لالالالا ماتوقعتها تصير في شوارع الدوحه

[blueZircon]

السلام عليكم ورحمة الله وبركاته

الصراحه مالقيت عنوان حتى ادخل فيه معاكم لهذا الموضوع , وبما اني لااجيد المقدمات خل ادخل معاكم بالموضوع دوغري على قولة اخواننا الشاميين

اليوم كنت طالع مشوار في شارع السد وتفاجأت كذا مره ان السائقيين ماعندهم صبر انهم ينتظرون ثواني معدوده حتى يعطون مجال لاي شخص يصف موتره او يطلعه من الباركنج والغريب انه الموقف تكرر جدام عيني اكثر من مره في اقل من ثلث ساعه والاغرب انك حتى لو تضرب اشاره بعد محد يعبرك!! واللي حزّني اكثر انها تجي مع بعض المواطنين . انزين لماذا كل هذا الاستعجال وعدم اعطاء الاخرين فرصه بالشارع وخاصه بالاماكن المزدحمه . السواقه فن وادب واخلاق وذوق, يجب مراعاة السائقيين لبعضهم البعض لان ممكن اي شخص ينحط في موقف انه يبي يصف في باركنج في منطقة مزدحمه. انا صارلي اربع سنين خارج قطر ببلده اجنبيه وتعاملهم بالشوارع زفت كل واحد نفسي نفسي ومايعطونك حتى فرصه انك تسلك خط اخر بالشارع فماتوقعت ابداً ان هالظاهره تصير في قطر.

يعني بالدوحه لازم يكون عندك موتر كشخه رنج ولاوبورش ولامرسدس عشان العالم تحترمك بالشارع ؟
والمشكله الاخرى في بعض السائقين مادري ليش شايفين نفوسهم, لما تعطيه فرصه انه يمر او يعدل من وضعية موتره بالشارع يقعد يطالعك ولاحتى يرفع يده يسلم .

قعدت مع نفسي شوي عشان اطلع الاسباب واكتشفت ان من اهم الاسباب التي أدت الى هذه الظاهره هي :

- كثرة الجاليات العالميه والسائقين بمختلف الجنسيات ذوي الخلفيات الثقافيه المختلفه
- التقدم الاقتصادي الذي ادى الى ذوبان اللحمه الاجتماعيه والتعامل الانساني


اترك لكم التعليق

[صوت قطر]

لم أحس بما تعانيه أخي في الشارع

فأنا لدي رولزرويس

[التيما]

اي والله اخوي .. حتى قبل اذا شافوا حريم يحترمونهم لين يمرون والحين لا احترام لا لشيبه ولا حريم ويا اعيالهم ولا ريال ويا هله .. الله يهدي الجميع ..

[هام السحاب]

المواطنين الظاهر تأثروا بسواقه الهنود :)

[GULFSUN]

السلام عليكم ورحمة الله وبركاته

الصراحه مالقيت عنوان حتى ادخل فيه معاكم لهذا الموضوع , وبما اني لااجيد المقدمات خل ادخل معاكم بالموضوع دوغري على قولة اخواننا الشاميين

اليوم كنت طالع مشوار في شارع السد وتفاجأت كذا مره ان السائقيين ماعندهم صبر انهم ينتظرون ثواني معدوده حتى يعطون مجال لاي شخص يصف موتره او يطلعه من الباركنج والغريب انه الموقف تكرر جدام عيني اكثر من مره في اقل من ثلث ساعه والاغرب انك حتى لو تضرب اشاره بعد محد يعبرك!! واللي حزّني اكثر انها تجي مع بعض المواطنين . انزين لماذا كل هذا الاستعجال وعدم اعطاء الاخرين فرصه بالشارع وخاصه بالاماكن المزدحمه . السواقه فن وادب واخلاق وذوق, يجب مراعاة السائقيين لبعضهم البعض لان ممكن اي شخص ينحط في موقف انه يبي يصف في باركنج في منطقة مزدحمه. انا صارلي اربع سنين خارج قطر ببلده اجنبيه وتعاملهم بالشوارع زفت كل واحد نفسي نفسي ومايعطونك حتى فرصه انك تسلك خط اخر بالشارع فماتوقعت ابداً ان هالظاهره تصير في قطر.

