نصيحه اخت

[miss-qatr]

السلام عليكم ورحمة الله وبركاته

في بدايه موضوعي هذا حبيت اذكر لكم موقف ....

هالموقف ذكرني بشي خصوصاً بهالفتره من السنه.....

فدفعني اكتب هالموضوع واتمنى القى كثير من خواتي يشاركوني الراي :victory:


اغلب الناس اتسافر بالصيف ...البعض لدول عربية والبعض للفار ايست وجزء منهم لدول اوروبا وامريكا


لكن المشكله مب بالدوله اللي الواحد يقصدها ... لا


قناعتك اختي العزيزه ويقينك بان مافي شي بالدنيا بيقدر يغيرك وانك تظهرين بصورة اتكونين انتي بداخلك راضيه عنها وبنفس الوقت ماتحسين بانك غلطتي بحق نفسك


يمكن حيرتكم شوي :rolleyes2:


بالاول باذكر لكم الموقف .....


العام كنا باحد الدول الاوروبيه وكان اغلب اللي شفتهم عوايل من دول خليجيه بس كنت مفتقده شي ...


العبايه ؟؟؟ وين قبل لما تلقى اغلب البنات بعباياتهم ؟؟ سألت نفسي هل الناس تغيرت ولا المفاهيم بس اللي تغيرت ؟؟؟ يعني اتشوف ناس من الخليج اكثر من الاجانب بس اللي بعباياتهم قليل !!!!!


وبيوم شفت بنات وارتسمت على ويهي ابتسامه


كانو بعباياتهم ومعاهم مره كبيره عليها بطوله --------> يازين سنعنا


وباليوم الثاني نزلنا على الفطور

وقعدنا على طاوله بجهه لكن انصدمت لما ادخلو بنات ويوهم مب غريبه وكان الستايل غريب جينزات وشيلات !!!

قمت اقول ذيلا شايفتهم !!!:con2:


لكن الصدمه لما شفت راعيه البطوله تمشي وراهم :eek5:

ذيلا البنات اللي شفتهم امس :eek5::eek5:

وين العبايات ؟

انمحت الفرحه وانمحت معاها نظره الاعجاب

يعني يوم فصختو العبايه لابسين هاللبس ؟؟؟؟؟:secret:


القصد من الموضوع ... كلمه اوصلها لكل خليجيه وانا شفت بنات وايد بعباياتهم بس مب نفس قبل للأسف بس هالكلمه تذكير

يابنااااااات الخليج ويـــــــــن العبايه ؟؟؟

ولا بس صارت العبايه حق العجايز والكبار بالسن ؟؟؟

وانا انقالت لي ليش تلبسون عباياتهم مافي داعي بالسفر ؟؟؟؟

وللأسف البعض ان شافك بالعبايه ينظر لك نظره الرجعي ولا انت اش جيبكم اهنيه ؟؟


والله ثم والله ان هالشي خلانا انتمسك اكثر بالعبايه لان اللي استغنو عنها كثار

وان الوحده المفروض تمشي واهي رافعه راسها انا مسلمه اولاً وقطرية ثانياً

المفروض اتقولين هذا زيي وانا البس هاللبس ببلادي ماراح اجي اهنيه واغيره حتى الاجانب يصيدهم فضول ويجيون يسألون ليش الوحده اتغطي شعرها


عندك فرصه تشرحين :dance:dance


انا مااعارض ان الوحده تفصخ عباتها بس دخيل الله الوحده تلبس شي ساتر مب لبس ماينفع مع شيله نهائياً

وفيه دول ومناطق انك تفصخين عباتك وتلبسين لبس ساتر بيكون احسن

بس الحين بالصيف اغلب الدول كلها عرب وخليجين يعني اشوف ماله داعي


انا ذكرت هالموضوع اذكر نفسي قبلكم خواتي ومحد منه منزه من الغلط وانا اولكم

لاتضنين ان لبسك للعبايه بيقلل من قيمتك لا والله

وحتى ان كنتي بتفصخينها البسي لبس ساتر والله ان محد بينفعك لا كشخه اتظهرينها ولا قميص ماركه بتلبسينه قدام الناس .. يصير اتسوين هذا كله بلبس محترم


فيه بنات فاصخين عباياتهم لكن والله قمه بالاحترام ( وللأسف قليل بس الحمدلله موجودين )

وقبل ما اختم الموضوع الله الله ياخواتي بحطه الشيله العدله ------> مافي داعي اذكر مطولاً بس قلت تذكير لي قبلكم :)


اتمنى اني ماطولت عليكم ورحله سعيده للجميع:nice:

[keyo]

كلام جميل
يعطيج الف عافية

[امل الحب]

الله يعطيييج الف عاافية على التذكير..

والله يهديهم يارب .. كلامج صحيح بس مابقول لو وراهم ريال ماسووا جذي..

لكن بقول لو فالبداية التربية كانت سليمة ماكان صار هاي حالهم ..

والا شنو يعني البس العباة داخل البلاد لان فيها ريايل بس الي برا يمكن مو ريايل..

الله يثبتنا على قناعاتنا ويهديهم وينتبهون ان الدنيا يومين ولا موعد الرحيل مابيكون بعد تاجيل..

شكرااا غلاي على الموضوع

[هام السحاب]

بارك الله فيج

[shrook]

موضوعك رااائع وتمسكك بدينك وعاداتك وافتخارك بكونك خليجيه اجمل واجمل

لكن هالموضوع من زماااان يمكن هالايام زادت عن حدهاااااا لانهم قبل ما يوصلوا البلد وهما في الطياره

بتشيل العبايه ... لما نوصل المطار وينزلوا الركاب بتقولي هادول من وين اجواااااا ووين كانوا!!!!!!


