المساعد الشخصي الرقمي

مشاهدة النسخة كاملة : الشكوى لغير الله مذلة000 تصدقوووون


غناتي1
02-07-2008, 12:24 PM
تصدقون اني رحت لشركة المجموعة أمس أقدم أوراقي

ابغي اشتغل في قسم الاتصالات

(( تداول )) اللي اعلنوا عنه من مدة

00 ودخلت على قسم السيدات اللي تحت00

وما عطوني وجه ، قالوا لي من زمان سكر التوظيف

دوري لج مكان ثاني00 كأنها شركتهم

مع اني قبل لا أجيهم متصله عليهم 00 وقايلين لي

الشباب الموظفين انه لين الحين

يبون موظفات قطريات00 بس لاللي ابي اقوله

00 ان فن التعامل مع العملاء لازم

ياخذون فيه دورة 00 وبعد غير العملاء0

على العموم 00 اذا تعرفون انهم لين الحين يبون

موظفات 00 خبروني 00 ولكم الجنة
ذكرى قديمة
02-07-2008, 12:30 PM
اختي اصلا معروف مع احترامي لجميع السيدات .. ان دوم تعاملهم بالدوائر الحكومية او الوظائف زفت .. وهاي شي معروف دوم جذي اي مكان تروحين له .. بعكس الرجال قمه الاحترام وحسن التعامل .. والله يعينج ويوفقج انشالله وانتي قدمتي عن طريق قسم الرجال لا تروحين للحريم ..
غناتي1
02-07-2008, 12:47 PM
ما ادري قلت باروح مثل ماهو مكتوب بالاعلان على قسم السيدات

ويا ليتهن قطريات بعد00 بس شاقول قدر الله وما شاء فعل

وان شاء الله ينقلون شكوتي للسيد حمد المعضادي 00

ويلقى لي وظيفة00 والله اني ابيها لانها مناسبه لي
ريم قطر
02-07-2008, 12:51 PM
موفقه الغاليه
فتى الجود
02-07-2008, 01:04 PM
شيكي عل الخاص

وأبشري بالخير
VIPLady
02-07-2008, 01:06 PM
دائما الرجل يكون محترم اكثر من المرأه في انهاء المعاملات واستقبال العملاء
انا دايما اذا عندي اي شغله او حتى لو مكالمه لمكان ابي اخلص فيه شغلي . اذا دوري طلع حظي على وحده اقول للي بعدي انت روح انا مابي .. وحتى بالمكالمات اذا ردت وحده اعتذر واتصل مره ثانيه

دايما عقد هالحريم .. تقولون وزاره ابوهم او متصله اطر منها .. والبوز شبرين اعوذ بالله

بس بعد ترى في بنات تعاملهم راقي ومحترم حرام نحكم على الكل

وياليت من الي بالمنتدى وتشتغل في مكان فيه تعامل مع الناس والكستمررر تبتسم واذا مزاجها متعكر تقعد في بيتهم لا تلوع جبد العالم و تجابلهم بويه معفس ..

وشكرا
ذكرى قديمة
02-07-2008, 05:14 PM
ههههههههههههههههه لاوبعد مب قطريات ياحالتج .. والله لو مكانج وحده مب قطرية وتخيس علي النفس اصفقها باللي جدامها بالمكتب ..
فقط قطر
04-07-2008, 07:01 PM
لاحول ولا قوة الا بالله....الله المستعان...الله يفك ضيقتك..ويشرح صدرك...و ماقول...الا حسبي الله ونعم الوكيل
سوسو قطر
04-07-2008, 07:24 PM
الحرررريم مب كفو تعامل والله

كل ماروح مكان القى فئه حريم تشتغل بالمكان والله لا اسلوب ولا ذوق

اكبر مثال قسم التسجيل جامعة قطر

الله لا يوريج

انا مادري ليش يتعاملون مع الناس بهالطريقه .. احنا مانبي فلوس

الله يعينج اختي وفالج الوظيفه السنعه
فلفل حار
10-07-2008, 07:10 AM
دائما الرجل يكون محترم اكثر من المرأه في انهاء المعاملات واستقبال العملاء
انا دايما اذا عندي اي شغله او حتى لو مكالمه لمكان ابي اخلص فيه شغلي . اذا دوري طلع حظي على وحده اقول للي بعدي انت روح انا مابي .. وحتى بالمكالمات اذا ردت وحده اعتذر واتصل مره ثانيه

