افا والله عيب والله عيب

[قطري رافع الراس]

علي أيدي مجهولين


الدوحة - الراية:

تعرضت مواطنة شابة لاعتداء بالسب والضرب وسط الطريق العام من شابين حاولا تخطي سيارتها أثناء القيادة.

المواطنة الشابة روت للراية تفاصيل الواقعة قائلة: القصة بدأت وأنا أقود سيارتي في طريق عودتي للمنزل بصحبة صديقتي من مقر عملي بمطار الدوحة حوالي الساعة السابعة مساء منذ يومين، وبالتحديد قبل اشارات دوار البراشوت سابقا في اتجاه منطقة الروضة حينما فوجئت باحدي السيارات متوقفة علي الناحية اليمني من الطريق فقمت بالسير في الجانب الايسر من الطريق ، وفي تلك اللحظة كانت هناك سيارة مسرعة قادمة علي نفس الاتجاه قام صاحبها باطلاق اشارات ضوئية لكي افسح له الطريق وهو ما تعذر القيام به ، خاصة أننا كنا علي وشك التوقف عند تقاطع اشارات مرورية.

وتضيف: وأثناء توقفنا في الاشارة المرورية فوجئت بسائق السيارة المسرعة وصديقه يترجلان نحو سيارتي مطلقين وابلاً من الشتائم، وقام احدهما بفتح باب سيارتي عنوة وضربي بالعقال وسط حالة من الذهول انتابتني أنا وصديقتي وقائدي السيارات الأخري، ثم انسحب الشابان دون ان افيق من الصدمة، إلا ان أحد شهود الواقعة أعطاني رقم سيارة المعتديين.

وأشارت المواطنة إلي أنها توجهت هي وصديقتها إلي قسم الشرطة بمسيمير وحررت بلاغا ضد المعتديين إلا ان الشرطة قامت بالاتصال بها في اليوم التالي لتبلغها ان أرقام لوحة السيارة التي ابلغت عنها ليست مطابقة للأوصاف التي اكدتها في المحضر مما يتعذر معه الوصول الي المتهمين.
وفي نهاية حديثها للراية تقول: ما حدث معي ممكن ان يحدث مع غيري من الفتيات والسيدات لذلك أتمني ان يتم تشديد التواجد الأمني بالطرق والضرب بيد من حديد علي مثل هذه التجاوزات التي تتمادي يوما بعد الآخر من بعض الشباب المتهور والذي لايراعي دينا أو اخلاقاً وهذه الحالة تستدعي توقفا من المجتمع بأكمله للوقوف علي أسباب تزايد مسلسل التجاوزات واعادة الانضباط والاخلاق الي شوارعنا من جديد.

اما الي بالخط الاحمر كثروا منها اخاف اطلعوا عيال فلان هامور من الناس وبعدين الي سووا الحركه هاذي شقدر اقول عليهم غير عيب والله عيب وبعدين مهما كان اغلطت عليك في الشارع تخيلها اختك ولا وحده تقربلك ترضى حد يسوي فيها هالشكل اعذروني اخواني وخواتي يمكن خاني الاسلوب بس والله من القهر

[الساهرة]

قريت الخبر وبصراحه انصدمت معقوله فيه نوع من هالشباب
لاحترموا المراه ولا احترموا نظرت الناس لهم ولا احترموا الناس بالشارع
بصراحه تمنيت انه ماقريت الخبر ماحب شئ يشوه الصوره الجميله اللي انظر لها في عيال بلادي
والشئ على اخلاق وتربية الواحد ومع الاسف تصرف هالشباب يدل على تربيتهم .




الساهره

[Abdulla Ahmed]

شكرا على نقل الخبر

مع تحيات

هيئة الأمر بالمعروف والنهي عن المنكر

[شاهيناز]

ليش يضربها بالعقال

قهرني

وهي ساكته كان جرت لعقال من يده
وردت الضرب

المستغربه موقفها هي وصديقتها

والي يتفرجون ليش تمو ساكتين ولا
خلاص ماتت الحميه

[قطري رافع الراس]

تسلمون على مروركم ومشاركتكم الطيبه
اخوي احمد عبدالله الله يسمع منك وتكون عندنا هيئة الأمر بالمروف والنهي عن المنكر

[الساهرة]

ليش يضربها بالعقال

قهرني

وهي ساكته كان جرت لعقال من يده
وردت الضرب

المستغربه موقفها هي وصديقتها

والي يتفرجون ليش تمو ساكتين ولا
خلاص ماتت الحميه





شدعوا يتبادلون الضرب البنات يبون الستر مايبون جدام الله وخلقه يتضاربون
بالعكس موقف البنات حلو انه بلغوا الشرطه ومادشوا في شجار يعني البنات طلعوا
اعقل من هالصبيان اللي متاكده انهم مراهقيين وماعليهم شرهه بس خاطري انه الشرطه صادتهم او انه البنات سجلوا رقمهم عدل ....

لكل قاعده شواذ وهذولا شواذ المجتمع الله يسامحهم ويسامح اهلهم اللي مابروهم عدل .




الساهره

[شاهيناز]

شدعوا يتبادلون الضرب البنات يبون الستر مايبون جدام الله وخلقه يتضاربون
بالعكس موقف البنات حلو انه بلغوا الشرطه ومادشوا في شجار يعني البنات طلعوا
اعقل من هالصبيان اللي متاكده انهم مراهقيين وماعليهم شرهه بس خاطري انه الشرطه صادتهم او انه البنات سجلوا رقمهم عدل ....

لكل قاعده شواذ وهذولا شواذ المجتمع الله يسامحهم ويسامح اهلهم اللي مابروهم عدل .