حتى لما انكون قاعدين في مطعم او في اي مكان والله ما ابتعرفي انهم خليجين الا لما بيحكواااااا


الله يهدي الجميع





يعطيك العافيه اختي

[انا احساس]

احس بعض الدول ماتصلح لها عبايه ...شفيه اللبس الكويتي ووسيع وطويل وساتر ...هذا رأيي
.
.
يعطيج الف عافية على الاهتمام والغيرة

[الامل القديم]

الله يهدي الجميع

[دلة الرسلان]

الله الله في اللبس وفق الشريعة الأسلامية واسع ولا يشف ولا يظهر جزء من جسم المرأة أما

السؤال فهو اذا توفر هذا اللبس ماذا تفضلين هذا اللبس ام العباءة ؟؟

الناس اللي رايحين لندن وتشوفهم ما شاء الله عليهم عبيهم ونقاباتهم ولكن !!!!!!!!!

المكياج الكامل والشدو والكحل من تحت النقاب والمشكلة عايشين في مناطق كلها خليجين

وقطريين .

شخصيا افضل منطقة بعيدة عن الاهل ياخذ الواحد راحته يتنفس هواء نقي لاناقد ولا منقود

ولا عباءة اشوف الجلباب يؤدي دورة على اكمل وجه لأن العباءة صارت كأنها اعلان نيون

تجذب العيون الغير مرغوب فيها .

[عاشق الشهادة]

هلا وغلأ فيج وبأمثالج وبارك الله فيج ياأختي !!!

[سارونه]

موضوع ممتااااااااااااااااااز جدا

ماقصرتي

بارك الله فيج

[miss-qatr]

كلام جميل
يعطيج الف عافية


الله يعااافيك

وشاكره لك مرورك :)


الله يعطيييج الف عاافية على التذكير..

والله يهديهم يارب .. كلامج صحيح بس مابقول لو وراهم ريال ماسووا جذي..

لكن بقول لو فالبداية التربية كانت سليمة ماكان صار هاي حالهم ..

والا شنو يعني البس العباة داخل البلاد لان فيها ريايل بس الي برا يمكن مو ريايل..

الله يثبتنا على قناعاتنا ويهديهم وينتبهون ان الدنيا يومين ولا موعد الرحيل مابيكون بعد تاجيل..

شكرااا غلاي على الموضوع


ياهلاااااااا ومرحباااا بالقاطعه :weeping:


اللهم آآمين يااموله والعفووو

وهو تذكير لنا كلنا محد فينا كامل :)


تسلمين على هالمرور الحلو من الصبح

[miss-qatr]

بارك الله فيج


تسلم ياخوي

وشاكره لك مرورك :)


موضوعك رااائع وتمسكك بدينك وعاداتك وافتخارك بكونك خليجيه اجمل واجمل

لكن هالموضوع من زماااان يمكن هالايام زادت عن حدهاااااا لانهم قبل ما يوصلوا البلد وهما في الطياره

بتشيل العبايه ... لما نوصل المطار وينزلوا الركاب بتقولي هادول من وين اجواااااا ووين كانوا!!!!!!


حتى لما انكون قاعدين في مطعم او في اي مكان والله ما ابتعرفي انهم خليجين الا لما بيحكواااااا


الله يهدي الجميع





يعطيك العافيه اختي

اختي الغاليه شروق دايماً تنورين مواضيعي ببصمتك وردك :)


تسلمين وربي يعااافيك ان شاء الله


كل الشكر لك على هالرد

[miss-qatr]

احس بعض الدول ماتصلح لها عبايه ...شفيه اللبس الكويتي ووسيع وطويل وساتر ...هذا رأيي
.
.
يعطيج الف عافية على الاهتمام والغيرة

انا اتفق مع كلامك اختي وهالشي ذكرته

بس للأسف اللي نشوفه غير .. ان فصخو العبايات تنصدم باللبس


الله يعافيك وشاكره لك مرورك


الله يهدي الجميع

اللهم آمين

جزاك الله خير اختي على هالدعوه :)

[صمت القلوب]

بارك الله فيج وكثر الله من امثــــالج ...
وعسى الله يذكرج بالشهاده ..

لج خالص احترامي وتقديري ...
اختج ..

صمت القلوب

[نووون]

أختي الكريمة
هناك قاعدة في علم البرمجة اللغوية العصبية تقول :
كل فعل وراءه نية حسنة
سؤال : ممكن تسألين وتقولين واش النية الحسنة لما البنت تفصخ عبايتها في السفر ؟
اذا سألتي أي بنت في السفر ليش فاصخة عبايتها في السفر ؟
راح ترد عليج :
1 ربما اواجه مضايقات في بلاد الغرب وانا لابسة عباية
2 ان في الرجال في الغرب موب مثل الرياييل عندنا اهني كل واحد في حاله
3 ابي افتك شوية من العباية
4 في السفر حرية فليش اتقيد بالعباية
5 العباية موب عملية
6 ابي اكشخ

ربما تكون هذه إجابة الكثيرات
نزين واش الحل :
من وجهة نظري أن النقد ما يغير شي ، وربما يؤدي إلى نوع من العناد وسماع كلمة كيفي أنا حرة
نزين أش الحل
الحل : نحن نحتاج تغير قناعات الأخوات اللي يشيلون العبايات في السفر
وصدقيني أختي العبايات الحين حتى في بلادنا مفسوخة ، الحين يوم تشوفين واحده لابسه عباية راصه على جسمها كانها استريش ، هذه كاسية عارية
الشي الثاني اللي تلبس عباية في السفر أو تلبس لبس ساتر ممكن تلبس بنطلون واسع وقميص واسع لين تحت الركبة استر للي ما تبي تلبس عباية او جلباب في السفر
الشي الثالث يجب ان نكون إيجابيين ونحاول ان نصنع فارق بأن ندعو بالحكمة والمحبة والقبول لكل وجهة نظر سليمة
ودمتي بخير اختي
ا
مع تحيات
اخوج أنا إيجابي

