10 آلاف ريال عقوبة استخدام مياه الشرب في غسيل السيارات

[عاشق Qatar]

وافق مجلس الشوري في جلسته الأخيرة أمس علي إقرار فرض غرامة مالية قدرها 10 آلاف ريال عقوبة استخدام مياه الشرب في غسيل السيارات. ووافق المجلس علي توصيات لجنة الخدمات والمرافق بشأن ترشيد الكهرباء والمياه خاصة المادة الرابعة والتي تنص علي حظر السماح باستخدام مياه الشرب في غسيل السيارات. ويحظر القانون السماح باستخدام الخراطيم المباشرة من المياه الصالحة للشرب من المنازل للشوارع في غسيل السيارات، وحظر ترك أجهزة الإنارة المثبتة علي الأسوار من السابعة صباحاً وحتي الرابعة والنصف مساء. وطالب الأعضاء بضرورة أن يتبع القانون توصية من المجلس لمؤسسة كهرماء بالقيام بحملة توعوية للمواطنين عبر وسائل الاعلام.
http://www.raya.com/site/topics/article.asp?cu_no=2&item_no=360102&version=1&template_id=18&parent_id=17


تمنينا ان تكون هذه عقوبة التعري و ممارسة الافعال التي تخدش الحياء في الاماكن العامة

[haya99]

نبي نعرف شلون نغسل سيايرنا
هل في بديل

[عضو المنتدى]

وشلون أنغسل حوش البيت من التراب والغبار

بالفاين بو ريالين !!!!:shy:

[سارونه]

فرض غرامة مالية قدرها 10 آلاف ريال عقوبة استخدام مياه الشرب في غسيل السيارات

ماطاح فيها الا الناس الي على قد حالهم :(

مايصير 100 ريال بدال 10 الاف :weeping:


:weeping::weeping::weeping::weeping:

[عاشق Qatar]

انا ابي اشوف مين الموظف من كهرماء او البلدية الي بطق الباب على قصر شيخ او هامور و يعطيه مخالفة 10000 علشان الليتات و الماي...

[الوجبه]

فيه فرق بين اللي حوشه 100 كيلو في 100 كيلو :)

وبين اللي حوشه متر في متر :)

[رحال]

الله المستعان !!!

[GULFSUN]

تمنينا ان تكون هذه عقوبة التعري و ممارسة الافعال التي تخدش الحياء في الاماكن العامة


:nice:


نبي نعرف شلون نغسل سيايرنا
هل في بديل

:weeping:


وشلون أنغسل حوش البيت من التراب والغبار بالفاين بو ريالين !!!!:shy:

:tease:




انا ابي اشوف مين الموظف من كهرماء او البلدية الي بطق الباب على قصر شيخ او هامور و يعطيه مخالفة 10000 علشان الليتات و الماي...


:secret:


فيه فرق بين اللي حوشه 100 كيلو في 100 كيلو :)
وبين اللي حوشه متر في متر :)

:telephone:

[مستثمره جديده]

زين اللي يبي يغسل الحوش ولا سيارته شيسوي يجيب له تنكر مياه غير صالحه للشرب ويغسل :eek5:

[عاشق الشهادة]

العصى والجزره :nop::nop:

[ابوالشباب]

السلام عليكم

الصراحه انا مع هذا القانون قلبا وقالبا

والسلااااااااااااام

[حمد]

زين اللي يبي يغسل الحوش ولا سيارته شيسوي يجيب له تنكر مياه غير صالحه للشرب ويغسل :eek5:

لا

اكتب على درام الماي مال البيت ( ماي مجاري ).... هههه

:nice:

[PathFinder]

دام انه المياه اللي في المنازل صالحة للشرب ليش نشتري مياه معلبه

[fhd4]

زين اللي يبي يغسل الحوش ولا سيارته شيسوي يجيب له تنكر مياه غير صالحه للشرب ويغسل :eek5:

الله يكرمج ... فيه تنكر مكتوب عليه مياه مجاري ... الظاهر يبون يمشون سوقهم ... :tease:

[بوحارب]

:nice::nice:

[× الجــوري ×]

[FONT="Times New Roman"]مالكم غير البجلي وماي المكيف المقطر :nice:

الا اذا بعد بيمنعون علينا تشغيل المكيف هذا شي ثاني :

[صوت قطر]

هل مسموح لنا أن نسقي الزرع بمياه الشرب ؟؟؟

[الامل القديم]

يعني روحوا اغسلوا بالمغاسل بس جابوها بطريقه ثانيه
الله المستعان

[هام السحاب]

خوش قرار بس عاد راح يتطبق ع الكل :nice:

[حنيــن]

طيب اللي بيتشطر وبيسحب منا مبلغ 10000 ريال عشان غسيل بيوتنا وسياراتنا يوفر لنا مياه غير صالحة للشرب لمثل هالاستخدامات .. :eek5:

إلا هالماي شلون ريحته ؟؟ :shy:

طيب وسقي الزرع ؟؟ :rolleyes2:


يا مال اللغبرة والوصاخة اللي بنشوفها الفترة الجاية على السيارات

[The Blade]

اووو المغسال بتولع...
ع العموم اتوقع قرار صائب جدا جدا جدا...وفي محله
لانه في ناس ماتحس بنعمه الماي الي الحكومة تتعب وهي توفره للشعب والي يحس فيها هم اهالي المناطق الشماليه من الخريطيات الى شمال قطر هم الي يحسون بنعمه الماي لانه نقل الماي بالدناكر....