الساهره


سلبيتهم مافادت

هو فلتو بعملهم

هي لو جرت منه لعقال كان خاف
الجبان يخاف من اول كلمه

بس سكوتهم غريب..؟

[قطري رافع الراس]

اخواني وخواتي شاكرلكم مروركم ومشاركتكم الكريمه

[qatar2929]

يرفع عقاله
أنأ لو مكانها فصخة الكعب وبطيت عينه وراسة به
دفاع عن النفس

[bo_hamad]

أكيد فيه سبب هي سوته أو قطت كلام على الريال ما اعتقد أن الشخص يتجرأ وينزل ويرفع عقاله.

[auto body]

اعتقد ان السالفة نسج من الخيال
اشدعوة نزل من سيارتة وضربها بالعقال لا لالالالالالا اكيد الموضوع فية انه
واعتقد ان شباب قطر فيهم كل هالجراة انه يمد يده على شوفه
ارجوا البحث فى الموضوع اكثر
شكر لك على النقل

[keep calm]

الموضوع شكله بسيط ومعطينه اكبر من حجمه

[دلة الرسلان]

اعتقد ان السالفة نسج من الخيال
اشدعوة نزل من سيارتة وضربها بالعقال لا لالالالالالا اكيد الموضوع فية انه
واعتقد ان شباب قطر فيهم كل هالجراة انه يمد يده على شوفه
ارجوا البحث فى الموضوع اكثر
شكر لك على النقل


اتفق معك الأمر فيه أن !!!!!!!!!

[بوحارب]

لو السالفة صج

ما أقول الا الله يعينها البنت

مسكينه:(

ومالت على هالفئة من الشباب القبيحة:anger3:

[متسبب]

اعتقد ان السالفة نسج من الخيال
اشدعوة نزل من سيارتة وضربها بالعقال لا لالالالالالا اكيد الموضوع فية انه
واعتقد ان شباب قطر فيهم كل هالجراة انه يمد يده على شوفه
ارجوا البحث فى الموضوع اكثر
شكر لك على النقل

والله على اللي نشوفه هالايام
اتوقع يسوون اكثر من جذي
يامكثرهم البزران والبلشتيه اللي شادين الحيل هالايام
هذا جيل سنة 2000

[عليان]

بعض السيدات السائقات يستاهلواالضرب والجلد , يعني تلف وتمسك الخط السريع وترى أن هناك سياره مسرعه وتمشي كالسلحفاه وتتكلم بالموبايل وتنظر في المرآه للخلف وكأن الطريق ملك لها فقط , أقول تستاهل اللي يجيها مادام الناس عندها والسائقون في الخلف لا وجود لهم ...

[بورصجية]

يا نهار اسود
ضرب؟؟؟
ليه؟؟
كانت واحد من عيالو ولا واحده من عيلتو؟؟
دا حتى لو من اهلو برضو ما يضرب هاش

قطع ايدو يارب

[بورصجية]

بعض السيدات السائقات يستاهلواالضرب والجلد ,يعني تمسك الخط السريع وتمشي كالسلحفاه وكأن الطريق ملك لها فقط , أقول تستاهل اللي يجيها مادام الناس عندها والسائقون في الخلف لا وجود لهم ...

حرام عليك والله تقول الكلام داه
يعني لو اختك او مراتك او بنتك ماشية زي ما انت قلت هتقبل انو حد ينزل يضربها ويهينها قدام الناس؟؟

والله الناس اول حاجة هيفتكروها انو في بينهم حاجة او سرقت منو حاجة وانت الي هتتشوه سمعتك في البلد

حرام عليك
دا الرسول قال: رفقا بالقوارير

موش عاجباك طريقة مشيها عدي من وراها وامشي من غير اهانات
انا واحده الحمد لله اقل من 100 موش بمشي وفي بعض السيدات بيقهروني بالمشي البطئ لكن دا موش الشارع بتاعي انا لوحدي بتجاوزها وخلاص بدون اهانات

[متسبب]

بعض السيدات السائقات يستاهلواالضرب والجلد , يعني تلف وتمسك الخط السريع وترى أن هناك سياره مسرعه وتمشي كالسلحفاه وتتكلم بالموبايل وتنظر في المرآه للخلف وكأن الطريق ملك لها فقط , أقول تستاهل اللي يجيها مادام الناس عندها والسائقون في الخلف لا وجود لهم ...

والله لو وشو ماله حق يمد يده على اي شخص
فما بالك اذا كانت حرمه ؟؟؟
ما اقول الا مثل ما قال صاحب الموضوع والله عيــــــــــــــب

[عليان]

حرام عليك والله تقول الكلام داه
يعني لو اختك او مراتك او بنتك ماشية زي ما انت قلت هتقبل انو حد ينزل يضربها ويهينها قدام الناس؟؟

والله الناس اول حاجة هيفتكروها انو في بينهم حاجة او سرقت منو حاجة وانت الي هتتشوه سمعتك في البلد

حرام عليك
دا الرسول قال: رفقا بالقوارير

موش عاجباك طريقة مشيها عدي من وراها وامشي من غير اهانات
انا واحد الحمد لله اقل من 100 موش بمشي وفي بعض السيدات بيقهروني بالمشي البطئ لكن دا موش الشارع بتاعي انا لوحدي بتجاوزها وخلاص بدون اهانات


إختي , مره أنا بنفسي كنت مسرع وفجأه من غير إشاره لفت علي إمراة راكبه سياره فخمه , وهنا أمسكت بالموبايل تتكلم وتنظر إلى بالمرايه وتضحك لإني مسكت بريك وما كفختها من الخلف , وإللي زاد الطين بله أن صديقتها التي بجانبها تسب وتلعن ليش أنا ماشي بسرعه ونست أن صديقتها لفت علي ومشت عمداً كالسلحفاه وتضرب بريكات ... يا ترى كيف يكون شعورك وأعصابك وأنت تمسك بريك فجأه وتراها تضحك من غير إهتمام ! والله ألشطها لو أقدر ..

[khaldoon]

من كم سنه سمعنا عن قصة 3 شباب في الامارات دخلوا على باص طالبات مدارس في سابقه هي الاولى و اعتقد الاخيره من نوعها خلال لحظة توقفه في الشارع على الاشاره و اتجهوا الى فتاه معينه بالباص و انهالوا عليها ضربا

قامت الشرطه مشكورة بالقبض عليهم و معاقبتهم و نشر صورهم في الجرايد و المجلات من اجل فضحهم وليكونوا عبره للجميع وانا شفت صورهم وقتها

اتمنى انه يصير عندنا هذا الشي بأن نقوم بفضح كل من يقوم بهذا العمل المبتذل بفضحه و نشر صوره بالتلفزيون حتى بين الاخبار المهمه كل نص ساعه مثل الدعايات حتى يكون عبره للجميع


على فكره صار كم موقف امامي من شهرين في حالات متفرقه و ضرب بين السائقين سواء ضرب الصغير للكبير او العكس

لا حول ولا قوة الا بالله

نصيحه اغلق باب سيارتك و الزجاج على نفسك خلال سياقة سيارتك

[بورصجية]

إختي , مره أنا بنفسي كنت مسرع وفجأه من غير إشاره لفت علي إمراة راكبه سياره فخمه , وهنا أمسكت بالموبايل تتكلم وتنظر إلى بالمرايه وتضحك لإني مسكت بريك وما كفختها من الخلف , وإللي زاد الطين بله أن صديقتها التي بجانبها تسب وتلعن ليش أنا ماشي بسرعه ونست أن صديقتها لفت علي ومشت عمداً كالسلحفاه وتضرب بريكات ... يا ترى كيف يكون شعورك وأعصابك وأنت تمسك بريك فجأه وتراها تضحك من غير إهتمام ! والله ألشطها لو أقدر ..

صح انا معاك انو الموقف يعصب لكن مالكش حكم عليها عشان تضربها ولا تهينها
عندك شرطة
روح اشتكي عليها وهما ياخدو حقك باحترام

[موظف بالبورصه]

يعني معقوووله الريااال ينزل من سيارته ويفتح الباب عليها ويضربها

عشان بس عطاها ليتات ومافتحت له الطريق !!!!!!!!!!!

صحيح الريال غلطان 100% انه مد يده لكن ماعتقد هذي القصه الحقيقه ..

انا اتوقع انه لفت عليه لفه كانت بتوديه في داهيه والريال ماعرف شيسوي من الخرعه ...

مستحيل هالسبب الي تقول عنه يخلي الرجال يسوي جذي .. وين قاعدين !!!

اختي شاهيناز ترد الضرب عليه ؟؟

طيب ردت وهو اصلا مايستحي ورد ضربها مره ثانيه وتشابكوا وانكشفت البنت

شي طيب هذا ؟؟؟

الي سوته هو الصحيح سكرت الباب وراحت اشتكت عليه

[عليان]

صح انا معاك انو الموقف يعصب لكن مالكش حكم عليها عشان تضربها ولا تهينها
عندك شرطة
روح اشتكي عليها وهما ياخدو حقك باحترام

تشتكي عند الشرطه , وتروح تنام لمدة عشرين سنه ولا راح يصير شي عشان إمراة ...

[سارونه]

:eek5::eek5::eek5::eek5::eek5:

في قطر - ماصدق :weeping:

[qatar2929]

تشتكي عند الشرطه , وتروح تنام لمدة عشرين سنه ولا راح يصير شي عشان إمراة ...


:anger1::anger1::anger1:

بومشعل ماقصر وحقوقنا محفوظه

[ROSE]

انا مصدقه السالفة لاني مره شفت جدامي هالشي

شباب كانوا مسرعين حدهم وجان وحده تبي تلف يسار عند الاشارة

ماراعت سرعة السيارة اللي وراها او مالاحظته جان تلف جدامه

ولما وقفت نزل لها وضربها

بصراحه مهما توصل مراحل الغضب بالانسان بس ماتوصل فيه

انه يعطي نفسه الحق بانه يمد ايده على غيره سواء بنت او رجل

[سداوي&مدريدي]

والله مب ريال هو والي معاه

[..الاميرة..]

حسسسسسبي الله عليهم وقليل ما يقال لهم هؤلاء ليسُ من فئة الرجاااال .. :anger1:

مهما كان ومهما إغلطت المره ومهما كانت الاسباب هذا مب تصرف صحيح مش من حقه انه يرفع يده على حرمه وين عايشين إحنا !!!! :anger1:

وبعدين البنات ليششش مخلين بيبان السياره مبطله الوحده لاااازم تتأكد انها مقفلتهم قبل ما تتحرك
سبحان الله يمر عليهم مختل عقلياً ولا عيال حرام وهم واقفين في دوار او إشاره ..

أنا لو مكانها كان طلعت له الفرد ورميته :secret: <<<< مرخص :discuss:

[الخيميائي]

قلة ادب واخلاق

ونقص في هرمون الرجولة :p

[qatar2929]

انا مصدقه السالفة لاني مره شفت جدامي هالشي

شباب كانوا مسرعين حدهم وجان وحده تبي تلف يسار عند الاشارة

ماراعت سرعة السيارة اللي وراها او مالاحظته جان تلف جدامه

ولما وقفت نزل لها وضربها

بصراحه مهما توصل مراحل الغضب بالانسان بس ماتوصل فيه

انه يعطي نفسه الحق بانه يمد ايده على غيره سواء بنت او رجل


ها جبتيها عند الأشاره
ليش اليرعة من الشباب عند الاشاره مستعجل على أيش

[..الاميرة..]

ليش يضربها بالعقال
قهرني
وهي ساكته كان جرت لعقال من يده
وردت الضرب
المستغربه موقفها هي وصديقتها
والي يتفرجون ليش تمو ساكتين ولا
خلاص ماتت الحميه



شتقولين يا شهيناز تضربه !!!!! :(
مسكينه المره بطبعها ضعيييييييييفه وما تقدر تهز إشعره من الرجال وماتقدر عليه ..

[كاروهات]

OH My Gad:omg:

وبالعقال بعد

وفي قطر

يمااااا:eek5:

الحمدالله اني ماسوق

[..الاميرة..]

يا نهار اسود
ضرب؟؟؟
ليه؟؟
كانت واحد من عيالو ولا واحده من عيلتو؟؟
دا حتى لو من اهلو برضو ما يضرب هاش

قطع ايدو يارب


:nop::nop::nop:

يانهار منيل بستين نيله ..
شفتي إزي ناس مابتختشيش خااالص ..

[بورصجية]

:nop::nop::nop:

يانهار منيل بستين نيله ..
شفتي إزي ناس مابتختشيش خااالص ..

ايوة صح
مافيش حيا ولا خشى خالص

[simsim1963]

بعض السيدات السائقات يستاهلواالضرب والجلد , يعني تلف وتمسك الخط السريع وترى أن هناك سياره مسرعه وتمشي كالسلحفاه وتتكلم بالموبايل وتنظر في المرآه للخلف وكأن الطريق ملك لها فقط , أقول تستاهل اللي يجيها مادام الناس عندها والسائقون في الخلف لا وجود لهم ...

شكلك تدعوا وتؤيد بشدة ان الشباب يسرعون ويتهورون ... اذا هو كان مسرع فالخطأ عليه لأنه عرض حياه الناس للخطر وحياته وانا اشوف بعض الشباب مستهترين بالطريق يسرعون ويتجاوزون وهذا الشئ لايجوز لأنه مش من حقهم الاستهتار بأرواح البشر ويجب تطبيق حكم من يسرع ويتهور في القيادة تهمه الشروع بالقتل لو عمل حادث ولو بسيط اذا كان مسرع ومتجاوز السرعه القانونيه

[qatar lady]

@@

بال .. والله ووصلنا لهالمستوى ؟

.. اذا السالفه كانت جذي وبدون اي ( إنّ ) .. فالله يعينا يالبنات على اللي بنشوفه ونلاقيه بالشوارع ؟
واذا كانت السالفه فيها ( إنّ ) .. مهما يكون مهما يكون.. مومفروض الايادي تنمد على بنت .. يخي لاتحترم البنيه.. احترم نفسك عالاقل؟والا خلاص مافيه رجوله ؟
ماانكر انه اوقات نلاقي بنات يتهورون بالسواقه.. او بعضهم مايعرفون يسوقون؟ بس يخي طالما انك شايف بنت بالشارع .. حاسب وانت تسوق .. مو يقولون البنت ماتفهم خخخ .. خلاص..خذنا على قد عقولنا وعطنا الطريج بدون لاتقرب منا >>> الظاهر بيستلموني الحين @@
انا معاكم ان فيه فئة تسوق على بيضه وهي بالخط السريع .. واللفات عشوائية متى ماطق في راسها تلف .. لفت ومافتكرت .. والبعض الله يهديهم شافوا سياييرهم كشخه قالوا خلاص احنا سويقات وراعيات سباق !!
وهالفئة اشوفهم اوقات واقابلهم بالشوارع وتنبط جبدي .. بس يخي حط في بالك انه بعد فيه ناس تنتقد سواقتك انته .. وفي رايها انك ماتعرف تسوق ؟ فالتزم بالقوانين وحاسب من اللي جدامك؟ اخبر اول ماخذيت الليسن قال لي اخوي اعتبري كل اللي حولج بالشارع مايفهمون ومايعرفون السواقه وانتي الوحيده الي بينهم تفهمين..عشان تنتبهين وتتخذين احتياطاتج في حال انحطيتي بموقف او حد لف عليج؟

بس والله تراها قويه ؟ ينزل لها .. مو مشكله.. يسبها.. يالله وعديناها.. يفتح الباب.. فشيله واحراج.. يطق بالعقال!!!! هاي حدها قويه !!!

[qatar lady]

الظاهر بحط لي عجرة .. احتياط بالسيارة خخخخخخخخخخ

[عكاس]

بعض السيدات السائقات يستاهلواالضرب والجلد , يعني تلف وتمسك الخط السريع وترى أن هناك سياره مسرعه وتمشي كالسلحفاه وتتكلم بالموبايل وتنظر في المرآه للخلف وكأن الطريق ملك لها فقط , أقول تستاهل اللي يجيها مادام الناس عندها والسائقون في الخلف لا وجود لهم ...

اي والله انك صادق يعني انك ساعات تكون مستعجل وماسك الخط السريع وتشوف لك هذيك اللي تمشي على بيض والراس لاصق في السكان تقول انها تسوق بوحوض
هذي مب يبيلها ضرب وجلد الا يبيلها تثور بشوزن
امس بغيت اروح فيها والسبه وحده من هذول عند اشارات بن عمران
الاخت كانت على اليمين وفجأه نزل عليها الوحي قالها روحي لاقصى اليسار علشان ترجعين على الاشاره واعترضت وسكرت الشارع وبغينا نروح فيها انا والمدام بس الحمدلله ربكم ستر
فرضا لو لاقدر الله صار علي حادث ورحنا فيها من بيفيدنا؟
المفروض ان ادارة المرور تطبق قانون ادنى سرعة في الشوارع يعني اللي يمشي على الخط السريع بسرعة بطيئة توقفه الدوريه وتخالفه مثل الدول المتقدمه في انظمة المواصلات

[بوخالد2]

مصيبه اذا العيال ذول ماتربوا على السنع والمراجل !!!!!

والعيب الرجال يمد يده على بنت

يمكن هيلق :eek5:

[اعالي الجنان]

يرفع عقاله
أنأ لو مكانها فصخة الكعب وبطيت عينه وراسة به
دفاع عن النفس


يخسي ويهبي يرفع عقاله علي والله مايكفيني ابط عينه بالكعب

لاسوي له شي لاصار ولاستوى

حسبي الله عليه يتشطر على مره ماسوت له شي

استغفر الله العظيم انقهرت

[البيئة]

الله يستر عليها وياخذ حقها منه(صاير نصير الحرمه يعني)!!
بس والله يابعض (الدريوليات) انهم يستاهلون يمرغونهم بخيازرين ووايرات بعد.خصوصا اللي اذا طقيت لهم (هرن) وهم مسكرين الشارع من يسار.طلعت يدها والحنا واصل لين كرسوعها وسوت لك حركه بيدها!!!! وطبعا مب حركة النصر,,لا حركه اوسخ من وجها ابو المساحيق والالوان اللي تقول طاوووس..

[رحال]

لا بد من أنستمع الى الطرفين !!!

[هدوء 2]

مهما كان الموقف من المرأه عيب الرجال يطاول على المرأه ولا مائدر على(........) ئدر على البردعه
في احدى المواقف التجارية رجال عيز كثر مايلاحق الحرمة الا حفى:anger1: وهى مو ماعطته ويه والحرمة متزوجة كبيرة في السن وعندها حفيد بعد ومش متعدلة ولا لابسة من العبي ئلي فيها معالم واعذروني يا بنات:secret: ( ادري بقولون حرية شخصية بالعبي وهذا مش الموضوع) تدرون ايش سوى وقتها يوم شاف مافي امل للاسف حط ايده في مكان جدا غلط :secret:وهي كانت ماسكة اكياس
صادتها حالة جنونية وتركض ورى الريال جدام الناس والعالم وتمسكة وتبرك علية وضربتة بدون حاسيه وهي كاعدة فوقة :victory: لا المراه بطول وعرض ومتن والشباب تالي ما قصروا فية لاتقول عيب الحرمة تظل حرمة صحيح بس في مواقف الله مايرضاها وخاصة حالة الدفاع عن النفس والمعذره على الاطالة

[khaldoon]

مهما كان الموقف من المرأه عيب الرجال يطاول على المرأه ولا مائدر على(........) ئدر على البردعه
في احدى المواقف التجارية رجال عيز كثر مايلاحق الحرمة الا حفى:anger1: وهى مو ماعطته ويه والحرمة متزوجة كبيرة في السن وعندها حفيد بعد ومش متعدلة ولا لابسة من العبي ئلي فيها معالم واعذروني يا بنات:secret: ( ادري بقولون حرية شخصية بالعبي وهذا مش الموضوع) تدرون ايش سوى وقتها يوم شاف مافي امل للاسف حط ايده في مكان جدا غلط :secret:وهي كانت ماسكة اكياس
صادتها حالة جنونية وتركض ورى الريال جدام الناس والعالم وتمسكة وتبرك علية وضربتة بدون حاسيه وهي كاعدة فوقة :victory: لا المراه بطول وعرض ومتن والشباب تالي ما قصروا فية لاتقول عيب الحرمة تظل حرمة صحيح بس في مواقف الله مايرضاها وخاصة حالة الدفاع عن النفس والمعذره على الاطالة

:victory::victory::victory:

[Faisal75]

والله سالفه غريبه على بلادنا بس أعتقد في شئ أكبر من هالشئ ... وأعتقد أن المرأه ماقالت السالفه كامله لأن مب معقوله يضربها بالشارع لسبب مثل هذا ..
ترى الأيام بتكشف الموضوع كاملا وقطر صغيره والخبر يتنشر بسرعه والله يستر عليها وعلى جميع بنات المسلمين

[مستثمره جديده]

سوَد الله وجوهم اللي يتجرأون على بنات خلق الله ويضربها بالعقال ليش يحسبون البلد

سايبه مافيها حكومه تلعن شكلهم :omg:

بس وين بيروحون مصيرهم بينصادون الا اذا كانوا من الشسمهم وتسجلت القضيه ضد

مجهول :secret:

بعدين ترى فيه بعض الحريم اللي يسوقون ودكم مب تضربونها وبس الا تربطونها في

بدي السياره وتمشون فيها كيلوين لين تتعلم شلون تسوق وتحترم غيرها من السائقين ..

انا بعيوني شايفه شلون سواقة بعضهم يعلون القلب الوحده منهم تلف متى مابغت بدون

ماتنتبه اذا حد وراها ( نحسب روحها راكبه في سيارات الملاهي ) واذا عصبوا عليهم

الشباب وهرنوا لهم يسبون ويشتمون ويسوون لهم حركات مثل وجوهم ..

مع ان السالفه مادخلت مخي لكن في هالزمن صرت ما استنكر شي ..

[الغلبان]

بغض النظر عن صدق الروايه من عدمها وهي مرويه من جانب واحد.

فمن لايستطيع مواجهة الرجال فيعوض عجزه في مشاجرة بعض النساء

[العقيد]

شكرا على نقل الخبر

مع تحيات

هيئة الأمر بالمعروف والنهي عن المنكر


وهئية الامر بالمعروف بتكون متواجدة فكل داعوس .اسمحلي بس ردك غريب

[العقيد]

مهما كان الموقف من المرأه عيب الرجال يطاول على المرأه ولا مائدر على(........) ئدر على البردعه
في احدى المواقف التجارية رجال عيز كثر مايلاحق الحرمة الا حفى:anger1: وهى مو ماعطته ويه والحرمة متزوجة كبيرة في السن وعندها حفيد بعد ومش متعدلة ولا لابسة من العبي ئلي فيها معالم واعذروني يا بنات:secret: ( ادري بقولون حرية شخصية بالعبي وهذا مش الموضوع) تدرون ايش سوى وقتها يوم شاف مافي امل للاسف حط ايده في مكان جدا غلط :secret:وهي كانت ماسكة اكياس
صادتها حالة جنونية وتركض ورى الريال جدام الناس والعالم وتمسكة وتبرك علية وضربتة بدون حاسيه وهي كاعدة فوقة :victory: لا المراه بطول وعرض ومتن والشباب تالي ما قصروا فية لاتقول عيب الحرمة تظل حرمة صحيح بس في مواقف الله مايرضاها وخاصة حالة الدفاع عن النفس والمعذره على الاطالة

هذي وحدة ماتستحي

[صوت قطر]

والله عيب على عيالنا

وأنا لا أستغرب من حدوث هذا الامر

فقد حدث نفس الشيء لأحد أقاربي إذ انه كان يسوق وما اعطى المرور لواحد كان يحاول يتجاوزه

وعند الاشارة نزل إثنين من السيارة وطاحوا فيه ضرب ونفخوا وجهة

الزين إنه أخذ رقم السيارة

وراح المخفر ووجهة منفخ وقدم شكوى ضد هذين الشخصين

طبعا أحضروهم في اليوم الثاني واستطاع التعرف عليهم

ووضعوا في الحجز تحت التحقيق

لكن المشكلة بأنه ما بقى شيبة أو رجال أو حرمة من قبيلة المحجوزين ما كلموا أهل المعتدى عليه طلبا للسموحة كي لا يسجنوا

بعد يوم تنازل قريبي عن الشكوى وأطلق سراحهم

وكانوا بزران

[هام السحاب]

ندري ان سواقه الحريم الله بالخير بس ماتوصل للضرب !!
وننتظر القصه من الطرف الثاني

[دنيا الاسهم]

منصدمة جدا من الموقف اللي حصل للبنتين ومن ردودكم
يا جماعة الخير الله يهديكم ليش كلكم ضد المراة
انتوا تدرون وشو ضروفها اللي خلتها تسوق وانتوا يا اللي معصبين من سواقة المراة
مع اني الحمدلله ماشية على القوانين يعني ما اسوق فول ابشن ولا سواقة ميتة تخلي اللي ورا يدعم مثل سواقة كثير من الهنود وانما اتبع تعاليم الشوارع
حرام مساكين البنات اللي انضربوا مستغربة شلون تصير في احد شوارع قطر وين احنا عايشين
هل الرجل لة الحق ان يضرب بنات ناس ما يعرفهم عشان ما افتحوا الطريق مثلا ؟؟ لا طبعا ويخسي لو يكون منهو .... وش هالمسخرة وقلة الحيا :omen2: :anger1:
والله مهما كانت الاسباب احنا في مجتمع محافظ ليش صرتوا كذية
يا شباب عيب والله عيب اللي قاعد يصير وانتوا تقريبا تأيدونة وتبررون موقفة
من يوم ورايح اذا هذا حال البلاد والقوي ياكل الضعيف ..وحق الضعيف ينوكل !! لا والله بناخذ احتياطاتنا :tease:
ونتمنى من التحقيقات ان تفتح تحقيق في الموضوع حتى لا يتجرأ احد من اصحاب القلوب المريضة ويستقوي اكثر لان الرجولة انعدمت من البعض


واذ الشرطة تجاهلوا الرقم وقالوا انة غير واضح لغرض في نفس يعقوب ؟؟ لا والله على الامان السلام

[سارونه]

ندري ان سواقه الحريم الله بالخير بس ماتوصل للضرب !!
وننتظر القصه من الطرف الثاني

:cry2::cry2::cry2::cry2::cry2:

[MoHaMmEd114]

قضية غريبة

محد من الموجودين في الاشارات وقف معاهم اشدعوه الدنيا سايبه


هذا ثمن الدمقراطية

الله يعينهم

[حمد57]

والله انا اقول اذا السالفه صحيحه .. ان الشخص هذا مش متربي والمفروض انه في حدود لسرعه ويراعي انه في بشر في الشارع بعد

[جمال العبدلي]

أكيد فيه سبب هي سوته أو قطت كلام على الريال ما اعتقد أن الشخص يتجرأ وينزل ويرفع عقاله.

