Hilton London Metropole hotel

[عاشق Qatar]

السلام عليكم و رحمة الله و بركاته

يا شباب في حد جرب الفندق التالي في لندن او سمع عنه اي شيء؟؟

Hilton London Metropole hotel
255Edgware Road,
London (UK), W2 1JU,
United Kingdom

[lalamar]

يلوع الجبد لاتروحه
سكنت فيه يوم وطلعت
يمكن الزين فيه انه قريب من اجور رود لكن من يبي اجور رود . . من زينه كله عرب
جرب لك فندق في اكسفورد
عندك فندق ماريوت بارك لين خمس نجوم . . وصعب تلقى خمس نجوم في لندن
وموقعه زين بين اكسفورد واجور رود

[عاشق Qatar]

مشكور اخوي و ما قصرت

بس ليش الفندق تعبان من اي ناحية؟؟ الصراحة انا محصل الغرفة مع الفطور ب 150 باوند بس و باقي الفنادق كلهم 250 و طالع. حتى الماريوت حول 300 او 350.

هو تعبان كلش يعني؟

[lalamar]

مشكور اخوي و ما قصرت

بس ليش الفندق تعبان من اي ناحية؟؟ الصراحة انا محصل الغرفة مع الفطور ب 150 باوند بس و باقي الفنادق كلهم 250 و طالع. حتى الماريوت حول 300 او 350.

هو تعبان كلش يعني؟



معاملتهم زفت

لو مابقششت العامل في الاستقبال ثلاث مرات علشان يعطيني غرفة جان ماسوى شي
ووايد زحمة بتلقاه في هالوقت
الزين فيه ان اللوبي كبير وبعد زين ان عطوك الغرفه مع الفطور بـ 150 لان مطعمهم حلو اللي تحت
الفندق زين حق اللي جاي وبيكون طالع كل يوم وبيجي بس الفندق علشان يرقد
لانه الفندق مب ذاك الزود :victory:

[حر الدوحه]

السلام عليكم اخوي عاشق Qatar

سكنت هذا الفندق الصيف الي راح 5 ايام ,, الفندق حلو وموقعه قريب من المطاعم على شارع العرب اجوارروود. بس الغرف الدبل والسنقل صغيره مقارنه مع الفنادق الثانيه . انصحك بهالفندق Thistle Marble Arch.

[lalamar]

السلام عليكم اخوي عاشق Qatar

سكنت هذا الفندق الصيف الي راح 5 ايام ,, الفندق حلو وموقعه قريب من المطاعم على شارع العرب اجوارروود. بس الغرف الدبل والسنقل صغيره مقارنه مع الفنادق الثانيه . انصحك بهالفندق Thistle Marble Arch.

هههههههههاي

هذا ازيد وازيد

تحمل تروحه

غرفته ضيقه تلوع الجبد

سكنت فيه مره تأدبت

الهيلتون ارحم منه بألف مره

اللوبي ظلام جنك قاعد في قبر

[عاشق Qatar]

الصراحة يا شباب انا الي مشجعني عليه الموقع بس. والسعر حلو على ما اظن في الصيف.. لكن انا اظن كل فنادق لندن ما يعاملونك عدل الا اذابقششتهم... هههههه.. تعليمنا بعد..

الفندق الثاني اكيد اغلى... انا ناوي اتم برع اليوم كامل و ارجع اخر حق النوم و الفطور بس.

