عاجل : فيزا حق لندن

[Luxury]

السلام عليكم ..

بغيت استفسر عن فيزا الي حق لندن .. انا سفرتي عقب 3 أسابيع وللحين ماسويت الفيزا

السؤال الي بغيت اعرفه

اذا ابي اقدم فالسفاره هل اطرش الدريول يودي الاوراق
ولا لازم انا اروح بكبري عشان يسوون لي بصمه العين ؟؟

[مناحل بوسيف]

لازم انتي تروحين عشان يصورونج وعشان بصمة اليد وثاني يوم بتظهر فيزتج :)

[qatari1]

يجب أن تذهب بنفسك، وكل المسافرين معك لأن هناك بصمة للأصابع، وتصوير أيضاً.
كما يطلبون صورة شخصية بخلفية بيضاء لكل صورة.

ومكان استخراج الفيزا ليس من السفارة بل من مكتب خاص بالتأشيرات يقع بالقرب من إشارات المطار في عمارة شركة الشريف للتجارة والمقاولات.

[راعي ال2008 الاسود]

لزم تروح انت والي بروح وياك بعد على شان الجواز والبصمة بعد وبالتوفيق لك ان شاء الله

[بدور]

بصمة اليد والعين وروح لهم الساعه 8 وخذ لك رقم لان الزحمه تخرع :eek5::omg:

[Q_PG_S]

الموقع الرسمي (http://www.vfs-uk.com.qa/index.aspx)

[alwahesh]

ننتظر رد الخبيره القتصاديه

خبيره لندن

الغاليه وطـــــــــــــــــــــــــــــــــــن

[حالي الذوق]

اذا عندك الاستطاعه تدفع 150 ريال لكل جواز ويدخلونك غرفة الvip وما تنطر الدور طبعا تسوي الحركه هذي اذا شفت ان القاعه مليانه وهي في الغالب تكون مليانه.

[مرسيدس]

لا عط عيونك واصابعك السايق وهو بخلص امورك>>>>> امزح

[relaax]

http://www.visa4uk.fco.gov.uk/ApplyNow.aspx

شوف الرابط

اخر الصفحة اشر عند I have وبعدها كونتينو

بتفتح لك صفحة

حط ايميلك ورقم جوازك وباسورد ( تسجيل عادي )

بعدها بيطلع لك الطلب تعبي فيه البيانات المطلوبة ويكون جاهز وطبعه ع طول وبيرسلك نسخة من الطلب ع ايميلك

بدل ما تعبي الطلب عندهم وتوقف في الكيو

[غناتي1]

الاخوان كفوا ووفوا في الرد على اسئلتك

[auto body]

بالتوفيق لك فى مدينة الضباب

[ح.الملا.ح]

ويفضل اذا تبين تاخذين بو سنتين او 5 سنوات علشان تفتكين ولا اتروحين لان زحمتهم ترفع الضغط

[سهم بن سهم]

العملية بسيطه مافيها اي تعقيد بس المتعب انك تروح بنفسك هناك ياخذون عليك بصمة يد وعين وخصوصا اذا وياك مجموعة حريم واطفال ....الخ

لكن كل شيء منظم وسهالات

تعبي الطلبات مع صورة بخلفية بيضاء

تاخذ رقم وتجي للموظف يدخل بياناتك وتروح تبصم اليد والعين وتاخذ عقبها الوصل

تجيهم بعد يومين بالكثير تلقى جوازك بارز وامورك طيبه


عاد اذا عندك واسطة في السفارة البريطانية تاخذ الجواز في نفس اليوم او بكره :nice:


تحياتي لكم ونشوفكم عقب الاجازه