حتى لو فرضنا اغلطت عليه مهب من الرجولة تنمد اليد على بنت وفي مكان عام وقدام الناس كلها لافي احترام لعادات ولا تقاليد ولا اعراف

[شويش]

لاحول ولا قو الا بالله

[BURBERRY]

لا حول ولا قوة إلا بالله

عاد مافيه احترام للانسان ... والله عينه قويه يروح يضرب مره في الشارع

[عندليب قطر]

الموضوع فية شي غير صحيح

[كلشن كوف]

خلونا نتخيل الموقف بطريقه اخرى
المعتدا عليها كانت تسوق بسرعة 40 وماسكه الخط يمين
والمعتدي يسوق بسرعة 150 وكان الطريق قداه فاضي
فجئه المعتدى عليها طلعت في وجهه يسار
المعتدي صاده هبوط تصاحبها نفظه بالاضافه الى راقع في القلب جاه الموت سلم عليه خشم كنايه الى قرب الموت
المعتدى عليها اطالعه في المنضره تضحك على غترته الي طاحت
تنرفز عيونه حمرت
مشا وراها وقفتها الاشاره الرجال نزل لا شعوريا يبي يقول اي شي من القهر
جا عند السياره قالها انتي ماتشوفيين؟
ردت عليه وقالت اقلب وجهك يا ح......؟
السؤال هنيه .. هل راح تستخدم العقال ام لا ؟؟؟؟؟
أ_ بتعطيها لشطتيين ونت رايح
ب_ بتعوذ من بليس وبتحتسب اجرك على الله
عني انا بحاول امسك نفسي وبختار ب والله كريم

[مالي ومال الناس]

انا للحين مب مصدق الموضوع

لكن لو اشوف الموقف قدامي . . .(قسم بالله) لاروح في السالفه سجن . . . يالاثنين الي مستقوين على البنت ان يعرفون حدودهم طول عمرهم . . . وين النخوه والحميه ؟ ؟

[ورقــة أمــل]

عادي مرة غلط دريولنا ووقفوه بالشارع

ونزل له واحد جثة وعطاه كف على ويهه ووقفت سيارة ثانيه من ربعهم ونزلو يمسكون رفيجهم
واحنا كلنا حريم وقاعدين في السيارة ماعرفنا نتصرف ولا شنسوي
وسكتنا عنا
بصراحه هذيلا حثالة المجتمع وزباله

الله يعز القراء فشي طبيعي يصدر منهم هالتصرف الوصخ

[ولد الشمال]

شكرا على نقل الخبر

مع تحيات

هيئة الأمر بالمعروف والنهي عن المنكر

:eek5::eek5:

[عبدالله الخوار]

بتعيش وبتسمع

بس في الاخير محد يعرف السالفه

شنهي ورا الكواليس

وخذ وخل ومساء الخير

[Mo0o0oM]

أكيد فيه سبب هي سوته أو قطت كلام على الريال ما اعتقد أن الشخص يتجرأ وينزل ويرفع عقاله.


مهما كان .. ماتوصل لدرجه الضرب .. !!

[ذوق]

هذولي مستحيييييييييييييييييييييييييل رجاجيل....هذولي عباره عن زبــاله بس ملبسينهم غتره وعقال

[The future]

اما الي بالخط الاحمر كثروا منها اخاف اطلعوا عيال فلان هامور من الناس وبعدين الي سووا الحركه هاذي شقدر اقول عليهم غير عيب والله عيب وبعدين مهما كان اغلطت عليك في الشارع تخيلها اختك ولا وحده تقربلك ترضى حد يسوي فيها هالشكل اعذروني اخواني وخواتي يمكن خاني الاسلوب بس والله من القهر

:nice::nice:


يمكن يطلعون من اهله بس هو مايدري ولا يعرف سيارتهم:)

ترى تصير :nice:

[مساهمه بالحب]

والله عيب عليهم ...

الشباب بعضهم الله يهديهم مافيهم صبر خطر يطيرون فوق الناس ...

يعني هالدقيقه اللي بتصبر فيها بتموت فيها .. والله انهم صاروا لايطاقون انزين مافتحت لك الخط امسك الخط اليمين واشخ عنها لازم تفتح الخط يعني ..

احيانا فعلا الواحد ماسك يسار وقريب الدوار او الاشاره ويبي يلف يسار ولا يكوع ولا واحد مشتط ويحرق عيون الناس بليتاته كنه حو الوحيد اللي عنده زينون الا يوقف قبل هالسياره ولا بيموت خلاص

اصب ر الصبر زين ماتدري الله ايش كاتب يمكن تمر انت قبل هالسياره وتروح في عينها ولا يصيبك شي

العيله من الشيطان وانا اختكم .. واحترام الاخرين واجب من فن وذوق السواقه

مافي حق يضيع عند رب العالمين .. واللي يسوي الشي يردله .. ومردوده له في يوم

وماهو رجال اللي يستقوي على مره ويمد يده عليها .. ولا فيه ذرة رجوله بعد

ولا تنسون قوله صلى الله عليه وسلم : ( رفقاً بالقوارير )

وشكراً

[وطن]

شدعوه
في الدوحة !!!

يا بنات اللي تسوق منكم اول ما تركب السيارة وقبل لا تحرك تقفل البيبان عليها

لا يطلعون لنا هالمجانين مره ثانية ويتعرضون لوحده غيرها !!!

crazy

[وطن]

خلونا نتخيل الموقف بطريقه اخرى
المعتدا عليها كانت تسوق بسرعة 40 وماسكه الخط يمين
والمعتدي يسوق بسرعة 150 وكان الطريق قداه فاضي
فجئه المعتدى عليها طلعت في وجهه يسار
المعتدي صاده هبوط تصاحبها نفظه بالاضافه الى راقع في القلب جاه الموت سلم عليه خشم كنايه الى قرب الموت
المعتدى عليها اطالعه في المنضره تضحك على غترته الي طاحت
تنرفز عيونه حمرت
مشا وراها وقفتها الاشاره الرجال نزل لا شعوريا يبي يقول اي شي من القهر
جا عند السياره قالها انتي ماتشوفيين؟
ردت عليه وقالت اقلب وجهك يا ح......؟
السؤال هنيه .. هل راح تستخدم العقال ام لا ؟؟؟؟؟
أ_ بتعطيها لشطتيين ونت رايح
ب_ بتعوذ من بليس وبتحتسب اجرك على الله
عني انا بحاول امسك نفسي وبختار ب والله كريم

