[ .. أفيدونـي بخبرتكم ومعلوماتكم يا أهل الخبرهـ والسيـآرت ..]

[ذيبة الريان]

[ .. أفيدونـي بخبرتكم ومعلوماتكم يا أهل الخبرهـ والسيـآرت ..]


السلام عليكم ..

صار لي فتره موجودهـ بقسم السيارات وصارت من ضمن اهتمـآماتي.. :shy:

لأول مره تكون عندي سيـآره إن شاءاللـه ..

وبغيتكم تفيدونـي !!

انتوآ أهل الخبره ..

وياليت تنصحونـي في كل النواحي ..

وش الاشياء اللي احتاجها ! وايش الاشياء اللي لازم اتجنبها ؟

اللي عنده أي نصيحه لي او تحذير ياليت يفيدني ..

ماتقصرون وبيض الله وجيهكم .

[QATAR 11]

وعليكم السلام ورحمه الله وبركااته

مرحبا ااختي بالامبارك على السياره والله يعطيج خيرها ويكفيج شرها ان شاء الله

ااختي ياليت اتوضحين اكثر عشان يصير تفااعل في موضوعج

تبين نصائح في وشو بالضبط في السياره ولا ..؟؟

اذا كاانت السياره وشو نوعهااا وهل انتي ماخذتها مستعمله ولا جديده لان في فرق بين الجديد والمستعمل ؟؟

وان شاء الله محد بيقصر معاااج ..

في امأن الله

[ذيبة الريان]

سيارتـي " مورانو " نيسان.. جديدهـ ..

وابي كل النصايح .. عن السياره والسواقه وكل شي..

انتوا ادرى مني وابي نصايحكم ..

[HuNTeR_QTR]

السلام عليكم

هلا فيج اختي,, انا نصيحتي لج,, هاتيلج دريول وخليه يوديج وين ماتبين احسن لج,, لان السواقه في الدوحه هالايام صايره تلوع الجبد وممله,, الصراحه في ناس مايعرفون شنو يعني سواقه,, ويكون الواحد في حاله ويلفون عليه :omg: والي يطلع في وجهه:eek5: وبعد وبعد وبعد..

واذا ماعجبتج النصيحه الاولي في نصيحه ثانيه اذا انتي مصره تسوقين,,

خلج دوم منتبهه على الطريق ولاتغفلين وخصوصا في الازدحامات وعند التقاطعات,, وخلي التلفون عنج وانتي تسوقين,, وعليج بإحزام الامان,, ودعاء الركوب قبل الطلعه,, والله الحافظ..



...

[ذيبة الريان]

يعطيك العافيـه أخوي ..

بخصوص نصيحتك الأولى .. صحيح السواقه في الدوحه تعب .. بس أحسن من بنت تكون مع رجـال غريب !! وأنا عندي كثير أشغال .. ما أقدر كل شوي اخليه ينزلني مكان ويرجع لي .. لازم سيارتي تكون وياي احتاجها دوم .. ومحد يخاف على الحلال أكثر من راعيـه ..

والنصيحه الثانيه ..

إيه والله .. يبيلها إنتباهـ .. وتركيز . حتى لو أنت سواق !! عادي يلف عليك واحد مفهي ..

والله حفظني ويحفظكم جميعا ً ..

وجزاكم الله خير ..

وربي يرحم والدينك ..

[zeknon]

اختي اول شي مبروك السيارة او يعطيج خيرها او يكفيج شرها
اما بخصوص السيارة فزين ماخترتي لانها مناسبة للنساء خصوصا انها مب كبيرة وايد يعني بسهولة تقدرين اتصفينها اي مكان
اما بخصوص السواقة فانا وبحكم خبرتي حاولي تتفادين اوقات الذروة يعني لو عندج مشوار الساعة 7 حاولي تطلعين 6 اونص مثلا قبل الزحمة
واخيرا الله يحفضج او يحفض الجميع انشاء الله
:nice::nice::nice:

[ذيبة الريان]

اللــه يبـــآآآرك فيك أخوي ..

اللهم آآميييين ..

جزاك الله خير على الكلام الطيب ..

إن شاءاللـه ..

هذا أهم شي أني ما اطلع بوقت زحمه ..

بيض الله وجهك يالطيب ..

[قطـ VERTU ـر]

يسعدني اني أبدي ر ايي في هـ الموضووعـ ..

انا اشووف ان السيارهـ لازم تكوون تأمين شآآآمل .. لان لاسمح الله صار شي ولا شي .. تكونين في السيف سآيد ..

وطبعاا انا انصح في العااازل الحراري " مب المخفي " .. منها تحافظين على درجة الحراره داخل السيارهـ .. ومنها تعطي السياره مظهرر حلوو ...

وتغيير الايل .. كل 5 الاف كيلوو متر وعدم التأخيير يضمن عمر أكبرر حق مكينة السيارهـ .. وترى تغيير آيل القير جدا مهم بعد .. حتى ولو قالو ان الايل زين ومايبيله تغيير .. قولي لهم انج تبين تغيرينهـ .. لان آيل القير مع الحراره الزآيدهـ يقل عمرهـ .. وطبعا غير عن حرارة القيير .. عندج حرارة الجوو .. فـ فعاليته تقل ..

وطبعا انا آنسح ان التيشكاات والتصليحااتـ كلها تكون في الوكاله .. صج يمكن يتأخروون وآآيد .. والكراجات الثانيه تخلص أسررع ويمكن في بعض الاحيااان أررخص .. لكنـ .. الوكاله شغلهم مضموونـ يعني لو اخترب شي لاسمح الله وصلحووه ورد اخترب مره ثانيهـ .. الوكاله غصبا عنها بتتحمل المسؤوليه .. وطبعا القراجات الثانيه مايعطون ضمان على الشغل كثر ضمان الوكاله ..

الشي الثاني .. ان تصليح السياره خارج الوكاله .. او تبديل الايل والفلتر في امآكن غير الوكاله مثل " محطات وقوود , التيسيير " يمكن انه يلغي ضماان السيارهـ .. فـ اذا اكتشفوو الوكاله اي تصليح تم خارج وكالتهم او أي سيرفس مهما كآآنـ .. فـ لهم الحق انهم يلغون ضمان السيارهـ .. وأي خراااب عقب ماينلغي الضمااان .. يكون من مسؤولية مالك السيارهـ .. والوكاله مآتتحمل اي تكاليف ..

طبعا في اشياء ثاانيه يعني يمكن ماتكون ضروريهـ جدا .. ومنها تغيير التواير كل سنة مرهـ مب لين انفجر التاير او نشق نقوم ونبدلهـ، .. ومنها بعد عدم غسل السياره في المغاسل الاوتوماتيكيهـ .. لانها نسبة ان السياره تتشمخ وصبغ السياره يتضرر أكبر من الغسيل اليدوي اللي يسونه المغاسل العاديهـ ..

اعتقد هذي هي أهم الاشيااء .. وان شااءالله ماقصرتـ .. ويآكمـ ..