مشكورين على المعلومات خصوصا اخوي lalamar

[Muslim Investor]

هيلتون ميتربول من فنادقي المفضلة
صحيح انه الغرف ضيقة اشوي
لكن معاملتهم فووووق الممتازة مع اني عمري ما دفعت لهم بخشيش
(ساكن في الفندق اكثر من 5 أو 6 مرات في أوقات مختلفة من السنة: صيف - شتا - ربيع - خريف)

تحيتي

[عاشق Qatar]

هيلتون ميتربول من فنادقي المفضلة
صحيح انه الغرف ضيقة اشوي
لكن معاملتهم فووووق الممتازة مع اني عمري ما دفعت لهم بخشيش
(ساكن في الفندق اكثر من 5 أو 6 مرات في أوقات مختلفة من السنة: صيف - شتا - ربيع - خريف)

تحيتي

اخوي مشكور على الرد بس شلون المنطقة بالنسبة حق التمشي في الليل اذا معاي الاهل و العيال؟ هل المنطقة امان؟

[lalamar]

اخوي مشكور على الرد بس شلون المنطقة بالنسبة حق التمشي في الليل اذا معاي الاهل و العيال؟ هل المنطقة امان؟

اسمح لي اخوي ع الرد

اجور رود غير امن ابدا وخاصة بالليل وبوجود الاهل والاطفال

[وطن]

اخوي مشكور على الرد بس شلون المنطقة بالنسبة حق التمشي في الليل اذا معاي الاهل و العيال؟ هل المنطقة امان؟

اجوار رود مو أمان بالليل
على كلام أهل لندن

بس الصراحة ما شفت فيه شي

وفي الصيف بتلاقيه كله عرب
بالأخص خليجيين

ما ينمشي في هالشارع خير شر

:rolleyes2:

[lalamar]

اجوار رود مو أمان بالليل
على كلام أهل لندن

بس الصراحة ما شفت فيه شي

وفي الصيف بتلاقيه كله عرب
بالأخص خليجيين

ما ينمشي في هالشارع خير شر

:rolleyes2:


مايخاف الواحد الا من العرب

والا الانجليز عادي مايتعرضون حق حد

تحمل من الاكراد والاتراك والعراقيين

هاذولا اهم الحراميه

اعذرني اخوي خربت الموضوع عليك

[عاشق Qatar]

لا اخوي ما خربت الموضوع بالعكس زين الي قلتلي علشان انتبه... شنو المناطق و الفنادق او الشقق الي تنصحوني فيها علشان معاي الاهل و العيال؟؟

[lalamar]

اخوي عندك شقق المكتوم

راقيه وشزينها وماعليها كلام

انا سمعت عنها ودخلتها مره بس ماسكنت فيها

[راعي ال x5 الاسود]

اخوي بالنسبة للفندق هو 4 نجوم للامانه انا ماقعدت فيه بس الكل يمدحه ويقولون عنه نظيف واللوبي جدا وسيع وحلو وبالنسبة للمكان تراه في اخر جورود يعني موقعه مب استراتيجي ومعروف اصلا اخر جورود من شيشه الجزيره لين الفندق منطقه غير امنه تماما من ناحية الاكراد وغيرهم وحتى لو فيه عرب ماراح يسون لك شي واذا ودك في فنادق راقية عندك الهيلتون بارك لين والانتر كونتينينتال والجروفينر هاوس كلهم ذول في البارك لين و5 نجوم وهاذي أمن منطقه في لندن وبالنسه للشقق عندك في المايفير وفيه في صوب كرومل مثل ماذكر اخوي شقق المكتوم لكنه بعيد شوي
تروح وترجع بالسلامه

[راعي ال2008 الاسود]

انزين ليش ماتروح شارع العرب الي يسمونه وانا ماقد رحت هناك بس يمدحون هذاك الشارع حق المطاعم
والشقق

[وطن]

انزين ليش ماتروح شارع العرب الي يسمونه وانا ماقد رحت هناك بس يمدحون هذاك الشارع حق المطاعم
والشقق

اخوي اجوار روود هو شارع العرب

يعني نفس الشارع

[lalamar]

اخوي اجوار روود هو شارع العرب

يعني نفس الشارع

يمكن يقصد شارع المسلمين

[السهم الذهبي]

