من عنده فكره عن العسل الطبيعي

[بوحمد2]

ابي عسل طبيعي يكون مظمون 100%مش مغشوش ينفع للاطفال ويكون ينفخ ويعطي صحه ويعوض عن الاكل وين اخذه وشنو احسن نوع وشسمه ومن وين المحل ورقمه الخ....

[حقيقه]

اعتقد على حسب نوعية الزرع
يعني فيه نوع من النحل اللي يتغذا على الزهور
وفيه النوع اللي يتغذا على السدر
فيه العسل الاسود اعتقد يمدحونه للي صدره تعبان :omen2:
وفيه عسل مخلوط مع اشياء ثانيه زين للاطفال بعد :omen2:
بس ماعرف اكثر
بسئلك عن احسن محل في قطر يبيع العسل الجيد :nice:

[@بوٍخلــي@]

اخوي يمدحوا العسل اليمني

وفي محل في سوق واقف بعد بس ما ادري شسمه بس هو ساحه الاغاني

تحياتي للك

[الوعد2016]

اخوي اذا تعرف شخص من اليمن ومعرفه صادقه وصديق فهو من سوف يستطيع احضار لك العسل لانه يعرف مكانه وعلى ماذا يتغذاء ويعرف اذا كان صاحب المنحل يغش او لا وبيكون ارخص من اي محل

[hamoor4ever]

انا اخذه اخوي من البحرين في المجمع اللي في مدينه عيسى في واحد تلاقيه قاعد بالنص يجر عربه وهاذي شركه كويتيه اسمها معجزه الشفاء ، دوم اشتري منه هالعسل عنده يمني وسدر وعده انواع وافضله اليمني بصراحه صار لي اكثر من سنه اخذ منه عسل ممتاز ومضمون وسعر ممتاز بعد عندك من 90 ريال وطالع لين ال 300 ريال وكلهم جربتهم طبيعي بس افضل الانواع اليمني ويجي لك من 160 وطالع وعنده نوع من زهور حبه البركه بعد عجيب وعنده شغلات كثيره طبيعيه وبأسعار مناسبه بس للاسف هالمحل مش موجود بالدوحه اذا تبي رقم الريال بعطيك اياه ، وبصراحه عسله تحسه طبيعي ومب مغشوش عن تجربتي وتجربه غيري بعد

[عزوز المضارب]

العسل(الجبلي ) ويفضل العسل اليمني

بالنسبه لوجوده يفضل من اليمن مباشره او بالبحرين تحصله هناك .

اللي في الدوحه هنا مش مضمون الصراحه :)

[الرايقه]

انا اخذه من عالم النحل في الغرافة واحسبه والله حسيبه من الامناء ان شاء الله

[المركزي]

العسل الدوعني من جبال اليمن

[انسان حساسي]

جاب لي واحد عسل يمني ممتاز ويعطي طاقه وصحي بس تأكد انه مثل ماقلت 100 بالميه طبيعي ( يعني مب مخلوط بسكر) اخبر شفت بسوق واقف واحد يبيع ....

[طارق]

ابي عسل طبيعي يكون مظمون 100%مش مغشوش ينفع للاطفال ويكون ينفخ ويعطي صحه ويعوض عن الاكل وين اخذه وشنو احسن نوع وشسمه ومن وين المحل ورقمه الخ....



انا اشتريت عسل من سنتين اصلي من مزرعه في الشمال من شخص موثوق منه
عنده نوعين عسل سدر وعسل برسيم
السدر لونه غامج ( سكري جداا)
السدر قريب الأبيض ( حلاوته متوسطه )
الكيلو ب 50 ريال
اصلي
بشوف رقم الرجال واذا حصلته بعطيك اياه
حبيب ئلبي

[غريب الدار]

إذا ما أردت عسل طبيعي 100% فعليك بشخص تثق فيه من اليمن لكي يقوم بجلبه لك من اليمن مباشرة بشرط أن لا يشتريه إلا من صاحب المنحل مباشرة على أن يكون على علم ودراية بصاحب المنحل وكيفية طريقة جنيه للعسل لأن معظم العسل الذي يباع في المحلات التجارية وبعض الباعه الذين يسوقونه حتى وإن كان مصدره اليمن أصبح عسل تجاري حيث أن النحل يغذى بالسكر والحلويات ومن ثم يتم إنتاج عسل تجاري بل ويقوم بعض الباعه بإضافة نكهة السدر عليه أو خلطه بعسل آخر حتى يظن المشتري بأنه عسل طبيعي والعسل الصحي هو الذي تجني النحل رحيقه من الطبيعه كالسدر والأزهار
هذا إذا ما أردت عسل ( فيه شفاء للناس )


ولك خالص التحية

[المشط]

اخوي عندي شخص من اليمن دايم اشتري من عنده ... عسل ممتاز ومع الشمع

[خبير أقتصادي]

أتمنى من لجنة حماية المستهلك أن تتابع محلات بيع العسل بأخذ عينات دورية للتأكد من كونه طبيعي أو خلافة لحماية المستهلكين بالمقام الأول و هي أيضا ستعزز ثقة المستهلك بتلك المحلات نفسها و سيكون لتتلك المحلات نتائج إيجابية أيضا.