[الامانه]

الله يستر عليهم وين ما كانوا

[الألماسي]

واذا كلــش كلــش تبـي تاخــذ راحتهــا عليهــا بالجلبــــاب " عملــي " :nice:

يعطيــج العافيــه أختـي

: )

[هتـان قطر]

" ذكر فإن الذكرى تنفع المؤمنين"

ماقصرتي مس قطر..الله يجعله في ميزان حسناتك

[ذيبه مزاجيه]

الله يهدي الجميع ان شاء الله و يستر عليهم

وكل واحد بيتحاسب عن نفسه بالنهايه

الواحد عليه انه ينصح ويكون برى ذمته باذن الله والدور و الباقي على اللي المفروض انهم يتقبلون النصيحه وربي يهديهم لطريق الصواب و يطبقون

جزاج الله خير اختي وكثر الله من امثالج

ويظل الانسان مهما سوى ناااااقص اللي ينتقد و اللي ينتقدونه وهذي حال الدنيا

محد كامل سوى الله تعالى عسى الله ان يهدي الجميع ان شاء الله ويستر عليهم

تحياتي و احترامي لكاتبة الموضوع ^_^

[شاهيناز]

العبايه مب لباس اسلامي

والعبايه بشكلها الحالي اكثر اغراء من كثير من ملابس المحجبات

اشوف البنات الي في الخارج يلبسون ملابس محتشمه اكثر من

لو لبسو عبايه

انا البس العبايه مب عشان محتشمه لان المكان الي اسافر له
كثير من هلي هناك جذيه البس العبايه
لكن لما اغير المكان اشيل العبايه

والله يهدي الجميع

[سعد آل شريم]

كلامك مسمار في لوح ... بس للأسف تنفخين في درام مبطوط ..

ياليت كل من يسافر يقرأ هالموضوع والمهم أنه يطبق علشان تتوفق في السفر ....

أشكرج أختي على الموضوع القيم وتقبلي مروري المتواضع

[Abdulla Ahmed]

" وذكر فإن الذكرى تنفع المؤمنين"

ماقصرتي مس قطر..الله يجعله في ميزان حسناتك
الحجـــــــــــــــــــــــــــــــاب


بحجابك مهما يقال تمسكي **** له لاتملي ومنه لاتتذمري
هو درعك عند الذئاب تحصني****به تكسبي الخير ومعه تسعدي
لاتسمعين كلامهم لاتضعفي*****مهما يقول الفاسقون تجلدي
بحجابك يسمو الحياء ويرتقي****فحجابك سترا لكي لاتفتني
به يااخيتي قد اطعتي لربك****وبقدوتي خير الانام محمدي
لاتشتريه منمقا ومطرزي****او فاضحا او ضيقا ومزركشي
بلباسك هاذا اخيتي تاثمي****وتطيعي من يهوى الخداع تفكري
فلك انا والله ادعو وارتجي****بأن تسلكي درب الحبيب و تثبتي
فهيا معي هيا اقول ورددي****أنا لا ولن ارضى بذلي ولاانحني
وختام قولي أحمد ربي خالقي****على نعمة الاسلام وهدى محمدى

منقول

[عبدالله الخوار]

انا مع العباية بشدة .. بس مب مع النقاب

ومشكورة الاخت مس ديور على النصيحة

للاخوات :)

اما في الدول الااوربية والله الخليجيات

فاصخات الحيا

ياليت جات على العباية .. الا شوفي اللبس

اللي يلبسونه .. والله استحي يوم اشوفهم

:)

مرة شفت موقف .. الصراحه حسيت بالفخر

كنت في احدى الدول الاسكندنافية .. وكنت

قاعد بمطعم .. بس كنت في الواجهه على

طول :)

دشت علينا وحدة والظاهرمعاها زوجها .. لابسة

عباية .. معتدلة وكاشفها ويهها بدون ميك اب

ولا خرابيط :)

المهم ان كبير الخدم اللي هناك والموظفات

استقبلوها .. استقبال حار .. وانا اطالع واسمع

اسئلوها انتي برنسيسه ؟ قالت لاء

ليش ؟ قالوا لها لبسج يبين انج برنسيسة

طبعا بالانجليزي .. الكلام

.. لبسنا مافيه .. شي الا حشمة وقمة في الاحترام


طولت شكلي :)

[SaryQatar]

العباه قد لا تصلح في بعض الدول , أهم شيء اللبس المحتشم والفضفاض

[مرسيدس]

العباية ما فيها شي في الدول الاوروبية اصلا هم تعودوا على شكلها وما عد يستغربون هالشي
انا البس عباية ونقاب مثل شكلي في الدوحة ما اغير شي لاني مقتنعة بالحجاب يكون واحد بكل مكان
بس التعليقات والنظرات ما تجيني من الاجانب ابدا ابدا(اللهم من البزران بعضهم يتروعون من الشكل)بس اهلهم عادي جدا وما لقيت الا الاحترام
لكن للاسف المواقف تجي من الخليجين رجال ونساء الرجال يقطون تعليقات والنساء الله وكيلك بالنظرات كأني مسوية شي غلط !!!
بس الحمد الله انا مسوية شي ما يقدرون عليه واحتسب اجري عن رب العالمين

[تاله]

يعطيج العافيه

[بنت سعادة السفير]

تسلمين اختي على طرحج لهذا المووضووع

يازين البنت برزتها وبرزة عبااتها في ذمتي

والله لوارووووووح جزر القمر مافصخت عباااتي خخخخخ

[miss-qatr]

الله الله في اللبس وفق الشريعة الأسلامية واسع ولا يشف ولا يظهر جزء من جسم المرأة أما

السؤال فهو اذا توفر هذا اللبس ماذا تفضلين هذا اللبس ام العباءة ؟؟

الناس اللي رايحين لندن وتشوفهم ما شاء الله عليهم عبيهم ونقاباتهم ولكن !!!!!!!!!