دايما عقد هالحريم .. تقولون وزاره ابوهم او متصله اطر منها .. والبوز شبرين اعوذ بالله

بس بعد ترى في بنات تعاملهم راقي ومحترم حرام نحكم على الكل

وياليت من الي بالمنتدى وتشتغل في مكان فيه تعامل مع الناس والكستمررر تبتسم واذا مزاجها متعكر تقعد في بيتهم لا تلوع جبد العالم و تجابلهم بويه معفس ..

وشكرا
فعلا اختي صارت في احد البنوك "بدون ذكر اسم البنك"
الموظفه تعاملني بطريقه متخلفه جدا وغير حضاريه مثل خير ؟ وشتبي ؟ وشجايفني مديره عشان تسألني ؟ وهذا كله ولا خياس النفس والخشم المرفوع كنه قاعدين في مجلس شباب مطيحين الميانه ويعرفون بعض من 20 سنه :anger1:

انا ماتكلمت معاها ولا طولتها هديت معاملتي ودخلت علي طول لمدير الفرع مع العلم انه السكرتير وقفني وماعطيته وجه من الحره لاني واثق اني مب غلطان ، والحمدلله المدير طلع كفو وسنعها وطيب خاطري وتميت في هـ البنك من تصرف المدير ولا كنت ناوي اغير حسابي لـبنك ثاني :discuss:
الماسه79
10-07-2008, 07:28 AM
موفقه يا الغاليه وربي يسخر لج الوظيفه الطيبه اللي تسعدج
غزوله
10-07-2008, 10:08 AM
بعض الحريم مايعرف السنع ولا تحكمون بعض الحريم معدنه طيب ويعرف الاصول وتقاليد واهم شي المعامله الطيبه بين الناس بس وين اللي يعرف ومب شرط قطريه والا مب قطريه اهم شي الروح الطيبه اللي فيها خير وفعلن اغلبيه الحريم فيهم حقد وكره وغيره لبعض مدري ليش خايفه تجي مكانها او مدري شقصدهم مفروض يحبون الخير للناس علشان ربي يرزقهم
خوي الشوق
10-07-2008, 10:19 AM
موضووووووووووع مهم وممكن الموظفات الي يدخلون الموقع يستفيدون منه لان لازم احترام الوظيفه الي هم فيها قبل احترام الناس قبل كل شي مانعمم الموضوع على الكل لازم الموظفات يعرفون انه مشاكل البيوت والمواضيع الي الخاصه مالها خص بالشغل وانه بالنسبه لي وعندي موظفه او موظف تعامل العملاء بسلوب مب حلو تستحق الطرد وشوته حلووووووووه لاني بكون خاسر بستمرارها تروح تجابل مشاكلها برع مع حبيب او زوج لازم يكون المسئول سيريس يعني مب يادهينه لا تنكتين واسمحو لي
قطريه ماركه
10-07-2008, 10:51 AM
اذا تقدرين تقدمين أوراقج عن طريق مكتب الرجال أفضل عن طريق زوجج أو أخوج ..

لأن شكلهم اللي هناك خايفين تاخذين عنهم الوظيفه !!!
eXpert*
10-07-2008, 11:13 AM
المفروض يحطون جهاز تسجيل في كل دائرة او قسم ..

شوفي استعلامات 180 اول ما حطوا نظام التسجيل لضمان جودة الخدمة والتلفون يرن رنتين ويردون وقمة الاخلاق والاسلوب وسرعى في الاداء ...

