التريلات هل هي تجارة مربحة ؟؟ موضوع مهم ارجو من الجميع المشاركة للاستفادة

[قطر2007]

بسم الله الرحمن الرحيم

اعزائي...

اود طرح سؤال للجميع وهو هل تجارة التريلات تجارة مربحة وماهي ايجابياتها وسلبياتها ؟؟


ارجو من الجميع المشاركة ولا يبخلون علينا بخبرتهم بالموضوع وتجاربهم ..

ولكم جزيل الشكر

اخوكم
قطر2007

[The Blade]

والله ياخوي انا صار لي سنتين افكر في الموضوع واحد قالي
الحين الشركات ماتبي ترله ولا ثنتي 10 وفوق مثال
انت وديت لهم ترله ومثلا تبي فيها 8000 ريال وكل شئ عليهم
وتجيهم شركة تقول لهم انا بعطيكم 10 ترلات كل ترله ابي فيها 4500 ريال

تتوقع الشركة وش راح تاخذ؟؟؟ اكيد 10 تريلات بـ 4500

انا مادخلت في هذا المجال بس هذا على كلام رجال ...وحب ينصحني فياليت احد يساعدنا ويفيدنا بهذا الموضوع

[قطر2007]

والله ياخوي انا صار لي سنتين افكر في الموضوع واحد قالي
الحين الشركات ماتبي ترله ولا ثنتي 10 وفوق مثال
انت وديت لهم ترله ومثلا تبي فيها 8000 ريال وكل شئ عليهم
وتجيهم شركة تقول لهم انا بعطيكم 10 ترلات كل ترله ابي فيها 4500 ريال

تتوقع الشركة وش راح تاخذ؟؟؟ اكيد 10 تريلات بـ 4500

انا مادخلت في هذا المجال بس هذا على كلام رجال ...وحب ينصحني فياليت احد يساعدنا ويفيدنا بهذا الموضوع


اخوي المشكلة ان بعض الشركات توقع عقود مع الناس ولكن بدون مقابل وتم تراكض وراهم بالشهور بدون فايدة .. طيب السؤال هو شنو الضمان عشان الواحد يدخل هالمجال وهو مطمئن ؟؟ وشنو الاشياء الي المفروض نحاسب منها عند التعاقد مع اي شركة ؟

[قطر2007]

up up up

[الزقرت]

مرحبا عالجميع
نصيحه تحمل ترة خساير التريلات فالتصليح اكثر من مدخولها
قبل كانت مربحه لكن لما صار ممنوع تحمل اكثر من 30 طن مافي فايده
وتحمل بالذات من العقود اللي كلها بووووق

[KhalidQ]

التريلات يبيلها واحد فاضي اعرف واحد عنده وحده مشغلها 24 ساعه
3 سواقيين و خلال سنه صار عنده 4 لانه فاضي اذا انت فاضي ادخل المجال

[فهد السعدي]

السلام عليكم

أخواني الكرام...حبيت أدلو بدلوي وان شاء الله يستفيد من هالموضوع الكل.. التريلات يا أخواني شغله مربحة للغاية ولكن يبي لها سعة بال بشكل كبير وأيمان بقضاء الله وقدره
يعني في شهور تربح التريلا فوق العشرين الف ومرات تحت العشرة ومرات تصليحها يغطي على ربحها لشهر أو شهرين. لكن مشكلة شبابنا هو انهم يسمعون لبعض الجنسيات العربية والاجنبية اللي يقوله اشتر تريلا وانا بأدخل لك فوق العشرين بالشهر فيجي أخونا ويحمل نفسه سلفيات عشان يشتري التريلا ومن اول او ثاني شهر يصيبها عطل بأذن الله فينزعج اخونا ويقوم يبيعها بارخص الاثمان هذا كله فوق السلفية اللي ما خذها والفوايد والله يعينه.

