====ابــــــــــــغي رايـــــــــكم=====

[vip-qtr]

بسم الله الرحمن الرحيم

اسمحولي هذا اول موضوووع اطرحه بس لاتلومووني من القهر اللي فيني

بدخل في الموضوووع

ولد عمي متخرج من مدرسه خاصه وعادلو نسبته في وزاره التربيه وطلعت 90% والحمد لله

هنيه القهر

الولد مايبغي ايتغرب ولاَ المدرسه رتبت له مع جامعات في الخارج وراح وقدم هو ربعه على المدرينه التعليميه وعلى فكره هو القطري الوحيد من بينهم وهو اعلاهم في النسبه شرايكم انه ماقبلووووووه ..... تاخر في التسجيل على كلامهم لازم شهر 5

الولد رجع البيت وقال كلمه وحده هي مساله حظ و مالي غير جامعه قطر او الخارج وهو مايبغي جامعه قطر منقهر انه هالجامعات اللي فاتحينها حق من؟؟؟؟ حق الجنسيات الثانيه ؟؟؟؟؟

ابغي اعرف اشيبون اكثر من نسبه 90%

والله عور قلبي



ماله غير الغربه لانه مايبغي جامعه قطر :(

[الوعد2016]

تبي تعرف ليش بسبب الاجانب عشان ماتشاركهم في التعليم
لا لا لا الكلام الصحيح
هو اكيد عشانه تاخر في التسجل والجامعه لها قانون معين ووقت معين مافيه سبب اخر غير الوقت موعد التسجيل

[ذربة ألكلام]

يمكن عشان موعد التسجيل بس كل شي جايز ..

[vip-qtr]

بس نتيجته ماطلعت الا عقب ؟؟؟؟؟

[امل الحب]

اول شي مبروووك..

ثاني شي اذا مايبي يتغرب..

يقعد هالفصل فالبيت ويبدا من الجاي مو صعبة وااايد..

وترااا جامعة قطر مو سيئة لهدرجة وتعليمها اقوى ويعادل المدينة التعليمية..

واخيرا بالتوفيق ..

[vip-qtr]

من تجربه شخصيه وهالشي ينقال لي في المقابلات


(( الا متخرجه من جامعه قطر ))

هذا كلام ينقال لي ويعور قلبي في اكثر من جهه

مع اني محصولي العلمي ممتاز ودراستي كانت باللغه الانجليزيه

[lule]

جامعات المدينة التعليمية تعلن عن موعد قبول الطلبات من الفصل الاول وتعتمد نتيجة الفصل الاول .. معظم طالباتي انقبلوا قبل لا تطلع نتائج الفصل الثاني .. هم ياخذون على نتائج التوفل والسات اللي المفروض الطالب قدمهم من ثاني ثانوي ...

[عاشق Qatar]

ما بنخلص من هالماوضيع... ياخي السالفة واضحة الجامعات عندها موعد تسجيل لازم الكل يلتزم فيه... السالفة مافيها قطري او اجنبي او مقيم... بالعكس الجامعات عليها التزام انه لازم كل سنة عدد القطريين المقبوليين لازم يكون 60% من العدد الكلي للمقبوليين..

كل ما واحد ما مشى موضوعه جانا و قال انا القطري الوحيد و ما خذوني و خذوا كل الاجانب... لازم يكون في مصداقية و شوية فهم في الطرح لانه كثرة المواضيع الي من هالنوعية تخلي المواضيع ما لها طعم..

موعد انتهاء التسجيل في تكساس
http://www.qatar.tamu.edu/prospective_dates.aspx

موعد تسجيل كارنيجي ميلون
http://www.qatar.cmu.edu/admission/index.php?pg=dates

كل الجامعات كان تقديمها في شهر ثلاثة...

_________________

امس رحت كنتاكي و الزنجر كان مخلص مع اني القطري الوحيد في المطعم و جيتهم الساعة 8

[vip-qtr]

الجامعه اللي قدم عليها لها 2 deadlines

الاول حق اللي يبغي financial aid (راح الاول قالوا له نفضل انك اتاجل على الثاني لين ماتطلع علامه التوفل )
والثاني(راح وقدم وكل شي جاهز ... ولا استدعوه ولا سوو له مقابله حتى ...ويوم انصل لهم قالو له انت مرفوووض ... ورفيجه خليجي مقدم حق علوم حاسب جايب علامات اقل منه في التوفل والسات وقبلوه مع انه متطلبات الحاسوب اعلى من الاداره )

انا ماقول غير انها مسأله حظ وبس

[عاشق Qatar]

الجامعه اللي قدم عليها لها 2 deadlines

الاول حق اللي يبغي financial aid (راح الاول قالوا له نفضل انك اتاجل على الثاني لين ماتطلع علامه التوفل )
والثاني(راح وقدم وكل شي جاهز ... ولا استدعوه ولا سوو له مقابله حتى ...ويوم انصل لهم قالو له انت مرفوووض ... ورفيجه خليجي مقدم حق علوم حاسب جايب علامات اقل منه في التوفل والسات وقبلوه مع انه متطلبات الحاسوب اعلى من الاداره )

انا ماقول غير انها مسأله حظ وبس

الي فهمته من كلامك انه قدم على كارنيجي ميلون لانه هي الجامعة الوحيدة الي فيها ادارة و كمبيوتر... صحيح في تاريخين لانتهاء التقديم لكن الطلاب يقدرون يقدمون في اي واحد منهم. الي محتاجين مساعدة مالية لازم يقدمون في التاريخ الاول لكن الي مش محتاجين يقدرون يقدمون في الاول او الثاني. على كيفهم. طبعا الي يقدمون في الاول لهم اولوية القبول.