المكياج الكامل والشدو والكحل من تحت النقاب والمشكلة عايشين في مناطق كلها خليجين

وقطريين .

شخصيا افضل منطقة بعيدة عن الاهل ياخذ الواحد راحته يتنفس هواء نقي لاناقد ولا منقود

ولا عباءة اشوف الجلباب يؤدي دورة على اكمل وجه لأن العباءة صارت كأنها اعلان نيون

تجذب العيون الغير مرغوب فيها .

رايك على راسي اختي دله وربي يعينا على ان انكون احسن بصورتنا وشكلنا بدون ما نسىء حق نفسنا :)


كل الشكر لك اختي دله على مرورك


تحياااااتي لك



هلا وغلأ فيج وبأمثالج وبارك الله فيج ياأختي !!!


تسلم اخوي الشهاده لي

وانا بعد اشكر لك مرورك وتعليقك :)


موضوع ممتااااااااااااااااااز جدا

ماقصرتي

بارك الله فيج


وفيك اختي

وتسلمين على مرورك :)

[miss-qatr]

بارك الله فيج وكثر الله من امثــــالج ...
وعسى الله يذكرج بالشهاده ..

لج خالص احترامي وتقديري ...
اختج ..

صمت القلوب
وفيك اختي الغاليه

وتسلمين يا صمت على ردك بالموضوع :)

وكل التقدير موصول لك ياصمت



أختي الكريمة
هناك قاعدة في علم البرمجة اللغوية العصبية تقول :
كل فعل وراءه نية حسنة
سؤال : ممكن تسألين وتقولين واش النية الحسنة لما البنت تفصخ عبايتها في السفر ؟
اذا سألتي أي بنت في السفر ليش فاصخة عبايتها في السفر ؟
راح ترد عليج :
1 ربما اواجه مضايقات في بلاد الغرب وانا لابسة عباية
2 ان في الرجال في الغرب موب مثل الرياييل عندنا اهني كل واحد في حاله
3 ابي افتك شوية من العباية
4 في السفر حرية فليش اتقيد بالعباية
5 العباية موب عملية
6 ابي اكشخ

ربما تكون هذه إجابة الكثيرات
نزين واش الحل :
من وجهة نظري أن النقد ما يغير شي ، وربما يؤدي إلى نوع من العناد وسماع كلمة كيفي أنا حرة
نزين أش الحل
الحل : نحن نحتاج تغير قناعات الأخوات اللي يشيلون العبايات في السفر
وصدقيني أختي العبايات الحين حتى في بلادنا مفسوخة ، الحين يوم تشوفين واحده لابسه عباية راصه على جسمها كانها استريش ، هذه كاسية عارية
الشي الثاني اللي تلبس عباية في السفر أو تلبس لبس ساتر ممكن تلبس بنطلون واسع وقميص واسع لين تحت الركبة استر للي ما تبي تلبس عباية او جلباب في السفر
الشي الثالث يجب ان نكون إيجابيين ونحاول ان نصنع فارق بأن ندعو بالحكمة والمحبة والقبول لكل وجهة نظر سليمة
ودمتي بخير اختي
ا
مع تحيات
اخوج أنا إيجابي

اول شي اشكرك ياخوي على كل اضافه اضفتها لانها وضحت اشيى كثيره بالموضوع :)

وكلامك سليم بس المشكله ما يقدر الواحد يغير القناعات بسهوله بس اللي نقوله ربي قادر على كل شي وممكن نصيحه بسيطه على شخص لكن اثرها يكون كبير :victory:


تسلم على هالرد

[miss-qatr]

الله يستر عليهم وين ما كانوا

اللهم امين

ويهدينا اجمعين ويثبتنا :)

تحيااااتي لك



واذا كلــش كلــش تبـي تاخــذ راحتهــا عليهــا بالجلبــــاب " عملــي " :nice:

يعطيــج العافيــه أختـي

: )

الله يعافيك

ومب شرط جلباب الحين فيه عبايات مسكره مثل الجلباب واحسن لانها سودا :nice:


تسلم على مرورك ياخوي:)

[بوخالد2]

مشكوره اختى على الموضوع الجميل هذاا

وصحيح امحق رجال اللى معاهم هذا

في الله يسلمج في المتحجبه او غيره يسوى عبايه اسلاميه للخارج

لبس محترم معا الشيله وهذا يفي بالغرض ان شاءالله :)

[miss-qatr]

" ذكر فإن الذكرى تنفع المؤمنين"

ماقصرتي مس قطر..الله يجعله في ميزان حسناتك

ربي يجزيك مثله يا الغاااليه

يشرفني مرورك وردك بمواضيعي :)

كل التقدير لك اختي


الله يهدي الجميع ان شاء الله و يستر عليهم

وكل واحد بيتحاسب عن نفسه بالنهايه

الواحد عليه انه ينصح ويكون برى ذمته باذن الله والدور و الباقي على اللي المفروض انهم يتقبلون النصيحه وربي يهديهم لطريق الصواب و يطبقون

جزاج الله خير اختي وكثر الله من امثالج

ويظل الانسان مهما سوى ناااااقص اللي ينتقد و اللي ينتقدونه وهذي حال الدنيا

محد كامل سوى الله تعالى عسى الله ان يهدي الجميع ان شاء الله ويستر عليهم

تحياتي و احترامي لكاتبة الموضوع ^_^

كلام ذهب والله

وربي يجزيك بمثله اختي


تسلمين على مرورك وكلماتك الذهبيه :victory:

[miss-qatr]

العبايه مب لباس اسلامي

والعبايه بشكلها الحالي اكثر اغراء من كثير من ملابس المحجبات

اشوف البنات الي في الخارج يلبسون ملابس محتشمه اكثر من

لو لبسو عبايه

انا البس العبايه مب عشان محتشمه لان المكان الي اسافر له
كثير من هلي هناك جذيه البس العبايه
لكن لما اغير المكان اشيل العبايه

والله يهدي الجميع

طول ما الوحده اختي عارفه ان لباسها مافيه شي يعيب ما يمنع انها تفصخ عباتها وهالكلام ذكرته بالموضوع :)


اللهم آمين وشاكره لك شاهي على هالمرور الحلو


كلامك مسمار في لوح ... بس للأسف تنفخين في درام مبطوط ..