[auto body]

موجود عسل لعلاج الاطفال الى يعنون من امراض الصدر والكيلو 350 مجرب فى خلال خمسة ايام ا شاء الله يكون الصدر صافى من محل موثوق فية فى الدوحة

[mohd essa]

انا اخذه اخوي من البحرين في المجمع اللي في مدينه عيسى في واحد تلاقيه قاعد بالنص يجر عربه وهاذي شركه كويتيه اسمها معجزه الشفاء ، دوم اشتري منه هالعسل عنده يمني وسدر وعده انواع وافضله اليمني بصراحه صار لي اكثر من سنه اخذ منه عسل ممتاز ومضمون وسعر ممتاز بعد عندك من 90 ريال وطالع لين ال 300 ريال وكلهم جربتهم طبيعي بس افضل الانواع اليمني ويجي لك من 160 وطالع وعنده نوع من زهور حبه البركه بعد عجيب وعنده شغلات كثيره طبيعيه وبأسعار مناسبه بس للاسف هالمحل مش موجود بالدوحه اذا تبي رقم الريال بعطيك اياه ، وبصراحه عسله تحسه طبيعي ومب مغشوش عن تجربتي وتجربه غيري بعد

وين مكانه بالضبط هالمجمع

[hamoor4ever]

وين مكانه بالضبط هالمجمع

مجمع مدينه عيسى

في مدينه عيسى مايضيع ، اول ماتدخل مدينه عيسى عند الدوار اللي قريب من جسمير دش من البوابه بتلاقه جدامك مجمع كبير ، بتلاقي واحد عند عربه وللعلم هاذي شركه كويتيه لها فروع بالبحرين وبعض دول الخليج الثانيه الا قطر والعسل مالهم يجي مختوم ومضمون ومسكر يعني مافيه تلاعب وعليه ضمان بالترجيع في حاله مااعجبك ، وعندك شغلات ثانيه طبيعيه حلوه مثل زيت الزيتون شاي اخضر نعناع طبيعي غذاء ملكات نحل جنسنج صابون طبيعي وغيره ، وبصراحه اغلب شغلاته جربتها وايد ممتازه وتحس انه طبيعي صج واسعاره حلوه

بالسابق كان في السيف بس اللي بالسيف الشخص الهندي اللي يشتغل ترك الشغل فبقى اللي في مدينه عيسى بس وله افرع ثانيه بس مااذكرها

[بوحمد2]

موجود عسل لعلاج الاطفال الى يعنون من امراض الصدر والكيلو 350 مجرب فى خلال خمسة ايام ا شاء الله يكون الصدر صافى من محل موثوق فية فى الدوحة

اشكر الجميع

[مداوي القلوب]

انا اشتريت عسل من سنتين اصلي من مزرعه في الشمال من شخص موثوق منه
عنده نوعين عسل سدر وعسل برسيم
السدر لونه غامج ( سكري جداا)
السدر قريب الأبيض ( حلاوته متوسطه )
الكيلو ب 50 ريال
اصلي
بشوف رقم الرجال واذا حصلته بعطيك اياه
حبيب ئلبي

ترى مستحيل جداً يكون في عسل طبيعي بهالسعر
لان الاصلي يكون اغلى من كذا بكثير
وتقبل مروري

[طارق]

ترى مستحيل جداً يكون في عسل طبيعي بهالسعر
لان الاصلي يكون اغلى من كذا بكثير
وتقبل مروري

من مزرعه شيخ
ومكتوب عالعبوه ( مشروع مناحل الشمال ) وكل من جربه قال انه نخب أول

[زقرتي ومزاجي]

في محل في الغرافه جنب المشاهير والوجبه الشهيه


دايماً اخذ منهم عندهم انواع جيده من العسل وأحيانا يجيبون
عسل من الدوعني في اليمن

وعنده خلطات حلوه حق التسمين ورفع المناعه وحق المتزوجين
وسعره مناسب


الله يوفقك ان شاء الله


ملاحظه

<<< مايتسغني يوم واحد عن العسل

[بوحمد2]

في محل في الغرافه جنب المشاهير والوجبه الشهيه


دايماً اخذ منهم عندهم انواع جيده من العسل وأحيانا يجيبون
عسل من الدوعني في اليمن

وعنده خلطات حلوه حق التسمين ورفع المناعه وحق المتزوجين
وسعره مناسب


الله يوفقك ان شاء الله


ملاحظه

<<< مايتسغني يوم واحد عن العسلاشكرك بعنف