[.. مشورتكم في عازل الحراره للسياره والمخفي ! ..]

[ذيبة الريان]

[.. مشورتكم في عازل الحراره للسياره والمخفي ! ..]

السلام عليكم ,,

اخواني واخواتي بغيتكم تفيدوني في عازل الحراره ,,

ومايكون مخفي 100% واسود ,,

بس المهم مايبين اللي داخل ويكون شكله راقي ,,

ودي احط مخفي على السياره كلها ,, بس ياليت تفيدوني إذا لازم تصريح ! او عليها مخالفه !!

وايش احسن نوع عازل حراره ,, وسعره !!

جزاكم الله خير

[jajassim]

http://www.qatarshares.com/vb/showpost.php?p=2605283&postcount=43

[ذيبة الريان]

يعطيك العافيه أخوي ,,

لو بغيت احط مخفي للثاني والثالث ,, وجامات العبري واللي قدام وورا تظليل خفيف مايبين فيه صاحب السياره عدل !!

كم يكفلني من جونسون !!

وكم حدود المخفي المسموح فيه !!

علماً اني اشوف كثير سيارات هالايام كلها مخفي بس مب اسود 100% ,, وكلها جونسون ,,

وطالعه السياره راقيه وبنفس الوقت مايبين راعيها ,,

[راعي ال2008 الاسود]

اختي لزم اول شي تحطين تصريح حق المخفي من المرور وبعدين بيشرطون الي ورا عاادي 50%
او اكثر عااادي لكن الي قدام جامة العبري والسواق لزم تكون 30% بس
وبعدين احسن عاازل حراري والمعروف عند العرب (ايام جونسون ) وبالتوفيق لج ان شاء الله

[رقم مميز]

انصحك بتتانيم

10% ولاحد كفو يقولك كلمه

واذا موتر عايله 70% ورا

[q6ri_vip]

بخصوص المخفي او العازل الحراري أذا كان الشخص مايبين داخل السياره ملامح السائق أقصد فهني بتنحجز السياره اذا كان الشرطي معند او ان يسامحك ويقولك شيله للعلم .... فأحسن شي 30% وطبعا جونسون وتتانيم كلهم يمنعون الحراره داخل السياره .

[راعي ال2008 الاسود]

بس على كلام الناس الجونسون احسن بوايد من التيتانيوم

[anmfh]

اختي توكلي على الله

وركبي جونسن

غير انه شكله حلو وراقي

يعزل الحراره وصدقيني بتحسين بالفرق

وهذا موتري عليه العاازل 30%

اسمه ES50

http://www.qatarshares.com.qa/data/365/368/storm_1264668568_2055353901.jpg

[سهم قطري]

انا مركب مخفي 30% على زجاج العبري والسايق و50%على الزجاج الخلفي وناوي اركب عازل 10% على الزجاج الامامي والخلفي عشان ماخسر،،،،

اخوي anmfh الارقام للبيع:):)

[anmfh]

اخوي anmfh الارقام للبيع:):)

تاامر عليها فديتك

[فلفل حار]

من تجاربي وتجارب اخواني واصدقائي الثقه

افضل شي مضمونا وسعرا هو جونسون ، وابتعدي عن لومار وتيتانيوم

واذا علي مورانو اعتقد سعره من سعر الفورويل الي هو 1800 ريال

شخصيا ، ركبت من جونسون مره وركبت عازل كوري في البحرين وبصراحه ماشوف فرق ذاك الزود الي يستاهل اخسر عليه هالمبلغ ، اللهم انه عازل جونسون ماراح يتغير شكله الخارجي بسرعه لانه جودة المخفي ارقى والكوري بـ يعيش علي سيارتج يمكن سنه ونص لي سنتين ويمكن اكثر

راجعي الخاص اختي

[هام السحاب]

مب لازم مخفي
السياره بدون مخفي شكلها احلى

[almaf1a]

الكل قالج عن جونسون وتيتانيوم

لكن انا انصحج بــ v-cool محلهم على طريق سلوى عند لفة العزيزية

مركبينه على مواترنا بنسبة 30% وهالكلام صارله سنة

لا حرارة في الصيف وفي نفس الوقت منظر السيارة ( رزه ) واللي داخل مايبينون عدل

نصيحة ... ركبي v-cool وماراح تتحسفين

الله يوفقج

[ذيبة الريان]

" واذا علي مورانو اعتقد سعره من سعر الفورويل الي هو 1800 ريال "

والله خاطري بجونسون بس سعره مايناسبني ,,

وبخصوص الـ v-cool ما عندي فكره !!

انا ابي عازل حراره وبنفس الوقت مخفي كامل ,,

كثير سيارات وشباب بعد !! واشوفهم حاطين مخفي كله !!

مب شرط يكون اسود 100% بس المهم ماتبين ملامح السايق ,,

يعطيكم العافيه على المساعده اخواني ,, بيض الله وجيهكم ,,

[الجوكر90]

الشيخه اذا تبين تركبين مخفي او عازل انا انصحج تركبين ع الجامات الي ورا 100% والباقي 20 او 30% ومحد راح يكلمج دام الشرطي يقدر يشوفج فالموتر ولا تفكرين تزيدين لانه راح يعطيج مخالفه 1000 ريال ولا تقولين بنيه راح يمشيني يمكن تكونين صافه فموقف وبيعطج المخالفه عشان جي ركبي مثل ماقلت لج وهل الشي من تجربه سنه كامله ومحد قالي شي

[ذيبة الريان]

صح كلامك والله

شكلي بسوي كذآ

الله يسهل ان شاءالله

يعطيك العافيه أخوي ماقصرت ,, بيض الله وجهك