ياليت كل من يسافر يقرأ هالموضوع والمهم أنه يطبق علشان تتوفق في السفر ....

أشكرج أختي على الموضوع القيم وتقبلي مروري المتواضع


اتمنى مايكون في درام مبطوط ههههههه

فيه ناس كثير فيهم الخير وماتدري يمكن كلمه الواحد يقراها ويقتنع فيها وينفذها احسن من موضوع كامل :victory:


تسلم ياخوي على مرورك :)

[بوحارب]

جزاج الله خير والله يكثر من امثالج على هالكلام الطيب

[The future]

موضوع نساي مقدر اطرح وجهة نظري:)

[ذوق]

تسلمين يالغاليـه على موضوعج...لكن لنكون واقعين أكثر

من وجهة نظـري..إن الأحداث السياسيه التي حصلت وبالتحديد بعد أحداث سبتمبر..للأمانه الواحد بدى يخاف مب من شئ بس ( حلاة الروح ) ... يعني القصد من العبايه هي عدم لفت الأنتباه ،، ولكن الأن أصبحت العبايه ملفته أكثر من اللبس العادي..وكأنها أعلان نيون من بعيد على قولة اختنا دلة الرسلان ...وثـانيآ الفخر بأني مسلمه بيني وبين ربي مب لازم أسوي أعلان للكل أني مسلمه
( لأن من وجهة نظر الأجانب ان المسلم ذو اللحيه الطويله والثوب القصير = أرهابي وهذا أيضآ ينطبق على لبس العباءه والنقاب والخ ... ) فالوسط والستر من افضل الأمور..بدون زخارف والوان مالها داعي..وخير الكلام ماقل ودل :)

أذكر موقف صارلي في مونتريال في كندا...من شافوني بس لابسه شيله وتخيلوا بدون عبايه..انسبيت سب من الأجانب وانضربت بقوطـي ماي..على ظهري... :(

في ذمتكم وتبوني البس عبايه :(

[miss-qatr]

الحجـــــــــــــــــــــــــــــــاب


بحجابك مهما يقال تمسكي **** له لاتملي ومنه لاتتذمري
هو درعك عند الذئاب تحصني****به تكسبي الخير ومعه تسعدي
لاتسمعين كلامهم لاتضعفي*****مهما يقول الفاسقون تجلدي
بحجابك يسمو الحياء ويرتقي****فحجابك سترا لكي لاتفتني
به يااخيتي قد اطعتي لربك****وبقدوتي خير الانام محمدي
لاتشتريه منمقا ومطرزي****او فاضحا او ضيقا ومزركشي
بلباسك هاذا اخيتي تاثمي****وتطيعي من يهوى الخداع تفكري
فلك انا والله ادعو وارتجي****بأن تسلكي درب الحبيب و تثبتي
فهيا معي هيا اقول ورددي****أنا لا ولن ارضى بذلي ولاانحني
وختام قولي أحمد ربي خالقي****على نعمة الاسلام وهدى محمدى

منقول

ربي يجزيك بالمثل ياخوي

وتسلم على هالاضافه :)





انا مع العباية بشدة .. بس مب مع النقاب

ومشكورة الاخت مس ديور على النصيحة

للاخوات :)

اما في الدول الااوربية والله الخليجيات

فاصخات الحيا

ياليت جات على العباية .. الا شوفي اللبس

اللي يلبسونه .. والله استحي يوم اشوفهم

:)

مرة شفت موقف .. الصراحه حسيت بالفخر

كنت في احدى الدول الاسكندنافية .. وكنت

قاعد بمطعم .. بس كنت في الواجهه على

طول :)

دشت علينا وحدة والظاهرمعاها زوجها .. لابسة

عباية .. معتدلة وكاشفها ويهها بدون ميك اب

ولا خرابيط :)

المهم ان كبير الخدم اللي هناك والموظفات

استقبلوها .. استقبال حار .. وانا اطالع واسمع

اسئلوها انتي برنسيسه ؟ قالت لاء

ليش ؟ قالوا لها لبسج يبين انج برنسيسة

طبعا بالانجليزي .. الكلام

.. لبسنا مافيه .. شي الا حشمة وقمة في الاحترام


طولت شكلي :)

تسلم ياخوي على التوضيح وهذا اللي اقصده

ربي يعطيك العااافيه :)

اي والله الوحده تقدر اتخلي الكل يحترمها بلبسها وبطريقه تعاملها مع الاجانب

تحياااااتي لك

[miss-qatr]

العباه قد لا تصلح في بعض الدول , أهم شيء اللبس المحتشم والفضفاض


هذا القصد بس اللي نشوفه عجب العجاب من اللبس الضيق والجينزات

يعني قلنا العباه على الاقل حتى الوحده لو لبست بنطلون يغطي دامها مسكرتها


يعطيك العااافيه عالرد



العباية ما فيها شي في الدول الاوروبية اصلا هم تعودوا على شكلها وما عد يستغربون هالشي
انا البس عباية ونقاب مثل شكلي في الدوحة ما اغير شي لاني مقتنعة بالحجاب يكون واحد بكل مكان
بس التعليقات والنظرات ما تجيني من الاجانب ابدا ابدا(اللهم من البزران بعضهم يتروعون من الشكل)بس اهلهم عادي جدا وما لقيت الا الاحترام
لكن للاسف المواقف تجي من الخليجين رجال ونساء الرجال يقطون تعليقات والنساء الله وكيلك بالنظرات كأني مسوية شي غلط !!!
بس الحمد الله انا مسوية شي ما يقدرون عليه واحتسب اجري عن رب العالمين

