عـــــــــــــــاجل ( حبوب زيادة الوزن )

[بنت قطر202]

السلام عليكم ورحمة الله وبركاته

أخواني وأخواتي انا كنت حاطه موضوع وهو حبوب زيادة الوزن واسمها أغادير بودي ماكس وكنت اجبيها من السعوديه واستخدمتها والحمدلله اني مابعت حق اي حد الحمدلله
الحبوب متنتني نفس ماقلت لكم من قبل ، والي كان يبيع قالي انها طبيعيه 100% وحلف لي وبعد في برنامج حق ذهبية جابر مع اخصائي تغذية في قناة قطر انعرض وتكلمت عن الحبوب وقالت انها طبيعية ومافي منها اي اضرار ، والله يجزي خير وحده من الأخوات وأخوي أبو علي لأنه قالي جيبي شهادة من وزارة الصحه تثبت أن الحبوب مصرحه، المهم من اسبوع طرشت الحبوب الفحص والنتيجه طلعت ان فيها نسبة كرتزون كبيره تسبب العقم. بصراحه انا انصدمت لان راعي المحل كذب علي وكان يحلف والمصيبة ذهبية قالت انها طبيعيه بس الفحص طلع بلاوي الحبوب.

أعذرونـــــــي والله ماكنت أدري والحمدلله اني مابعتها حق حد بس انا استخدمتها؟؟؟؟

واتمنى التوفيق للكل


عرضت الموضوع لأن في طلبات وايد على الحبوب .. وانتو اخواني ومستحيله أضر أي حد

[كاروهات]

:omg:
اختي الله يجزاج الف خير
والحمدالله انج مابعتي لحد عشان ماتكونين انت السبب في العله والضرر
ولازم تنتبهين مره ثانيه وهالكلام لج او لغيرج
وانت بعد لازم ماتاخذين اي شي والدرب وان شالله ماصادتج اضرار من هالحبوب:anger1:
والف شكر اختي على صراحتج وان ماهمتج الماده مثل البعض:victory:
والوحده فينا لازم ترضى بما خلقنا الله عليه ولا نحاول نغير شي
الصراحه عجبتيني والله
:ok:

[اعالي الجنان]

الله يجزاك خير وربي يرزقج من فضله ويفتح عليج ابواب رزقه الكريم يارب
الله يسامحهم ليش اللعب عالناس والحلف الكذب
حسبي الله على الاشكال هذي
ونتي فديتج وقفي هالحبوب لاتجيج منه مضره بعيد الشر
وطمنينا عنج

[PoBox]

ان شاء الله ماعليج شر
الكورتيزون كثرته والمداومة عليه هي المضرة ولمدد طويلة
وان شاء الله ماعليج شر دام وقفتي

ياليت ترسلين نسخة من التحليل لاي من الجرايد الشرق ولا الوطن او الراية او العرب
المفروض يتحاسب البرنامج والدكتور اللي كان يطبل للحبوب وانها بدون مضرة

وكقاعدة مافي حبوب تغيير جسمي بدون اثر جانبي

[بلاهويـــــة]

جزاكِ الله خيراً

[Q6RI-001]

يسلموو الغالي على المعلوومه

[عاشق Qatar]

شلون وزارة الصحة طلعت شهادة انه الحبوب مصرح فيها؟؟
بدون تحليل و فحص؟؟؟

:anger1::anger1::anger1:

[هتـان قطر]

الله يجزيك خير اختي ..

واللي تبي تمتن تجرب طريقتي..

حلبه مصريه مطحونه تقريبا كيلو + كاجو ابيض مطحون نص كيلو تقريبا مع كوب حليب نيدو

ملعقه صباحا وملعقه مساء..كل كوب ذوبي فيه ملعقه من الخلطه وحركيه وانتي تشربينه

واستمري عليها شهر ونص او شهرين..

طبعا الخلطه طبيعيه وتسوينها بيدك..ومجربه :victory:

[ABDALAZiZ]

جزاج الله خير أختي

[oumadam]

وي وي وي الحمد الله انا كنت اشتريتها واخدت منها يمكن 4 حبات ولاحظت انها تنوم فباتعدت عنها خالص والحمد الله اني ما استمريت عليها وشكرا اختي على المعلومة

[سداوي&مدريدي]

جزاج الله خيـر

والله يكثر من أمثالج :nice:

وان شاء الله ماتشوفين شر

[حقيقه]

:nice:ناس تبي زيادة الوزن
وناس تبي الرشاقه ومنقعين في الكرنيش رايحين جايين يكسرون الخاطر البعض منهم رغم المجهود اللي يبذله بس ماينزل وزنه :tease:

[وضحى قطر]

يا دافع البلاااا
حسبي الله عليه لا ويحلف بعد
الحمدالله رب العالمين

والله يجزاااج خير اختي

[Mo0o0oM]

ماعلى قلبج شر اختي .. وترى الرشاقه زينه :shy:

[شاهيناز]

جزاك الله كل خير اختي على التنبيه

مره وحده جابت اعشاب تقول تزيد الوزن
شفت لونها ابيض
قالو لي هذي فيها كرتزون

رميتهم

الي تبي تزيد وزنها
تشيل اثقال وتدي علي
اقول ها الكلام عن تجربه

[دانـة قطـر]

يعطيج العافيه أختي عالتنبيه :victory: