استفسار من أهل الخبرة ؟

[umhend]

السلام عليكم ورحمه اللة وبركاته
الحين انا واعوذ بالله من هالكلمة عندي فلة وابي أأجرها بمبلغ وقدرة ؟
هل يحق لي اني ازيد على المستئجر كل سنة 10 في المية على قرار القانون الجديد ؟

الوسيط يقول ان الكلام هذا ينطبق على الاجارات القديمه اما الجديدة الي من بعد 2007
ما ينطبق عليها هاذا الشي ؟

ايضا المستئجر شخص عادي لا هو شركة ولا اسكان اشلون اظمن حقي كل شهر ؟

من ناحية ثانية البيت باقي له شهرين ويخلص تشطيب والمستئجر والوسيط يبون
يكتبون العقد من الان عشان يضمنون ان الفله ماتروح لشخص ثاني اوكي مومشكلة
بس ذاا لاسمح الله تأزمت وتأخرت عن موعد التسليم هل علي قضاء ؟؟:rolleyes2:

ايفيدووووووني وشكرا :victory:

[الزعفراني82]

مرحبا الشيخ انشالله تكون بصحه و سلامه

اول شي القانون الجديد يشمل جميع العقارات سواء كان عقدها جديد او قديم بس تعرف القانون توه جديد و اذا بتاجر الحين بتنتظر سنه عشان تزيد الايجار و ثاني شي اهم شي يوم تكتب العقد تحط البنود الي تذكر نسب القانونيه لرفع مبلغ الايجار و شروط الجزائيه في حال تأخر بالدفع بس تعرف بذكر لك اهم نقطه
خلك انسان قنوع و ربك بيرزقك بالمستاجر الزين و ادري ان فيلا و البنيان مكلفتك مبلغ مب قليل و يمكن عليك التزامات بنكيه بس بعد البركه الايجار بتروح بغلاء سعر الايجار
نقطه الثانيه تعرف ان ادخال الكهرباء يتاخر هالايام فحط لك شهر احتياط و ما اعتقد المستاجر له الحق يطلب تعويض بخصوص تاخير تسليم العقار اذا كان السبب خارج ارادتك بس خلك دوم في المضمون
شكرا و انشالله نكون لبينا طلبك

[umhend]

الله يجزاك كل خير يالزعفراني

والله مثل ماتفضلت ماركزت مع المستئجر بلايجار ولا زيدت علية عشان جذيه هو متمسك بالفله
بس الله يهديه اخاف انه يبي يستقل الوضع يبي عقد اربع سنوات من غير مااحط عليه اي شروط
زيادة في ارتفاع الايجار ويقول القانون ماينطبق على العقار الجديد وهذا الي خوفني

[ابوبشاير]

إختي أم هند .. مساج الله بالخير

أولا" القانون الجديد موقف موضوع الزيادة السنوية وسامح بها بعد 2010م بس الملاك لين ألحين
يطلبون الزياده ، مثلا" : (((سنة ميلادية قابلة للتجديد وتخضع للزيادة القانونية))) .
ثانيا" ضمان المستأجر بالشيكات ونصيحه بدال شيك التأمين إخذي كاش
عشان إذا في شهر من الشهور المستأجر فلس (: أو ما يبي يدفع يكون عندج أجار شهر إحتياطي وفي خلال هالشهر يكون وصلتي لحل معاه بدون ما يروح منج شهر .
طبعا" هذا التأمين الكاش غير عن الشهر الأول اللي ممكن يكون كاش وممكن شيك .
ثالثا" الإلتزام بالتسليم في وقت محدد مب من صالحج وخاصة إذا حطو عليج شرط جزائي
لأنج في هالحاله بتكونين ملزمه بوقت محدد .

موفقه إن شاء الله ؛

[umhend]

مشكور ياابو بشاير:)

الله يطمن قلبك ويجزاك عني كل خير

[الزعفراني82]

اسف الشيخه عشان كتبت لج الشيخ انا ما قريت الاسم عدل

اكرر اعتذاري

[رحال]

ممنوع أي زيادة حتى عام 2010 م ، سواء كان عقد قديم أم جديد !!!

[umhend]

ولايهمك اخوي الزعفراني عادي :)

[umhend]

تسلم على مرورك واضافتك اخوي رحال :)

بس انت تقول ممنوع شرايك انا ساكنة على الاسكان وراعي البيت يرعد ويبرق علينا يبي يزيد
الاجار ماعطناة ويه بس شكله اول ماينتهي العقد على شهر خمسه 2009 بيطلعنا وبيأجرة
بسعر الي يبيه .....وين الممنوع ؟؟؟؟