الى متى ستبقى هالمناظر

[bohilal191]

السلام عليكم لبس الاوزره اثناء صلاة الجمعة الى متى ومن المسؤول عن ذلك والله ياجماعة الخير الجمعة اللي فاتت رحت صلاة الجمعه وشفت بعض الاسيويين لابسين اوزره وجايين لا وحاطين لك دهن تاتا نبي نعرف من اللي يوقفهم عند حدهم وسلامتكم

[Qatarii]

ياسبحان الله ..الحين ريحة الدهن صارت تشغلك عن الصلاة؟ ولا الوزار صار منظر غير لائق؟ والله امرك عجيب!! اذا موب عاجبك غير مكانك او غير المسجد
هؤلاء مسلمين, الوزار لا حرج فيه ما دام ساترالعورة, وريحة الدهن أعتقد مافيها بطلان للصلاة, وسالفة استدعاء المسئولين على وزار وريحة؟ ليش مانطردهم احسن ولا نخصص لهم مكان خارج المسجد على الحصير في الشمس؟.
اخشوشنوا فإن النعمة لاتدوم

[دنيا الاسهم]

الاخ الفاضل
اذا ما اعجبك هذا الامر ليش ماتكلمهم احسن ان يلبسون اللباس الاسلامي الكامل لان هذا اللباس لايليق بروحانية المكان وقدسيتة .

[bo_hamad]

يا ريت يضعون لهم الحد فعلاً منظر الوزار في الصلاة غير لائق .

فرضاً هذا الشخص اللي لابس الوزار إذا جاء أحد من اصدقائه أو كان معزوماً بمطعم أو فرح ... الخ هل يذهب مع الاوزار ؟

يجب عليهم أن يحترموا مساجد الله وهم يستقبلون القبلة .

[الساهرة]

ياسبحان الله ..الحين ريحة الدهن صارت تشغلك عن الصلاة؟ ولا الوزار صار منظر غير لائق؟ والله امرك عجيب!! اذا موب عاجبك غير مكانك او غير المسجد
هؤلاء مسلمين, الوزار لا حرج فيه ما دام ساترالعورة, وريحة الدهن أعتقد مافيها بطلان للصلاة, وسالفة استدعاء المسئولين على وزار وريحة؟ ليش مانطردهم احسن ولا نخصص لهم مكان خارج المسجد على الحصير في الشمس؟.
اخشوشنوا فإن النعمة لاتدوم


اخوي الفاضل بارك الله فيك من شروط الصلاه في المساجد الرائحه الطيبه والبس المحتشم
لكن مشكله هالاسيويين المفروض اتكون لهم ندوات خاصه فيهم ترشدهم وتعلمهم
اداب دخول المساجد وشروط الصلاه
وانا لو ريال افضل اصلي في المساجد اللي اتكون بعيده عن سكن العمال او المناطق الصناعيه
المتواجديين فيها حتى اتجنب مثل هالاحراجات المفروض اتكون فيه في مثل هالمساجد اللي اكثر شئ يتواجدون فيها هالاسيويين خطباء يوجهونهم وينصحونهم في التعاليم الاسلاميه واداب الاسلام .




الساهره

[Qatarii]

اخوي الفاضل بارك الله فيك من شروط الصلاه في المساجد الرائحه الطيبه والبس المحتشم
لكن مشكله هالاسيويين المفروض اتكون لهم ندوات خاصه فيهم ترشدهم وتعلمهم
اداب دخول المساجد وشروط الصلاه
وانا لو ريال افضل اصلي في المساجد اللي اتكون بعيده عن سكن العمال او المناطق الصناعيه
المتواجديين فيها حتى اتجنب مثل هالاحراجات المفروض اتكون فيه في مثل هالمساجد اللي اكثر شئ يتواجدون فيها هالاسيويين خطباء يوجهونهم وينصحونهم في التعاليم الاسلاميه واداب الاسلام .




الساهره


فقط للتذكرة اختي الكريمة واخواني الأعزاء, الدين الأسلامي من اهم ميزاتة عدم التفريق بين عربي وعجمي, فقير وغني, والناس سواسية.. بالنسبة للرائحة يمكن الشخص العامل في قطر (وحاب) يصلي الجمعة في المسجد لايملك مايشتري فيه عطر لكي يناسب اذواق المصلين...يعني في أسلوب لتفهم هالناس البسطاء واللي يعمل في الشمس وكل عمل من نوعه يحتقره القطري مثل البناء, وعامل النظافة وغيرها من الوظائف اللي يهجرها موطنينا ومقابل فلوس بسيطة يعيش عليها...
بالنسبة للشخص اللي ذكر لباس اسلامي!!! هل هناك لباس اسلامي وغير اسلامي ؟ غير لباس يستر العورة للرجال؟ احنا موب حريم على مايطلق علية باللباس الأسلامي الكامل
بالنسبة قداسة المكان وروحانيتة...اعتقد الشخص ما اجرم ولا دنس المكان في وزارة ونوعية الدهن اللي يحطة فوق راسة....
محد له الحق فيكم يفرق بين المسلمين ويطلب ازاحتهم بسبب الرائحة, واذا حد معترض على كلامي ارجح عليكم تقومون في حملة بتوزيع حجاب ولباس طويل للأسيوين, ويتم التعاقد مع كريستنديور لتوزيع العطور لعلها تغطي على ريحة الدهن...

[قطر501]

المفروض التنبيه على هؤلاء وفي نفس الوقت لا ننسى الي يجون المساجد سؤ لصلاه الجمعه او الفروض وهم يلبسون جلابيات النوم

[بوخالد911]

هلا

؛؛؛

ال1 لازم ياخذ ويلبس أحلى لبس حق الصلاة


لو كان عندهم موعد مقابلة مه وزير ولا مدير ؛ كان شفته لابس أحلى لبس عنده !!!

هي لو جت على البنغاليين والهنود ؛ كان أهون

حتى اخوانا العرب

اللي بلبس جلابية مكسرة من قلب !!!
:omg:

واللي جاي بملابس كورة !!!

:omg:
واللي ما يمشط شعره !!!!
:eek5:

قال تعالى : يا بني آدم خذوا زينتكم عند كل مسجد

صدق الله العظيم

؛؛؛

[مناحي السادس عشر]

والله انا اشوف الوزار شي عادي ناس مساكين ورواتبهم بسيطه الله يكون بعونهم بعدين دام انهم ساترين عورتهم ما اعتقد عليهم حرج