لذا ارجو من أي أخ يبي يشتري تريلا يفكر ان التريلا مثل أي تجارة أخرى.. فيها ربح وفيها خسارة...وما يتوقع ان سيارة مصممة تشتغل 10 او 12 ساعه باليوم يقدر يشغلها فوق طاقتها 24 ساعه بدون ما تجي لها أعطال او حوادث ولنتذكر يا أخواني ان هذي التريلات أصلا مصممة للطرق المعبدة ولحمولة لا تزيد عن 25 طن لكن يتم تدبيلها بأضافة شاصي حديد ثاني لشاصيها وبعض التعديلات على نظام الجامبينات الاصلي فيها وتحمل حمولة لا تقل عن 40 الى 50 طن يوميا ولمدة 24 ساعة.

وأخيرا أحب أنصح جميع الاخوان بالايمان بالله وقضاءه وقدره وفي حال حدوث عطل الواحد يصبر وكل شيئ من عند رب العالمين. واذا أي حد عنده أستفتسار يراسلني على الخاص وان شاء الله نقدر نوضح أكثر.

أخوكم/ فهد السعدي

[قطر2007]

السلام عليكم

أخواني الكرام...حبيت أدلو بدلوي وان شاء الله يستفيد من هالموضوع الكل.. التريلات يا أخواني شغله مربحة للغاية ولكن يبي لها سعة بال بشكل كبير وأيمان بقضاء الله وقدره
يعني في شهور تربح التريلا فوق العشرين الف ومرات تحت العشرة ومرات تصليحها يغطي على ربحها لشهر أو شهرين. لكن مشكلة شبابنا هو انهم يسمعون لبعض الجنسيات العربية والاجنبية اللي يقوله اشتر تريلا وانا بأدخل لك فوق العشرين بالشهر فيجي أخونا ويحمل نفسه سلفيات عشان يشتري التريلا ومن اول او ثاني شهر يصيبها عطل بأذن الله فينزعج اخونا ويقوم يبيعها بارخص الاثمان هذا كله فوق السلفية اللي ما خذها والفوايد والله يعينه.

لذا ارجو من أي أخ يبي يشتري تريلا يفكر ان التريلا مثل أي تجارة أخرى.. فيها ربح وفيها خسارة...وما يتوقع ان سيارة مصممة تشتغل 10 او 12 ساعه باليوم يقدر يشغلها فوق طاقتها 24 ساعه بدون ما تجي لها أعطال او حوادث ولنتذكر يا أخواني ان هذي التريلات أصلا مصممة للطرق المعبدة ولحمولة لا تزيد عن 25 طن لكن يتم تدبيلها بأضافة شاصي حديد ثاني لشاصيها وبعض التعديلات على نظام الجامبينات الاصلي فيها وتحمل حمولة لا تقل عن 40 الى 50 طن يوميا ولمدة 24 ساعة.

وأخيرا أحب أنصح جميع الاخوان بالايمان بالله وقضاءه وقدره وفي حال حدوث عطل الواحد يصبر وكل شيئ من عند رب العالمين. واذا أي حد عنده أستفتسار يراسلني على الخاص وان شاء الله نقدر نوضح أكثر.

أخوكم/ فهد السعدي

مشكور اخوي فهد على مرورك والله يكثر من امثالك وشكرا للبقية ...

[كاتم الاسرار]

السلام عليكم
الصراحه انا مع اخوي فهد السعدي لانه انا اعرف واحد من الربع من كم سنه دخل مشروع واشترى شاحنه وحده بس من قبل سنتين ومع الايام الحين والله العظيم عنده فوق 24 شاحنه وفتح شركه مقاولات لانه والحمدالله بس يبي الواحد يكون فاضي حق المشروع ولازم يديره بنفسه والحمدالله وفيها مدخول قوي والله ولازم اتكون عندك معرفه كامله في البدايه بتتعب بس في النهايه بترتاح والله يوفق الجميع اهم شي النيه ش

[ولد المليونير]

اخوي تجاره التريلات شغله مربحه وايد بس يبيلها طولت بال, انا اول مابتديت بوحده وتميت وايد شهر مدخولها حلو ومره تحت كلش بس اتغطي مصاريفها وبعدين مشت معاي اوكي..
الحين الحمدلله 5 سيارات وبعد يومين بشتري سياره بس يبيلها واحد فاضي واتابع حلالك
بس احذرك من العقود لاني دخلتهم عقد وطنش لي ومادفع لي ولا شي وللحين اطلبه ب 250000 بالمحكمه مايندري متى راح احصل فلوسي..
بس حط في بالك اهم شي ان الشغله كلها توافيق من رب العالمين وكل واحد ياخذ نصيبه..
واذا لك خاطر افيدك انا بالخدمه وممكن اشغلهم لك ,راسلني ع الخاص

