مدرسة قطر التقنية المستقلة عاجل

[kitmat]

لو سمحتو أبي كل اللي عيالهم في هذه المدرسة يشاركوني رايهم أبي أعرف هل المدرسة زينة والطلاب الي فيها منضبطين ولا لاء وهل المدرسة لها مستقبل والدراسة فيها صعبة ولا شلون
يعني أبي أعرف كل شي ممكن تفيدوني فيه :omg: لاأني أبي أسجل ولدي فيها أرجوكم ساعدوني

[حسين بن عاقول]

انا اخوي توه مسجل فيها لكن ماعندي معلومات عنها


اتمنى المساعدة من الجميع لنه فعلن نبي نعرف..

والسموحة من راعي الموضوع

[عاشق الشهادة]

والله يالغالي علمي علمك انا سجلت واحد من الاعيال اليوم بعد ما أخذ شهادته من مدرسته

السابقه ؟ المدرسه من وجهه نظري جيده والوحيده بالدوله في مجال التقنيه ؟ وهذا يعتمد على ميول الطالب


والله الموفق!!!

[Bohamad]

والله الي اعرفه انها مدرسة جيدة واهي كانت سابقا مدرسة الصناعة وتحولت لمستقلة والان تتبع مؤسسة البترول اصبحت تحت اشرافهم .

[kitmat]

معقولة مافي حد في المنتدى له ولد في التقنية أرجوكم عاجل إستفسار عن التقنية

[سهم بن سهم]

أنا ولدي في مدرسة قطر التقنية تخصص كهرباء والسنه هذي نجح الحمدلله ورايح الصف الثالث ثانوي بمجموع نسبته 83% :nice:

المدرسه جيده وممتازه ولها مستقبل واعد وخصوصا انها تتبع قطر للبترول والطلاب لهم رواتب وتقريبا 2000 ريال في الشهر والمدير والمدرسين بصراحه اوكي وتخصصات المدرسه تمام واللي يكمل الثانوية بمجموع زين يودونه جامعة قطر او جامعات برع لدراسة البكالوريوس واللي اقل كلية شمال الأطلنطي من التخصصات المطلوبه هناك وحسب احتياجات قطر للبترول وفرصة الطالب كبيرة في الإلتحاق بقطر للبترول او احدى الشركات التابعة لها او كهرماء ............ يعني بالعربي شغل ولدك مضمون مايحتاي يلف ويدور على شغل ورواتبهم لين توظف تفوق الـ 15 الف ريال :nice:

الطالب يلبس لباس قطر للبترول في المدرسة والغياب يخصم من راتبه اذا بدون عذر :victory:

المدرسة الان تحل محل مركز التدريب التابع لقطر للبترول يعني الطالب على طول الى كلية شمال الاطنلنطي يدرس على حساب قطر للبترول :victory:

مستقبل المدرسة والخريجين فيها كبير واحسن من اي مكان اخر اذا ولدك له رغبة في العمل الفني والمهني :victory:

اللي مايجيب مجموع من الطلاب يلتحق بالعمل المهني الفني في شركات قطر للبترول والغاز او كهرماء يعني جذي جذاك شغله مضمون :victory:



نصيحه لوجه الله انصح بالتسجيل وعلى طول من غير تردد من واقع تجربه

[kitmat]

الشكر لكل الاشخاص اللذين قامو بالرد على الموضوع وممكن طلب أخر موقع المدرسة الإلكتروني

[>>> غــمـــوض <<<]

ما شاء الله كلام طيب ينقال عن هالمدرسه
بالتوفيق

[م. عبدالعزيز]

اممم اخوي الصغير فيها والمدرسه زينه ....الله يوفقك ولدك