مشهد دائما يتكرر في ضواحي الدوحه يوم العيد كل بيت قدامه برجه الشوارع والفرجان صارت جنها نهر النيل من كثر التفرعات والماي ...

لازم تحسون شويه اتوقع في مغاسل تسغل السيارات وفي مغاسل تغسل بأعلى مستوى....

الحمدلله...
سلام

[بوجواهر]

محد صايدها الا مغاسل السيارات واللي ينظفون في مواقف السيارات بالمجمعات 000

أرزاق00

[الساهرة]

بصراحه المفروض و10 الالف جلده وشوي عليه بعد




الساهره

[شمس]

(تمنينا ان تكون هذه عقوبة التعري و ممارسة الافعال التي تخدش الحياء في الاماكن العامة)


صح لسانك

[مساهم عادي]

اوكيه حلو ..بس خلهم يشلون المنع عن الحصول على ترخيص جديد لمغاسل السيارات..لأنه رخص المغاسل موقفة صارلها 8 سنوات...

والله الأمور بتتعقد وبتصير زحمة غير عادية على مغاسل السيارات توصل لحد انه الواحد يحجز حق غسيل سياراته قبلها باسبوع..هذا اذا ماصار غسيل السيارة العادي 50 ريال.. وغسيل الجيك 100 ريال..

[AmOuR]

عاد احنا حوشنا .. ما شاللهـ يسرح فيه الخيل ..

شلون يتغسل هذا بعد ؟؟

والسيارات .. كل اسبوع يروح مبلغ جامد على السيارات ..

يعني احنا الشهر الجاي بيكون عندنا 3 سيارات ..

شلون نصرفها هذي ؟؟

[سوق واقف]

أنا مع القانون ولكن ما هو البديل ....

[البيئة]

عندي حل وسط(البترول للحكومه والماي للشعب)!!!!!!!!!!!!

[دلة الرسلان]

ارقدوا وامنوا هاذي من القوانين الغير قابلة للتطبيق واصلا ما فيه من يتابع تنفيذها

ولا اشلون بيتلصصون على حرمة بيوتنا والدريول يغسل السيارة في الحوش !!!!

والمفروض ما نسرف اتباع لديننا الحنيف والفطرة السوية يعني كلك ماي يكفي كل جمعة

للسيارة ولا يصرف الماي.

[Qatarii]

اووو المغسال بتولع...
ع العموم اتوقع قرار صائب جدا جدا جدا...وفي محله
لانه في ناس ماتحس بنعمه الماي الي الحكومة تتعب وهي توفره للشعب والي يحس فيها هم اهالي المناطق الشماليه من الخريطيات الى شمال قطر هم الي يحسون بنعمه الماي لانه نقل الماي بالدناكر....

مشهد دائما يتكرر في ضواحي الدوحه يوم العيد كل بيت قدامه برجه الشوارع والفرجان صارت جنها نهر النيل من كثر التفرعات والماي ...

لازم تحسون شويه اتوقع في مغاسل تسغل السيارات وفي مغاسل تغسل بأعلى مستوى....

الحمدلله...
سلام




الظاهر انت عايش في موزمبيق, الله يعز الحكومة الخريطيات والمناطق اللي حولها من وعينا مانعرف تناكر الماي...اعتقد المفروض تشرفنا في زيمبابوي وتشوف مدى التطور اللي نعيشه.

بالنسبة لموضوع الماي انا امتنع عن التصويت لأن البيت صغير عندي, لو بطل ماي ارشه في الحوش, البلاط يلق ويلمع...قمة في الترشيد
ترى احنا معاكم معاكم وشتبون نسوي, تبوننا نوقف عن شرب الماي حاظرين, تبونا نشرب فيمتو ونترك الماي بعد حاظرين, انتوا خيطو من الدراعات الزينة وحنا نلبس...وعلى فكرة هذي موب طنازه.

[PoBox]

فرض غرامة مالية قدرها 10 آلاف ريال عقوبة استخدام مياه الشرب في غسيل السيارات،،،
وحظر ترك أجهزة الإنارة المثبتة علي الأسوار من السابعة صباحاً وحتي الرابعة والنصف مساء

هل الكلام اعلاه ينطبق على شارع الوعب اللي تكون الخطوط فيه مضاءة الساعة 9 صباحا ؟؟
وهل ينطبق على كثير من الفرجان المضاءة نهارا ؟؟
اقصد عواميد انارة الدولة وليس اسوار المنازل
:looking:
وهل ينطبق القانون على مرشات الكورنيش اللي تغسل سياراتنا غسيل اوتوماتيك
خصوصا الخطوط المحاذية للرصيف