ربي يجزيك ياختي كل الخير

وان شاء الله بيوم نصير مثلك بالنقاب :)


تحيااااااااتي وتقديري لك

[التيما]

صراحه انا مع قناعاتي الشخصيه الي ما تخالف الدين ولله الحمد .. يعني البس لبسي المعتاد حسب البلد الي اروحه يعني لمن رحت الصين نفعني اللبس الكويتي المحتشم لان محد يلبس عبايه فبكون ملفته اكثر عشان كذا شلتها .. بس في تايلند وماليزيا البسهم في التسوق والتمشي بس رحلات السفاري الي فيها ركض وبحر وكهوف لا ... وفي اوروبا البسها عادي لان وايد يلبسونها هناك بس مجرد ماروح مكان مافيه عرب وايد ماحب الفت الانتباه فأشيلها .. يعني حسب البلد اذا متعودين عالعبي من عدمه يعني ماتخيل نفسي اروح روسيا والبس عبايه .. بس لو رحت اليابان ان شاء الله بالبسها لانهم شعب مشغول وكل لاهي بنفسه و يحترمونك ومايهمهم لبسك ولا يطالعونك أصلا ..

[عذب الكلام 1]

اللي لابسه عبايه عن قناعه تامه من نفسها لايمكن اتشيلها لاى سبب من الاسباب سواء هنا او في الغرب
لكن اللى لبسته عشان العادات والتقاليد من السهوله تفصخه وهي في البلد مثل ما تدخل الحرم الجامعي من الباب اتشيله الخادمه وتدخل من غير عبايه المساله قناعه ودين واخلاق الى مقتنعة ودينه لا يمكن ان تفصخ العبايه والحجاب مهما كان السبب

[الماسه79]

بارك الله فيك وكثر الله من امثالك ونسال االله الهداية لشبابنا وبناتنا والستر

[المارونـــي]

الصراحه وبكل احترام اوجه لج اكبر تحيه على هالمووضوع الرائع
وانا عاجر عن ابداء رائي لانه لو اكتب من اليوم ليه بكره ماراح اكفي
بس الاهم اشكرج على هالموضوع واتمنى انه اللي يسون هالاشياء يقتنعون
تقبلي مروري اخوي

[فلفل حار]

الاخلاق والتربيه ان راحو عن الرجل مصيبه

فما بالج ان راحو عن البنت ؟ :)

[أبا خطاب الهلالي]

لما كانت عادة العربيات التبذل وكن يكشفن وجوههن كما تفعل الإماء، وكان ذلك داعياً إلى نظر الرجال إليهن، وتشعب الفكرة فيهن، وكانت المرأة من نساء المؤمنين قبل نزول آية الأحزاب تبرز للحاجة فيتعرض لها بعض السفهاء يظن أنها أمة فتصيح به، فشكوا ذلك إلى النبي صلى الله عليه وسلم .
عند ذلك أنزل الله عز وجل على نبيه قوله: ( يا أيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين ) [الأحزاب: 59] يأمره فيها بأن يلزم زوجاته ونساء المؤمنين بستر جميع أبدانهن إذا خرجن لحوائجهن، ليقع الفرق بينهن وبين الإماء فتعرف الحرائر بسترهن فيكف عن معارضتهن الشباب والسفهاء، وليعرفن بالحصانة والتقوى والعفاف فلا يؤذين بأعمال سافلة، ولا تنغص حياتهن بنظرات وقحة، فإن المؤمنة التقية يجب أن يدل مظهرها على مخبرها، وأن يبدو إيمانها وتقواها في ملبسها كما يبدو في أقوالها وأعمالها وأن يسطع الإيمان في كل تصرفاتها وأحوالها، فتعرف أنها من أهل القرآن بتنفيذها أوامره، فيحترمها المؤمنون ولا يؤذيها الفاسقون.

وفي السورة نفسها أنزل الله تعالى في شأن أمهات المؤمنين قوله: ( وإذا سألتموهن متاعاً فاسألوهن من وراء حجاب ذلكم أطهر لقلوبكم وقلوبهن ) [الأحزاب:53] فدخل في ذلك جميع نساء الأمة لعموم علة وجوب الحجاب، ولما تضمنته أصول الشريعة من أن المرأة كلها عورة، فلا يجوز لها كشف وجهها ولا كفيها فأولى غيرهما.

[miss-qatr]

يعطيج العافيه

الله يعافيك

تسلمين عالمرور


تسلمين اختي على طرحج لهذا المووضووع

يازين البنت برزتها وبرزة عبااتها في ذمتي

والله لوارووووووح جزر القمر مافصخت عباااتي خخخخخ


الله يسلمك اختي ساره

جزر القمر :secret:

شاكره لك مرورك :victory:

[miss-qatr]

مشكوره اختى على الموضوع الجميل هذاا

وصحيح امحق رجال اللى معاهم هذا

في الله يسلمج في المتحجبه او غيره يسوى عبايه اسلاميه للخارج

لبس محترم معا الشيله وهذا يفي بالغرض ان شاءالله :)

اتفق معاك ياخوي

شاكره لك مرورك وتعليق بالموضوع :)


تحيااااتي لك يابوخالد2:nice:


جزاج الله خير والله يكثر من امثالج على هالكلام الطيب


ربي يجزيك بمثله واحسن منه ياخوي

تسلم على هالمرور بموضوعي :)


موضوع نساي مقدر اطرح وجهة نظري:)


تسلم على مرورك :)

[miss-qatr]

