مؤشر الخوف من ركوب الطائره يخف لكن للاسف بعض الناس وربي ما يعرف كيف يتكلم ولا يعرف ينطم اساساً وقالك بينكت وهو يسالني الحين لو اقلعت الطائره وطاحت بالبحر كيف بتقدر تعوم ويدك بالجبس ومعلقه برقبتك ؟ واكمل المدعو تنكيتاته بقوله شوووووف تراني دب ويالله اشيل نفسي يعني ماني منقذك (( تكفى يا الدلفين )) ... اما انا فوصلت الروح للحلقوم وصرت احس اني اتنفس من من عروق راسي ... المشكله انه يتكلم وهو يطالع بالجريده ولو لف راسه وشاف وجهي اللي صار بلون مكياج صباح الشحروره كان انكتم ... والظاهر انه سمعني وانا اتحلطم وسألني خير ياخوي اشفيك تكلم نفسك ؟ قلت لا ابد بس قاعد ادعي دعاء السفر واعوذ بالله من وعثااااء السفر ... وفوق هذا المضيفه كل شوي جايتني تقول افتح الدريشه ... افتح الدريشه ... لازم تفتح الدريشه قبل الاقلاع كن ما عندها بالطياره غيري (( الا عساني اشوفهم يفتحون قبرك بس بعد الهبوط عشان ما نروح كلنا بقبر واحد)) ...... يا عالم والله لو اشوف الارض وهي تبتعد عني ليجيني المخاض (( مخاض من نوع اخر لا تفهمون غلط )) ... المهم ان الطياره استوت في الجو وصارت كنها باصات النقل الجماعي ما تحس فيها بشي الا اذا بغى السواق يعشق القير على الرابع عشان يهدي السرعه تحس برجفه بسيطه وبديت اتأقلم بعد ساعه مع الوضع ... اخينا في الله بعد ما قرأ الجرايد التفت لي وقال وش رايك بالاوضاع السياسيه وهل ستضرب امريكا ايران؟؟؟ ... ترى والله ان ضربت ايران عز الله رحنا يا اهل الدمام بخرايطها لان ايران يمكن تضربنا بالكيماوي وصواريخها توصل لين فوق راسك.... اصلا الشرقيه منطقه غير امنه واللي يسكن فيها غلطان ومن يشتري له بيت فيها غلطان غلطااان غلطاااااااااان يااااولدي (( وش عنده عبدالحليم ))... وفوق هذا ارامكو قاعده تسحب بترول من الارض وصارت فيه فجوه بالارض يعني ممكن يصير انهيار ارضي ولا زلزلال يخفس بالشرقيه بمن فيها .... لحووووووووووووووول ولا قوة قلتها بنفسي طبعا... انا انسان احب الفرفشه وش جاب ذا العله المتشائم جنبي .... والمشكله رجال كبير وويبدو انه مثقف بس ضاربه فيوزه من كثر الثقافه ... واكمل الله يجزاه خير سواليفه وقال لي شوف بالله هالمضيفه شوف كيف ركبها طالعها وامط رقبتي واشوف الا وذيك الركب ياجماعه اللي تقول خدود طفل ما بعد طلعت سنونه وأقعد اتنهد ااااااايه أأأأأأأأأه أي بالله هذي الركب الصح هااااااااذي الركب الصح هااااااااااااااااذي الركب الصح هاااااااااااااا ذ ي ....