[قطر2007]

مشكور الشيخ وممكن رقمك على الخاص

[سبع قطر]

موضوع مماز اخوي

وبالنسبه للتريلات ياخوي اشوفها موضه والكل طايح فيها

انا عن نفسي من قبل كم يوم في مصري مندوب تعرفت عليه وكان يقولي اشتغل في الحفاره وقالي خذ لك حفاره موديل 99 قيمتها 150 الف وقالي في الشهر لك 10 الاف واي خراب فيها اهو يتحمل كل شي ومع عقد طبعا

وبعدين قالي اهو من نفسه راح يشتغل فيها وقالي انا باكسب من وراها وانت لك 10 الاف شهريآ

بس كل احد قالي هاي نصاب وماعليك منه والحين محتاااار

[ابوالشباب]

السلام عليكم

مشكور اخوي قطر2007 على فتح هذا الموضوع للنقاش لانه جدا مفيد

بخصوص التريلات مربحه او غير ذلك فانا بحكم تجربتي البسيطه في هذا المجال

فاعتقد انها تعتمد على توفيق الله ثم بعض العوامل الثانيه مثل السائق الامين صاحب الخبره

عنما شريت التريلا واجهتني بعض الاعطال اللي زهقتني لدرجة اني عرضتها للبيع.

بعدين انصحوني بعض الشباب باالصبر فترة شهر او شهرين, وفعلا ولله الحمد اشتغلة معاي مثل الساعه

وادخلة لي مدخول طيب

والسلام

[ابوعبدالعزيز]

اي تجارة في الدنيا فيهه ربح وخسارة

اذا عندك تريلات وتبي اتشغلهم ابعقد عطني خبر على الخاص بس انه اليوم يمكن اسافر وباعود عقب كم يوم ومالك غير طيبت الخاطر .

تحياتي .

[قطر2007]

شكرا للجميع و استفدنا من كل الردود بصراحه .... واتمنى المزيد من المشاركات لتعم الفائدة للجميع

ومشكووورين

اخوكم
قطر2007

[BoAzozz]

التريلات تجاره ممكن تكون مربحه بس المطلوب المتابعه وطولة البال خاصه في البدايه
الاشياء المهم في هالشغلانه السااايق , ممكن يريحك وممكن يعور لك راسك ويعفس لك الدنيااا( انصحك بالبتاان)
ونوعية الشغل الي بتدخله ,اذا بتأجر وتفتك بس هذا يتطلب شركات موثوق فيهااا ولا يكون التأجير على عماهاا لانه مشاكل كثيره صارت بسبب عدم الاتزام بالدفع وغيره .(ما انصحك).

اما اذا بتشغلها بنفسك يعني بحسبة الطن والنقله ,فيها عوار راس بس مربحه, اهتم في المواد الي تنقلها ما تكسر الصندوق ( شغل الرمل المغسول ومصانع الخرسانات الجاهزه زين)
ولا تنسى نوعية التريلا اذا جديده او مستعمله (افضل Lb من موديل 90 الى 97

تحياااتي

[The Blade]

اخوي المشكلة ان بعض الشركات توقع عقود مع الناس ولكن بدون مقابل وتم تراكض وراهم بالشهور بدون فايدة .. طيب السؤال هو شنو الضمان عشان الواحد يدخل هالمجال وهو مطمئن ؟؟ وشنو الاشياء الي المفروض نحاسب منها عند التعاقد مع اي شركة ؟

اسف على التأخير اتوقع الاخوان ماقصروا وانا استفت منهم الصراحه...
الله لايهينكم وبيض الله وجيهكم

[ابوشهاب]

