فيزا الدولي الاسلامي؟

[مساهمة]

السلام عليكم
شلونكم؟ ان شاءالله طيبين؟

ماعليكم امر بغيت اسأل عن الفيزا كارد من بنك الدولي الاسلامي
شلون طريقتها بالضبط بخصوص الليمت وطريقة السداد والفائده وغيره؟

انا بصراحه غشيمه في هالسوالف وابي منكم العون لاهنتوا

ومشكوورين

[abu-nawaf]

اختي البطاقة زينة وما فيه رسوم و10 ريالات شهريا عند الاستخدام فقط واللمت حسب معاشك * 65%
مثلا معاشك 10000 ادا اللمت 6500 بس 10000 معاشك صافي بدون اي التزامات

الدفع 100% ما فيه اقساط

[مساهمة]

تسلم اخووي بونواف

لاهنت

[حمد]

اختي البطاقة زينة وما فيه رسوم و10 ريالات شهريا عند الاستخدام فقط واللمت حسب معاشك * 65%
مثلا معاشك 10000 ادا اللمت 6500 بس 10000 معاشك صافي بدون اي التزامات

الدفع 100% ما فيه اقساط

اخوي انا عندي البطاقة الي اعرفه انه افتراضا ... ومثل ماقلت ان راتبك عشرة الآف فيكون اللمت 6500 .... تقدر تسحب شهريا هذا المبلغ وال ماينزل الراتب ... يسحبون منك على طوول .

اضافة الى ومثلا في حالة سفرك .... ومتخوف انك تحتاج مبالغ اكبر ... فتقدر تحجز مبلغ في الفيزا يعني مثلا 30.000 فوق الـ 6500 ... وتسحب على كيفك ... بس اذا رجعت وطلبت فك الحجز عن المبلغ ... يفكون لك المبلغ بعد مرور شهر تقريبا .

هذا الي اعرفه ... وصراحة يمدحون فيزا الوطني الاسلامي... والله اعلم

[بوحمد1]

فيزة الدولي عندي ومدوختني ... اذا سحبت كاش فهو ربا واذا مشتريات باي مبلغ ياخذون 10 ريال رسوم ادارية بنكية .

نصيحتي ابعد عن الفيزة وخلك على الراتب

[حمد]

فيزة الدولي عندي ومدوختني ... اذا سحبت كاش فهو ربا واذا مشتريات باي مبلغ ياخذون 10 ريال رسوم ادارية بنكية .

نصيحتي ابعد عن الفيزة وخلك على الراتب

غلطان اخوي

بالنسبة للكاش ... في نسبة ... وهي بذلك تكون ربا ... بس يسمونها ... رسوم مشتريات

اما شراء السلع فانا متأكد ان مافي اي رسوم ولا نسبة ولا شي

[بوحمد1]

غلطان اخوي

بالنسبة للكاش ... في نسبة ... وهي بذلك تكون ربا ... بس يسمونها ... رسوم مشتريات

اما شراء السلع فانا متأكد ان مافي اي رسوم ولا نسبة ولا شي

مشكور ع المعلومة

[مساهمة]

حمد .. بوحمد1
شاكره اثرائكم للموضوع

يعطيكم العافيه

[abu-nawaf]

السلام عليكم
الفيزا لها عيوب دفع 100% 26 الشهر قبل ما تشم المعاش& 10 ريالات شهرية& لا كشف حساب &65% من صافي المعاش
بس ما عليها رسوم سنوية & ارحم من المصرف اكثر من(200 سنوية) او اقساط شهريه مع الفائده 165* 12+ المبلغ المسحوب (المصرف+الصفا +الدوحة ...

للاستخدام داخل قطر :) ارجو الافادة بفيزة الوطني:secret:

[اّل ثاني 77]

واحد من ربعي كان في المانيا من فترة وشرا اغراض حاول يدفع بفيزا الدولي الإسلامي ما اشتغلت وتوهق للعلم ما عليه التزامات بالعربي بطاقة لايعتمد عليها

[PoBox]

الدولي مب بنك يعتمد عليه دايما نعيد ونزيد بهالجملة
حصالة ،، صندوق ،،،اي شي لكن بنك لا

ان بغيت فيزا عندك المصرف
رسومها 200 بالسنة فقط لاغير

واللمت 80% من الراتب
اشتر فيها اللي تبيه وتسدد بتاريخ 21 كل شهر
كل اللي شريته

( لكن لاتسحب منها ( كاش ) لان سحب الكاش عليه عمولة ( ماتجوز )

[mohsen555]

