معهد لغة انجليزية ؟

[lule]

السلام عليكم ...

اخواني بغيت اعرف احسن معهد لغة انجليزية حق اليهال ... عندي وحده تبغي تدخل ولدها في الصيف ... الولد عمره 14 سنه و مستواه صفر في الانجليزي تبغي تاسيس على الاقل..

[Smart]

جربى المعهد البريطانى فى السد

[ضوى]

اختي لولي تدرين نفس مشكلتي مع ولدي

يدخل معهد ويكون فلته زمانه مجرد يطوف شهر ينسى كل شئ ، وديته شهر لندن وقعد مع عايلة واوكي مستواه ويوم رجع شهر ونسى كل شئ تدرين ليش لانه ما في ممارسة واكيد بينسى عشان جذي شلت فكرة اني ادخله معهد لانه ما في فايدة للاسف الشديد

[سهم مديون]

نصيحة معاهد ومادري شنو ماينفع اللي ينفع ممارسة اللغة بشكل مستمر !!!

[زقرتي ومزاجي]

نصيحة معاهد ومادري شنو ماينفع اللي ينفع ممارسة اللغة بشكل مستمر !!!



هذا بلى ابوك ياعقاب

[راعي السهم الأول]

بسم الله الرحمن الرحيم

*
*
*
معهد للغه الإنجليزيه وتبينه لتأسيس هالشي يعتمد على الطفل ومتابعة الأهل له إذا بيودونه المعهد البريطاني راح يعملون له إمتحان تحديد مستوى وهالشي راح يساعدهم على إختيار المستوى الدراسي اللي يناسبه

البريطاني حلو بس دام أن الولد مب عارف أي شي بيكون في صعوبه وحرج له لن اللي راح يتعامل معاهم أجانب فبيكون مش متقبل أو مستصعب هالشي لو يدخل بهالفتره مركز عادي من اللي موجودين بالدوحه بيكون أسهل له لن راح تقدرون تحددون شاللي تبون تعلمونه للولد وتركزون عليها لكن لو راح لمراكز متخصصه مثل البريطاني هني راح يتحدد له مستوى عقب بيحشرونه مع مجموعه ويدرس شي مجبور عليه ويمكن هو له ميول ثانيه أو في باله يتعلم شي غير اللي هم يعطونه الأحسن ان التأسيس له يكون على مراحل من متدني لأعلى

1
يدخل مركز عادي تحددون له برنامج يمشي عليه ويكون عام أشياء تساعده على أنه يتواصل مع الغير في أي مكان

(( مثل التحيات أسئله للغير إتجاهات مسميات الأماكن الفواكه الخضار الملابس الألوان أجزاء جسم الإنسان وغيره ))
2
يعتمد التعليم شفهيا وكتابه
(( أن اللي أنذكر فالنقطه الأولى يتعلمه بالنطق والحفظ كتابيا ))

3
لي صار متمكن هني في مجال يدخل لمراكز متخصصه ولو للإستمراريه هالشكل هو صار عنده خلفيه من مركز عادي وبنفس الوقت يطور نفسه في مركز متخصص منها الأساس يتواصل ويستمر على هالمحادثات وثاني شي يتعلم وماننسى في مواقع تعلم لغه وتناسب اللي في عمره مثل هالرابط

http://www.languageguide.org/english/

:shy:

الله يوفقه يارب للي فيه الخير

تحيــــــــــاتــــــــي

[lule]

مشكورين وما قصرتوا على التفاعل ... كل الكلام اللي قلتوه صح ... وانا معاكم .. وكلنا تعلمنا انجليزي بالممارسة ... الولد اصلا تقدر تعتبر انه ما عنده اي خلفية وامه تبي تاسيس فقط .. يعني القواعد البسيطة والحروف .. وتبغي بس في الصيف