صحيح متطلبات الادارة اقل من الكمبيوتر لكن الادارة عليها اقبال اكثر فالمنافسة اتزيد. و هم يعتمدون على نتيجة السات و التوفل اكثر من الثانوية العامة.

الله يوفقه و اذا ما يبي جامعة قطر خليه يروح امريكا ترى الجامعات عندهم كثيرة و اسهل من بريطانيا و الناس طيبين اكثر.

[M!ss D!or]

يااااااخي والله ماتدري يمكنها خيره له

ياخي عمي كمل الثانوية وعلى طول أمريكا 4 سنوات ورجع بشهادة مساعد طيار
تعال شوف اللغة الصح
تعال شوف فهمة وتفكيره اسلوبة لانه تغرب وعتمد على نفسة صار رجل مسؤول عن نفسة حلات الرجل جي يعتمد على نفسه مادامه تجاوز 20 عااااااام
ياخي كلها اربع سنوات وراجع ومع كل اجازة يجي زيارة وصدقني السنين صارت تمشي بسرعة

خله يسافر برا يدرس هندسة والا طب وطيران لانه باين انه ذكي 90%


تصدق اني قارنت بين اللي يخلص الجامعه في الخليج واللي بالخارج لقيت ان اللي يخلص الجامهة في بلده يبقى متخلف همجي حسود عايش على المظاهر الخداعة
اما اللي يخلصون برا يجيك متطور صبور ذكي نظيف من داخل ومن برا وكريم متعاون يحب يساعد الغير بخلاص لانه عاش بين مجتمعات متحضره ومتطوره .

خله يتوكل على الله ويسافر برا ازين له من اللي هنا .

[دلة الرسلان]

مثل ما قالت امل يقدم على التيرم الثاني وخلال هذا الكورس ينضم للجسر الاكاديمي او يقوي

نفسه في الانجليزي استعدادا لاختبارات التوفل والسات .

بس جامعة قطر حلوة كفاية ما فيها اختلاط :victory:

[بويوسف]

ي
تصدق اني قارنت بين اللي يخلص الجامعه في الخليج واللي بالخارج لقيت ان اللي يخلص الجامهة في بلده يبقى متخلف همجي حسود عايش على المظاهر الخداعة
اما اللي يخلصون برا يجيك متطور صبور ذكي نظيف من داخل ومن برا وكريم متعاون يحب يساعد الغير بخلاص لانه عاش بين مجتمعات متحضره ومتطوره .

خله يتوكل على الله ويسافر برا ازين له من اللي هنا .

يا (اخوي) لاتكثر منها

[PoBox]

يااااااخي والله ماتدري يمكنها خيره له

ياخي عمي كمل الثانوية وعلى طول أمريكا 4 سنوات ورجع بشهادة مساعد طيار
تعال شوف اللغة الصح
تعال شوف فهمة وتفكيره اسلوبة لانه تغرب وعتمد على نفسة صار رجل مسؤول عن نفسة حلات الرجل جي يعتمد على نفسه مادامه تجاوز 20 عااااااام
ياخي كلها اربع سنوات وراجع ومع كل اجازة يجي زيارة وصدقني السنين صارت تمشي بسرعة

خله يسافر برا يدرس هندسة والا طب وطيران لانه باين انه ذكي 90%


تصدق اني قارنت بين اللي يخلص الجامعه في الخليج واللي بالخارج لقيت ان اللي يخلص الجامهة في بلده يبقى متخلف همجي حسود عايش على المظاهر الخداعة
اما اللي يخلصون برا يجيك متطور صبور ذكي نظيف من داخل ومن برا وكريم متعاون يحب يساعد الغير بخلاص لانه عاش بين مجتمعات متحضره ومتطوره .

خله يتوكل على الله ويسافر برا ازين له من اللي هنا .


مش مقياس
ياما ناس راحوا برع رجعوا قواطي مقفلة ،، وبانبهار زايد ماله لزمة :rolleyes2:

[vip-qtr]

يدخل الجسر الاكاديمي هو متخرج من مدرسه اجنبيه (شويفاااات ) والتوفل علامته 84 اضن من120 بحسبتهم لكن السااات القهر ان هو ورفيجه نفس العلامه رفيجه قبلوه وهو لا
هنيه الواحد ينقهر

عالعموم الموضووع كان للنقاش ماقصرتو بس هاذي الدنيا وقرر
يروح بريطانيا كان ودنا ان هالملايين للي مخسرينها على هالجامعات تكون من صالح عيال بلادنا بس الحمد لله على كل حال