تسلمين يالغاليـه على موضوعج...لكن لنكون واقعين أكثر

من وجهة نظـري..إن الأحداث السياسيه التي حصلت وبالتحديد بعد أحداث سبتمبر..للأمانه الواحد بدى يخاف مب من شئ بس ( حلاة الروح ) ... يعني القصد من العبايه هي عدم لفت الأنتباه ،، ولكن الأن أصبحت العبايه ملفته أكثر من اللبس العادي..وكأنها أعلان نيون من بعيد على قولة اختنا دلة الرسلان ...وثـانيآ الفخر بأني مسلمه بيني وبين ربي مب لازم أسوي أعلان للكل أني مسلمه
( لأن من وجهة نظر الأجانب ان المسلم ذو اللحيه الطويله والثوب القصير = أرهابي وهذا أيضآ ينطبق على لبس العباءه والنقاب والخ ... ) فالوسط والستر من افضل الأمور..بدون زخارف والوان مالها داعي..وخير الكلام ماقل ودل :)

أذكر موقف صارلي في مونتريال في كندا...من شافوني بس لابسه شيله وتخيلوا بدون عبايه..انسبيت سب من الأجانب وانضربت بقوطـي ماي..على ظهري... :(

في ذمتكم وتبوني البس عبايه :(


ههههههههههههههههههههههههههههه والله ياذوق ضحكتيني

حسبي الله على من حذفك بالماي

انا ياختي قلت عن العباه لان اغلب المناطق اللي نروح لها كلها خليجيين بس اكيد بمناطق انك تفصخينها احسن بس المشكله مب اهنيه .... المشكله ببعض البنات ربي يهديهم اللي لبسها والله انه يخدش الحيا


بس ليش مانسوي اعلان ان احنا مسلمات وخصوصاً اذا كان احتكاكك بالاجانب مباشر ؟؟

والله ياذوق مره صار لي موقف وكنت بروحي هالموقف خلاني اتصرف بطبيعه اخلاقنا وهو مبلغ زياده ..... رحت ورجعته

تمت الموظفه اطالعني فتره طويله وبعدين قالت لي انا مب قادره اصدق انك جايه بس عشان اتردين وات؟أكدين انه مب لك؟؟؟

قلت لها لازم اني ارجعه لان مايصير اخذ شي مب من حقي


شفتي لو بتفكر فيها اش بتقول ؟؟ بتقول المسلمات هذي اخلاقهم وبتعمم الشي صح ولا لا :)

حتى لو كان فيه ناس يشوهون صورتنا باسلوبهم والفاظهم على بالهم عايشين بغابه مايعرفون حتى التفاهم ماعندهم الا الهواش

بس على الاقل انوصل صورة عدله :nice:


تسلمين على مرورك واضافتك يا ذوق


صراحه انا مع قناعاتي الشخصيه الي ما تخالف الدين ولله الحمد .. يعني البس لبسي المعتاد حسب البلد الي اروحه يعني لمن رحت الصين نفعني اللبس الكويتي المحتشم لان محد يلبس عبايه فبكون ملفته اكثر عشان كذا شلتها .. بس في تايلند وماليزيا البسهم في التسوق والتمشي بس رحلات السفاري الي فيها ركض وبحر وكهوف لا ... وفي اوروبا البسها عادي لان وايد يلبسونها هناك بس مجرد ماروح مكان مافيه عرب وايد ماحب الفت الانتباه فأشيلها .. يعني حسب البلد اذا متعودين عالعبي من عدمه يعني ماتخيل نفسي اروح روسيا والبس عبايه .. بس لو رحت اليابان ان شاء الله بالبسها لانهم شعب مشغول وكل لاهي بنفسه و يحترمونك ومايهمهم لبسك ولا يطالعونك أصلا ..

كلامك عدل يا التيما

تسلمين على مرورك

نورتي الموضوع :)

[miss-qatr]

اللي لابسه عبايه عن قناعه تامه من نفسها لايمكن اتشيلها لاى سبب من الاسباب سواء هنا او في الغرب
لكن اللى لبسته عشان العادات والتقاليد من السهوله تفصخه وهي في البلد مثل ما تدخل الحرم الجامعي من الباب اتشيله الخادمه وتدخل من غير عبايه المساله قناعه ودين واخلاق الى مقتنعة ودينه لا يمكن ان تفصخ العبايه والحجاب مهما كان السبب

:victory::victory:


تسلم على هالرد :)

بارك الله فيك وكثر الله من امثالك ونسال االله الهداية لشبابنا وبناتنا والستر


اللهم آمين

وشاكره لك مرورك اختي


تحياااااتي لك :)


الصراحه وبكل احترام اوجه لج اكبر تحيه على هالمووضوع الرائع
وانا عاجر عن ابداء رائي لانه لو اكتب من اليوم ليه بكره ماراح اكفي
بس الاهم اشكرج على هالموضوع واتمنى انه اللي يسون هالاشياء يقتنعون
تقبلي مروري اخوي


العفووو ياخوي

انا اللي شاكره لك مرورك اللي شرفني

يعطيك العااااااافيه

[عاصم السوري]

كلامك صح 100% هادا اللي اشوفه عنا بسوريا

[alwahesh]

يعطيج الف عافية


بس بعد العبايه دام انها ما تستر ما اعتقد ان لها حاجه وخاصه في الدول الغربيه

تلفت النظر سواء من اهل البلد او الخليجيين وخبرج المضايقات والنغزات

انا من رأيي الشخصي ان المره تكون محتشمه وعليها الحجاب ولا بأس لو تلبس بالطو يسترها

العبايه لبس تقليدي مب شرعي وخاصه هالايام

[miss-qatr]

الاخلاق والتربيه ان راحو عن الرجل مصيبه

فما بالج ان راحو عن البنت ؟ :)

تسلم يافلفل على هالمرور

تحيااااتي لك :)