مرحبا .. اخوي انا سكنت بنفس الفندق والصراحه اشوفه على سعره وخدماته زين ماعليك من الكلام اذا على موقعه بشارع اجوررود لاتمشى تقدرتتنقل بلباص او عندك القطاراللي مقابل الفندق خلف مارك اسبنسر
بس انصحك اذا بتحجز بنفس الفندق احجز المبنى الجديد الغربي الغرف اوسع والخدمه افضل من القديم

[simsim1963]

أدخل على موقع Booking.com ودخل اسم الفندق وشوف اراء الناس الي سكنوا فيه من قبل

[Diwan]

السلام عليكم ورحمة الله وبركاته

أخوي فندق متروبول راائع .. وموقعه جيد ..وحاول تاخذ مبنى البرج ..وسعر اللي وضعته اشوفه اغلى من سعر اللي انا شفته في النت .. وسعر اللي عندي 640 ريال قطري في اليله تقريباً..

واما بنسبة لشارع اجور رود فهو أمان وتطلع في اليل او صبح محد كفى يتعرض لك او يكلمك .. قبل في تسيعينات كان الجاليه الكرديه هي الي تسبب المشاكل ..ولكن الحين مافي اي مشكله سوى مع العرب او مع الاجانب .. اما في الكنزوي فهناك حرامية من الاوباش والافارقه تخصص في نشل .. ولكن شهاده لله على كثر زياراتي لمنطقة الكنزوي ماشفت او تعرضت لسرقه ..

وبخصوص فندق تستل ماربل ارش رااائع واذا سعرمتربول قريب من سعر تستل اسكن فيه بدون ماتشاور أحد ..

وعلى فكره مقابل فندق متروبول محطة قطار (اندرجروند) خلف محل ماركس سبنسر..

أخوك ديوان .. واي إستفسار انا حاضر

[بدور]

الفندق رائع ويا كثر القطريين اللي فيه والغرف مريحه وايد من هلي يسكنونه كل سنه

مستحيل يغيرونه امان لا فيه سرقه ولا بقشيش ولا تهتم بالكلام الفاضي لانه مش صحيح

شارع ايجور روود مقاهي ومطاعم وامان ليل ونهار

حنا نتمشى فيه ونجلس في المقاهي والمطاعم ولا شفنا شي يخوف

تتمشى الى اكسفورد والهايدبارك براحتك وقريب منك

رحله سعيده ان شاء الله

[عاشق Qatar]

مشكورين وما قصرتوا انا ان شاء الله بحجز في هالفندق او الكمبرلاند...

اخوي ديوان في اي موقع حصلته على 640 ريال؟ يمكن مو حق الصيف؟

اختي بدور ان شاء الله المنطقة بتكون امان و الشخص يكون حذر في كل مكان بره ديرته مشكورة على المشاركة..

اخوي سمسم انا قريت ريفيوس عن الفندق على النت و ناس امدحوه و ناس ما امدحوه

اخوي السهم اكيد التنقل بكون بالسيارة الخاصة او التكاسي و الباصات ان شاء الله

[Diwan]

مشكورين وما قصرتوا انا ان شاء الله بحجز في هالفندق او الكمبرلاند...

اخوي ديوان في اي موقع حصلته على 640 ريال؟ يمكن مو حق الصيف؟

اختي بدور ان شاء الله المنطقة بتكون امان و الشخص يكون حذر في كل مكان بره ديرته مشكورة على المشاركة..

اخوي سمسم انا قريت ريفيوس عن الفندق على النت و ناس امدحوه و ناس ما امدحوه

اخوي السهم اكيد التنقل بكون بالسيارة الخاصة او التكاسي و الباصات ان شاء الله



أخوي عاشق توكل على الله وحجز الفندق ماعليه كلام .. بس مانصحك في فندق كمبرلاند لان اغرفه اصغار ولا ينفع للعوائل..

اما عن الآمان فلاتحاتي ان شاء الله ..
وبخصوص سعر اللي قلته لك في شهر ثمانيه هالصيف ..

حط لي تاريخ شيك ان .. وبقولك كم سعر بظبط ..
تقبل مروري ..