لو كملت تخيلات معاك

بقول لك


في النهاية هو غلطان
سرعة الشارع 80
حتى لو هي طلعت في ويهه وهي ماشيه 40 ما يحق له يمد يده عليها

مافي ريال يرفع ايده على مره
لا تساويه في القوة ولا الحجم

:telephone:

[eXpert*]

اعتقد والله اعلم ان الحادثة كلها لا تخرج عن موضوع محاولة تلفيق للشاب وزميله لا أكثر و لا أقل ...

شخص بيعتدي عليّ ،، وما راح أخذ رقمه عدل !!!

وهاليومين الحريم طالعين لهم طلعة ،، أمس على خط المرخية عند المحلات زحمة لاتطاق ،، ويقولون اذا عرف السبب بطل العجب !! حريم كبر جدتي كل وحده بسيارتها تلف على الثانية وهم يضحكون ..

مره أمشي 120 كم اشوف في المرايه الا وحده تعطيني ليتات "هاذي كم تمشي؟؟" المهم على طول عطيتها مجال انها اطوف ،، بس هي ما انتبهت ان احنا قريب من الدوار ،، كان شوي اللي هي فوق الدوار :tease::tease::tease:

[ذيبه مزاجيه]

ما اقول الا حسبي الله و نعم الوكيل و الله هو اللي بياخذ للمظلوم الحق ان شاء الله

[قطري عصامي]

وانا اقول مثل ما فيه شباب مب متربين فيه بنات مب متربيات ، ولو ان ما له حق يضرب ، لكن اذا عرف السبب بطل العجب ولو انهن مب متلفظات عليهم بكلمات ويمكن اتكون (.......) ، كان ما صار هالشي (هذا ان كان الخبر صحيح)،


وصراحه بعض البنات اللي يسوقن يقومون ببعض الاشارات المنرفزة وهن يسوقن واللي يستحي الواحد يقول اش هي ومستغلات بذلك المجتمع وان الرجال عيب يرد على المره ، لكن اعتقد بأن البنات هنا واجهن نوعية وعقلية شباب نفس عقلياتهن.


تحياتي

[hamoor4ever]

اعتقد والله اعلم وبحكم خبرتنا ان هناك مبالغه بالقصه من قبل المرأه ، وفي خفايا بالموضوع . لاتحكمون على الموضوع من الظاهر
اعتقد حتى والله اعلم ان مافي حد مد يده عليها مااعتقد ان في رجال بيمد يده على بنت

[qatar lady]

يخي يمكن صج .. لفت عليه وعصب .. وعند الاشارة ماستحمل ونزل لها.. بس يمكن ما فتح الباب .. وقعد يتحلطم عليها عند الدريشة ولشط العقال بالسيارة من القهر @@ يخي كل شي جايز
والبنات بعضهم يبالغون يوم يشتكون .. فقالت طقني خخخخخ

[بوجواهر]

السطر الاخير يخووووووووووف

[moon_night]

ماعتقد الموضوع ملفق

يعني البنت من الملل بتروح تشتكي عليهم

[امـ عبدالله]

الموضوع من طرف واحد http://www.cheesebuerger.de/images/midi/boese/a042.gif

[بدور]

علي أيدي مجهولين


الدوحة - الراية:

تعرضت مواطنة شابة لاعتداء بالسب والضرب وسط الطريق العام من شابين حاولا تخطي سيارتها أثناء القيادة.

الساعة السابعة مساء في اتجاه منطقة الروضة ، خاصة أننا كنا علي وشك التوقف عند تقاطع اشارات مرورية.

إلا ان أحد شهود الواقعة أعطاني رقم سيارة المعتديين.

وأشارت المواطنة إلي أنها توجهت هي وصديقتها إلي قسم الشرطة بمسيمير وحررت بلاغا ضد المعتديين إلا ان الشرطة قامت بالاتصال بها في اليوم التالي لتبلغها ان أرقام لوحة السيارة التي ابلغت عنها ليست مطابقة للأوصاف التي اكدتها في المحضر مما يتعذر معه الوصول الي المتهمين.

الساعه 7 مساءً قمة الزحمه في هالشارع شلون تنضرب البنت هالضرب ومحد يتدخل

ومستحيل ياخذون رقم السياره ويكون خطأ .... واللي معاها ليش ما خذت الرقم

السالفه فيها علامات استفهام ؟؟؟؟ والطرف الثاني مع هالزحمه شلون يقدر يشرد

كلام فاضي وناقص ومايدخل العقل وليس كل مانقرأه نصدقه يا جماعه

[khaldoon]

انا استغرب من اللي قول السالفه يمكن فيها شي و يمكن الموضوع اكبر ويمكن سبت عليه و يمكن اشرت له بيدها اشاره وسخه مثل وجها

انا عن نفسي لو وحده سبت علي و على اهلي والا اشرت لي اي اشاره من اللي انا وانتم نعرفها ما راح انزل مستواي لها و ما راح احاول اضربها مثل ما اسمع انه يمكن معذور و يمكن بالسالفه شي

لانها اولا واخيرا حرمه و مب من الرجوله اني اعاملها معاملة الند