سلام عليكم ياشباب مدري اذا كان قصدك بيع وشراء ابي نصحك الشرأ من الماني فية ربح اهم شي تعرف من تتعامل معه ولا جمعلك اربعة يبون تريلات ويروح واحد منكم ويشتريها ثم يشحنها00 اذا كان قصدك تشقيلها تراها فيها ربح الحين ياصل تريب الرمل من امسعيد الى الصناعية اوالى الريان 1000 او1200 ريال وكل مايبعد يزيد وعليك الحسب في الشهروللعلم يحصلك تريبين يوميان من عقب الميزن الجديد السعر صار بتريب افضل من الطن لكن ابي انصحك بشي ؟؟؟؟؟؟؟ بنسبة السواق تقولة راتبك 2000 ريال و500 بدل افرتايم و500ريال اذا مافيها اعطال في الشهر شوف شلون يشتغل بشرط يكون على كفالتك ويكون اسيوي ماهو سوري 00 وصبر ثم الصبر وحسب حسابك ان الصناعية بتصير عندك مثل السد و النصر 000 واذاما تبي الفايدةالقوية أجرعلى افراد او شركة لازم تاخذ يجار شهرين تامين ويجار التريلا النظيفة ما يزيد عن 15000 الف000000000 ولله يوفق الجميع 0000000000

[شقران2]

والله انا مالي في التريلات

لكن واحد من الربع لزم علي اني اشتري وحده وهو بيتكفل بكل شي

وفعلا شريت وحده ب275000 واجرها عن طريقه شهريا 20000 ريال وككككككككككككككللللللل شي عليهم

كل شي كل شي

وعقد لمدة ثلاث سنوات قابل للتمديد

وعطوني شيكات على المده كامله

وكل شهر استلم شيكي ولا فيه اي مشكله وملتزمين جدا بالدفع

[قطر2007]

انا اعتقد انا ضمان الدفع يعتمد على قوة الشركة المستأجرة للتريلات ووضعها المالي ويصادف ان بعض مشاكل الدفع والقضايا تكون بسبب الشركات الصغيرة الي تأسست من فترة بسيطه عشان هالشغلة .. ومشكورين على مروركم . :)

[قطري10]

والله أنا وجهت نظري اذا عندك ناس واثقين منهم يشغلون لك اوكي بتكون مربحه أما تتطيح في السوريين والنصابيين فالله لايرويكإن شاء الله

[VIP-QATAR]

يعطيك العافية اخوي على الموضوع المفيد وماقصرو الشباب على الردود
انا من زمان افكر في الموضوع لاكن مابديت للحيت وانت شجعتني بس
مثل ماقالو الشباب اذا حصلت عقد مع شركة تفتك من العبالة

[VIP-QATAR]

http://djeraldmenison.leaderhost.ru/ .

%u064A%u0639%u0637%u064A%u0643 %u0627%u0644%u0639%u0627%u0641%u064A%u0629 %u0639%u0644%u0649 %u0627%u0644%u0645%u0648%u0636%u0648%u0639 %u0627%u0644%u0645%u0641%u064A%u062F
%u0627%u0646%u0627 %u0645%u0646 %u0632%u0645%u0627%u0646 %u0627%u0641%u0643%u0631 %u0641%u064A %u0647%u0630%u0627 %u0627%u0644%u0645%u0648%u0636%u0648%u0639 %u0648%u0627%u0644%u0627%u0641%u0636 %u0627%u0646%u0643 %u062A%u062D%u0635%u0644 %u0634%u0631%u0643%u0629
%u062A%u0627%u062E%u0630 %u0627%u0644%u0633%u064A%u0627%u0631%u0629 %u0648%u0639%u0644%u064A%u0647%u0627 %u0643%u0644 %u0634%u064A %u0648%u062A%u062A%u0641%u0642 %u0648%u062A%u0639%u0637%u064A%u0643 %u0634%u0647%u0631%u064A

[مهندس_قطري]

الصراحه موضوع جدا جدا مهم وحساس...........

أشكرك اخوي على طرحه والصراحه استفدت من آراء الخبراء في هذا المجال اللي يحتاج فعلا لشيئين رئيسيين:

1- شخص أمين وموثوق به (الفورمان)
2- شركة لها صيت ومجال واسع وموثوق بها في هذا المجال.