ويدف راسي لورا ويقول لااااااا ما اقولك اوصف لي ركبها ولكن شوف اين وصلنا بالمعاصي يعني لو طاحت الطياره الحين وهؤلاء الكاسيات العاريات طاحن فوقنا كيف بتكون خاتمنا ....(( لااااااااااااااااااا اله الا الله حق لااااااااااااااا اله الا الله يبن الحلال ما صدقت النفضه راحت مني )) .... واكمل السندباد قائلا: انظر الى شبابانا وكيف وصل بهم الحال من سرقات وزنى واختطاف وقتل حتى ان الواحد صار ما يامن على عياله بالبيت ... واردف قائلاً : يعني تظمن ما ينط مجرم ببيتك الحين وانت مسافر ؟ ولو استمر الحال هكذا ستجد باننا اصبحنا مثل شيكاغو لا لا لا البلد صارت فوضى والقوي ياكل الضعيف ...المهم اني وربي بديت اشوف الدنيا سودا قدامي والمستقبل مظلم بسبب كلامه وتشاؤمه وان نجينا من ايران وامريكا ما بننجا من ارامكو وخفستها وان نجينا من ارامكو ما بنسلم من الفوضي والاجرام اللي بالبلد حتى اني يوم فتحت الدريشه ما قدرت اشوف الضوء بل جماااجم وخراب والدمار يعصف بالعالم امام عيني ... شوي وجايه المضيفه بالغداء (( ام ركب كنها خدود طفل )) وبينمااااااا نحن ناكل وصاحبي يقول تضمن الحين ان ما فيك سرطان ؟ ؟ ... شوف كم سنه لك تاكل من هالطحينيه لين تشبع جسمك بسرطاناتها ... شوف كم لك تاكل من هالمواد اللي اكتشفوا بعد عشرات السنين انها مسرطنه ... ياشيخ اتحدى اذا ما فيك سرطان .... (( الحين قالك بيوصل لي المعلومه بطريقه ذكيه )) .... صراحه رميت الاكل من يدي وقمت للمضيفه وقلت يا تغيرون الكرسي حقي يا تعطوني فلوسي و تنزلوني هنا (( متعود الاخ على التكاسي الصفر )) ... ويجي ذاك المضيف السوداني والمضيفه الخواجاتيه وياخذون اغراضي وينقلوني لدرجه رجال الاعمال الفاااااااضيه الا وفيه بشكة شباب و..و..و... احم وشباب برضه يلعبون كشينه وشطرنج ومفترشين الارض وادخل معاهم وضحك وفرفشه وشطرنج (( اصل انا من احسن عشره على مستوى العالم يصفطون علبة الشطرنج )) وهكذا طوال الرحله وما شعرت بالوقت الا والسواق يقول يله قم انت وياه اربطوا احزمتكم الله لا يهينكم ... وحنا نازلين الا واسمع واحد وراي بالممر الموصل من الطائره لصالة المطار يقول وينك يااااخوي ما كملنا كلامنا ... يوم شفته اظلمت الدنيا بعيني وبغيت اطيح على ركبي من الخضه وانا اردد تكفى تكفى داخلن على الله ثمن عليك داااااااااخلن على الله ثمن عليك انك تاكل تبن وتنطم خلني استمتع برحلتي ... وانا اتكلم وهو يردد شوووووف هالديره ترى ان سلمت رقبتك فيها ما بيسلم جيبك وان سلم جيبك ما بتسلم عقيدتك و.... و...