السلام عليكم ،،،،،،،،،

بالنسبه للفيزا او الماستر ،، الدولي الاسلامي

عندنا فيزا و ماستر ( شركتين مختلفتين ) تختلف من حيث مزايا نقاط البيع فقط ،، بالنهايه تؤدي لنفس الغرض

سقف البطاقه 80% من صافي الراتب ( صافي الراتب = الراتب - الالتزامات )

الراتب 10000 -القسط /الالتزام 2000= صافي الراتب 8000

سقف البطاقه 8000*80% = 6400 ريال

طريقه السداد .. 100% تخصم الفواتير من الراتب في اخر الشهر

عموله المشتريات 0% عموله السحب النقدي 4% مقسمه ل 3 جهات (الفيزا / البنك المسحوب منه / البنك المسحوب عليه)

بالاضافه لعموله ارسال مطالبات/فواتير الفيزا على البريد 10 ريال ( في حال استخدامها )

والبطاقه مجانيه ،،،،،،،،،، للاستفسار - تلفون البنك 4625666

تحياتي

[ضوى]

الدولي مب بنك يعتمد عليه دايما نعيد ونزيد بهالجملة
حصالة ،، صندوق ،،،اي شي لكن بنك لا

ان بغيت فيزا عندك المصرف
رسومها 200 بالسنة فقط لاغير

واللمت 80% من الراتب
اشتر فيها اللي تبيه وتسدد بتاريخ 21 كل شهر
كل اللي شريته

( لكن لاتسحب منها ( كاش ) لان سحب الكاش عليه عمولة ( ماتجوز )



:victory::victory::victory::victory:

[اكسجين]

مافي اسوء ......من المسمى ( الدولي الاسلامي.)

[الجسراوي]

والله اني متعذب من هالبنك ومعاملاته كل مره اسوء للاسوء والله يعينكم

الاداره فالحه كل مره تفتح وتقص اشرطه مناسبات وبس

بطاقتهم انت وحظك ياتشتغل او الله يعينك

مره في فرنسا وهقوني من قلب والله

الله يسامحهم ادارتهم مش مضبوطه

[حمد]

مادري شصار اليوم

بطاقة السحب الالي تسحب كاش .... بس ماتشتري اغراض .... صج بنك اي كلام :(

[حنيــن]

واحد من ربعي كان في المانيا من فترة وشرا اغراض حاول يدفع بفيزا الدولي الإسلامي ما اشتغلت وتوهق للعلم ما عليه التزامات بالعربي بطاقة لايعتمد عليها

كلامك صحيح 100%
تورطت بسبب فيزتهم كذا مرة

[مجرد احساس]

بس انا الي اعرفه بأن البنك مجرد وسيط يعني الفيزا عن طريق الفيزا العالمية واذا ماقبل يعني احتمال في خلل شي مب الخطاء بس على البنك الفيزا العالمية احتمال في شي وانا جربت اتصل على خدمة العملاء مره سارلي مشكله مقاربة في تايلاند وماقصرو الجماعة وعلى طول اشتغل عقبه

[م. عبدالعزيز]

الدولي الاسلامي ماتعاملت وياه
اول كنت اتعامل مع الوطني.. بس بعدين طلعت من عندهم لاني كل ما اروح اطلب بطاقة فيزا يطلبون مني اشياء مالها خص ويتفلسفون علي وصراحه سبحان الله الله مارايد اتعامل مع الحرام .. والحين حولت للمصرف
عندي بطاقة صراف عادية وبطاقة فيزا من المصرف
سافرت وارتحت جدا بهالبطاقتين .. كل سحبه من الصراف يجيني له مسج
وكل حركة فيزا بعد يوصلني مسج عالجوال

التسديد 100%

ولا فوائد ولا خرابيط ولا عوار راس وترتاح لانه فلوسك بالحلال .. بس عموله 200 ريال سنويا وهاي كانها قيمة البطاقة أو الخدمة


واذا صار شي عندهم رقم خدمة العملاء شغال 24 ساعه اللي هو 4448444

والفيزا بعد تفيدني داخل قطر ادفع الفواتير واشتري فيها ومريحتني وايد

[مجرد احساس]

انا الصراحه من وجهة نظري الواحد لايستخدم الفيزا الا في وقت الحاجة مثل واحد مسافر يحتاج حجز سيارة او فندق وخلافه ام في كل الاحوال الواحد قد مايقدر لايستخدم الفيزا انا عانيت 5 سنوات من الفيزا ماينزل راتبي كامل كل رايح في الفيزا.

[غناتي1]

مع ابو نواف