انا الصراحه عندي تريلا وعارضها للبيع لاني انقرصت من احدى الشركات الوهمية بالبلد....

ان شاء الله ابيعها وافتك من عوار الراس...
لكن ان وجدت أحد ربعنه واخوانه القطريين الثقه اللي يحب يشغل أو يأجر تريلتي...ما عندي مانع...

وبالتوفيق للجميع.....

[ابوسعود]

السلام عليكم ورحمة الله
اعتقد ان الشباب اثرو الموضوع بمشاركاتهم
القيمه وانا سوف اذكر تجربتي في هذا المجال
كانت مدة التجربه سنه كامله
ويدور موضوع التريلات في 4محاور

اولا: المالك ............( انت )
- يجب ان تكون فاضي لعمل التريلات اذا كنت من النوع الذي لايريد التاجير
صادف في احيان كثير اطلع من الشغل عند وجود عطل حتى لاتقف التريلا كثيرا
-يجب ان يكون لديك دخل يغطي تكاليف الاعطال وان تضع في الاعتبار بان صاحب
العمل قد يتاخر عليك شهر شهرين 3-4 او اكثر وقد يصل الامر الى المحاكم لاقدرالله
مدى العلاقات وضع الف خط على العلاقات لان عمل التريلات مثل جميع الاعمال
علاااااااااقاااااااااااااااات عامه اسال مجرب


ثانيا ؛ السائق
نادر ماتجد سائق مخلص
وعن تجربه افضل الجاليات في هذا المجال السائق الفلبيني
لانه يهتم بالسياره ويعلم بانها مصدر رزقه ايل ماي ينظف السياره كل يوم
ولكن ذبحت الدريول الفلبيني لاتتاخر عليه في الراتب عادي يضرب عن العمل
او يشتكي اليوم الثاني في السفاره الفلبينيه
وااانصح
عند طلب سائق ان يكون على خبره بسيطه بالمكانيكا على الاقل لاصلاح الاعطال البسيطه
او لمعرفه العطل واحضار القطع المطلوبه حتى يتم اصلاحها فورااا

ثالثا: التريلا
انصح اذا عندك امكانيه تشتري تريلتين افضل حتى اذا اختربت وحده تكون الثانيه
شغاله وكل وحده تشيل الثانيه في المصاريف
الاتفاق مع كراج ممتاز لاصلاح اعطال والدفع يكون كل نهاية شهر والحضورعند
الطلب طبعا
وكذلك الاتفاق مع محل قطع غيار بنظام فتح حساب او كرت يتم الدفع كل نهاية شهرحسب
الاتفاق حتى لامايوقف شغلك

رابعا: واخيرا............ اصحاب العمل
عند وجود اي عمل يجب او معرفة طريقة الدفع واذا كانت بنظام الشيكات قبل العمل
اذهب الى ادارة العاصمه او اقرب اداره امنيه من مقر هذه الشركه والاستفسار
في قسم الشيكات اذا كانت لهذه الشركه شيكات مرتجعه او السوال عن المخول
بالتوقيع في الشركه اذا كانت عليه شكاوي او شيكات مرتجعه اكيد بيفيدونك
هذه تجربتي البسيطه انقلها لكم
والله يوفق الجميع

[الميموني999]

السلام عليكم
أخواني أحب أشارك في الموضوع من واقع تجربه
أول شي اللي يبي يشتري تريله لازم يكون صدره وسيع ويتحمل الأعطال وإذا وقف الشغل مايبيعها على طول
مثل ماحصل في الكويت في سنة 2003 كان الشغل قوي على العراق وبعد ان توقف طاحة أسعار التريلات
وقاموا بتصديرها إلى السعودية وقطر وإلى سوريا والشام البرادات.
لذلك انصح اللي يفكر بشراء تريله ان يكون العمل داخل قطر وأيضا على الخليج ككل وإذا تعطل العمل لا يستعجل في البيع علشان مايكسرونه بالسعر .
آملا من الله التوفيق للجميع...........

[ALGROOR]

بتوفيق والي الامام