... للاسف بعض الناس بتشائمه يخلي الدنيا قدامك كلها ظلام في ظلام وفيه ناس عقلانيين ودائما متفائلين بالخير و اذا جلست معهم تشعر ان الدنيا بخير وان المستقبل باذن الله زاهر ويخليك تشعر بالتفاؤل والبني ادم يا جماعه حسب من يمشي معاه اما يرفعك او ينزلك .. وبصراحه يا كرهي لبعض الناس اللي ما عندهم حكي غير في المأسي والمصايب والنكبات وكأن مافيه بالمقابل اشياء مفرحه ممكن نتكلم فيها بدلا من وضع ستارة سوداء امام اعيننا ... وأكاد اجزم بأن من الاشخاص الذين لديهم فكر مثل فكر صاحبي بالطائره لا يجد له اصحاب دائمين بل تجد الكل ينفر منهم ويتهرب منهم
وسلامتكم
م
ن
ق
و
ل
و شعرك تقل كشة ....... (( لا ظريف الاخ )) ... الخ الخ الخ ... المهم انه باين عليه حبيب وطيب وهذا الشيء جعل مؤشر الخوف من ركوب الطائره يخف لكن للاسف بعض الناس وربي ما يعرف كيف يتكلم ولا يعرف ينطم اساساً وقالك بينكت وهو يسالني الحين لو اقلعت الطائره وطاحت بالبحر كيف بتقدر تعوم ويدك بالجبس ومعلقه برقبتك ؟ واكمل المدعو تنكيتاته بقوله شوووووف تراني دب ويالله اشيل نفسي يعني ماني منقذك (( تكفى يا الدلفين )) ... اما انا فوصلت الروح للحلقوم وصرت احس اني اتنفس من من عروق راسي ... المشكله انه يتكلم وهو يطالع بالجريده ولو لف راسه وشاف وجهي اللي صار بلون مكياج صباح الشحروره كان انكتم ... والظاهر انه سمعني وانا اتحلطم وسألني خير ياخوي اشفيك تكلم نفسك ؟ قلت لا ابد بس قاعد ادعي دعاء السفر واعوذ بالله من وعثااااء السفر ... وفوق هذا المضيفه كل شوي جايتني تقول افتح الدريشه ... افتح الدريشه ... لازم تفتح الدريشه قبل الاقلاع كن ما عندها بالطياره غيري (( الا عساني اشوفهم يفتحون قبرك بس بعد الهبوط عشان ما نروح كلنا بقبر واحد)) ...... يا عالم والله لو اشوف الارض وهي تبتعد عني ليجيني المخاض (( مخاض من نوع اخر لا تفهمون غلط )) ... المهم ان الطياره استوت في الجو وصارت كنها باصات النقل الجماعي ما تحس فيها بشي الا اذا بغى السواق يعشق القير على الرابع عشان يهدي السرعه تحس برجفه بسيطه وبديت اتأقلم بعد ساعه مع الوضع ... اخينا في الله بعد ما قرأ الجرايد التفت لي وقال وش رايك بالاوضاع السياسيه وهل ستضرب امريكا ايران؟؟؟ ... ترى والله ان ضربت ايران عز الله رحنا يا اهل الدمام بخرايطها لان ايران يمكن تضربنا بالكيماوي وصواريخها توصل لين فوق راسك.... اصلا الشرقيه منطقه غير امنه واللي يسكن فيها غلطان ومن يشتري له بيت فيها غلطان غلطااان غلطاااااااااان يااااولدي (( وش عنده عبدالحليم ))... وفوق هذا ارامكو قاعده تسحب بترول من الارض وصارت فيه فجوه بالارض يعني ممكن يصير انهيار ارضي ولا زلزلال يخفس بالشرقيه بمن فيها .... لحووووووووووووووول ولا قوة قلتها بنفسي طبعا... انا انسان احب الفرفشه وش جاب ذا العله المتشائم جنبي .... والمشكله رجال كبير وويبدو انه مثقف بس ضاربه فيوزه من كثر الثقافه ... واكمل الله يجزاه خير سواليفه وقال لي شوف بالله هالمضيفه شوف كيف ركبها طالعها وامط رقبتي واشوف الا وذيك الركب ياجماعه اللي تقول خدود طفل ما بعد طلعت سنونه وأقعد اتنهد ااااااايه أأأأأأأأأه أي بالله هذي الركب الصح هااااااااذي الركب الصح هااااااااااااااااذي الركب الصح هاااااااااااااا ذ ي ....