يا ريت كل الدوائر يتبعون هالقسم خصوصاُ الاماكن اللي لها تعامل مباشر مع الجمهور .
بداية جديدة
10-07-2008, 11:33 AM
الله يعينك ويوفقك
Mody
10-07-2008, 01:31 PM
والله يا جماعة موب كلهم .. انا معاكم في حريم في بعض الدواير يلوعون الجبد
بطريقة معاملتهم للمراجعين ورافعين خشمهم وجن ماحد تارس عيونهم لكن
في بعد محترمات وبشوشات يعرفون فن وبروتوكول التعامل مع العالم
مثل بعض الجهات في كيوتل وايضا اللي في جوازات بوسمره بصراحه
كلمة حق تنقال يستقبلونك بابتسامه وكلمات ترحيب ويخلصونكم
بسرعه واخرتها دعوه حلوه ان الله يحفظكم من شر الطريق

لكن لكل قاعده شواذ طحنا في وحده تسود الويه بطريقة
معاملتها والله اني صادق اسلوبها فظ وطريقتها امحقه
واسلوب دفش وحولت من السياره وشكيتها لمديرها
وقالي عدل كلامك الكل يتشكى منها حتى ربعها
في العمل وصدقوني كلمها عالتلفون قدامي
وعطاها لفت نظر - بس الله يديم ويعين
المحترمات كلهم لان هذا كله يعكس
الاسلوب التربوي اللي نشأوا عليه
كانه زين ولا شين والله من
وراء القصد
مساهمه بالحب
10-07-2008, 01:56 PM
وانا اوافقكم الراي .. في بعضهم متمللين من انفسهم .. وانها هي اهم وحده في العالم.. ومالها خلق .. والمزاج زفت .. وحالتها حاله .. ياخي يوم مالج مزاج في هالشغله استقيلي وتركيها لغيرج .. دام انتي ماعندج القدره على الفصل بين العمل والمشاكل الشخصيه ..

وهو يعتمد ترى على التربيه شكل ماقلتوا .. واصابعنا ماهي سوا .. فيه الشين وفيه الزين اللي ينحط على الراس.. ولهم كل التقدير .. شزينها لي اقبلت عليها ولا هي مبتسمه والكلام الذرب ,, والنعم فيهم والله وبيض الله وجهم ..
وكما قال رسولنا عليه أفضل الصلاة والسلام :
((((((((((((((( إن تبسمك في وجه أخيك صدقه ))))))))))))))))))))))

تخيلي ان كل واحد يجيج تاخذين منه صدقه غير معاشج والله نعمه .. مب حاسين فيها

وترى مب كل الريايل بعد زينين .. انا يوم اول ماتخرجت وجيت اقدم على وظيفه في حدى الدوائر الحكوميه لوع جبدي واحد الله لايسامحه ان شاء الله لانه خلاني اكره حتى اقدم على وظيفه وصادني احباط شهور ماطلعت اقدم على وظيفه بسبته من معاملته الزفته كني اطر منه الخايس طلعني من المكان دمعتي على خدي حسبي الله عليه وعلى اللي بشاكلته

لكن الحمدلله توظفت في مكان ثاني .. واللي له رزق بياخذه بإذن الله وغصب عن هالاشكال

اختي ماعليج منهم هذول محترين خايفيين حد ياخذ مكانهم كل وحده شايخه منهم في المكان وشايفه نفسها الله يرحم اول ماتوظفوا كل وحده شاقه الحلج حق الناس واللحين يوم شاخوا مخيسين النفس لو توقفين ساعه قدامهم ماقالوا لج شتبين

كلمي الرجال اللي قالج في توظيف اخذي اسمه وروحي له قدمي عنده

واسفه .. على كلامي المب حلو .. بس احتريت تذكرت سالفتي .. وعصبت
مشروع هاموور
10-07-2008, 09:44 PM
اختي تقدري تروحي عالشباب اللي بالرسبشن قمة في الإحترام

واطلبي فورمة التوظيف وعبيها ورديها على نفس الموظف

والله يوفقك
moony
14-07-2008, 03:27 AM
وااايد اللي يشتكون عن تعامل المجموعه ومب بس فمسائلة التوظيف

حتى مع العملاء يكون زفت

والله يوفقك بشغل احسن
بلاهويـــــة
14-07-2008, 09:03 AM
ما عليج منهم هذيله اجانب وماينعطون وجه انا منك صفقتها بذاك الكف الي يخليها ترد بلادها مب قطريه وجذي عيل اشلون لو كانت قطريه وعالعموم ان شاء الله تلقين شغل احسن منه وهم الخسرانين