يعني بالدوحه لازم يكون عندك موتر كشخه رنج ولاوبورش ولامرسدس عشان العالم تحترمك بالشارع ؟
والمشكله الاخرى في بعض السائقين مادري ليش شايفين نفوسهم, لما تعطيه فرصه انه يمر او يعدل من وضعية موتره بالشارع يقعد يطالعك ولاحتى يرفع يده يسلم .

قعدت مع نفسي شوي عشان اطلع الاسباب واكتشفت ان من اهم الاسباب التي أدت الى هذه الظاهره هي :

- كثرة الجاليات العالميه والسائقين بمختلف الجنسيات ذوي الخلفيات الثقافيه المختلفه
- التقدم الاقتصادي الذي ادى الى ذوبان اللحمه الاجتماعيه والتعامل الانساني


اترك لكم التعليق

انت جاوبت على نفسك :) اخوي شوف الهنود :secret: ترا هم السبب تعطية مجال يصف او يمر مايشكرك,:omg: واذا شافك في موقف مماثل لايعطيك فرصة توقف او ترجع للخلف بل يمكن يدعمك ولا هامه القانون معه .:anger1:

[قطريه ماركه]

اي والله هالظاهرة منتشره .. من اسبوع في مواقف الستي ابغي اصف في الموقف واللي جدامي

مناحس ويرد على ويدعم السياره ويدعم .. مع انه سيارتي من النوعيات اللي ذكرتها ..جان تروح له اختي وتفتح عليه الباب وتزففففه وتصك الباب.. واتصلنا حق الشرطه ..

اخر شي حفص عليننا وراح الحمدلله والشكر ...سواقة هاليومين لا فن ولا اخلاق !!!

[العنود55]

مانعمم لانه فيه الكثير من الشباب اللي مازلت القياده عندهم ذوق كم مره يفسحون لي الشارع وحتى ساعات اكون بدون سياره ابي اقطع الشارع يوقفون لي لكن لاحظت اذا المره كانت تسوق وتصادف مره مثلها تسوق ماتعطيها اي مجال وومكن تعصب عليها وتغلط عليها بعد موقف حصلي شخصيا وسمعت هالشي من كذا وحده تسوق

[حقيقه]

انا موتري صحيح تعبان بس فيه ناس واجد يحترموني ويحترمون موتري :shy:

وفيه اللي يفقعون كبدي ونفسي انزل واكفخهم يوم ياخذون الموقف بدالي :anger1:


يعني فيه الزين وفيه الشين :shy:

[حنان الدنيا]

ايه والله صدقت اخوي نفس اليوم وانا بالسيتي الكل مستعجل كأن الدنيا بتطير ولا المواقف بتخلص
ومحد فيه صبر للثاني .؟؟ ومادري ايش صاير للعالم ماكانوا كذا

وانا معاك باللى تقوله وشاكره لك هالموضوع

[فلفل حار]

اي والله اخوي .. حتى قبل اذا شافوا حريم يحترمونهم لين يمرون والحين لا احترام لا لشيبه ولا حريم ويا اعيالهم ولا ريال ويا هله .. الله يهدي الجميع ..