ويدف راسي لورا ويقول لااااااا ما اقولك اوصف لي ركبها ولكن شوف اين وصلنا بالمعاصي يعني لو طاحت الطياره الحين وهؤلاء الكاسيات العاريات طاحن فوقنا كيف بتكون خاتمنا ....(( لااااااااااااااااااا اله الا الله حق لااااااااااااااا اله الا الله يبن الحلال ما صدقت النفضه راحت مني )) .... واكمل السندباد قائلا: انظر الى شبابانا وكيف وصل بهم الحال من سرقات وزنى واختطاف وقتل حتى ان الواحد صار ما يامن على عياله بالبيت ... واردف قائلاً : يعني تظمن ما ينط مجرم ببيتك الحين وانت مسافر ؟ ولو استمر الحال هكذا ستجد باننا اصبحنا مثل شيكاغو لا لا لا البلد صارت فوضى والقوي ياكل الضعيف ...المهم اني وربي بديت اشوف الدنيا سودا قدامي والمستقبل مظلم بسبب كلامه وتشاؤمه وان نجينا من ايران وامريكا ما بننجا من ارامكو وخفستها وان نجينا من ارامكو ما بنسلم من الفوضي والاجرام اللي بالبلد حتى اني يوم فتحت الدريشه ما قدرت اشوف الضوء بل جماااجم وخراب والدمار يعصف بالعالم امام عيني ... شوي وجايه المضيفه بالغداء (( ام ركب كنها خدود طفل )) وبينمااااااا نحن ناكل وصاحبي يقول تضمن الحين ان ما فيك سرطان ؟ ؟ ... شوف كم سنه لك تاكل من هالطحينيه لين تشبع جسمك بسرطاناتها ... شوف كم لك تاكل من هالمواد اللي اكتشفوا بعد عشرات السنين انها مسرطنه ... ياشيخ اتحدى اذا ما فيك سرطان .... (( الحين قالك بيوصل لي المعلومه بطريقه ذكيه )) .... صراحه رميت الاكل من يدي وقمت للمضيفه وقلت يا تغيرون الكرسي حقي يا تعطوني فلوسي و تنزلوني هنا (( متعود الاخ على التكاسي الصفر )) ... ويجي ذاك المضيف السوداني والمضيفه الخواجاتيه وياخذون اغراضي وينقلوني لدرجه رجال الاعمال الفاااااااضيه الا وفيه بشكة شباب و..و..و... احم وشباب برضه يلعبون كشينه وشطرنج ومفترشين الارض وادخل معاهم وضحك وفرفشه وشطرنج (( اصل انا من احسن عشره على مستوى العالم يصفطون علبة الشطرنج )) وهكذا طوال الرحله وما شعرت بالوقت الا والسواق يقول يله قم انت وياه اربطوا احزمتكم الله لا يهينكم ... وحنا نازلين الا واسمع واحد وراي بالممر الموصل من الطائره لصالة المطار يقول وينك يااااخوي ما كملنا كلامنا ... يوم شفته اظلمت الدنيا بعيني وبغيت اطيح على ركبي من الخضه وانا اردد تكفى تكفى داخلن على الله ثمن عليك داااااااااخلن على الله ثمن عليك انك تاكل تبن وتنطم خلني استمتع برحلتي ... وانا اتكلم وهو يردد شوووووف هالديره ترى ان سلمت رقبتك فيها ما بيسلم جيبك وان سلم جيبك ما بتسلم عقيدتك و.... و...
... للاسف بعض الناس بتشائمه يخلي الدنيا قدامك كلها ظلام في ظلام وفيه ناس عقلانيين ودائما متفائلين بالخير و اذا جلست معهم تشعر ان الدنيا بخير وان المستقبل باذن الله زاهر ويخليك تشعر بالتفاؤل والبني ادم يا جماعه حسب من يمشي معاه اما يرفعك او ينزلك .. وبصراحه يا كرهي لبعض الناس اللي ما عندهم حكي غير في المأسي والمصايب والنكبات وكأن مافيه بالمقابل اشياء مفرحه ممكن نتكلم فيها بدلا من وضع ستارة سوداء امام اعيننا ... وأكاد اجزم بأن من الاشخاص الذين لديهم فكر مثل فكر صاحبي بالطائره لا يجد له اصحاب دائمين بل تجد الكل ينفر منهم ويتهرب منهم
وسلامتكم
م
ن
ق
و
ل