لما كانت عادة العربيات التبذل وكن يكشفن وجوههن كما تفعل الإماء، وكان ذلك داعياً إلى نظر الرجال إليهن، وتشعب الفكرة فيهن، وكانت المرأة من نساء المؤمنين قبل نزول آية الأحزاب تبرز للحاجة فيتعرض لها بعض السفهاء يظن أنها أمة فتصيح به، فشكوا ذلك إلى النبي صلى الله عليه وسلم .
عند ذلك أنزل الله عز وجل على نبيه قوله: ( يا أيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين ) [الأحزاب: 59] يأمره فيها بأن يلزم زوجاته ونساء المؤمنين بستر جميع أبدانهن إذا خرجن لحوائجهن، ليقع الفرق بينهن وبين الإماء فتعرف الحرائر بسترهن فيكف عن معارضتهن الشباب والسفهاء، وليعرفن بالحصانة والتقوى والعفاف فلا يؤذين بأعمال سافلة، ولا تنغص حياتهن بنظرات وقحة، فإن المؤمنة التقية يجب أن يدل مظهرها على مخبرها، وأن يبدو إيمانها وتقواها في ملبسها كما يبدو في أقوالها وأعمالها وأن يسطع الإيمان في كل تصرفاتها وأحوالها، فتعرف أنها من أهل القرآن بتنفيذها أوامره، فيحترمها المؤمنون ولا يؤذيها الفاسقون.

وفي السورة نفسها أنزل الله تعالى في شأن أمهات المؤمنين قوله: ( وإذا سألتموهن متاعاً فاسألوهن من وراء حجاب ذلكم أطهر لقلوبكم وقلوبهن ) [الأحزاب:53] فدخل في ذلك جميع نساء الأمة لعموم علة وجوب الحجاب، ولما تضمنته أصول الشريعة من أن المرأة كلها عورة، فلا يجوز لها كشف وجهها ولا كفيها فأولى غيرهما.

ماادري ياخوي انا مب مؤهله اني افتي بهالنقطه ... بس اللي اعرفه ان الوجه واليد مسموح الوحده تكشفهم .. يمكن جهل مني بس هذا اللي سمعته :)


جزاااك الله خير

[miss-qatr]

كلامك صح 100% هادا اللي اشوفه عنا بسوريا


الله يهدي الجميع يارب

وهذا الرد يبين ان البعض مايلبسون العبايه لمجرد انهم مايلبسونها مع انه ماله داعي بأي دوله عربيه !!!!!!!


شكراً عالمرور



يعطيج الف عافية


بس بعد العبايه دام انها ما تستر ما اعتقد ان لها حاجه وخاصه في الدول الغربيه

تلفت النظر سواء من اهل البلد او الخليجيين وخبرج المضايقات والنغزات

انا من رأيي الشخصي ان المره تكون محتشمه وعليها الحجاب ولا بأس لو تلبس بالطو يسترها

العبايه لبس تقليدي مب شرعي وخاصه هالايام


الله يعافيك ياخوي
وجهه نظر احترمها :)

تسلم على مرورك

[ســـهم]

صدقتي مسس ويعطيج العافيه

قبل اسبوع تقريبا في نفس الطائره دخلو بعبايات واول ماركبو على كري الطياره سالت عنهم احسبهم رجعو

قالو موجودين تغير اللنيو لك حقهم 180 درجه من المطار للطائره

مافيهم صبر شوي :(

[miss-qatr]

صدقتي مسس ويعطيج العافيه

قبل اسبوع تقريبا في نفس الطائره دخلو بعبايات واول ماركبو على كري الطياره سالت عنهم احسبهم رجعو

قالو موجودين تغير اللنيو لك حقهم 180 درجه من المطار للطائره

مافيهم صبر شوي :(


الله يعااافيك ياخوي :)

الله يعينا على هاللنيولوك اللي مانشوف الا التبهدل والافتقار للذوق باختيار اللبس :secret:


تسلم على هالمرور الصبااااحي

وصباااااااااااحك زيزفون :nice:

[ســـهم]

الله يعااافيك ياخوي :)

الله يعينا على هاللنيولوك اللي مانشوف الا التبهدل والافتقار للذوق باختيار اللبس :secret:


تسلم على هالمرور الصبااااحي

وصباااااااااااحك زيزفون :nice:


يقولون تغيرت الى زيفون بعد حذف الزاي بعد الياي خخ اقصد الياء
:nice:

[الوعد2016]

اقول العبايات من باب الطايره مقطةطه لا والي يمسكه الرجال امحق رجال لاغيره ولا احترام للمراءه احترام المراءه بكرامتها السفر عادي لكن الغير عادي هو عدم التستر بالملابس والترك الحجاب والعبايه
نسئل الله العفو والعافيه
مشكوره على الموضوع
وموضوع ممتاز في وقت ممتاز

[حسين بن عاقول]

ياليت كل البنات يفكرون مثلج

بارك الله فيج

[miss-qatr]

يقولون تغيرت الى زيفون بعد حذف الزاي بعد الياي خخ اقصد الياء
:nice:


هالسستم بقاموس بوحارب :secret:


احنا انقول زيزفون :nice:


اقول العبايات من باب الطايره مقطةطه لا والي يمسكه الرجال امحق رجال لاغيره ولا احترام للمراءه احترام المراءه بكرامتها السفر عادي لكن الغير عادي هو عدم التستر بالملابس والترك الحجاب والعبايه
نسئل الله العفو والعافيه
مشكوره على الموضوع
وموضوع ممتاز في وقت ممتاز


تسلم ياخوي

شاكره لك مرورك وتعليقك :)


تحيااااتي لك


ياليت كل البنات يفكرون مثلج

بارك الله فيج

تسلم

وشاكره لك مرورك :)

[كاتم الاسرار]

موضوع ممتاز ويعطيج الف عافيه بس من الي يسمع الله يستر عليهم