بالعكس والله ، مع انه في حريم الله يهديهم سواقتهم مثل ويوهم:secret:بس الاولويه له مهما يكووون

لكن في جاليات معينه لو يموتووون ماعطيهم مجال:shy:

واتفق مع اخي صاحب الموضوع بـ كل كلمه ذكرت والمناحس صار بـ الذات عند المواقف الخلفيه للـ رويال بلازا الي الشباب الله يهديهم صايرين مب ويه حشمه:rolleyes2:

[Abdulla Ahmed]

لالالالا ماتوقعتها تصير في شوارع الدوحه



متوقعون هذا !!!!!!! وأكثر

قالَ شاعرُ الإسلام " محمد إقبال " رحمه الله :

إذا الإيمانُ ضاعَ فلا أمانٌ @@@ و لا دنيا لمنْ لمْ يحيِ دينا

[جمال العبدلي]

في السابق كنت اعصب لما اصادف ان حد يطلع في وجهي فجاة او يلف علي او يوفق مكاني او او او .. واحد من ربعي عكسي تماما فهو بارد في السواقه ولما اتصير له هالمواقف مايحرك ساكن عادي عنده الامور فسالته .. ماتتنرفز من هالتصرفات ؟ قالي مادام ماصار شي لا دعمني ولا دعمته شالمشكله؟ اممممممم من بعدها تطبعت بطبعه وصارت الامور عادي بالنسبه لي فعلا لقيت العصبيه مالها اي داعي كلها ثواني واتعدي بكل خير فليش العصبيه او النرفزه ؟ هدوء الاعصاب واحترام الاخرين وسعة الصدر تجنب الواحد منا الكثير من المواقف والمشاكل .. والله يكفيكم شر المشاكل والطريق

[yaser999]

السلام عليكم ورحمة الله وبركاته

الصراحه مالقيت عنوان حتى ادخل فيه معاكم لهذا الموضوع , وبما اني لااجيد المقدمات خل ادخل معاكم بالموضوع دوغري على قولة اخواننا الشاميين

اليوم كنت طالع مشوار في شارع السد وتفاجأت كذا مره ان السائقيين ماعندهم صبر انهم ينتظرون ثواني معدوده حتى يعطون مجال لاي شخص يصف موتره او يطلعه من الباركنج والغريب انه الموقف تكرر جدام عيني اكثر من مره في اقل من ثلث ساعه والاغرب انك حتى لو تضرب اشاره بعد محد يعبرك!! واللي حزّني اكثر انها تجي مع بعض المواطنين . انزين لماذا كل هذا الاستعجال وعدم اعطاء الاخرين فرصه بالشارع وخاصه بالاماكن المزدحمه . السواقه فن وادب واخلاق وذوق, يجب مراعاة السائقيين لبعضهم البعض لان ممكن اي شخص ينحط في موقف انه يبي يصف في باركنج في منطقة مزدحمه. انا صارلي اربع سنين خارج قطر ببلده اجنبيه وتعاملهم بالشوارع زفت كل واحد نفسي نفسي ومايعطونك حتى فرصه انك تسلك خط اخر بالشارع فماتوقعت ابداً ان هالظاهره تصير في قطر.

يعني بالدوحه لازم يكون عندك موتر كشخه رنج ولاوبورش ولامرسدس عشان العالم تحترمك بالشارع ؟
والمشكله الاخرى في بعض السائقين مادري ليش شايفين نفوسهم, لما تعطيه فرصه انه يمر او يعدل من وضعية موتره بالشارع يقعد يطالعك ولاحتى يرفع يده يسلم .
قعدت مع نفسي شوي عشان اطلع الاسباب واكتشفت ان من اهم الاسباب التي أدت الى هذه الظاهره هي :

- كثرة الجاليات العالميه والسائقين بمختلف الجنسيات ذوي الخلفيات الثقافيه المختلفه
- التقدم الاقتصادي الذي ادى الى ذوبان اللحمه الاجتماعيه والتعامل الانساني


اترك لكم التعليق


والله هاذي الحركة بالذات انقهرمنها وبالذات تجي من واحد ناقص (خصوصا عيال الفقراللي عندهم مواتر كشخه) من لايشكر الناس لايشكر الله

فعلا اخوي هذا دليل على نقصان موشر الاخلاق و التسامح بينا خصوصا في الجيل الجديد