هل هالكلام موجود في دول الخليج ولا عندنا بس في قطر

[عليان قطر]

مساء الخير

لدي زميل رغبان انه يشتري تويوتا 2008 فسمع ان اللون اللؤلؤي اغلى من الابيض


هل هذا صحيح
وممكن ان تكون الوان السيارات هي التي تحدد اسعارها

ولماذا هو غالي ونفس الموديل

وهل هذا متداول في دول الخليج ولا عند شبابنا بس

عطونا الراي وفيه يتحدد المصير

والشكر لكم


عليان قطر

[Index Signal]

و عليكم السلام..

شي طبيعي إن السعر يفرق حسب نوع الصبغ لأن التكلفه تختلف..

الأصباغ اللؤلؤيه و الميتاليك أغلى من الصبغ العادي..

و هالشي معروف عالمياً على جميع السيارات.

[رآعي موآجيب]

صحيح

الألوان الميتاليك أغلى

لكن عندنا يوحدون السعر بالذات في التيوتا

يرفعون سعر اللون العادي ليتساوى مع الميتاليك

وهالشكل يوحدون الاسعار !!!

:secret:

[ALRAYYAN]

اتذكر يوم اشتري موتري شهر 1 من احد المعارض
احترت بين الابيض واللؤلؤي .. وقلت لصاحب المعرض بكره بحدد اللون
قالي بحجز لك الاثنين لين بكره والسعر واحد مايفرق بين الابيض واللؤلؤي

والله اعلم

[راعي ال2008 الاسود]

اكيد اخووي الميتاليك اغلى وبعدين اللؤلؤي اغلى لانه هو المرغوب اكثر من الالوان الباقية

[وطن]

و عليكم السلام..

شي طبيعي إن السعر يفرق حسب نوع الصبغ لأن التكلفه تختلف..

الأصباغ اللؤلؤيه و الميتاليك أغلى من الصبغ العادي..

و هالشي معروف عالمياً على جميع السيارات.

صح
السعر يفرق بالألوان
حتى باللون الداخلي يفرق

:nice:

[عليان قطر]

الكل اجمع على راي واحد

وان بدوري سأنقل الراي
والراي الان ان اشكركم
واشكرا رأيكم الموحد


عليان قطر

[قلب شاعر]

ونكون عندنا منطقيه ...شويه .. حتى اللون الأبيض العادي غالي لأنه مرغوب لو مو لؤلؤي ام متيلك في سيارات لو جيت تشتريها حتى مستعمله لونها اسود راح اطيح من قيمتها لأن الأبيض احسن في الحر والشمس وبعدين خبركم الجوا عندنا امطار موسميه طول السنه يعني سيارتك لو سوده كلا مغبره من كطثر أمطار اللي عندنا ..( العج) وانتوا فاهميين قصدي ... ولا يعجبك ابيض مع السمكره ينظبط شويه احسن من غيره كلها مقومات ترفع سعر اللون والسياره معاه

[start]

هالشيئ موجود فقط في الالماني اما الامريكي والياباني فالسعر عادي,,
السعر يفرق فقط في المستعمل اما الجديد فلااااااااااا ,,,,,

[Index Signal]

ونكون عندنا منطقيه ...شويه .. حتى اللون الأبيض العادي غالي لأنه مرغوب لو مو لؤلؤي ام متيلك في سيارات لو جيت تشتريها حتى مستعمله لونها اسود راح اطيح من قيمتها لأن الأبيض احسن في الحر والشمس وبعدين خبركم الجوا عندنا امطار موسميه طول السنه يعني سيارتك لو سوده كلا مغبره من كطثر أمطار اللي عندنا ..( العج) وانتوا فاهميين قصدي ... ولا يعجبك ابيض مع السمكره ينظبط شويه احسن من غيره كلها مقومات ترفع سعر اللون والسياره معاه


أخوي قلب شاعر إنت تتكلم في موضوع ثاني..

أنا قصدي جميع الصبغات الميتاليك و اللؤلؤيه بجميع ألوانها تكون غاليه مش لأنها مرغوبه و لكن سعر الصبغ هذا أغلى من الصبغ العادي..

لذلك مصانع السيارات تحدد سعر السيارات ذات الصبغات الميتاليك و اللؤلؤيه أغلى شويه من الصبغات العاديه..

أما موضوع إن الأبيض مرغوب أكثر حتى لو كان عادي فهذا موضوع ثاني يالغالي و يتحكم فيه الذوق العام و الظروف المناخيه لكل منطقه بالعالم مش تكلفة التصنيع.