الاستثمار طويل الامد ..لبورصه قطر

[الوجبه]

الوجبه يسلم عليكم ويقول:

انا ملاحظ هنا في المنتدى الناس متخوفين كثير من بورصه قطر ,, حتى البعض وصل

انه يكتب عن بورصات خليجيه اخرى غير الدوحه ... مع ان بورصه الدوحه فيها خير كثير

بس حق المستثمر ل اكثر من سنه ... واعتقد اخوي السنه في عمرك مش كثير

اذا ناوي تستثمر صح ... وما اعتقد راح تتاثر باي اكتتاب قادم لانك ضامن انك بتبيع بربح وايضا

مش متخوف من النزول ,,, وهذا بيخليك مطمن على فلوسك .

اما انك تشتري على ارتفاع من غير دراسه وبعدين اذا نزل السهم تحط حرتك في الاكتتابات

الجديده او السوق ,, فهذي غلطتك انت ... ولا اتحمل السوق المسئوليه ..

من تجربه شخصيه لي :

انا شريت من سنه وكانت الاسهم نازله وقتها .. وتركتها واخذت عشر شركات

وكلها على نزول ووزعت الفلوس ... وبعدها بفتره بسيطه ارتفعت كل الشركات

والحمدلله الا شركتين كان ارتفاعهم بسيط ,, لكن مش مشكله الباقي يعوض المبلغ

والان كلها مرتفعه والحمدلله وارتفاعات كبيره جدا .....

الخلاصه يا اخوان :

سوق الدوحه استثمار حق سنه سنتين او اكثر ... اما انك تدخل في نفس اليوم

بمبلغ كبير واذا نزل قلت الاكتتابات الجديده ...... هنا لازم تراجع نفسك .

انا غشيم في البورصه بصراحه لكن هذي طريقتي ... وانا اشوفها ناجحه

وما ترفع الضغط .

وسلامتكم

[بو شهاب]

الله يجزيك الخير اخوي الوجبة , الاستثمار اثبت انه مجدي و اربح من المضاربة

و هذا فعلا اللي حصل معي , فالاسهم اللي شريتها و خليتها اعطتني عائد

اكثر من اسهم المضاربة غير حرقة الاعصاب و الارق اللي اخذناهم من المضاربة .

[Bin Hood]

جزاك الله خير على النصيحة اخوي الوجبه , انا بعد ما عندي خبرة في الاسهم وما عرف حق التحليل لكني اسوي نفس ما قلت بالاضافة اني اسأل الناس الي عندهم خبره واغلبهم من هالمنتدى الطيب , بالاضافة اني احاول اني اكتتب في الاكتتابات . وهذي الطريقة ممتازة حق الي ما عندهم خبره مثلي .

[الحزينه]

مشكور اخوي على النصيحه والله يجبر بخاطرك وان شاء الله بعد غد بورصتنا خــضــــــــــــــــــــــــــــره :)

[أبو خالد]

مشكور أخوي على النصيحة
و الله كلامك معقول

[سهيم بن سهم آل بورصة]

وجدت ان سوقنا ينفع معاة مضاربه اسبوعيه وينفع معاه اكثر الاستثمار ذو الفترة الطويله :: سنة وحواليها مثل ماقال اخونا الوجبة

مع الشكر

[السيليه]

شكرا اخوى الوجبه على النصيحه

[ريم]

أخوي شكراُ لك على الموضوع بس أخوي أنا أعتبر المضاربه مواسم يعني في حال ركود السوق تذبذب بسيط هاي تعتبر فرصه للمضاربه وأفضل الاوقات للامانه كانت في فتره الصيف كان السوق فيه شيء من الركود لاكن أعتقد في الايام هاذي وايد صعبه المضاربه لانها تعتبر مغامره خطره جداُ وهاي رأيي أما الاستثمار هو الطريق الامن والامثل يعتبر الان في هذه الظروف :)