والله يوفقك*
الدانه22
14-07-2008, 12:18 PM
انزين ليش ماتقدمين على بنك قطر الوطني علطول بياخذونج اكيييييييييد والله يوفقج ويسهل امورج
غناتي1
14-07-2008, 12:31 PM
اشكر ردودكم وتفاعلكم معاي حبايبي

بس انا اللي قاهرني اني لقيت هالمعاملة منهم

وما توقعتها وتفاجأت لأني محترمه في بيتي ومع عيالي

ومع كل اللي اعرفه ** واحترم الكل الصغير قبل الكبير

وكل شئ عندي بميزان (( الا المعاملة )) والدين المعامله

الله يهديهم هم واشكالهم ويحسنون طرق معاملتهم

والله انكم نسيتوني همي معاهم == حبايبي
وثاب
14-07-2008, 01:15 PM
بالتوفيق ان شاء الله
yousef545
14-07-2008, 02:19 PM
انا عن نفسي مادشيت مكان فيه حريم و ردوني مادري ليش ايحبوني هههههههه

بس اشوف تعامل بعض الحريم الصراحه خايس مادري لي شافو واحد كاشخ ايعاملونه بطريقه احسن

بس انا اشوف البنات الصغار يعني بين الـ18-19-20-21-22-23-24-25 و هالحدود تعاملهم احسن من

الحريم الكبار الي معقدين الامور و كلامي من واقع تجربه في جميع الانشطه و المجالات <= ماخليت مكان في

الدوحه مادشيته
غناتي1
18-07-2008, 05:30 PM
بالتوفيق للجميع

اشكر ردودكم
مشروع هاموور
19-07-2008, 01:28 PM
ما عليج منهم هذيله اجانب وماينعطون وجه انا منك صفقتها بذاك الكف الي يخليها ترد بلادها مب قطريه وجذي عيل اشلون لو كانت قطريه وعالعموم ان شاء الله تلقين شغل احسن منه وهم الخسرانين


والله يوفقك*

عسى ماشر تعطيها كف

انا لو مكانها حتى لو اني مب قطرية وبتعطيني كف إلا بردلج الكف عشرة
والله العالم شبيصير فيج بعد

الدنيا مب فوضى هي

كلامج يقهر الصراحة
محمد11
19-07-2008, 02:06 PM
تعرفين شنو المشكله انج قطريه ...

هاي هي المشكله ..

شفتي لين وين وصل الشعب القطري...

يبون الشعب القطري يوصل ليين هالمستوى ... وادنى بعد



الله يكون بالعون
!قطريـة بنت القمـر!
19-07-2008, 02:36 PM
والله لو انا جان سفلت فيها وخليتها تعرف ان الله حق :tease: .... وعلى سالفة تعطينها كف ايه عادي دامها مو محترمه نفسها وهي الاجنبيه ؟؟ ويا غريب كون اديب ماقالو من فراغ يعني تحمد ربها مكرمينها في بلادنا ومعطينها شغل بعد اطول لسانها وتخيس النفس عسى ماشر ؟؟ اي موظف اصلا مو من حقه يخيس النفس ع العالم ويحترم نفسه في التعامل ويخليه راقي لانه ما توظف الا لخدمة الناس مو لخدمة نفسه وراتبه ؟؟ واتقان العمل عباده وهاي من باب اتقان العمل والمعامله اهم شي في الشغل؟؟ اللي مو عاجبه يروح يطق راسه بالطوفه ولا يقدر يطر من الناس لقمة عيشه دام نفسيته خايسه ومو قادر يحسنها :) .... واختي لا تحطين بخاطرج عادي لو رحتي مره ثانيه العني خيرهم ماعليج منهم كلنا مجربين الاسلوب الطيب ما يجي بفايده اما العين الحمرا يمشيج وين ما كنتي :anger1: ....
غناتي1
20-07-2008, 01:23 AM
فديتكم هونتوها علي

بس انا ما ارد المعاملة بالمثل لازم اصير احسن منها

الله كريم 00 هاذي تربية امي 00 ان الدين المعاملة

والاخلاق0000 و الله يخليها لنا